ابي المشوره يالربع

[abu safah]

السلام عليكم ورحمة الله وبركاته
ياشباب عند جمس حوض
دودة الدركسون تهرب وضبتها بالثقبه ورجعت تهرب هل تنصحوني اوضبها مره ثانيه
او اشتريها من التشليح
واللي له خبره بالورش بالشرقيه يعلمني اي ورشه شغلهم عدل

[بدوي جنوبي]

عليكم السلام
دور بالتشليح قطعه نظيفه وسعر معقول أفضل من الأصلاح

[abu safah]

معقوله ولاواحد عنده خبره عن الورش او التشاليح بالدمام

[أصيل حجآ زي]

http://im.gulfup.com/2011-02-10/12973306271.jpg




نصيحة أحذر من كــُل التشآليح بمنطقة الظهرآن { الشرقية } .
رُح لغرب ورش صنآعية الدمآم { الخُضرية }
وأنت جآي من شآرع سعود كأنك تبي الجبيل / رآس تنورة السريع .
بعد أخر أشآرة في شآرع سعود { أشآة شآرع عــُمر أبن عبدالعزيز / سيهآت }
بعد الأشآرة تشوف على يمينك كفرآت بريلي الألمآنية .
تعد محل الكفرآت / تعد مفرق 71 + 91 وخلك في مفرق رآس تنورة الجبيل .
بعد الكفرآت وبوسط المفرّق تجد شآرع كبير رئيس يدخل لغرب الخُضرية .
أدخــُل الشآرع وبعد عدة ورش باليمين تشوف
ورشة السروآت بأدآرة المُهندس الفلسطيني أبو شعبآن .
مـُر عليه وقـــُل لهُ أنا مرسول لك من الأصيل الحجآزي .
أن شاء الله يدبر أمورك بفضل الله وتوفيقهُ .
وقــُل صآحبك بجدة مشغول .

أذا تبحث عن قطع
ما حصلت الأصلي فـ
أتصل بهذي التشآليح .
بس خلك حذر النصآبين كثيرين .
لازم توصي وآحد ثقة يروح يكشف
بنفسه ويتأكد ويضمن الشيء الزين 100% :


ارقام تشاليح الرياض والظهرآن وغيرهُما - (http://mekshat.com/vb/showthread.php?t=450252)



ارقام تشاليح قطع غيار وورش في الامارات (http://mekshat.com/vb/showthread.php?t=284912)

[YUKON_GMC]

ماذكرت الموديل ... لكن ان كان الموتر موديله بالتسعينات ,, فـ قيمتها جديدهـ فوق 2500 ريال .. ومستعمله في التشاليح من 400 - 1800 ريال ..

يوجد مجدده في 350 ريال بدون ضمان

طقم الاصلاح يوجد جي ام اصلي ب 170 ريال .. لكنه لايجي كامل ,, وهذا السبب اللي يخليها ماتضبط ..

لأن فيه ربله كبيره تباع لوحدها في مقدمه الدوده فوق ذراع الشاص ..


أن كنت تقدر تجي للاحساء فيه هندي متخصص وله ورشه صغيره في الصناعيه يوضبهم ويضمنهم 6 شهور ..

[abu safah]

2006 بيكب بدون دبل