رايكم في السلقة

[معشي العرجا]

السلام عليكم يالربع
العلم ومافيه انا رجال مالي في السلق ولا قد قنصت بها شوزني تسد اللزوم المهم معي خوي دايم امزح عليه هو وسلقه زعل علي واهداني وحدة من السلق .
انا اقنص الجنوب دايم والحرة ومثل ما تعرفون الجنوب عسر شجر وجبال والحره حفا وشجر مدري المبروكة تطرد في الارض اللي مثل هذي الحرة والا الارض اللي فيها شجر واجد وغابات وهل تطرد على نور الكبس في الليل ولا ضاعت كيف ادورها !
وش افضل اكل لها .اول المحاولات بتكون يوم الثلاثاء ان شاء الله
وسلامتكم

[بدوي.]

انششاء الله انها مبروكة.

ياهلا يا معشي العرجاء"

مبروك السلقه وتاكل من صيدها.

ما انصحك فالحرره السلق تطرد في ارض ماهي وعره افضل لانهن يتكسرن وتبلش بهن ..

على حسب الارضض خلك من الشجرر اذا الارض تساعد وحصاها ماهو كبار وصياهد بتطربك انشاء الله

الوكاد يا بعدي نصيحتي لك لا تقنص الى في ارض تساعد

من ناحيه الاكل عطها بقايا غداك وعشاك ولو تعطيها حليب مع الاكل افود لها ..؟

انشاء الله ما تضييع اذا بغيتها ترجع للموتر طفف نوررك ونادها بسمها ..

وما انصحك بالضررب بما انك جديد عليها عودها عليك افضل لك ."

ولا تنسانى من الصورر صور لنا المقناص :p

ونشأإ الله افدتك لو بالقليل والشباب ما يقصرون / وموفق خير

[ابو ثآمر]

السلوووقي اللي متعوود على الحصااء بيهد وارض الجنوب زينه في موااقع وموااااقع لآ
أما الحره حتى الناقه لآمشت تحفت

خلك على بندقك ترااه زينه للوعر

[على كف القدر]

بارودك لاترخص عليك بالحره واراضيه

[عواد الشمري2]

الله يبارك لك بها ان ضاعت وقف وصت لها لا تقوم تدوج هي تشوفك وتسمع الصوت بس صوت لها
والكل هين بواقي البيت تكفي