الله يرضى عليكم.اليي يعرف لا يبخل علينا

[BO Abdullatif]

السلام عليكم

يا جماعة الخير أنا صارلي وقت وأنا أدور على طراد, الصراحة النوعية الي أدور عليها هي فئة ال 27 قدم وفوق حق الغوص والحداق كلو سوا سوا :D مثل الظاعن أو الدرازي أو النورس , لكن لحد الآن ما حصلت على الزين على العموم أنا ما ني جازع , لكن الي خابر لا يبخل علي بالمعلومات أنا من سكان الشرقية وأبحث حتى في الخليج بشكل عام.

رقم الجوال:0555904066

على العموم أدري انكم ما همكم هذا الشيئ لكن الي يتكرم علي بالطراد الطيب له السعي انشاءالله. بناء على قول النبي صلى الله عليه وسلم (من صنع لكم معروفا فكافئوه فإن لم تجدوا ما تكافئوه فادعوا له).

[مهجول بحري]

أعرف واحد عنده ظاعن ٢٧ قدم جديد الصبة العريضة مكاين سوزوكي فور استروك جديدة مطلوب فيه فوق مية ألف بكامل تجهيزاته إذا الاسعار هذه تناسبك راسلني على الخاص

[BO Abdullatif]

بس وش مواصفاته بالضبط
وين مكانه؟

[KING FISAL]

الله ييسر امرك
شوف فرضة الدمام هناك مسوين ديوانيتين على السيف يفيدونك النواخذه اللي موجودين تعالهم في العصر او بعد المغرب باذن الله تلقى طلبك او يساعدونك ما يقصرون

[BO Abdullatif]

الله يعطيكم العافية ويرحم والديكم

مع العلم اني مريت المجلسين الي في فرضة الدمام وسألتهم لكن قالوا لي أن ما في الا طرادات قديمة أو
ما عندهم ال يجوز لي

لكن مشكور يا KING و يا مهجول على المشاركة وبا نتظار المشاركات الثانيات

[مهجول بحري]

هلا
قبل لا تعرف أي مواصفات أهم شي السعر فوق المية يخارج معاك وإلا لا

[ra3ibox]

شوف يالغالي نصيحة مني
اذا تبغى شي فوق الـ 100 فا مالك الا تروح مصنع الضاعن عندك في البحرين يفصل لك اللي يناسبك وعلى مزاجك
وان بغيت الشغل المرتب بحدود الـ100 وتحت فا الكويت حبايبنا وعندهم اللي يناسبك بس اهم شي المكاين السنعة شغل الكهربة الممتاز
عندنا في السعودية صعب تلاقي شي نظيف ومرتب بسعر رخيص بالذات ان موسم النزاهة تو بدأ وبتتعب واجد على ما تلاقي اللي يناسبك بالسعر المناسب

[بحري جنوبي]

السلام عليكم الاخ الفاضل بزودك مجموعة قوارب بالكويت شركة العماني للافاده اذا طابلك شي لاتنساني بالدعاء شكرا تقبل مروري http://omanipolyart.com/shop/index.php?route=product/category&path=35

[بحري جنوبي]

تحيه طيبه وهذا موقع ثاني للقوارب المستعمله http://kuwait.q8car.com/ar/boats/all/all/all/1/itemcatalog.aspx

[BO Abdullatif]

الله لا يهينكم يا جماعة الخير ولسه البحث جاري

[مهجول بحري]

ياربي يوفقك وتحصل مرادك

[صيادالبحر3714]

طلبك موجود الدرازي 29 قدم مكاين 115 القارب له في البحر تقريبا 6 شهور

[BO Abdullatif]

طلبك موجود الدرازي 29 قدم مكاين 115 القارب له في البحر تقريبا 6 شهور


طيب يالغالي ايش مواصفاته موديل القرف والمكاين والأضافات ووين مكان الطراد واذا عندك صور تصير احسن واحد في العالمين :D

[ملاك البحر]

اخي العزيز في قارب الدرازي 26,50 قدم الغرف 2009 المكائن 75*85 القارب نظييييييف والمكائن على الشرط دافع مبالغ كبيره في الاكسسوارات مسيوم 45 الف إذا لك خاطر الراجاء الاتصال على 0598386867
والله الموفق

[BO Abdullatif]

لا زلت يا جماعة الخير ابحث الله يوفقكم فرجوا عني

[DASUGI]

عزيزي تقدر تراجع اعلاني

[ربان الخليج]

واللة يابو عبداللطيف لي سنه واتا اقارن بين الآسعار مالقيت ارخص من الآمارات وانصحك اذا عندك فظاوة كم يوم روح هناك وتلقى اللي يسرك يعني ارخص من عندنا بثلث القيمة اواكثر بعد/تحياتي

[سكن حبك سكن]

الله يوفقكم لما يحب ويرضا, وقوم تعاونوا ما ذلوا.

بارك الله فيكم.