بوقميص تعبت من بوقميص

[عاشق الشعري 1]

السلام عليكم

وش حالكم يا الربع ما اطول عليكم

انا لي فتره منقطع من بوقميص طبعا سبب نقطاعي قلت الصيد ونا ناوي يوم اربوع امشي بو قميص فا كل الي ابي منكم تفزعون لي با افضل المناطق ونا قاصد الى الان الجزيره وناوي احط مد وين افضل مكان احط فيه المد ومتا تبدا تثبر ومتا تسقي

فا ارجو من الله و منكم المساعده

وفقكم الله :)

[حيدر بن يوسف]

ربي يوفقك انشاالله فى الصيد الوفير

وانا رحت بوقميص نص ساعه ومشيت وماعندي خبره فيه

وانشاالله الشباب يفيدونك تقبل مروري

[التنديل1]

ربي يوفقك اذا انت ناوي بوقميص

بس نصيحه من اخو ما لك فيها مشوارها يكفي وعلى سمكه او سمكتين خلك في سلوى احسن اذا معك غزوووول


واتمنا من الله يرزقك يا رب

[accentkool]

بو قميص اعتمد علبى البارساليات عند الجزيرة الصغيرة
وقبلها بالمنطقة الصخرية نفس التلة

[التنديل1]

صحيح كلامك افضل مافيها حاليا الارسال تغريبا بافضل المواقع وفالك الشعري

[ابو عبدالإله]

فالك الشعري

واذا تبي الشور روح لام حويض والا دوحة حماه أقرب لك وحط مدودك لكن يبغا
لك تتعب تدخل في البحر الى حدود الغزار مسافة ماتقل 700 متر إلى كيلو
وثبت مدودك قبل المغرب يعني توصل الساعه اربع بالكثير لأنه يبغا لك وقت في تثبيتها ،
وشيكها ثانيه الساعه 12 بالليل واذا تبغا ماتشيك براحتك ومع طرت النور
بين الساعه 6.5 وسبع ادخل شيك مدك وطعمك وفالك باذن الله الشعري والسبيطي والعريضي
وبعدها براحتك ان كنت ناوي تقعد يوم ثاني حط طعم في الميادير الفاضيه
وان كنت ناوي تمشي شيل مدودك وارجع لعيالك واهلك والطعم عجين وخثاق وسردين وميد

[قناص الهوامير]

انشاء الله الشباب ماقصرو معك

[ملك السيييف]

عند الجزيرة الصيد طيب وخاصة هالأيام

وبإذن الله أنا رايح يوم الأربعاء

أتمنى لنا ولك التوفيق بالشعري والسبيطي .

[بحار في زمن]

سمعت كم واحد يتكلم عن سلوى هي مسموح فيها الغزل و وين المكان المناسب؟

[التنديل1]

لا يا خوي الغزل با السعوديه غير مسموح بس كل واحد وشطارته و افضل مكان با النسبه لي شمال محطت ساسكو با 3 كيلو تغريبا

[بوخضب]

والله بوقميص كثير ما اسمع انه صيد وفير وما تطلع الا ب 3 ثلاجات وغير الللى توزعه
وانا عن نفسي رحت مع شباب 3 مرات ما طلعنا الا بعدد من السمكات حوالى 7 من الحجم العادي


والله يوفقك