-=مشكلة في الكربريتر =-

[mooma]

السلام عليكم
-
-
-
-
- مساكم الله بالخير

الله يسلمكم موتري الهايلكس 2001 كربريتر

الموتر فيه مشكلة رافعة ضغطي !!!!

وهي الكربريتر

موتري ماشي 200 الف تقريبا الموتر من شريته الى ما وصل 150الف وهو مافيه احلى منه

بعدها بدا الموتر يخنبق(يعني يخور وطلعت علومه الرديه ههه) المهم الي صار انه مايشتغل علطول واذا اشتغل الضغط يصير على (400Rpm) ويقعد يتفتف حتى الشكمان يطلع دخان اسود يقعد نصف دقيقة ثمين يضبط واذا رحت مشوار وطفيت الموتر وشغلته مايشتغل علطول (لازم اعطيه دعسه شوي)

المهم رحت لمكيانيكي اعرفه وقالي هذا الكربريتر يبيله اصلاح وجبت له طقم اصلاح وزينه

الموتر رجع ولا أحلى ماشاءالله ويشتغل بسرعه وحتى صوته خف

وقبل يومين رجعت نفس المشكله(بعد 50 الف كيلو بس !!)

فـقالي الميكانيكي نفسه (اعرفه من زمان فلبيني) وقالي هذا اصلاح وقلت له ياخي أنا جايك قبل ومزينه عندك قالي : صراحه هذا كربريتر شغلته موب سهله ووزنيته صعبه وقال الكربريتر اذا انفك يبليله واحد يرجعه مزبوووط....

سؤالي/ هل تشيرون علي بميكانيكي في الرياض ( دكتور كربريتر:D ) يضبط لي طقم الاصلاح ويوزنه صح؟؟ تكفوون الموتر تشغيلته تجيب الهم وتفشل ؟؟

ومـــشــــكـــوريـــن مـــقـــدمـا على المساعدة........

[saleh11941]

يا اخي راعي الهلكس شغلته بسيطه انشاء الله دق علي 0508866265

[طير جراح]

خذها مني
انا قبلك صارت معي وتغربلت وخسائر على الفاضي

الكلبريتر اذا خرب ما يفيد فيه اصلاح لازم جديد

[mooma]

مشكوورين جميعا على ردودكم

بانتظار رأي البقية

[وليد46]

50 الف كيلو بيوميييين اشواا اني مانب مووتر

[mooma]

^^^^^
أخوي ماأدري انت تنكت ولا تستخف دمك ؟؟؟؟؟

يعني بديهيا 50 الف كيلو يبي لي سنتين امشي ذا المسافه

وقصدي بيومين أن المشكلة رجعت لي ذا اليومين بعد مامشى الموتر 50 الف

هي واضحة من اصل ومايبيلها تفكير ...... بس ....... الله يهدي الجميع


بانتظار رأي البقية

[خبايا انسان]

عندي لك مهندس كربريتور ممتاز ,, اشهد انه دوا ,, بصناعيه الشفاء بالرياض وهذا رقمه ,, 0568961803

[mooma]

مشكور أخوي خبايا انسان على الافاده

والله مدري وش أقولك ؟؟ بس الشفاء بعييد علي (ساكن بمخرج9) وغير كذا مدري وين صناعية الشفا ما ادلها والله ؟

[sgl2002]

اسمع الكلام يابن الاجواد واختصر على نفسك

الكلبريتر اذا انفك ولعبت به او خرب لازم تبدله جديد ولا تتعب نفسك

الكلبريتر لاتخلي احد يحط يده فيه

فقط كل ٣٠ الف او ثلاثة شهور قم بتنظيفه ببخاخ اسي ديلكو وخلاص يقعد معك فترة طويلة جدا

وانا اقول غيره واختصر وبعدها لاتخلي احد يلمسه

[mooma]

^^^^م
مشكووور أخوي على مرورك

أجل تهقى الكربريتر خلاص معد يضبط

طيب مادامك تشور علي بالجديد ؟؟ وش رايك في كربريتر ادل بروك Edlbrok cmf 500

[mooma]

بانتظار الافادة

ياليت احد يلدنا على د.كربريتر يكون بصناعية النسيم او الصناعية القديمة