لأخوان في قطر،،،،،،

[قابوس]

السلام عليكم ورحمة اللة وبركاته

يقولون فيه بحر اسمه زنوبة صوب العديد ابي أعرف فيه سمك ؟
وأذا فيه سمك وش نوعه ؟
وهل الغزل مسموح؟
مشكورين .
اخوكم قابوس من قطر.

[كبير النواخذه]

اخوي قابوس ..اولا حياك الله في منتديات


مكشات وبالاخص في



الخيمه البحريه بين اخوانك النواخذه وان شاء


الله تلقى الي ايسرك ويرضيك






اخوي انا من قطر والصراحه انا ماروح العديد


بس الي اعرفه ومتاكد منه ان الغزول ممنوعه في العديد..


واي سؤال انا حاضر

حياك الله

[دفشه_وايد]

والله انا لا عرفه ولا سمعيت بهالاسم


اسفه اسمح لي

[قابوس]

اخوي كبير النواخذة مشكور على الترحيب.

بس البحر الي أقصده مب في العديد نفسه في أخر مصبات العديد بتحديد قريب الخراره هو البحر رق مب غزير وناس يسمونه ابوزنوبه وفيه ناس يسمونه زنوبه .

[قابوس]

اختي دفشه وايد عادي مايحتاج تئسفين
وانا الصراحه عاذرك لأني عايش في قطر وأول مره أسمع بهذا البحر.

[دفشه_وايد]

اتشرفنا


وانا من الامارات


من دبي دار الحي





الشيبه يدخلها يظهر منها اصبي ههههههههههههههههههههههههه

[راعي زيزوم]

مساء الخير

صحيح في مكان في قطر وقريبه من العديد اسمها ابو زنوبه بس مب بحر هو عرق (طعس) اسمه ابوزنوبه في طرف العديد من الجهة الغربيه واذا بتروح له بيكون اقرب لك عن طريق سودانثيل ولا حوله بحر
اما بالنسبة للغزول فهي ممنوعة في العديد

[قابوس]

مشكور اخوي رمّاع على التوضيح .

اخوي رماع وكبير النواخذة واحد من الربع وصفلي ها البحر وقالي وانت طالع جنوب على طريق الخرارة قبل ماتاصل الخرارة بكيلوين بجيك لفة على اليسار صوب منطقة ناسي اسمها (قالي سكانها العبد الرحمن) طوف المنطقه بجيك رسدة (مكنكرة)حوالي14 كيلو بعدين يجيك البحر المقصود .

وبعد ياخوان ابي اعرف من وين يبدأ حظر الغزول الي على العديد؟ وهل فية مكان مناسب في العديد تنقط فيه الخية لأني اعرف العديد الغزار حد السيف.

[العامري]

تسلمون على المعلومات

[راعي الدنقي]

السلام عليكم ورحمة الله وبركاته ،،،،،

أخواني وأخواتي مشرفين وأعضاء منتدى مكشات ****** المحترمين
شحالكم كلٍ بحاله ربكم بخير ،،،،،
أخوي ( قابوس ) شلونك أنشاء الله بخير أتمنى أن تكونوا جميعاً كذلك ،،،،

بصراحة أخوي ماسمعة بمنطقة في خور العديد أسمها (ام زنوبة مادري ابو زنوبة) أعزكم الله
أنا أخوي وأعوذ بالله من كلمة أنا أول مرة رحت العديد وعمري كان15والان عمري40 يعني قبل 25 سنة وعلى خبري نزلنا من طريق من الوجبة ....
المهم حتى لاأخرج عن الموضوع المنطقة الي تقول عنها ماسمعت بها بس أعرف المنطقة كنت أروح احدق فيها حق البدح الرياش على السقي والثبر شفت الي يبحر على المويتين أخوك هناك يصيد على المويتين بس فيه سر للصيد المتواصل الا وهو (( الدود ))
هاذي الييم أو الطعم أن جازت التسمية الي أحدق به حلالي عجيب ماينزل القوع !!!
بدحه شوفتها تسرناظريك وهاذي المنطقة وهي تقريبا في أواخر الخور وجنبها صبخة كبيرة وهي منطقة تجمع الاسماك في محمية العديد البحرية وتتكاثر فيها الاسماك بجميع أنواعها وخاصة البدح والقرقفان ولبياح والكثير من الاسماك **
هاذي أخوي مسميات يطلقونها على مكان وتدرج عندهم على هالاسم ؟زين في منطقة في العديد كنا نروح لها في الثمانينات مع الشباب يسمونها ((قيص قيص)) سمعتوا بها يمكن القليل جداً لانها مسميات حديثه وغير مدونة في الخرائط والرسومات حتى في أدارة الاثار مثل ماقلت لك أخوي مسميات حديثة يطلقونها الشباب وتمشي لاكن منطقة (ام ؟؟؟؟؟)مامرت ولاكن ممكن
----------------------------------------------------------------------------------------------
لقد أبحرت مع والدي في السبعينات في خور العديد وكانت منطقة مليئة بكل الاسماك
صدنا الهوامير والربيب والبدح والسبيطي الهوامير على السيف لأن البحر في العديد غزير من على السيف غبة وكانت منطقة خلابة وكنت العب برمالها الذهبية ؟؟؟؟؟
وابحرت مع الشباب في الثمانينات وشفت التغيرات وبدأ السمك يهجر المنطقة رويدا رويدا؟؟؟؟؟
وأبحرت في التسعينات فحزنت كثيراً على حجم التدمير الذي يقوم به البشر للبيئة والطبيعة حيث كثرة المخلفات على الرمال الذهبية والاهمال والتخريب لجمالها الخلاب ؟؟؟!!؟؟؟
وأما في البحر فقد هجرت الاسماك وهربت خوفاً من بطش الانسان وطمعة في طرق أصطيادها وجلت السمجه لا بل صارت شحيحة ؟؟ بسبب الطرق العشوائية والمفرطة في الصيد وبكل الطرق المشروعة والممنوعة المهم الكسب المادي ؟؟؟؟

ومع دخول الالفية الجديدة أنتبه أخيراً ذوو الاختصاص للمشكلة الخطيرة التي لو بقيت لما بقي عفطيٌ في العديد!؟؟؟؟؟؟؟!!!!!!!
وصدر أمر بحظر الصيد في منطقة خور العديد وحددوا المكان الي أعرفه من بعد سيلين ولاكن بالتحديد لاأعرف وبسبب هذا الحظر عادت الاسماك الى وطنها واستقر أكثرها وبدأت تتكاثر بشكل متسارع والفضل بعد الله يعود للحظر ولاكن ؟ في من يسرق السمك من البحر يمد في الليل بسرعة ساعة ولا نصف ساعة ويشيل مليان؟؟ بس هاذي مهي بشطارة هاذي يسمونها بواقة بالعامية وسرقة بالفصحى
لاكن ولله الحمد مايبيله غزل بتحط خيه ((حبله)) ولا بتحدق بس تبي تصيد خل يمك دود ييمك وشوف بس وانت تحدق ماتمل السمجة تشوفها تطامر
تطامر روس والسمك الكبار مستآنسين **************
وانتوا ربكم مستانسين أنشاء الله يارب **************

وانشأء الله أخوي((قابوس))
عطيتك ولو نبذة بسيطة خاصة عن المنطقة الي تقصدها وعن العديد عامة بس نوع السمك أكثر مافيها هو البدح وخاصة من نهاية شهر 7 ووفيها كل سمكة تطري على بالك **
ملحوظة :- المنطقة تصلح للخية وتسوي سبيطي لان بها رق بس تحمل من الغزار في العديد
لأن بحر العديد جارح ومظلم وغبة غزيرة %%%%%%%:no2:

والسموحة على الاطالة في الرد لأن الموضوع يخص قطعة مني ***هي**:heart: قطر

بس لدي سؤال للأخ (رماع ) أيش هو عرق الطعس

رأي خطأ لايحتمل الصواب ÷ ورآي غيري صوابٌ لايحتمل الخطأ :cool:

[قابوس]

أخوي راعي الدنقي مشكور على المعلومات الجميلة والي الصراحة بنستفيد منها .

واعتقد ان الأمور صارت واضح لي بنسبه للمكان الي أقصدة .

أخوي راعي الدنقي أنا دليت المكان الي تقول في اخر العديد الي جنب الصبخة لكن المشكلة انه كل ماجيت لقيت عليه زحمة شباب كلهم حديقة على طول السيف والصراحه تستحي أتجي جنبهم . وبعد لاسقت المايه تكون الصبخة مشكله وتمتلي ماي . بس الصراحة مكان عجيب خيطك مايطيح الى في حلق بدحة .لكن اخوي هلمكان فيه شي غير البدح ؟
لن الصراحه كل الي يحدقون مايصيدون الا البدح والحداق يكون فيه في النهار بس.

ونا اعتقد ان الخيه في ها المكان صعب نصابها لانه غزار بس فيه ناس لاسار الهوا شمال يربطون خيط الخيه والبلد في طربال ويوديه الهوا غزار وبطريقه خاصه يبطلون البلد من الطربال ويطيح في الغزار وراس الخيه تكون على السيف.

مشكرر اخوي راعي الدنقي مره ثانيه على التوضيح وياليت تفيدني أكثر في الموضوع.

[Alhzzen]

ااااااااااااااي دونت نوووووووو


ثانكيو

[Abunaif]

عرق = طعس = خيط = جبل من الرمل :)))))

[بوعوف النصر]

انا ماسمعت عن هل منطقه ابد وا رجو من الاعضاء التعاون وشكراُ....

[راعي الدنقي]

السلام عليكم ورحمة الله وبركاته <O:p</O:p
شحالكم ربكم بخير جميعا ،،،،<O:p</O:p
أخوي قابوس شحالك طلع المكان نفس المكان الي أسمه زنوبيا <O:p</O:p
هاذي موتري الي باوديك فيه المحدق ماتمشي صبخة مايه سقت مايمشي
في البحر كل رزقة ينوله صدقني تلقى السيف مزحوم وصيدهم جليل
وأنت أتجي وتأخذ مكان من بينهم وتصيد أكتر منهم وكلها 50 متر بينك وبينهم البحر أرزاق يأخوي ،،.
نعم كل سمكة تخطر على بالك من سمكنا المعروف والزين تلقاة موجود في العديد بعض الأيام صيدنا كله<O:p</O:p
في الليل مادام عندك اليم لين يخلص وأنت تحدق فيه وتصيد بس (( دود ولا صقوع )) تموت البدحة على الصقوع



فيه رق مع الثبرة تقدر تحط خية مع الرشة أحسن من الفشية





أنشاء الله أكون وضحت لك أكثر عن هالمنطقة المحببة لدي وخاصة بعد شهر ونصف

وداعة الله<O:p</O:p

[راعي الدنقي]

(( رماع )) شحالك الشيخ ربك بخير ،،،،،<O:p</O:p
أول حاجة مشكوووور على التوضيح ،،،،،<O:p</O:p
ياطويل العمر أنا طلبت منك تقولي معنى ((عرق الطعس)مأطلبت منك معادلة
في الرياضيات كأني من قوم الألاسكا أنا ياخوي نسيت تضيف البطن للطعس والظهر
أخوي أنا أول مره أسمع بعرق طعس قلت معلومة جديدة أستفيد ،،،<O:p</O:p
سؤال أخوي رماع أذا مافي أحراج لك الحرية تجاوب عليه ؟ أنت قطري
ولا لا حضري ولابدوي فايهم كانت أجابتك أخٌ نتشرف بمعرفته ومناقشته ،،، <O:p
اسمها ابو زنوبه بس مب بحر هو عرق (طعس) اسمهابوزنوبه
أبو زنوبه ولا أم زنوبه ؟ قابوس يسأل عن بحر أخوي مب عن عرق سوس ؟
ردينا يارماع مساع أسمها أبوزنوبه والحين أسمه ابوزنوبه تصدق أخوي رماع
،،،،، عرق = طعس = خيط = جبل من الرمل<O:p</O:p
بطن ظهر قص خيوط كثبان رملية ÷ طعوس هاذا الي أعرفة
أخوي أفدنا جزاك الله خير ،وهاذي معادلة من عندي ،الاختلاف في الرآي لايفسد للود قضية ::<O:p</O:p
والسموحة أخوي رماع عزيز وغالي
وداعة الله <O:p

[راعي الدنقي]

بوعوف النصر)<O:p</O:p
مشكور شد حيلك في الكتابة ؟؟؟؟ <O:p</O:p
بصراحة بوعوف حلوة انا ماسمعت عن هل منطقه ابد وا رجو من الاعضاءالتعاون وشكراُ....<?XML:NAMESPACE PREFIX = O<v /><O<v:shape id=_x0000_i1029 style="WIDTH: 11.25pt; HEIGHT: 11.25pt" alt="" type="#_x0000_t75"> </O<v:shape><O:p</O:p
شكرأ أخوي على ضبط النظام الاخ عسكري ،،،،،<O<v:shape id=_x0000_i1031 style="WIDTH: 11.25pt; HEIGHT: 11.25pt" alt="" type="#_x0000_t75"> </O<v:shape><O:p</O:p
والسموحة من الجميع _ رماع _ قابوس _ بوعوف النصر<O<v:shape id=_x0000_i1033 style="WIDTH: 11.25pt; HEIGHT: 11.25pt" alt="" type="#_x0000_t75"> </O<v:shape><O:p</O:p
وداعـــــــة الله<O<v:shape id=_x0000_i1035 style="WIDTH: 11.25pt; HEIGHT: 11.25pt" alt="" type="#_x0000_t75"> </O<v:shape><O:p</O:p

<O:p</O:p