طلب تنسيق رحله

[مملكة عبدالله]

ياشباب انا باذن الله باسافر للامارات ودي اتمشى بالعين وابوظبي احد يعرف برنامج او قد سافر للعين وابو ظبي لاهنتو

[ana_froos848]

حياك اخوي وهلا بيك
انا اخوك فراس من سكان العين وابوظبي
اخوي اول شي مدينة العين خضار وشجر ومدينة مناسبة للعوائل
عندك جبل حفيت جبل يطل على العين جدا رائع في الليل طريق مهيأ لتسوق وتطلع عليه بس احذر السرعة والردارات تراه مثل الرز وبنفس الوقت في نبعة ميتها حارة ومفيدة للجسم ويجود بها مسابح للنساء والرجال ويوجد بعد جبل حفيت منتجع الوادي هذا في ثلاث رياضات وهي التزلج على الامواج وتسلق جبل حفيت وبعد رياضة ما اعرفها وفي كم مسبح للصغار بس عن الاسعار لانه لاتوجد عندي فكرة عنها وعندك المولات وهم الجيمي مول البوادي مول والعين مول وانصحك بالبوادي والعين مول وفي طبعا حديقة الحيوان جدا رائعة وممتازة اغلب سكان الامارات يروحون عليها هذا بالنسبة لمدينة العين
اما بالنسبة لامارة ابوظبي ففيها طبعا عالم فيراري في جزيرة ياس وفيها استاد سباق الفورملا وعندك الكورنيش وفي بعد المولات مثل مول ابوظبي والمارينا مول والكورنيش هذا الي اعرفه عن ابوظبي لاني بشتغل فيها وأي استفسار انا جاهز وحياك الله
اخي العزير بالنسبة للسرعة لما تشوف اللوحةمالت السرعة مثلا 80كلم يعني تقدر تسوق 100 بعدها يمسك الرادار وحزام الامان لاتنساه وممنوع رمي المخلفات من السيار هاي غرمتها 1000درهم وبالعين في ببعض الشوارع ردارات متحركة وخفية فا احترس