ياويش قـــــــــديمٍ مجلسٍ فيه طايب ( جديد ) ...... حله ( الهيل ) .. الحل ( الحِبس )

[ابو ماجد 2]

بسم الله الرحمن الرحيم

السلام عليكم ورحمة الله وبركاته

اللغز يالرمــــــــاع من راس شايب ....................

.................... نفسه على الماضي شفوقه شغوفه

ياويش قـــــــــديمٍ مجلسٍ فيه طايب ....................

.................... واليوم يالرمـــــــــاع ماظن تشـوفه

اليافتحت الراس فيـــــــــه المعـايب ....................

.................... به جلسةٍ راع الطيـــــــــــابه يعوفه

مع تحيات ابو ماجد

منتديات مكشات 0 خيمة الالغاز

[الفَكّ]

و عليكم السلام و رحمة الله و بركاته
ماشاء الله تبارك الرحمن كالعادة نهر يتدفق بالأبيات و الألغاز
عموماً أنا نشبان بالأول أبو سبعة وإن كان هذا ظاهره أسهل لكن
ما أبي أشتت فكري
و لي عودة بإذن الله و حبيت أكون أول من يسلم عليك و يدعو لك بالتوفيق

[ابو ماجد 2]

و عليكم السلام و رحمة الله و بركاته

ماشاء الله تبارك الرحمن كالعادة نهر يتدفق بالأبيات و الألغاز
عموماً أنا نشبان بالأول أبو سبعة وإن كان هذا ظاهره أسهل لكن
ما أبي أشتت فكري

و لي عودة بإذن الله و حبيت أكون أول من يسلم عليك و يدعو لك بالتوفيق


هلا بك يالغالي
واسعد الله صباحك
مرورك شرفني وكلماتك الطيبه اسعدتني
وهاللغز طال عمرك مثل فاتح شهيه وهذا فاتح شهيه للالغاز خص على اللي بعمري اكيد مايجهله وكل مااخشاه اختلاف المسميات
اما لغز ابو سبع فصراحة ماكل يحط باله له رغم تاكدي ان الجميع حروتهم كل يوم يشاهدونه وبشكل متكرر بالغالب

[هيل]

بسم الله الرحمن الرحيم
السلام عليكم ورحمة الله وبركاته
اللغز يالرمــــــــاع من راس شايب ....................
.................... نفسه على الماضي شفوقه شغوفه
ياويش قـــــــــديمٍ مجلسٍ فيه طايب ....................
.................... واليوم يالرمـــــــــاع ماظن تشـوفه
اليافتحت الراس فيـــــــــه المعـايب ....................
.................... به جلسةٍ راع الطيـــــــــــابه يعوفه
ذكرتني يابو ماجد في حادثه من حوادث الشقاوه
وانا صغير وتهك علي هنك قلها للأخوان
علشان يعرفون أني مهكاكه تهك علي
ذكرتني في وقت سب وسبايب
يومٍ توهقني بالشايب أوصوفه
أمرتني في قول وانا منه هايب
شايب تعيربه وأخيك تطوفه
كني أنا وياك محنا حبايب
خليت أيد العود تاسمبي أكفوفهتذكر الموقعه وينه فيه وش هي جنبه
تحياتي

[عابر الموج]

وش رايك بالرجم

[راعي العجراء]

صح السانك يابو ماجد
سجلك حافل بالقديم والجديد (مايحتاج مخضرم )والهيل مامن بعيد
وانت تبا المجلس القديم ويسمى ب (القهوه) وهي بماتحتويه من وجار وكمار ومساند واستقبال الضيوف
والقهوه حقت المنتزهات والشيش والمعسل
والفتح والضم والكسور والشد والرحيل علاك
كذلك العريش والحضار والصريفه وهي من السعف
دمت بخير

[صقر السديرات]

صح لسانك ابو ماجد
وبيض الله وجهك على جهودك الجبارة
يمكن روشن
دمت بخير

[ال-رايق]

بسم الله الرحمن الرحيم
السلام عليكم ورحمة الله وبركاته
اللغز يالرمــــــــاع من راس شايب ....................
.................... نفسه على الماضي شفوقه شغوفه
ياويش قـــــــــديمٍ مجلسٍ فيه طايب ....................
.................... واليوم يالرمـــــــــاع ماظن تشـوفه
اليافتحت الراس فيـــــــــه المعـايب ....................
.................... به جلسةٍ راع الطيـــــــــــابه يعوفه
ذكرتني يابو ماجد في حادثه من حوادث الشقاوه
وانا صغير وتهك علي هنك قلها للأخوان
علشان يعرفون أني مهكاكه تهك علي
ذكرتني في وقت سب وسبايب
يومٍ توهقني بالشايب أوصوفه
أمرتني في قول وانا منه هايب
شايب تعيربه وأخيك تطوفه
كني أنا وياك محنا حبايب
خليت أيد العود تاسمبي أكفوفهتذكر الموقعه وينه فيه وش هي جنبه
تحياتي




أشوف لي ذيبين بأعلى الهضايب=كل واحد منهم يسن في سيوفه
نوب بعيدين ونوب قرايب=متوحشين مع بعض وفيهم مروفه
كان اتدخل لكن القلب رايب=ابتفرج والنتيجه معروفه
اثنينهم اهل الصدور الرحايب=والراس مبسوط في مثنى كتوفه
والشيب سرحانه لاجر القنايب=لاحاه لو كان العشا وسط جوفه
لهم سلامي عد وبل السحايب=واعداد مادار القلم في حروفه
والرمعه المستحيه/
زقاق=شارع
زقاق=بفتح الراس ---موقع الكير

[ابو ماجد 2]

بسم الله الرحمن الرحيم

السلام عليكم ورحمة الله وبركاته
اللغز يالرمــــــــاع من راس شايب ....................
.................... نفسه على الماضي شفوقه شغوفه
ياويش قـــــــــديمٍ مجلسٍ فيه طايب ....................
.................... واليوم يالرمـــــــــاع ماظن تشـوفه
اليافتحت الراس فيـــــــــه المعـايب ....................
.................... به جلسةٍ راع الطيـــــــــــابه يعوفه
ذكرتني يابو ماجد في حادثه من حوادث الشقاوه
وانا صغير وتهك علي هنك قلها للأخوان
علشان يعرفون أني مهكاكه تهك علي

ذكرتني في وقت سب وسبايب


يومٍ توهقني بالشايب أوصوفه
أمرتني في قول وانا منه هايب
شايب تعيربه وأخيك تطوفه
كني أنا وياك محنا حبايب

خليت أيد العود تاسمبي أكفوفه
تذكر الموقعه وينه فيه وش هي جنبه

تحياتي

ابو عبدالله
صح لسانك ملايين
كفووووووو كفوووووووووو
الله يقطع شيطانك هذي يمكن الوحيده اللي هكيت عليك فيها
يالربع
الحل
الحِبس
وهو عباره عن مكان معد للجلوس ملاصق لجدار البيت
يجلسون فيه ويكون رفيع بحيث رجليهم تتدلى للارض
وبالغالب يكون قرب الدكاكين
اذا فتحنا الرأس اصبح الحَبس بمعنى السجن والحبس جلسة فيه لاتروق لاهل الطيابه
اما القصه فدائما اتمنى اني شاعر لاجاري جزيل بعض الربع مثل الخامسي وابو مهند واسير النور وغيرهم
واليوم اتمنى ان اكون مثل راع العجراء بسرد القصه ولو انه بعيد المنال
المهم القصة قبل حوالي 45 سنه
كانت الحاره كلها بيوت طين وكان الشارع المؤدي الى شارع بيتنا هاي وي شوارع زمان عرضه يمكن اربع امتار
وفي راس الشارع صاحب دكان رحمة الله عليه كان صلف شوي وبدين وهالرجال يجلس مع ربعه على الحبس سواليف ومتى ماجاء زبون يبيع عليه
وفي وسط الشارع على بعد خمسين متر من دكان صاحبنا شحنة تراب آخذه من الشارع ثلاث امتار يعني مابقى الا متر والتراب حق شباع ناعم وابيض
في يوم من الايام اتيت انا والهيل خارفين وتعرفون الخراف يضعون فوقه دقسيه من شان يحتفظ بالبروده اتفقت انا والهيل انه يروح على مقربه من دكان الرجال ويصوت لي ( محمد نسينا ال ؟؟؟؟ ) الباقي معيارة الرجال رحمة الله عليه وهي بمسمى غرض للمنزل الرجال ماتحرك كررها الهيل برضه ماتحرك والهيل ذهين تارك مسافه للهرب وارجال بدين صعب يلحقه
المهم الهيل ايس من الرجال واتى يمي وبدينا نمشي مطمئنين فجأة احس بخطوات ترجد على الارض قلت هذا اكيد حمار يبي الدقسيه نزلت الخراف والتفت ووقفت مشدوها مخشب الهيل بو سط الشحنه والرجال فوقه وخذ ياضرب والغبره ثايره قام الرجال ونحرن قال انت اللي قايل له جيت ابهرب ولكن امكنن بضربة على العلبات طيرت طاقيتي كنها قدام عيوني من المشجرات
توقفت بعد مسافه منهم على لفة الشارع واتى الهيل وجهه ابيض من الشباع وانا اخبره مسود من السعسعه بالشمس
ومافيه سواد الا مكان نزول الدموع صار وجهه مخطط ابيض واسود كنه من مشجعين الشباب
هالرجال رحمة الله عليه متوفي من اكثر من ثلاثين سنه ولا يزال الهيل لاجاب اسم الغرض اللي بمعيارة الشخص يتلفت من الخوف قبل مايقوله

[ابو ماجد 2]

وش رايك بالرجم


هلا بك يالغالي
والحل عند الهيل

[ابو ماجد 2]

صح السانك يابو ماجد

سجلك حافل بالقديم والجديد (مايحتاج مخضرم )والهيل مامن بعيد
وانت تبا المجلس القديم ويسمى ب (القهوه) وهي بماتحتويه من وجار وكمار ومساند واستقبال الضيوف
والقهوه حقت المنتزهات والشيش والمعسل
والفتح والضم والكسور والشد والرحيل علاك
كذلك العريش والحضار والصريفه وهي من السعف
دمت بخير

صح بدنك ياراع العجراء
كلنا بالهوى سوى كلنا مخضرمين
الحل عند الهيل
والمعذره تطفلت على تخصصكم وتخبطت في سرد قصة هلمة الهيل

[ابو ماجد 2]

صح لسانك ابو ماجد

وبيض الله وجهك على جهودك الجبارة
يمكن روشن

دمت بخير


صح بدنك يابو فيصل
مالك لوى
والحل عند الهيل

[ال-رايق]

ابو عبدالله
صح لسانك ملايين
كفووووووو كفوووووووووو
الله يقطع شيطانك هذي يمكن الوحيده اللي هكيت عليك فيها
يالربع
الحل
الحِبس
وهو عباره عن مكان معد للجلوس ملاصق لجدار البيت
يجلسون فيه ويكون رفيع بحيث رجليهم تتدلى للارض
وبالغالب يكون قرب الدكاكين
اذا فتحنا الرأس اصبح الحَبس بمعنى السجن والحبس جلسة فيه لاتروق لاهل الطيابه
اما القصه فدائما اتمنى اني شاعر لاجاري جزيل بعض الربع مثل الخامسي وابو مهند واسير النور وغيرهم
واليوم اتمنى ان اكون مثل راع العجراء بسرد القصه ولو انه بعيد المنال
المهم القصة قبل حوالي 45 سنه
كانت الحاره كلها بيوت طين وكان الشارع المؤدي الى شارع بيتنا هاي وي شوارع زمان عرضه يمكن اربع امتار
وفي راس الشارع صاحب دكان رحمة الله عليه كان صلف شوي وبدين وهالرجال يجلس مع ربعه على الحبس سواليف ومتى ماجاء زبون يبيع عليه
وفي وسط الشارع على بعد خمسين متر من دكان صاحبنا شحنة تراب آخذه من الشارع ثلاث امتار يعني مابقى الا متر والتراب حق شباع ناعم وابيض
في يوم من الايام اتيت انا والهيل خارفين وتعرفون الخراف يضعون فوقه دقسيه من شان يحتفظ بالبروده اتفقت انا والهيل انه يروح على مقربه من دكان الرجال ويصوت لي ( محمد نسينا ال ؟؟؟؟ ) الباقي معيارة الرجال رحمة الله عليه وهي بمسمى غرض للمنزل الرجال ماتحرك كررها الهيل برضه ماتحرك والهيل ذهين تارك مسافه للهرب وارجال بدين صعب يلحقه
المهم الهيل ايس من الرجال واتى يمي وبدينا نمشي مطمئنين فجأة احس بخطوات ترجد على الارض قلت هذا اكيد حمار يبي الدقسيه نزلت الخراف والتفت ووقفت مشدوها مخشب الهيل بو سط الشحنه والرجال فوقه وخذ ياضرب والغبره ثايره قام الرجال ونحرن قال انت اللي قايل له جيت ابهرب ولكن امكنن بضربة على العلبات طيرت طاقيتي كنها قدام عيوني من المشجرات
توقفت بعد مسافه منهم على لفة الشارع واتى الهيل وجهه ابيض من الشباع وانا اخبره مسود من السعسعه بالشمس
ومافيه سواد الا مكان نزول الدموع صار وجهه مخطط ابيض واسود كنه من مشجعين الشباب
هالرجال رحمة الله عليه متوفي من اكثر من ثلاثين سنه ولا يزال الهيل لاجاب اسم الغرض اللي بمعيارة الشخص يتلفت من الخوف قبل مايقوله
[/CENTER]


هههههههههههههههههههههههههههه
حسبي الله على شيطانك وباخل علينا بمثل هالسوالف العجراويه:D:good2:
وش وصف الهيل؟؟؟؟؟؟؟؟؟
صار كنّه نافخ في بودرة كيرم:D
وصفك يابو ماجد(خل عنك ما نجي حولك)تقول طارت الطاقيه ام جنيه ولا ام شجر ازرق واحمر؟ّ
واثر ابو عبدالله من صغره في حقه بالعياره..وفي الأخير تقول وش كأنه:
كنّه في مدرج الشباب ههههههههههههههههه
ياحبيبي يالهيل..والحمدلله على السلامه بغوا يالربع يروحون خويانا الثنين طعااااااام
مدري وش اسمه:D:D
-=----------------
نسينا نقول صح لسانك على اللغز والسالفه
وكفو يالهيل وهذا من واقع الخبره:good:

[ابو ماجد 2]

نوب بعيدين ونوب قرايب=متوحشين مع بعض وفيهم مروفه

أشوف لي ذيبين بأعلى الهضايب=كل واحد منهم يسن في سيوفه


كان اتدخل لكن القلب رايب=ابتفرج والنتيجه معروفه
اثنينهم اهل الصدور الرحايب=والراس مبسوط في مثنى كتوفه
والشيب سرحانه لاجر القنايب=لاحاه لو كان العشا وسط جوفه
لهم سلامي عد وبل السحايب=واعداد مادار القلم في حروفه
والرمعه المستحيه/
زقاق=شارع

زقاق=بفتح الراس ---موقع الكير


ياحبي لك
ماشاء الله تبارك الله تغرف من بحر
الله يزيدك
الحل عند الهيل

[هيل]

السلام عليكم ورحمة الله وبركاته
أشوف لي ذيبين بأعلى الهضايب كل واحد منهم يسن في سيوفهنوب بعيدين ونوب قرايب متوحشين مع بعض وفيهم مروفهكان اتدخل لكن القلب رايب ابتفرج والنتيجه معروفهاثنينهم اهل الصدور الرحايب والراس مبسوط في مثنى كتوفهوالشيب سرحانه لاجر القنايب لاحاه لو كان العشا وسط جوفهلهم سلامي عد وبل السحايب واعداد مادار القلم في حروفه
تسلم يامروقنا على هالأبيات الجزله وماهو غريب على من مثلك معودنا الجزل يالغالي وعطيتن اكثر مما استحق لله درك على هالدرر ماشاءالله عليك
بس وش تقول ألي أستغل صحاحة قلبي وخلان أعير الرجال وما أستانس لين أكلت علقه وش علقه دق سنةٍ بساعه شفت النجوم الظهر الله يارحمه وياغفرله
لاكن عاقبه ربي بدبغة راعي الجيب وانا اتفرج
عليه لا والسبب أهم مافي القصه أطلبوها يقوله
عزاالله راعي العجراء يابي يضحك ضحك الي الصبح
تحياتي

[ناصر العلي]

سلمت يالغالي
وصح لسانك
وكفوو والله باأبوعبدالله
وسلط الله على بليسك ياأبوماجد
ضحكت لين أنفضخ راسي
لو مايجينا من هاللغز إلا هالسالفة
أقرأ القصة وأتخيل
كني أشوف وجه أبوعبدالله قدامي عقب مامردغه راعي الدكان
تذكرت سالفة راعي العجراء يوم يحارش الشايب اللي بحارتهم ...يطق الباب ويهج..ويوم صاده الشايب ختّم بوجهه كل جدران وعيّر الحارة
أما كلمة مهكاكة...هذى لحالة ياأبوعبدالله
عاد ياأبوماجد نبي سالفة
دبغة راعي الجيب
دمتم بألف خير

[ابو ماجد 2]

سلمت يالغالي

وصح لسانك
وكفوو والله باأبوعبدالله
وسلط الله على بليسك ياأبوماجد
ضحكت لين أنفضخ راسي
لو مايجينا من هاللغز إلا هالسالفة
أقرأ القصة وأتخيل
كني أشوف وجه أبوعبدالله قدامي عقب مامردغه راعي الدكان
تذكرت سالفة راعي العجراء يوم يحارش الشايب اللي بحارتهم ...يطق الباب ويهج..ويوم صاده الشايب ختّم بوجهه كل جدران وعيّر الحارة
أما كلمة مهكاكة...هذى لحالة ياأبوعبدالله
عاد ياأبوماجد نبي سالفة
دبغة راعي الجيب

دمتم بألف خير


سلمت يابو علي وصح بدنك
انا فرح اقول هاللغز محلول وماحد شايف فضيحة راع الجيب
لكن يابو عبدالله وحده بوحده ونصير خالصين والا ترى اقول قصة المصارعه الحره
قصة راع الجيب هذا انا والهيل وبقية الشله والمكان على طرف من الديره مافيه الا رمل وبيوتات شعر وبيت طين واحد وهو لصاحب راع الجيب
الوقت ضحى في شهر رمضان
والهدف السامي تكرمون تجميع كلابه
المهم شفنا بهالمنطقه كلب شعره طويل يعني عشقة راع الكلاب
يوم جيناه وادخل داخل حطب مالنا قدره عليه بدينا نشيل الحطب ونضعه في مكان آخر يوم مابقى الا اشوي وهو يطلع ويدخل تحت الحطب اللي جمعنا
قلنا مافيه فايده واخذنا بالعصي والحصى نحاول نجبره على الخروج والكلب ماغير يصوي
طلع راع البيت وتلفظ علينا وراح يبي يشغل الجيب وانا من الدباشه احلته بالحصاة فما كان منه الا ان شغل الجيب واخذ يلحق فينا وحنا نروغ منا ومنا لكن مافيه فايده الرجل مصر يوم وازنن قال والله ماخليك الظاهر داري انه انا اللي حالته
المهم يوم حسيت انه خلاص قرب ومن باب الذهاته تعمدت السقوط على وجهي وادعاء اني دايخ نزل الرجال عدلن وقعدن ماسكن جيب الكوت وانا مميل وجهي جهة اليمين ومقلبن عيوني ودالع لساني جهة اليسار
على امل ان الرجال يخاف انه صابن شيء ولكن مادريت الا يوم تكادحت عيوني من كف شمل كل جانب يسار وجهيي وبغيت ادوخ عن حق وحقيقه المهم صيحت وانا اقول اتوب ياعم وهو يقول بالاول تحلت وهالحين اتوب الناس برمضان تسبح وتهلل وانتم تطاردون الكلابه
ولولا تدخل البدو الله يجزاهم خير اهل بيوت الشعر لكمل علي
المهم اطلقن ورحت اسحب رجيلاتي والقى الشلة الاوفياء يضحكون وعلى راسهم طريدي الهيل

[المزيدي4]

سلمت يابو علي وصح بدنك
انا فرح اقول هاللغز محلول وماحد شايف فضيحة راع الجيب
لكن يابو عبدالله وحده بوحده ونصير خالصين والا ترى اقول قصة المصارعه الحره
قصة راع الجيب هذا انا والهيل وبقية الشله والمكان على طرف من الديره مافيه الا رمل وبيوتات شعر وبيت طين واحد وهو لصاحب راع الجيب
الوقت ضحى في شهر رمضان
والهدف السامي تكرمون تجميع كلابه
المهم شفنا بهالمنطقه كلب شعره طويل يعني عشقة راع الكلاب
يوم جيناه وادخل داخل حطب مالنا قدره عليه بدينا نشيل الحطب ونضعه في مكان آخر يوم مابقى الا اشوي وهو يطلع ويدخل تحت الحطب اللي جمعنا
قلنا مافيه فايده واخذنا بالعصي والحصى نحاول نجبره على الخروج والكلب ماغير يصوي
طلع راع البيت وتلفظ علينا وراح يبي يشغل الجيب وانا من الدباشه احلته بالحصاة فما كان منه الا ان شغل الجيب واخذ يلحق فينا وحنا نروغ منا ومنا لكن مافيه فايده الرجل مصر يوم وازنن قال والله ماخليك الظاهر داري انه انا اللي حالته
المهم يوم حسيت انه خلاص قرب ومن باب الذهاته تعمدت السقوط على وجهي وادعاء اني دايخ نزل الرجال عدلن وقعدن ماسكن جيب الكوت وانا مميل وجهي جهة اليمين ومقلبن عيوني ودالع لساني جهة اليسار
على امل ان الرجال يخاف انه صابن شيء ولكن مادريت الا يوم تكادحت عيوني من كف شمل كل جانب يسار وجهيي وبغيت ادوخ عن حق وحقيقه المهم صيحت وانا اقول اتوب ياعم وهو يقول بالاول تحلت وهالحين اتوب الناس برمضان تسبح وتهلل وانتم تطاردون الكلابه
ولولا تدخل البدو الله يجزاهم خير اهل بيوت الشعر لكمل علي
المهم اطلقن ورحت اسحب رجيلاتي والقى الشلة الاوفياء يضحكون وعلى راسهم طريدي الهيل


الحمد لله على السلامة يا أبو ماجد
وهذي نصر الهيل اللي أرسلته لراعي الحبس:D

[ابو ماجد 2]

الحمد لله على السلامة يا أبو ماجد

وهذي نصر الهيل اللي أرسلته لراعي الحبس:D


هلا بك يابو سعود
وقصة راع الحبس طالن منها ضربة على علباتي طيرت طاقيتي
بس قصة راع الجيب ماطال الهيل منها الا الضحك والتشمت فيني

[ابوماريا]

سلمت يابو ماجد على اللغز

وكفووووووووووو يابو عبدالله

بيض الله وجيهكم جميع

[ابو ماجد 2]

سلمت يابو ماجد على اللغز



وكفووووووووووو يابو عبدالله



بيض الله وجيهكم جميع


سلمت من الشر يابو فايز
ولا تشره علينا ترى هذي تسالي ايام زمان