نداء الى كبار صقاقير المنطقه الشرقيه وبا الاخص الدماااااااام ؛؛؛؛؛؛؛؛؛؛؛؛؛؛؛؛؛؛؛؛؛؛؛؛

[الطبشي]

السلام عليكم ورحمه الله وبركاته
اول شي شدني موضوع اخوي على مزاد مكه للصقور وهذا الي خلاني احط الموضوع
با النسبه لكون الدمام منطقه رابطه بين صقاقير الخليج با المملكه
ودنا يكون فيه مزاد رسمي يقوم به احد الصقاقير الكبار با المنطقه ؛؛؛؛؛ وكان فيه مزاد قايم فيه الهويدي الله يجزاه خير لاكن مدري وش الضروف
ومن هذا ودي اناشد اهل المنطقه بعمل مزاد خاص للصقور ومستلزمات الصقور من اجهزه تتبع او او او الخ
واذا فيه احد يؤيد الفكره يعطيني رايه والسلبيات والايجابيات وتكون هادفه




وتقبلو رائيي اخوكم ابو محمد

[ابوماجد6641]

يامرحبا اخوي الطبشي عساك طيب ان شاء الله
بالنسبه للموضوع انا معك وضم صوتي لصوتك

[الطبشي]

هلابك يابو ماجد
ولي الشرف طال عمرك

[رااعي بتار]

السلام عليكم مساكم الله بالخير كلامك عدل يابومحمد وانا اضم صوتي لصوتك :good2::good2:

[ابو محمد1111]

انا ايدك الموضوع مافيه اي سلبيات بالعكس مفيد
انشالله اهل المرابط يسون مزادات
اخوك/ عبدالله الخييلي

[الطبشي]

هلا والله ابو محمد (راعي بتار)
ومثلك يهمنى رايه ولايهونون الربع

[الطبشي]

هلابك اخوي عبد الله الخييلي
ان شاء الله توصل الفكره لاصحاب المرابط الكبار

[(هزاع)]

اوافقك الرأي بشرط
ههههههههه
ان تكتب بدون خط مكسر
3 مداخلات لك بخط مكسر بالموضوع ذا
مدري ليه تحب تتعب اللي يقرا لك
تراي اعرف اكتب بخط مخفي انظر مداخلتي الثانيه

[الطبشي]

هلا والله اخوي هزاع
يهمني رايك
وبا النسبه للخط كل فقره لها خصوصيتها
الله يطول عمرك

[(هزاع)]

اللهم ارحم وغفر لوالدي اخوي الطبيشياللهم امين

[(هزاع)]

الله يرزقك من فضله

[الطبشي]

الله يجزاك خير يا هزاع

[قرناس شمالي 1]

أضم صوتي لصوت أبو محمد

[BO-SARA]

صحيح كلامك يا خوي الطبشي

المنطقة الشرقية مناسبه جدا لعمل مزادات فيها

لاكن التنفيذ صعب راح يكون اذا كان كل مره

يعني لو يصير في الشهر مره مزاد وفيه نسبه فوائد

راح يكون ناجح

وعسا الله يوفق ويتحركون كبار المربين في التنفيذ

واي خدمه نقدر نقدمها راح نكون في الاوله

تقبل مروري اخوك ابو سارا

[قلب ذيب]

حياكم الله .
لماذا لايكون معرض سنوي , يتم عرض فيه كل مايتعلق بالطير والصيد , ويمتد لعدة اسابيع ويتم المزاد من خلاله , ويمكن اقامة فعاليات تراثيه أخرى , وتنظيم زيارات لتلاميذ المدارس له , حتى يمكن مشاركة شركات وموسسات نتظيم الرحلات الى الخارج .
وتكون له ايجابيات تحقق الاهداف المرجوووووووه منه .

[الطبشي]

اخوي الصميدعي
واخوي ابو ساره يهمن ي رايكم
وان شاء الله يوصل لاهل الشان

[الطبشي]

هلابك قلب ذيب
مثل هذا ما اتوقع يصير با المنطقه الشرقيه
لان كل الجهود الي تبذل عندنا جهود فرديه ولا فيه اي جهه مختصه تشارك
عندنا المشاركه با المنع فقط

اذافيه منع شفت جميع الجهات موجوده عندك

[الاشعل 316]

الطبشي انا اضم صوتي لصوتك

ابو سطام

[501]

ما قصرت يا الطبشي والله يكتب الي فيه الخير ان شاء الله
501

[عابر الموج]

مافيه شي مستحيل لكن تطابق الاراء فقط فيما بينكم تنجح الفكرة بالتوفيق ان شاءالله

[قرناس شماالي]

موفق خير يالطبشي

وفكره ناجحه وسلبيتا عدم تطبيقها بمنطقه متصله بلخليج

[الطبشي]

الاشعل
501
عابر الموج
الله يعطيكم العافيه على تفاعلكم مع الموضوع [/COLOR]

[كلي فخامه]

المفروض تكون في كل منطقه مزاد بشمال والجنوب والغربيه والشرقيه مو بس بالوسطا ياخي الواحد يضربله مشوار ويتعنا لابد تكون في كل منطقه مزاد

[النـادر]

مابه احد يشري وانت خابر الا ثلاثة اشخاص

والبقيه اغلبهم متفرجه والا ينتظرون طلوع الطير من السوق تقول السعي يبي يذبحهم

الرجال يتخسر ويكلم ويجيب البعيد واخرتها يباع طير والا طيرين والا ثلاثة بس

الفكرة جيدة لكن التجارب السابقة لاتشجع

[ابو بدر444]

انا مؤيد انها تكون بأحد المرابط الكبيرة

ولكن تحت شروط وقوانين حتآ تكون منضبطة ومقيدة

مثل ( رسوم دخول الطير للمزاد ) واذا تمت البيعة بيكون الرسوم مناصفه بين البائع والمشتري
ومثل يكون فيه عيادة طبية معتمدة تحت إشراب طبيب متخصص
ومثل يكون فيه إشراف صقار معروف على الكشف على الطير بالمدعى وهو يعطي الحكم على الطير
ومثل يكون فيه ( عربون او رسوم الدخول في المزاد ) واذا سام وتراجع عن سومته يروح عليه العربون


والله يرزق الجميع ويوفقهم