حرارة الباترول

[ass123]

السلام عليكم ياجماعة انا معي باترول 99 بخاخ حرارته كانت ما تعدي الربع بين الخطين ثابته بس الحين اول ما تاقف السياره عشر دقايق الى ربع ساعه ترتفع الي النض وفوق ويبدا المكيف يبوخ حر بس لاتحركت السياره ترجع الحراره للربع ومع العلم اني مريت حق الرادترات شاف الرديتر وقال نظيف ولا يحتاج تسسيخ لانه مايبقص الما ولا تغير لونه وبلف الحرارة يفتح ويسكر والمرواح بلد يشتغلن لا شغلت المكيف مابهن خلاف وش العلم يالربع واللي يعرف ورشه ببريده او القصيم عموما يدلنا عليه وسلامتكم

[برايدوي عنيد]

هلابك اخوي

فيه امور قد تسبب الحراره

غطاء الاديتر , تماتيك المروحه , احد المرواح الكهرب حقات المكيف ماتشتغل او تكون مقلوبه , الاديتر يحتاج تسييخ حتى وان كان الماء نظيف , طرمبه الماء

الافضل تشيك عليهن

تقبل مروري.......

[يزيد 999]

اخوي تأكد من تماتيك المروحة 99% ان المشكلة منه

[نايف 10]

http://www.mekshat.com/vb/showthread.php? (http://www.mekshat.com/vb/showthread.php?)t=507140

[نايف 10]

المشكله من تماتيك المروحه 100/100

نفس المشكله كانت عندي باترول سوبر سفاري 98

[التعـ King ـديل]

انا معي فتك وكان يصير له مثلك وخاصه مع المكيف يرتفع للنص

المهم فكينا الراديتر وسيخناه وركبت بلف حراره جديد والحمدلله ماشاء الله تبارك الله مافيه الا العافيه

اللي تسويه انت الان

تسيخ الراديتر ثم تعبيه مويه تويوتا جالون واحد مركز وتكمله بماء مقطر وتركب بلف حراره جديد وتشيك على التماتيك وان شاء الله ماقدامك الا العافيه

[المحيط 2000]

التماتيك كلما زادة السرعه تزود الحراره لاكن المشكله اذ شغلت الصبح احسب 5 دقائق وتحسس الخرطوش هل معبي هواء يعني لما تضغطه بيدك قاس او لين اذكان قاسي يعني تنسيم بالراس واذ لين غير طرنبة الما والسلام هي الي تسبب الحراره بالوقفه والله اعلم

[ass123]

مشكورين وبيض الله وجيهكم ونبي نشيك علا اللي قلتوا والله يسر

[4800VTC]

افدنا بالحلول
الله يرضى عليك

يا صاحب الموضوع

[مركز حراره]

اخوي تأكد من تماتيك المروحة 99% ان المشكلة منه
والافضل ركب مراوح كهرب وعلى ضمانتي لأازعاج مروحه ولاحنه واقل بصرفيه والعزم يزين
اذا حبيت ارسل بلخاص