سؤالي الى اخي اصيل حجازي ارجو الدخول - ارتفاع حرارة السيارة

[راعي الانفتتي]

السلام عليكم

سؤال اخوي

انا املك انفنتي جي37 قبل يومين قعدت اقيس مستوى الموتر عدة مرات وصلت الى 22 مرة!!

وفي المرة الاخيرة ارتفعت حرارة الموتر الى ثلاث ارباع فقمت وقفت السيارة ووقفت المحرك وفتحت الكبوت وبعد 5 دقايق فتحت غطا قربة الرديتر وغطا الرديتر وطبعا طلع بخار قوي وتأثرت بيدي جروح بسيطة

المهم بعد ذلك تركت السيارة تبرد والمحرك متوقف طبعا وشاهدت الحرارة نزلت الى الربع ( حرارتها الطبيعية ) فقمت بقيادة السيارة 40 كم الى 60 كم والحرارة ربع حتى الان

وبعد تقريبا 5 كيلو من القيادة سمعت صوت بالمحرك صوت طقطقه بسيطة وبعدها ارتفعت الحرارة الى النص وقلت بوقف السيارة وانا بوقفها ارتفعت الى ثلاث ارباع ثم اوقفت السيارة والمحرك وفتحت الكبوت وخليتها تبرد ولحسن الحظ لقيت محطة بنزي قريبة عبيت مويه عادية بجالون ( بعد ربع ساعة من اطفاء السيارة) وعبيت مويه بقربة الرديتر او شي ويطلع بخار شوي وبعد 5 دقايق عبيت المويه بالرديتر مباشرة الى ان تعبأ فل وبعدها قمت بتشغيل السيارة والحمد لله اشتغلت

سؤالي اللحين : اشعر ان هناك رجة خفيفة اول ما اشغل السيارة علما ان قمت بتغيير موية الرديتر ( موية خضرا ) بالوكالة وقمت بعمل فحص ولم يوجد هناك تهريب خارجي ابدا

وقمت بتغيير زيت المحرك مع الفلتر امس

هل هناك تاثير على راس المكينة او احتمال السلندر او يكون راس المكينة تاثر علما ان السيارة تعمل بشكل ممتاز واسرعت فيها 120 كم ولم اجد هناك اي ارتفاع بالحرارة وكل شي طبيعي

انا محتار جدا وخايف من المحرك لا يكون صار له شي وحاط ببالي ابيع السيارة لهذا السبب

ما العمل ارجو الاجابة على سؤالي :)

[يكفيني نظرة]

شيك على طرمبة الماء هي تسوي رجه للمكينه..

[أصيل حجآ زي]

وعــلـيـكـــُم السـلآم


أخي الكريم
نصيحة لله لا تبيعها قبل ما تصلح الخلل { العلة } أو تــُخـبـر الشآري .


لأنهُ لا يجوز البيع من غير أظهآر العيوب .
وحتى لا تقع في يد شخص يدعو عليك { وهو في هذي الحآل مظلوم / مغشوش }
وقد نهآنا رسول الله صلى اللهُ عليه وآله وصحبه وأزوآجه المُطهرآت أُمهآت المؤمنين
عن الغش وحذر من دعوة المظلوم حيثُ قآل :
""" أتقو دعوة المظلوم ‘‘‘ فأن ليس بينها وبين اللهُ حجآب """


ولا يجوز غش النآس .
وأذا لم تغش بها أحد عوضك اللهُ خيرآ منها بأذنه تعآلى .


الشيء الثآني :
المؤشر الأقوى لوجود شطب { شعر } برآس المُحرّك { المكينة } هو أن :
لي { خرطوم / خرطوش } قربة تبريد المُحرّك { اللديتر} الأعلى يكون قآسي
مُحجر / مـُنتفخ أكثر من العآدة .


الشيء الثآلث :
لا تستعجل التشخيص من غير المرور على عدة ورش جيدة .


ما أخبرتنا وش هي ديرتك ؟؟؟
لعل الشبآب يدلوك على ورش جيدة .
أن شاء الله يمُر المـُهندس / مركز حرآرة
فهو أبخص منا بمثل هيك شغلة على قول الشوآم فرج الله كُربتهـُم .
ونصرهــُم على المجوس النجوس والصهيوصليبيين .



تـعـرف على تهريب رآس المـُحرك المشطوب بالنيلة وبالضغط والأسبآب لزيآدة الحرآرة بالصور! (http://www.mekshat.com/vb/showthread.php?t=415860)



قـلـل حرآرة مُحركك>< وكـيـف تـُـوآجـه سـخـونة مـُحـرك سـيـآرتك أو قيرها التمآتك >؟؟؟. (http://www.mekshat.com/vb/showthread.php?t=229941)


:good2:

[راعي الانفتتي]

^^^^^^

صحيح كلامك

المهم اخوي انا شفت الخرطوش لا هو محجر ولا شي ولا منتفخج ( لما اضغط عليه فيه ليونة ومرونة )

المشكلة عبيت السيارة مويه بالليل وجيت الصبح فتحت غطا الرديتر( مش القربة) لقيت المويه مختفية!! ولما شغلت السيارة ارتفعت الموية بالرديتر ونزل شوي مويه وقمت عبيتها شوي وسكرت الغطا

والله خايف السيارة فيها شي

للعلم امس نظفت ورشيت الرديتر من الخارج بموية قلت يمكن فيه تراب او غبار

لحد اللحين ما فيه اي حرارة والرجة الحمد لله ما في

بالنسبة حق طريقة النيلة انا ما فهمتها بصراحة من شرحك
سؤالي من وين نحصل على هذه النيلة ( من اي مكان) وكم الكمية التي نضعها

[أصيل حجآ زي]

^^^^^^

صحيح كلامك

المهم اخوي انا شفت الخرطوش لا هو محجر ولا شي ولا منتفخج ( لما اضغط عليه فيه ليونة ومرونة )

المشكلة عبيت السيارة مويه بالليل وجيت الصبح فتحت غطا الرديتر( مش القربة) لقيت المويه مختفية!! ولما شغلت السيارة ارتفعت الموية بالرديتر ونزل شوي مويه وقمت عبيتها شوي وسكرت الغطا

والله خايف السيارة فيها شي

للعلم امس نظفت ورشيت الرديتر من الخارج بموية قلت يمكن فيه تراب او غبار

لحد اللحين ما فيه اي حرارة والرجة الحمد لله ما في

بالنسبة حق طريقة النيلة انا ما فهمتها بصراحة من شرحك
سؤالي من وين نحصل على هذه النيلة ( من اي مكان) وكم الكمية التي نضعها



ما دآمت الليآت لينة
فأكيد 97% ما عندك شطب { شعر } برآس المُحرّك .
بأذن الله .


أذآ المُشكلة عندك تهريب ماء قربة التبريد اللي هي اللديتر .
ضروري تفحص نظآم تبريد المُحرك { القربة + الليآت + الطبآت + غيرها }
يمكن التهريب يهرب وهو حآر بُخآر ولا تلقى لهُ أثر .
تعلم كيف تغير الطبآت بالطــُرق الصحيحة بالأشرطة والصور وعلومها ؟؟؟؟؟؟؟ بنفسك {DIY} . (http://www.mekshat.com/vb/showthread.php?t=446533)



ما هو صمآم الحرآرة { الكوع / الثرموستآت} وكيف صيآنتـُه { تغييرُه / أختبآرُه } {DIY} ؟؟؟؟؟؟؟ (http://www.mekshat.com/vb/showthread.php?t=429000)



النيلة هي النيلة العآدية التي تــُستخدم في تنييل العمآيم { الغُتر } والثيآب البيض .

[وجعين]

كانك عبيت السياره ماء وهي حاره مره خلاص على طول ينشعر الراس لكن تبي تأكد اليك الطريقه افتح غطاء الاديتر ودق سلف اذ ارتفع الماء من الاديتر مثل النافوره فراس منشعر والطريقه الثانيه شف غطاء المكينه حق الزيت فيه زبد (رغوه بيضاء)فهو منشعر واخيرا جرب السياره امش عليها مسافه 20 كيلو اذا ارتفعت فأكيد الماء ينقص وبتالي الراس منشعر يعني لا وقفت وبردت السياره افتح غطا الاديتر ان كانه ناقص يشكل ملحوض الراس منشعر .وان شاء الله يكون السبب من المراوح

[راعي الانفتتي]

مشكورين

يا اخوان اليوم الفجر مشيت فيها 50 كيلو تقريبا والحرارة طبيعية وانا واصل البيت لما هديت السرعة ارتفعت الحرارة!!

وقفت عند البيت ضغطت على دواسة البنزين تنزل الحرارة!! واذا شلت رجلي عن الدواسة الحرارة تبدي ترتفع من جديد الى النصف تقريبا

اضغط على الدواسة وتنزل الحرارة معاي مرة اخرى وهلم جرا

ما السبب؟؟

[راعي الانفتتي]

على كلام اخوي وجعين رحت شفت غطا الزيت

http://www8.0zz0.com/2012/05/30/16/569270983.jpg

واضح فيه رغوة ومويه خضرا على اطراف الغطا

شكله منشعر يا اخوان

والله قلبي يعورني

[راعي الانفتتي]

للرفع......

[وجعين]

هلا اخوي للاسف الراس منشعر الرغوه الي على الغطاء هذي زيت مع ماء يعني خالطه يحتاج مسح بلمخرطه او دورلك مكينه مخبطه بتشليح وخذ راسه يكون احسن ويعيش اكثر لان المخارط شغلهم مهب اكيد يضبط. لاكن اعتقد راس مكينة المكسيما هو نفسه يركب كم مديل سيارتك؟

[راعي الانفتتي]

اخوي الزيت ما فيه اي موية والشكمان ما يطلع اي دخان ابيض ولما ترتفع الحرارة ما يقطر!!

انا ابي افهم المشكلة من وجه الراس ولا الراس كله؟؟

وفي شي ثاني اني لما اسرع بالسيارة ومشيت فيها 50 كيلو ما فيها اي حرارة

بس لما اوقفها او امشي بالزحمة ترتفع معاي!!

السيارة 2010 وعلى الضمان

[فتى مكشات]

في هذه الاوقات الحارة جدا والمكيف شغال ترتفع درجة الحرارة اذا وقفت السيارة وما ان ادوس للسيارة تنزل الحرارة وما ان احرك السيارة حتى تنزل الحرارة يعني نفس المشكلة لديك .
اتجهة الى الصيانة وبعد الفحص ركبت مروحة خارجية والحمد لله الان لاترتفع في الوقوف وغيره .
معليش اخوي لاتوسوس اذهب الى مكان لصيانة اليسارات الموثوقة واعمل فحص واخبرك اذا الراس مشعور الحرارة دائما مرتفعة ولا تتحمل 50كيلو .
الامر بسيط والحمد لله ولا تبيع واحتفظ بسارتك افضل لك بس الظاهر انك حساس اكثر من اللازم .

[راعي الانفتتي]

^^^^^

اخوي انا مو حساس ولا شي بس منقهر ان السيارة باقية على الضمان ودخلتها عند الوكيل 3 مرات ويفحصها ويقول سليمة!! والماء ينقص بشكل ملحوظ والحرارة عالربع او الثلث وبالزحمة ترتفع الى النص وثلاث ارباع

المفروض احطها بالوكالة واحط رجلي بمويه باردة لان سيارتي مضمونه وليست خارج الضمان

الله يعينا على الحمراني

انا راسلت نيسان الشرق الاوسط وعرفوا بالمشكلة واستغربوا من تصرف الحمراني ورح يرسلون ايميل للادارة عشان يحلون المشكلة

[راعي الانفتتي]

للرفع اخواني

[وجعين]

شف ونا خوك السياره لاصار منشعر راسه ماتبي دكتوراة انت طبيب نفسك والسياره معك .اذا مشيت عليه مهب خمسين كيلو الا20 وبدت ترتفع وقفت ولقاته ناقصه علبة ما ابو ريال ويوميا تعبيه ماء خلاص يا الراس يا وجه راس بس بشروط لازم غطاء المكينه يصير فيه رغوه والما يطير ولا فيه تهريب والسياره يضعف عزمه وتلاحض انه مهب صافيه ونت ذكرت وجه راس ممكن يكون وجهة راس بس الي يخلين اقولك راس انت عبيته ماء يوم تحتر عليك وما خليته تبرد بعدين سو ها الطريقه ورد علي (افتح غطاء الاديتر بعد ما تعبيه فل وشغل اذا ارتفع الماء مثل النافوره فهو اكيد الراس لان الماء يكون داخل للبساتم وعند ما يتحرك البستم يضغط الماء الي داخل للبستم عن طريق الشعر الي براس المكينه ) صور لي الغطاء حق المكينه افضل من الصوره الاولى

[راعي الانفتتي]

اخوي وجعين

انا عبيت المويه لما تأكدت ان حرارة المكينة صارت ربع

عالعموم لو السيارة فيها راس مكينة ما اتوقع تمشي متر واحد واصلا ما تشتغل ابدا وفي دخان ابيض عند الشكمان بس عندي الحرارة عند الزحمة ترتفع وعند السرعة والمشي تنزل معاي

عالعموم اسوأ الاحتمالات واللي استنتجته يمكن يكون في وجه الراس منشعر

[وجعين]

معليش اخوي رجعت لصوره الاولى المويه الخضرا هذي اكبر دليل ان ماء الاديتر يخش للمكينه . وبعد كم يوم تبي تلاحض الرغوه تزيد على غطاء المكينه لانه في بدايته. الحمراني عارفين انه عندك الراس منشعر او وجهة الراس بس يمشونك الله لايوفقهم. نصيحتي دام السياره على الضمان وقفه عندهم الين يصلحونه .بعدين احمد ربك ترى الراس بسيط امره يعني المسأله قطعه المنيوم تغير مع الوجه عمليه استبدال مهب زي التخبيط الي يحتاج توضيب ويحتاج عشرات القطع .

[راعي الانفتتي]

^^^^^
اي صح اخوي هو في بدايته والسيارة عن يوم عن يوم تشغليها صار اصعب من قبل

السيارة اللحين داخل الوكالة

ان شاء الله الامور سهلة

[راعي الانفتتي]

يا اخوان

تم تغيير غطا الرديتر + بلف الحرارة والمهندس يقول الحرارة نفسها للحين مرتفعة ما تغيرت

باقي يغيرون الرديتر ويعرفون السبب ويتأكدون!! احتمال يحطونه عالضمان وان شاء الله يكون عالضمان

وقلت له اذا ارتفعت الحرارة بعد الرديتر ماني دافع لك ولا شي

احاول اخلي كل الشغله عالضمان لان سيارتي ما وصلت 100 الف

ماشيه 95 الف

[وجعين]

بشر وش صار عليك طلعت السياره من الوكاله؟

[راعي الانفتتي]

^^^^

مشكور على متابعتك موضوعي

لا والله ما طلعت السيارة وبيحطون رديتر جديد ويجربون اذا ضبطت كان بها واذا ما ضبطت يرجعون القديم

واعتقد الخطوة اللي بعدها يشوفون وجه الراس والراس للاسف

ان شاء الله من الرديتر

موضوع الضمان شائك ومتعب مع الحمراني للاسف وكييييييل سيئ لابعد درجة وكرهني بالسيارة وباليوم اللي فكرت اشتري من وكالتهم

مع اني مسوي اغلب الصيانات بالوكالة والرئيسية كلها

الله يعين

[وجعين]

الله يسهل امرك

[وجعين]

هلحين انا عندي مكسيما موديل99 من فكيته وكاله توه تطلب اديتر ونت 2010 مهب معقوله ماله سنتين اديتره جديد ؟والله ما عندهم سالفه يرفعون الضغط الله يعينك عليهم

[راعي الانفتتي]

^^^^

والله ما اتوقع من الرديتر

تخيل منتظر القطعة تجي من جدة ههههههههه

وكالة خضار هذي

[غدر الزمن]

اخوي مافيها شي كل اللي فيها شي واحد عندك هواء مع الماء اذا نقص الماء وعبيت

مره ثانيه لازم تسوي تنسيم الين تشوف يطلع ماء بدل الهواء والتنسيم هذا مسمار موجود

اعلى طرنبه الماء ... افتح المسمار وعب ماء الين تشوف يطلع مع المسمار وفقله

[وجعين]

اخوي مافيها شي كل اللي فيها شي واحد عندك هواء مع الماء اذا نقص الماء وعبيت

مره ثانيه لازم تسوي تنسيم الين تشوف يطلع ماء بدل الهواء والتنسيم هذا مسمار موجود

اعلى طرنبه الماء ... افتح المسمار وعب ماء الين تشوف يطلع مع المسمار وفقله
انت ونا خوك تحسبه ددسن تدري وين طرنبه الماء حقته ؟ تغيير طرنبته او مشاهدت الطرنبه يلزم فك المكينه من القير ومن الكراسي ورفعه . وبعض اللمكنيكيين يفكه كامله وينزل المكينه بل ارض.

[THE KILLER]

انا كان عندي سوبارو 99 ارتفعت حرارتها لين ا لاتش وكل يوم وفي الاخير خلطت موية وزيت وفيه دخان ابيض يخرج من عند الشكماان ومع كذا امشي عليها 140 كيلو وزي العسل ماشية وبعدين غيرت المكينة والسبب كانت السيارة عند اخوووي ماعرف لها

اذا مشكلتك من الروس الشغلة تكلفك فك وتركيب بس ونصيحةلا تخرط

[mekshaat]

^^^^^
اي صح اخوي هو في بدايته والسيارة عن يوم عن يوم تشغليها صار اصعب من قبل

السيارة اللحين داخل الوكالة

ان شاء الله الامور سهلة

اخوي من تجربه كان انك تعاني من صعوبه في تشغيل السياره معناه المشكله من وجيه
الروس لأن المكينه تسحب هوا وسبق صارت معي على سياره مازدا وقدر الشريطي يقنعني
بأن المشكله صعبه ولالقيت أحد يفهم فيها ولافيه الا الشريطي هذا كل ماجيت المعارض
نزل السومه وخذها مني7ألاف وعلمني واحد يعرفهم قال انهم غيرو لها وجيه وضبطت وباعوها دبل سعرها عموما فيه معالج لوجيه الروس بس ماأدري عن قوة المشكله عندك.

[راعي الانفتتي]

اخوي من تجربه كان انك تعاني من صعوبه في تشغيل السياره معناه المشكله من وجيه
الروس لأن المكينه تسحب هوا وسبق صارت معي على سياره مازدا وقدر الشريطي يقنعني
بأن المشكله صعبه ولالقيت أحد يفهم فيها ولافيه الا الشريطي هذا كل ماجيت المعارض
نزل السومه وخذها مني7ألاف وعلمني واحد يعرفهم قال انهم غيرو لها وجيه وضبطت وباعوها دبل سعرها عموما فيه معالج لوجيه الروس بس ماأدري عن قوة المشكله عندك.

وانا اتوقع هذا الشي

وجيه المكينة ان شاء الله ما تكلف مع شغل اليد 4 الاف ريال

خووووفي تكون المشكلة من الراس كله

اي نعم في معالجة وفي مواد

[راعي الانفتتي]

ابشركم شباب تم حل المشكلة

تم تغيير الرديتر وانحلت المشكلة وجربت السيارة بالزحمة والسرعة وكل شي تمام الحمد لله

في ضمان 6 شهور على الرديتر وشهر على الشغل من عند الوكالة

لو ارتفعت لا سمح الله بروح لهم وعلى الضمان

[THE KILLER]

ابشركم شباب تم حل المشكلة

تم تغيير الرديتر وانحلت المشكلة وجربت السيارة بالزحمة والسرعة وكل شي تمام الحمد لله

في ضمان 6 شهور على الرديتر وشهر على الشغل من عند الوكالة

لو ارتفعت لا سمح الله بروح لهم وعلى الضمان
:good2::good2::good:

[وجعين]

مبروك عاد تصدق اني افتح موضوعك يوميا ابشوف وش صار عليك بس انصحك تمسك خط بسياره لمده نص ساعه علىسرعه140 وشف هي ترتفع ولا لا بعدها وقف وخله تبرد وفتح غطاء الاديتر شف هو ناقص ولا لا . اكرف السياره على سرعه عاليه الله يستر عليك كانهم حطين محلول الي يسد وجه الراس يبي يبين .

[راعي الانفتتي]

^^^

ان شاء الله بجرب

[راعي الانفتتي]

تم تغيير الرديتر

http://www8.0zz0.com/2012/06/10/15/513452506.jpg

http://www8.0zz0.com/2012/06/10/15/863163222.jpg

معقولة هذا السبب؟؟

[وجعين]

سيارتك تماتيك شيك على زيت القير لانه بعد فك الاديتر ينقص زيت القير شوي

[راعي الانفتتي]

اي نعم اتماتيك

اممم بشيك ان شاء الله

تم قيادة السيارة لمسافة 160 كم -مسافة ليست متواصلة

والحمد لله الحرارة تمام التمام

صعدت معاي 3 مرات للثلث ونزلت خلال 3 ثواني الى الربع

ان شاء الله الامور تمام

[راعي الانفتتي]

اممم اعتقد عندي مشكلة

لما ادوس على دواسة البنزين الى اخر حد عدة مرات ( 3 مرات تقريبا ) يحصل معاي ارتفاع الى الثلث واخر مرة قربت الى النص!!

وبعدها نزل وشفت مويه خضرا على بودي السيارة ومويه على القربه

لما امشي فيها حتى لو ادوس بشكل عادي ما في اي حرارة

هل تعتقدون المشكلة من مويه الرديتر؟؟ لاني حاط مويه اللي يجي الجالون بـ 10 ريال

اغيرها الى موية الوكالة سعرها 200 ريال للجالونين!!

بالنسبة حق تشغيل السيارة تشتغل معاي بس لما تشتغل في رجفة تستمر 5 ثواني ثم تختفي واحس كأن السيارة تبي تطفي

اخااااااااااف من وجه الراس

ماشي فيها حتى الآن 270 كم من يوم ما غيرت الرديتر

[راعي الانفتتي]

للرفع:good2:

[راعي الانفتتي]

للرفع مرة اخرى

[Magellan]

^^^^
والله ياراعي الانفنيتي مانتب بعيد عن مشكلة الراس مع هالرجفة بالتشغيل
وتطشير المويه او اسميها حركة (الاستفراغ) دلال غير جيدة وكلها تحوم حول مشكلة الراس
وموية الرديتر مو شرط حقت الوكالة فيه بدائل مثل موية تويوتا او ميتسوبيشي او اي سي ديلكو او برستون او مرسيدس
يعني كل شركة ولها موية ويتنافسون واغلاها المورسيدس بـ60 ريال
والأحسن تحط جالون موية من اللي فوق ذكرتهن والباقي موية مقطرة
انت شيكت طرمبة الموية لايصير فيها تهريب تشوفها بالنظر
ترى تغييرها اتوقع مايكلّف واجد
واتوقع الاخ وجعين يشوف موضوعك ويتداخل زود

[راعي الانفتتي]

اي نعم عندي رجفة بالتشغيل خفيفة اول ما اشغلها بس لما امشي تروح ولما اوقف عند اشارة او اي مكان ما في رجفة

اللي وصلت له اللحين اتوقع وجه الراس مشعر لان لو الراس كان ما مشت معاي 270 كم بدون مشاكل!!

الموية انا احط موية ام 10 ريال عادية لاني عارف بتصير حالة استفراغ

طرمبة الموية امم والله ما ادري بس ما اتوقع

لان المشكلة اخوي مع الدعس المتواصل تظهر غير كذا كل شي تمام

[Magellan]

وانا اخوك الموية ام 10 ريال هي موية مقطرة موضوع معها محلول عادي صبغة
بس حقيقة ماراح تسبب هالمشاكل
اقصى ماراح تسويه هالموية هي الصدى في الرديتر ومجاري الماء وانت تقول بدلت الرديتر والسيارة ماشاء الله جديدة 2010 لسى ماوصلنا لحدوث انسدادات
ما أدري وش اقول لكن يؤسفني ان اقول المشكلة عندك بالراس
والمخرطة هم اللي يحددون يحتاج مسح او الإكتفاء بتدبيل الوجه
هذا اذ لم يكن راسها حساس ولايقبل الخرط وقتها تبديل راس كامل
والله المستعان

[راعي الانفتتي]

^^^^

اخوي مسألة وجه الراس ما استبعدها لكن مسألة الراس استبعدها تماما لان المشكلة مع الدعس القوي وليس مع الدعس العادي او القوي شوي

بوديها الوكالة واشوف ان شاء الله خير

في مادة بستخدمها حق وجه الراس وتسد الاماكن المشعرة

[mekshaat]

استخدم معالج وجه الراس الاوكراني يعالج جميع مشاكل نظام التبريح ويسكر التهريبات حتى تهريب طرمبة المويه مع الحمايه من الصحأ حسب ماهو مكتوب بالبرشور حقه المترجم بالعربيه وهو يجي سائل علبه250 مل تكفي وحده ﻷسياره

[راعي الانفتتي]

^^^
ممكن اخوي صورة المعالج ووين احصله

ابي اسمه بالضبط

[رفيع المقام]

الله يبشرك بالخير ..
والحمدلله وما دام الشغل بالوكاله وعليها ضمان فشغلك ok .

[وجعين]

^^^^
والله ياراعي الانفنيتي مانتب بعيد عن مشكلة الراس مع هالرجفة بالتشغيل
وتطشير المويه او اسميها حركة (الاستفراغ) دلال غير جيدة وكلها تحوم حول مشكلة الراس
وموية الرديتر مو شرط حقت الوكالة فيه بدائل مثل موية تويوتا او ميتسوبيشي او اي سي ديلكو او برستون او مرسيدس
يعني كل شركة ولها موية ويتنافسون واغلاها المورسيدس بـ60 ريال
والأحسن تحط جالون موية من اللي فوق ذكرتهن والباقي موية مقطرة
انت شيكت طرمبة الموية لايصير فيها تهريب تشوفها بالنظر
ترى تغييرها اتوقع مايكلّف واجد
واتوقع الاخ وجعين يشوف موضوعك ويتداخل زود

هلابخوي لا لاتغير الماء الماء مارح يفرق معك شي سوْا بوعشره اوحق الوكاله ابو200 دامك ماصلحت العطل الاساسي, الرجه الي تقول هذي معروفه لاصار وجه الراس اوالراس فيه خلال لاوقفت ناضر القير كان سيارتك عادي تلقاه يلعب انت تماتيك افتح الكبوت وشف المكينه كانه تهزهز عندك وجه الراس لان سيارتك2010 المفروض المكينه هاديه جدا اتوقع ولا ودي اضيق صدرك الوكاله حطو معالج بدل ما يغيرون لك وجه راس والله اعلم

[وجعين]

تقول اذا دعست توصل النص فيه خلال عندك وش رايك تجرب تشيل البلف يمكنه خربان وذا زبطت ركب بلف جديد ترى فكه بسيط جدا مسمارين يكلفك عشرين ريال عند ابو هنود لوي مانب مقتنع انه بلف بس جرب لانه مايكلف

[راعي الانفتتي]

^^^

اخوي بوجعين تم تبديل البلف مع الرديتر مسبقاًَ بالوكالة

اممم اليوم رحت الوكالة وطلعت فيها مع الفني وقمت ادعس شوي وارتفعت وقالي انت سياقتك مو عادية!! والسيارة اصلا ما تتحمل

قلت له يا اخي انا قبل ادعس واكثر من كذا ولا اشتكت من شي بعدين رجعنا الوكالة والفني معصب وكلم المدير بالموضوع وقالي انت ما تعرف تسوق!! قلت له اوكي تعال

ابيك انت تسوق انا بقعد جمبك وبنشوف وفعلا ساق السيارة وقعد يدعس شوي وارتفعت للنص واكثر بشوي

قالي شفيها!! الصبح اليوم ما فيها شي ! قلت له تسألني انا؟؟ وانتوا وكالة والمفروض تفهمون هالامور

المهم رفضت استلام السيارة حتى يتم التصليح

[GMC89]

والله اني احس ان المشكله في المراوح فقط

[طرقي 555]

يالطيب اناعندي نفس مشكلتك وطلع من الراس مشعووووور والوكالة يماطلونك لين ينتهي الضمان نصيحة لاتروح عليها الالما يزينون الراس وانامتاكد99 في المية بس انت تحاول تقنع نفسك انه مو الراس وحاولتتأكد انهم بدلوه او خرطوه عموما تراه مايكلف تلاحق عليه قبل تخبط السيارة

[وجعين]

انصحك اذا السياره معك تروح لورشه صح وتفحصه عندهم وهم يعلمونك اذا الراس فيه مشكله وذا كانت الوكاله فاكه الراس ولا لا يعلمونك يشفون مسماير الثلاجه مفكوكه ولا لا وشيك على غطاء المكينه مره ثانيه

[راعي الانفتتي]

اليوم كلموني الوكالة وقالوا لي لازم نفك الراس ونشوف اذا في وجه راس او راس!!

المشكلة كل هذا يبون يسوون مو على الضمان والله ناس ما تستحي وحراميه وانا مسافر اللحين ولازم ارجع واعرف اتصرف وياهم

للاسف الوكيل يتعامل معانا كأنه عدو ويحارب المستهلك بشتى الطرق!!

تغيير الرديتر مع الشغل كلف تقريبا 5 الاف ريال واللحين فك راس كم يكلف!

انا اتوقع الرديتر ما فيه اي شي
بحاول معاهم يصلحونه على الضمان غصبن عليهم والله يا اخوان السيارة ماشيه 96 الف ومطلعها من سنتين !
انا بآخذ الرديتر القديم واوديه عند ورشة رديترات واقولهم فحصوه لو طلع سليم وما فيه شي برجع فلوسي واركب الرديتر القديم وافك الراس واصلحه خارج الوكالة!

الله يعيينا على الحمراني

[turkiq]

كان الله في عونك اخوي بس لازم تاخذ في الاعتبار انهم الان قاعدين يحاولون الوصول بالسيارة لمسافة ال 100 الف كيلومتر وساعتها بيقولون لك وظب المكينة الله لا يهينك من كيسك.

اوصيك بأطلاع نيسان الشرق الاوسط على مستجدات الموضوع وبالذات نقطة ان الوكيل يحاول استغلال نقطة ان السيارة على وشك خروجها من الضمان.

وقبل ما تعطيهم السيارة في كل مرة سجل قراءة العداد وبين لهم انك منتبه للموضوع

وعموماً المنطق يقول انها حتى لو وصلت 100 الف ما يأثر هذا على الضمان
لان المشكلة حصلت قبل ال100 الف بس طبعاً راح يحاولون جهدهم لقلب الطاولة عليك

والله ييسر امرك ويكون معك

[وجعين]

انا علمتك خراب سيارك من اول رد بس انت الله يهديك ماقتنعت كانهم ماصلحوها على الضمان رح لورشه وشتر راس جديد كانه منشعر لا تخرطه وتمنى انه يطلع وجه الراس وخبرنا عن غطاء الاديتر؟هل مازال عليه بياض؟

[راعي الانفتتي]

^^^

اخوي لما غيروا الرديتر خفت درجة الحرارة الى الطبيعي بس لما اضغط عليه واشد تبدي تزيد وتوصل للنص واحيانا اكثر بشوي من النص

هم اللحين قالوا له رح نفتح الراس على حساب اجرة يد عمل الرديتر بس لو طلع في اي قطعة تحتاج تغيير لازم على حسابك تغيرها!!

وقالوا لي لا تحاول انك تصلحها على الضمان لانك ضمانك اصلا ملغي! عشان اكتشفنا ان الرديتر فيه طعجة يعني انت مسوي حادث!! عذر اقبح من ذنب

براسل نيسان الشرق الاوسط واعرف شنو يقولون واحاول معاهم وان شاء الله خير مع اني احس انهم متآمرين مع بعض علي

في اسوأ الاحتمالات بسوي الخطوات الآتية :

1- اروح افحص الرديتر عند ورشة رديترات واذا طلع الرديتر سليم ومو مسدود ونظيف واذا احتاج تنظيف بنظفه
2- ارجع فلوس قطعة غيار الرديتر الجديد اللي ركبوه واصلح وجه الراس من هالفلوس واتوقع كافية

وانا متأكد الرديتر مستحيل يسوي هالشي والمكينة ترجف لما اشغلها ويقولون حلو المشكلة بالكمبيوتر اخر مرة ولما رحت اشغلها اشتغلت بدون رجفة ولما طلعت جربتها وشديت عليها شوي ارتفعت معاي ورجعت الورشة ولما طفيتها وشغلتها رجعت الرجفة!

هالوكالة تحتاج واحد يعرف شلون يتعامل معاهم

وشكلي بستخدم هالمعالج حق وجه الراس اذا ضافت السبل

[وجعين]

وش اخر الاخبار يارعي الشرقيه عسى الموتر زان

[محمد 2002]

دور لك على مصور وصحفي وخذهم معك الوكاله الحراميه والله ان شافوهم غير يسوون اللي تبغا وقول لهم بأنشرها في الجرايد وفي النت واشرشح فيكم وتشوف ردة فعلهم الحراميه

[راعي الانفتتي]

^^^
المشكلة اني مسافر اللحين وما برجع الا بعد اسبوعين

اخوي كامري انا ساكن بالرياض

اخوي محمد فكرتك حلوة وبحاول اسويها ان شاء الله

[وجعين]

الله يستر لايصر انت الي بعد تفتيش ام سدره قبل شوي اشوف انفنتي جديد متعطله كوبيه

[راعي الانفتتي]

^^^

لا اخوي انا مسافر خارج المملكة والسيارة في الوكالة

[mekshaat]

بشر وش صار معك عسى المشكله انحلت.

[أبوأسامه...]

السلام عليكم ياأخي انا صارت على مشكله في شركة نيسان


الدفرنس فيه حنه(طبعا من استخدامي طلعتها الصبح وسافرت عليها لتركيا بعد العصر)السيارة نافارا

المهم دخلتها ثلاث مرات مالقيت نتيجه وأشتكيتهم بالغرفه التجاريه مانفع ودلني على طريقه واحد من الشباب ولقيت الحل الــــي وهـــــــو

هـــذى رقـــــــم مـــورد شـــركــــة نــيـــســـان بــالـــــشـــــق الاوســـــط وتـــلــقـــــى الـــــحـــل
اســــم الـــمــــوظـــفــــة فـــاطـــمــــة واطــلـــب تـــبـــديـــل الـــســيـــارة أو أصلاحـــهــا
(انا قلت لها ابي ابدل السياره) قالت لي (كانها قابله لتصليح يصلحونها على الضمان)

واخوي انت تقول انك دافع فلووس لهم كيف السياره جتك هديه ولا سارقها حبيبي انت شاري سياره بفلوسك يعني عليها ضمان 100ألف كيلو ولا5سنوات هذا كافي

خــــــذ الـــــــرقــــــــم هـــذى وكــــلــــمـــــهـــــــم 0097148032593وذا حليت المشكله طالبهم بالفلوس الي دفعت ولا ترجع شي من القطع المفكوكه لهم ولك الشكر....