طفشنا من كلمة (( لا تبخل علينا )) خصوصاً في هذه الخيمة [الأرشيف]

ددسن مسدرك

27/05/2012, 12:39 AM

السلام عليكم ..

شباب قسم بالله من جد أنا أتنرفز إذا شفت كلمة (( لا تبخل علينا أو لا تبخلون علينا )) و عارف إن أكثر الأعضاء يتنرفز من هالكلمة..

ياللي تقول لا تبخل علينا وش تحس به انت .. ياخي اللي بيعرف وش مشكلة سيارتك والله بيعطيك معلومة و اللي مهب عارف مهب قايل شيء أكييد.. والا تبيه يعطيك معلومه خطأ و تدعي عليه بعدين ؟؟ صح والا لا ؟؟

والا يجيك واحد ويقول (( 70 مشاهدة ولا أحد رد )) غصب هي .. يعني لازم أي واحد يدخل يرد عليك .. يمكن ما يعرف .. يمكن واحد عنده نفس مشكلتك و دخل يشوف فيه حل والا لا .. الله يصلحك بس ..

لازم نغير طريقة تفكيرنا ،،،

الخلاصة : أنت هنا لتبادل الخبرات والحلول وليس لإجبار الأعضاء على الرد على موضوعك أو أعطائك أي معلومة من غير خبرة بقولك (( لا تبخل علينا )) ..

أسأل الله أن يحسن نيّاتنا و أعتذر من المشرفين على التدخل في مثل هذه المواضيع و لكن لحاجة في نفسي ..×

BoOnD

27/05/2012, 09:28 AM

يكفيني نظرة

27/05/2012, 09:43 AM

أبوفيصل 2007

27/05/2012, 09:47 AM

كلام سليم وفي الصميم

فهد2012

27/05/2012, 09:48 AM

بالنسبه لي عادي ....

وخذوها انتم بحسن نيه ... يعني لا تربطون بها اشياء قد لا يكون كاتب هالعباره يفكر فيها ..

ومثل ما قال اخوي بوند هي وسيلة من وسائل شد الانتباه ..

تحياتي

بن لوتيه

27/05/2012, 09:55 AM

وش محرق رزك؟
كل يكتب على هواه
انت منت مسئول عن نصرفات الناس يكتب اللي يبي اذا اعجبك رد
او تكرم بسكوتك

كاشت وحداني

27/05/2012, 10:51 AM

الا صح لسانك
وصدقت ونتمنى عدم رؤية هذه الكلمات في المنتدى والمشكله الاخرى انه لو حصل على الحل وحل مشكلته ما يفيد الشباب بتجربته والحل.

Sent from my iPhone using Tapatalk

ددسن مسدرك

27/05/2012, 11:52 AM

صاااااادق اخووووي

وانا واحد منهم بس ما تدري من غبن بصدورنا والسياره واقفه ع شهر شهرين ما احد لقي لها حل

بس تراى لا اكثر ولا اقل لشد الانتبااه

والله يجزاكم خير منتدى جبااار والاعضاء فيه قمه الاحترام مثلك وشرواك

تقبل مروري

هلا بك يالغالي اذا تقول شهرين واقفه السيارة ولا لقيت حل شف أحد المشرفين على الخيمة وراسله بالخاص ولا هب مقصر معك

شرواك الطيب يا بعدي

ددسن مسدرك

27/05/2012, 11:58 AM

حاول ماتنسى :
تكفوووون...
الحقووووووو...
فزززززعتكم ...
عااااااااجل ....
كلها عبارات تحسسك ان الرجال مربوط بالسريع والسيارات جايه بتوطاه ؟؟؟
فأقترح ان يكتب الشخص مشكلته فقط ولا يسوي زحمه .

ههههههههه عساهم يفهمون بس ان كتابة المشكلة هو المطلوب وبس وليس طلب الفزعات و الترجّي .. واللي بيعرف مشكلتك بيقولك وش تسوي و الحمد لله

ددسن مسدرك

27/05/2012, 11:59 AM

كلام سليم وفي الصميم

جعلك تسلم يا أبو فيصل

ددسن مسدرك

27/05/2012, 12:02 PM

بالنسبه لي عادي ....

وخذوها انتم بحسن نيه ... يعني لا تربطون بها اشياء قد لا يكون كاتب هالعباره يفكر فيها ..

ومثل ما قال اخوي بوند هي وسيلة من وسائل شد الانتباه ..

تحياتي

أحترم وجهت نظرك يالغالي لكن يبقى أنه ما يحتاج يقولون هالعبارات

وحيدالجزيرة B

27/05/2012, 12:04 PM

وانت وش فيك جاي من اقصاك وكل رجال حر باللي يكتبه

الحمدالله علي قل العقل

ددسن مسدرك

27/05/2012, 12:04 PM

وش محرق رزك؟
كل يكتب على هواه
انت منت مسئول عن نصرفات الناس يكتب اللي يبي اذا اعجبك رد
او تكرم بسكوتك

جزاك الله خير على أخلاقك العالية .. والرد اللي كتبته ينعكس عليك

ددسن مسدرك

27/05/2012, 12:06 PM

الا صح لسانك
وصدقت ونتمنى عدم رؤية هذه الكلمات في المنتدى والمشكله الاخرى انه لو حصل على الحل وحل مشكلته ما يفيد الشباب بتجربته والحل.

Sent from my iPhone using Tapatalk

صح بدنك
ووفقك الله لما يحب و يرضى

ددسن مسدرك

27/05/2012, 12:07 PM

وانت وش فيك جاي من اقصاك وكل رجال حر باللي يكتبه

الحمدالله علي قل العقل

الله يعطيك على قد نيتك

abohmad

27/05/2012, 12:54 PM

السلام عليكم ددسن مسدرك والله يا كلامك موزون واصبت الحقيقة واحد يقول الفزعة الحقونى يا عوذ بالله تقول طاردة اسد يا اخى قول مشكلتك واى واحد قد مرت علية مثلها سوف يقولك الحل اما الجميع مهم ملزومين فى الرد اما مثل رد وحيد الجزيرة اقول الله يهديك واختر الرد المحبب للنفوس اما ددسن مسدرك تسلم الايادى

بن لوتيه

27/05/2012, 01:11 PM

جزاك الله خير على أخلاقك العالية .. والرد اللي كتبته ينعكس عليك
منطقيا لازم الواحد يصير على رايك ولا اخلاقه مهيب عاليه؟؟
انت فاضي ولا لقيت شي تكتب
والدليل قولة طفشنا
ولا لك لك الا سنه مسجل في المنتدى
وش عليك من الناس؟؟
(من حسن اسلام المرء تركه مالا يعنيه)

الربذي

27/05/2012, 01:16 PM

السلام عليكم ..

الخلاصة : أنت هنا لتبادل الخبرات والحلول وليس لإجبار الأعضاء على الرد على موضوعك أو أعطائك أي معلومة من غير خبرة ×

http://www.mekshat.com/vb/images/statusicon/thread_hot.gif ددسن مسدرك (http://www.mekshat.com/vb/showthread.php?t=500876)
المشاهدات: 427
أرسلت بواسطة ددسن مسدرك (http://www.mekshat.com/vb/member.php?u=203322)
رد: ددسن مسدرك (http://www.mekshat.com/vb/showthread.php?p=8305331#post8305331)

شباب ردو علي الله يجزاكم خير )

وعليكم السلام
:D:D:D مسكتك متلبس قبل مدة

بن لوتيه

27/05/2012, 01:22 PM

ددسن مسدرك

27/05/2012, 01:51 PM

http://www.mekshat.com/vb/images/statusicon/thread_hot.gif ددسن مسدرك (http://www.mekshat.com/vb/showthread.php?t=500876)
المشاهدات: 427
أرسلت بواسطة ددسن مسدرك (http://www.mekshat.com/vb/member.php?u=203322)
رد: ددسن مسدرك (http://www.mekshat.com/vb/showthread.php?p=8305331#post8305331)

شباب ردو علي الله يجزاكم خير )

وعليكم السلام
:D:D:D مسكتك متلبس قبل مدة

(( ردو علي الله يجزاكم خير )) الحمد لله جبتها انت !!! أنا ما طرت بالعجة و قلت افزززززززرزرزفو ،، أو قلت تكفووووووووون لا تبخلون علينا ،، سلامات ،، الحمد لله ،، كلمة متواضعة و لا فيها تشهيير مثل ما تفضلت انت اتمنى انك تنتبه الله يصلحك

ددسن مسدرك

27/05/2012, 01:54 PM

هاه وين راحت هذي؟
ليش ترضاها لنفسك ولا ترضاها للناس

مع احترامي لك عندك سالفه انت مع الخيل يا شقرا قالو الناس شي بتقول مثلهم إمعة لا أكثر ولا أقل

بن لوتيه

27/05/2012, 01:56 PM

ردو علي الله يجزاكم خير
باموووووووت

هواوي الشمال

27/05/2012, 03:35 PM

وانتم كل مافتحتوا مواضيع زي كذا لازم تتطاقون..ماقد شفت موضوع به نقاش محترم وعادي لازم كل واحد انا الصح وانتم الخطا..وين تبادل الخبرات الي تقولونه وكل واحد يبي يثبت رايه بالغصب..اصلح الله الجميع

بدوي جنوبي

27/05/2012, 07:33 PM

كلام الاخ ددسن صحيح

وسبق وتكلمت عن هذا الموضوع
تكفون@ الفزعه@ الحقوني @ساعدوني @ (http://www.mekshat.com/vb/showthread.php?t=99119)

قد يلاحظ البعض وخاصة الاعضاء الجدد
بأن الردود على اى موضوع قد تكون قليله ولا تقنع السائل
او ربما ينتظر لأكثر من يوم للحصول على رد يستطيع من خلاله أيجاد حل لمشكلته
طبعا السبب :
نحن تعودنا من الاعضاء الكرام بهذا القسم ان لا يكتبوا الا ردود قد تساعد صاحب الموضوع
لحل المشكله ،،، يعنى لا مجال لردود التخمين وهذا من مصلحة اللى يسئل .

بشير حسن

27/05/2012, 08:10 PM

هو من ناحية انه اي عضو من الاخوان الله يبارك فيهم اذا كتب في احد الردود مثلا 60 مشاهده او اي كلمة وبعدها ولا احد رد يمكن هذا شئ صحيح يمكن يغفل عنه الاخوان والاعضاء في هذا المنتدى الزاهر انه يمكن أنا اولهم قد تكون عندي معلومه ولو بسيطة لها علاقه بالمشكلة اللي طارحه اخوي اللي مثلي في هذا المنتدى وانا مطنش ولا راد ولا اي شئ سبحان الله يمكن كسل أو أحيانا يلفت انتباهنا موضوع من مواضيع المشرفين ويكون متميز كمواضيع الاستاذ الاصيل حجازي ونجلس نقرأه ونطول بحيث ننسى الرد على مشكلة احد الاخوان وهذا شئ صاير واتمنى القى تعليقات من اخواني الاعضاء

الشاص 2

27/05/2012, 10:15 PM

كل واحد يكتب الى يبيه

ابو الشبرميات

28/05/2012, 12:42 AM

بارك الله فيكم جميعاً
ووفقني واياكم لما يحبه ويرضاه
يقولون في الامثال
( صاحب الحاجة اعمى )
ولو تأملنا المثل وطبقناه على انفسنا قبل الجميع
لوجدناه صحيحاً 100 %
ارجو ان لايفهم كلامي بانه
تأييدٌ لهذا او نقدٌ لهذا
ولكن من باب التماس العذر
,,,

أصيل حجآ زي

28/05/2012, 02:37 AM

ما عليش يا أحبآب كلامـكـُم صح .

بسسسسسسسسسسسسسسسسس
خلو صدوركـــُم وآسعة .

طبعآ :
قد يكون الشخص مــُرتجي الفزعة
ومــُستعجل وينتخي المُسآعدة .
ومتوسم فينا الخير والنخوة .
سلامي للجميع .
والمُسآعدة لأي شخص وأي أنسآن
من من يستطيع سمة هذا الشعب المعطاء .
ومن ديننا ومن نخوتنا الفزعة .
تصبحون على خير .

مسك الحجاز

28/05/2012, 01:28 PM

السلام عليكم ورحمة الله وبركاته وبعد
أولا أحمد الله وأشكره على إتاحة هذا المنتدى الشامخ لنا لتبادل المعارف والمهارات بين الاخوان من ذوي الخبرة ومن مر عليه مشاكل والحمدلله تم أصلاحها ،

حيث أنني من 10 أشهر مر على مشكله بسيطة وهي تهريب ماء الرديتر داخل السيارة عند الراكب الامامي وبعد طرح المشكلة للاخوان بالمنتدى أفادنا الاخ أصيل حجازي جزاه الله خير والاخوان جميعاً بالمشكلة وحلها ، وهي ليات المكيف الحار واصلاحها باليد وتسكر ببواجي قديمه مع قفيز وأبد والحمد لله /

أختم كلامي ـ بأن هذا المنتدى منتدى طيب وخير وفيه أكتساب أجر عظيم كما ورد في الحديث عن الرسول عليه الصلاة والسلام ( من فرج عن مؤمن كرب فرج الله عنه كربة من كرب يوم القيامة ) أو كما ورد في الحجيث الصحيح

أشكر الجميع شكر يبح الحلق ، وأقول لهم واصلووو مشاوركم ،

** نسخة مع التحية لادارة المنتدى الموقر ،،

والسلام خير الختام ،،