سالفة:دلال الدلوعه..قوافي

[قوافي ( أم نهار )]

http://t1.gstatic.com/images?q=tbn:ANd9GcR8eH4b6CR6kSa7x5Gwp8bao0vkBv4O3 Aolr0Wysx1FWvmEMXWbow


@مشرفينا.أخواني.أخواتي.زوارنا@
@حياكم الله @
رياضنا الحبيبه على عهد الملك خالد رحمه الله بدئت بالتوسع واصبحت الاحياء مترامية الاطراف وبما أن التنامي كان سريع لابد من ان يكون هناك أحياء من غير مدارس ومدارس من غير احياء..
سكنا بيت بعيد عن المدارس وكان الوالد الله يطول عمره هو اللي يودينا للمدرسه لكن كان مظطر يسافر كم يوم فقال لأبو جيراننا بما أن عياله وبناته دايم يروحون معنا أنه ياخذنا للمدارس ألين يرجع من السفر..
وافق ابو الجيران وليته ما وافق.. سيارته كانت خربانه وكل يوم بدل ما تشيلنا السياره شوي ونشيلها حنا روتين صباحي دف لا تدف ..أشتغلت لألألألألأ طفت دفو نكس..
وعلى هالحال يومياً ولين وصلنا المدرسه ولانا متأخرين وشهبان مع التفحيط والدف لين تشتغل ((دلال)) هذا الاسم انا اطلقته عليها ..صراحه سياره مدلعه..
كل يوم ناخذ لنا زفة تأخير العيال توقيف وحسب الكيف يمكن فلكه وتعهد ..والبنات تسطير وتعهد ..
شلنا هم للمدرسه ويا غايبين اصرف او تكتب الوالده عذر.. ويا حبيل أميمتي الله يطول بعمرها ويخليها ..ماتعرف تكتب إلا شي بسيط وتكتب لنا أعذار وبصراحه تقبل بصدر رحب من مديرة المدرسه ان امداها علينا قبل التسطير..
بيوم انا تعبانه ومتضايقه والمريول توصخ من شكمان السياره والشوشه تقل مضله وجت المراقبه تبي تهاوش كالعاده وانا انا ظرها بعين حاره يوم قالت :
قـــــــــــــــــوافــــــــــي
قلت:
خــــــيـــــــر ؟؟
وش تبين كرهتيني نفسي ألاقيها منتس ولا من ابو فلان ابوسياره ميته!!
خلاص لا عاااااااد تنادينن تفهمين ؟؟
طارت عيونهم مابين مستغرب ومابين ضحك وانا الطبلون ألـــــف وحنا بعز البرد ودي اكفخ أحد..والحمد لله ان الوالد جا عقب اسبوعين من الشقاء ..تحياتي
اختكم
..قوافي..

[ابو الشبرميات]

هههههههههههههههههه
ذكرتيني بالمدرسة والتاخير
قصة جميلة وسرد اجمل
الله يخلي لنا والدينا ويرزقنا برهم في حياتهم وبعد مماتهم
دايم معنا على الزينة والشينة ويبحثون لنا عن مبررات واعذار
بانتظار جديدك المميز
,,,

[محمد الظاهري]

ههههههههه
تذكرنا ايام الدراسه والمدير يلحقنا من مزرعه الى مزرعه
اشكرك جزيل الشكر
تحياتي

[بنت الأحساء]

السلام عليكم

هلا وغلا قوافي اخبارك ياقلبي

ههههههههه والله حاله مع سياره دلوعه ماتشتغل وبين تهزيء المدرسات وصراخهم من الصباح اعجبني ردك على الاستاذه هههههه

رجعتي بذكرياتي للمدرسه مضى على تخرجي منها 7 سنوات

حتى انا منزلي بعيد عن المدرسه واروح بالباص الاصفر عاد في يوم الامتحانات النهائيه تأخر الباص عني بسبب عطل واصلحوه ووصل الباص وركبت انا واختي ووصلنا متأخرين المدرسه ودخلنا وشافتنا المديره صرخت ياسلام ليش متاخرين قلنا الباص تاخر علينا وخلتنا نكتب تعهد بان مانتأخر مره ثانيه مالنا ذنب في الموضوع هههههههه

آسفه طولت في الكلام

وتسلمين يالغلا ع السالفه الروووعه

دمتي بحفظ الرحمن وتقبلي مروري المتواضع

[ذراع الذيب]

السلام عليكم ورحمة الله وبركاته,,
صبحتم بالخير جميعاً..

قصه فيها حكمه شفتي وشلون الدنيا بدون اب او بدون ام او بدون الاثنين,,
دنيا ضايعه الله لايحرمنا منهم ويكسبنا رضاهم وبرهم اللهم امين ويحفظهم لنا جميعاً..
وعساي ماقصرت في والديني وتحياتي لك,,

[النبهاني]

وعليكم السلام ورحمة الله وبركاته
حيا الله قوافي الابداع
الله على ايام المدرسه وما ادراك ما المدرسه
ولله در زمان اول واهله
كانت قلوبهم نظيفه وسيارتهم خربانه
وهالحين القلوب خربانه والسيارات نظيفه الا من رحم الله
قلت:
خــــــيـــــــر ؟؟
وش تبين كرهتيني نفسي ألاقيها منتس ولا من ابو فلان ابوسياره ميته!!
خلاص لا عاااااااد تنادينن تفهمين ؟؟

اثرك بعد حمشيّه بعد انا طارت عيوني وانهبلت
قولي آمين الله يحفظ لنا ولك الوالدين ويرزقنا برهم دنيا وآخره
دمتي موفقه

[عابر سبيل 1]

وعليكم السلام
حياك الله أختي المبدعه قوافي ...
والله ماتلامين لو تجيبين كل طبلونك والحراره تاصل ألفين ...
معذوره يوم هاوشتي الأبلاء، دفدفة دلال من صباح الله ونكد وأخرتها هوشه من الأبلاء...
تحياتي لك والله يخليلك والدينك ...

[Al3rands]

ههههههههههههه اما الاسم دلال بس ودي اعرف وش شعور الابلا يوم رديتي عليها

[ع. بن عمار]

و عليكم السلام ورحمة الله وبركاته
حي الله الشيخه قوافى
على البركه الوسام البرونزى تستهالين كل خير
جعلي ما اعدمس قولى آمين (أهل الشام يقولون الله لا يعدمنا اياك)
يا زين ذيك الأيام زيناه على ما فيها وما عليها
عاد حنا يالعيال جعلس ما تشوفين شلون كشختنا
منشين الشماغ وطاقين بنت البكار (يسمونها أهل الشرقيه شريمبو) لا ونتحرك ونناقز وهي ثابته ما تطيح أبد
وأنتم يا البنيات المريول ومريله ومعكم شنطة الخياطه و أغراض حقت حصة التدبير
أيام الله يذكرها بالخير


((دلال)) هذا الاسم انا اطلقته عليها ..صراحه سياره مدلعه..


ما شاء الله عاشت الأسامى
جعلك فى الجنه هذا وهى محسره بكم أجل لو أنها زينه كان وش سميتيها ؟
كان موتر الوالد الله يحفظه نسميه أم الجمايل

تكتب الوالده عذر.. ويا حبيل أميمتي الله يطول بعمرها ويخليها ..ماتعرف تكتب إلا شي بسيط

الله يخلى لس أميمتك و أبوك و جعل الله يطول في أعمارهم علي الطاعه

[ذيب الفقارة]

أختي قوافي :

ذكرتيني بالعم (( دفوني )

هذا العم يوقف سيارته بجنب بيته وطبعا على أرض مستوية

وفي كل صباح يصيح (( دفوني .. دفوني ))

وسماه الناس .. دفوني

مشكورة أختنا قوافي

تحياتي وتقديري

[قوافي ( أم نهار )]

هههههههههههههههههه



ذكرتيني بالمدرسة والتاخير
قصة جميلة وسرد اجمل
الله يخلي لنا والدينا ويرزقنا برهم في حياتهم وبعد مماتهم
دايم معنا على الزينة والشينة ويبحثون لنا عن مبررات واعذار
بانتظار جديدك المميز
,,,


هلابك اخوي
الله يذكرك بالشهاده
مشكلة المشكلات صعب يصدقون بأسباب التأخير وتاخذها تكفيخ..
الجميل حضورك الكريم
اللهم آمين(جزاك الله خير )
والد ووالده.. سبحان الله شعور ماتحس معناه ولا تعرفه لين يجيك عيال وتعرف ليه كانو كل شي يسوونه ولو بيدهم الدنيا كلها عطونا اياها من دون تردد ..
تامر اخوي عن قريب
اسعدني مرورك وردك
تحياتي لشخصك الكريم
اختك
..قوافي..

[نجم000الشمال]

حيا الله اختي الغالية قوافي..........ويا مال العوافي
تراي اخذة بخاطري عليس يا قوافي .... تسمين السيارة الخربانة على اسم بنيتي الغالية (دلول) :D
بس مسامحك على قصصك الحلوة والامتاع حتى الاشباع ... دعاية كنتاكي :D
اجمل تحية لقوافي العطاء الذي لا ينضب .. ماشاء الله تبارك الله.

[قوافي ( أم نهار )]

ههههههههه



تذكرنا ايام الدراسه والمدير يلحقنا من مزرعه الى مزرعه
اشكرك جزيل الشكر


تحياتي



هلابك اخوي ومشرفنا محمد
الحمد لله مهوب انا لحالي اللي عانيت من الـــ......
ههههههههههه أكيد كل واحد حسب الـــ.....أخذ العقوبه
تذكر الخير ان شاء الله
تحياتي وتقديري واحترامي لشخصك الكريم
اختك
..قوافي..

[ذراع الذيب]

السلام عليكم ورحمة الله وبركاته,,

صبحتم بالخير جميعاً..


قصه فيها حكمه شفتي وشلون الدنيا بدون اب او بدون ام او بدون الاثنين,,
دنيا ضايعه الله لايحرمنا منهم ويكسبنا رضاهم وبرهم اللهم امين ويحفظهم لنا جميعاً..

وعساي ماقصرت في والديني وتحياتي لك,,

وكان الله في عون كل يتيم ويتيمه اللهم امين

[قوافي ( أم نهار )]

السلام عليكم

هلا وغلا قوافي اخبارك ياقلبي

ههههههههه والله حاله مع سياره دلوعه ماتشتغل وبين تهزيء المدرسات وصراخهم من الصباح اعجبني ردك على الاستاذه هههههه

رجعتي بذكرياتي للمدرسه مضى على تخرجي منها 7 سنوات

حتى انا منزلي بعيد عن المدرسه واروح بالباص الاصفر عاد في يوم الامتحانات النهائيه تأخر الباص عني بسبب عطل واصلحوه ووصل الباص وركبت انا واختي ووصلنا متأخرين المدرسه ودخلنا وشافتنا المديره صرخت ياسلام ليش متاخرين قلنا الباص تاخر علينا وخلتنا نكتب تعهد بان مانتأخر مره ثانيه مالنا ذنب في الموضوع هههههههه

آسفه طولت في الكلام

وتسلمين يالغلا ع السالفه الروووعه

دمتي بحفظ الرحمن وتقبلي مروري المتواضع


حياك ربي اختي الغاليه
اخباري عال العال والحمد لله على كل حال
ردي من حر مانس تحسبنا مبسوطين على التاخير ولا يعرفون شي اسمه عذر نسو انهم كانو طالبات بيوم من الايام..
ارتحتي انا مضى على تخرجي سنين ولين الحين اذكر البهذله..
معظم ايام التاخير مهوب حنا السبب بس من يعذر والتعهد والم ويامن تعهد وتعهد اكثر من شهاداتي:D
لاطولتي ولاشي مكانك ومتصفحك وياهلابك وبكل ماتكتبين
اسعدني مرورك الغالي وردك الجميل
تحياتي وتقديري واحترامي
اختك
..قوافي..

[قوافي ( أم نهار )]

السلام عليكم ورحمة الله وبركاته,,

صبحتم بالخير جميعاً..


قصه فيها حكمه شفتي وشلون الدنيا بدون اب او بدون ام او بدون الاثنين,,
دنيا ضايعه الله لايحرمنا منهم ويكسبنا رضاهم وبرهم اللهم امين ويحفظهم لنا جميعاً..

وعساي ماقصرت في والديني وتحياتي لك,,



عليكم السلام ورحمة الله وبركاته
صبحك الله بالنور والسرور
الله لايخلينا منهم ويجعلنا من البارين بهم ويعطيهم الصحه والعافيه ويطول بعمارهم وعمر كل غالي ويرحم الحي والميت من عباده المسلمين..
اللهم امين والله يجزاك خير على الدعاء تقبل الله منك إن شاء الله..
الله يكرمك برضاهم وبرهم
اشكرك لمرورك وردك الكريم وحضورك الجميل
تحياتي وتقديري واحترامي
اختك
..قوافي..

[قوافي ( أم نهار )]

وكان الله في عون كل يتيم ويتيمه اللهم امين

اللهم آمين
اللهم آمين

[قوافي ( أم نهار )]

وعليكم السلام ورحمة الله وبركاته



حيا الله قوافي الابداع
الله على ايام المدرسه وما ادراك ما المدرسه
ولله در زمان اول واهله
كانت قلوبهم نظيفه وسيارتهم خربانه
وهالحين القلوب خربانه والسيارات نظيفه الا من رحم الله
قلت:
خــــــيـــــــر ؟؟
وش تبين كرهتيني نفسي ألاقيها منتس ولا من ابو فلان ابوسياره ميته!!
خلاص لا عاااااااد تنادينن تفهمين ؟؟


اثرك بعد حمشيّه بعد انا طارت عيوني وانهبلت
قولي آمين الله يحفظ لنا ولك الوالدين ويرزقنا برهم دنيا وآخره


دمتي موفقه


الله يحييك اخوي النبهاني
الله يرحمنا هذا اقل شي يقال عنا الان كل شي غير ومن اسوء لأسوء الله يعين ذريتنا وعيالهم على حياتهم ويعيننا..
لا حمشيه ولا شي بس التكفيخ يومياً واحراج ولا فيه احد يعذرك زود انت بأيش وهم بأيش طلعت من القلب ولا صابرين على الغثى بس كثر الضغط يولد الانفجار..
اللهم آمين يارب العالمين
سرني حضورك الكريم وردك الجميل
تحياتي وتقديري واحترامي
اختك
..قوافي..

[احمدالدمام]

قوافي ننتظر الاجمل

[دل البحار]

والله فاهم احساسك ياقوافي
ولا أنكد من التوقيفه ع الصباح ، وسبحان الله المدرس يحسس الطلاب ونفسه أنه أسعد أنسان بالدنيا ، وأكيد المدرسات (الابلات)
ياريت تنعاد لك ذيك الايام ياقوافي فجأة ترجعين كذا لايامها خخخخخخخخخخـ
يعطيك الف عافيه ""

[قوافي ( أم نهار )]

وعليكم السلام


حياك الله أختي المبدعه قوافي ...
والله ماتلامين لو تجيبين كل طبلونك والحراره تاصل ألفين ...
معذوره يوم هاوشتي الأبلاء، دفدفة دلال من صباح الله ونكد وأخرتها هوشه من الأبلاء...

تحياتي لك والله يخليلك والدينك ...



الله يحييك ويبقيك اخوي
:D الله يسامح الجميع دلال والأبلاء ..دلال اخرتنا عن المدرسه والمراقبه ماعطتنا فرصه نشرح الاسباب او تفهمت ان التأخير موب منا..
اللهم امين والله يجزاك خير
اسعدني مرورك وحضورك الكريم
تحياتي وتقديري واحترامي
اختك
..قوافي..

[قوافي ( أم نهار )]

ههههههههههههه اما الاسم دلال بس ودي اعرف وش شعور الابلا يوم رديتي عليها


حياك ربي اخوي
الاسم جا من بطة الكبد من هالمخققه ماتمشي إلابالترجي وحب الخشوم..
طارت عيونها وعيون الباقيات بس كانت النتيجه عقاب اكبر ..
اسعدني مرورك وحضورك الكريم
تحياتي وتقديري واحترامي
اختك
..قوافي..

[قوافي ( أم نهار )]

و عليكم السلام ورحمة الله وبركاته
حي الله الشيخه قوافى
على البركه الوسام البرونزى تستهالين كل خير
جعلي ما اعدمس قولى آمين (أهل الشام يقولون الله لا يعدمنا اياك)
يا زين ذيك الأيام زيناه على ما فيها وما عليها
عاد حنا يالعيال جعلس ما تشوفين شلون كشختنا
منشين الشماغ وطاقين بنت البكار (يسمونها أهل الشرقيه شريمبو) لا ونتحرك ونناقز وهي ثابته ما تطيح أبد
وأنتم يا البنيات المريول ومريله ومعكم شنطة الخياطه و أغراض حقت حصة التدبير
أيام الله يذكرها بالخير


((دلال)) هذا الاسم انا اطلقته عليها ..صراحه سياره مدلعه..


ما شاء الله عاشت الأسامى
جعلك فى الجنه هذا وهى محسره بكم أجل لو أنها زينه كان وش سميتيها ؟
كان موتر الوالد الله يحفظه نسميه أم الجمايل

تكتب الوالده عذر.. ويا حبيل أميمتي الله يطول بعمرها ويخليها ..ماتعرف تكتب إلا شي بسيط


الله يخلى لس أميمتك و أبوك و جعل الله يطول في أعمارهم علي الطاعه



الله يحييك ويبقيك اخوي
الله يبارك بك وبنفسك الكريمه
تستاهل اكثروعقبال الياقوتي
اللهم آمين
الله يرفع قدرك على التقدير ويجمل ربي حالك
(بنت البكار) اذكرها والمريول ومريول الطبخ وقش الطبخ والخياطه يحسبون انهم بيعلمونا شي لكن حنا كسعوديات متعلمين شئون المنزل قبل رابع ابتدائي يعني منهجهم متأخر شويات..
سميتها دلال لأنها مدلله ما تمشي إلا بحب الخشوم والترجي على هالصبح..
(ام الجمايل)
اكيد تستاهل شكلها متجمله معكم وماقد طفت مثل دلال ..
آمين الله يطول عمارهم بطاعته وبالصحه والعافيه وعمار المسلمين..
اسعدني مرورك الكريم وحضورك الجميل
تحياتي وتقديري واحترامي لشخصك الكريم
اختك
..قوافي..

[قوافي ( أم نهار )]

أختي قوافي :



ذكرتيني بالعم (( دفوني )


هذا العم يوقف سيارته بجنب بيته وطبعا على أرض مستوية


وفي كل صباح يصيح (( دفوني .. دفوني ))


وسماه الناس .. دفوني


مشكورة أختنا قوافي



تحياتي وتقديري




حياك الله اخوي
الله يذكرك بالشهاده
(العم دفوني) الحمد لله انها ذكريات
مدري ليش ما يحسون انهم يضايقون بدفدفة سياراتهم!! مافي مانع مره ثنتين ثلاثه بس تصير برنامج يومي ياوالله الغثى..
اشكرك على مداخلتك
اسعدني حضورك ومرورك الكريم
تحياتي وتقديري واحترامي
اختك
..قوافي..

[قوافي ( أم نهار )]

حيا الله اختي الغالية قوافي..........ويا مال العوافي

تراي اخذة بخاطري عليس يا قوافي .... تسمين السيارة الخربانة على اسم بنيتي الغالية (دلول) :D
بس مسامحك على قصصك الحلوة والامتاع حتى الاشباع ... دعاية كنتاكي :D

اجمل تحية لقوافي العطاء الذي لا ينضب .. ماشاء الله تبارك الله.



الله يحييك ويبقيك اخوي
الله يعافيك ويحفظك ربي
اعتذار كبير للغاليه (دلول) الله يصلحها ويخليها لك إن شاء الله ويرزقك برها وبر خواتها وكبتن أسامه اللهم آمين..
الله يجزاك خير والمسامح كريم:D
تسوي دعاية كنتاكي :eek: ياويلك من فريد تشكن
الله يحييك ويديمك اخوي
يسعدني حضورك العاطر وردك الجميل
تحياتي وتقديري واحترامي
اختك
..قوافي..

[المهاجر انا]

يازين التراب والتعب وصفوة النفس الحين عكس الا من رحم الله ولو شكلك قويه هههههههههه

[قوافي ( أم نهار )]

قوافي ننتظر الاجمل



حياك الله اخوي
انشاء الله تامر اخوي
اسعدني حضورك ومرورك الكريم
تحياتي وتقديري واحترامي
اختك
..قوافي..

[قوافي ( أم نهار )]

والله فاهم احساسك ياقوافي

ولا أنكد من التوقيفه ع الصباح ، وسبحان الله المدرس يحسس الطلاب ونفسه أنه أسعد أنسان بالدنيا ، وأكيد المدرسات (الابلات)
ياريت تنعاد لك ذيك الايام ياقوافي فجأة ترجعين كذا لايامها خخخخخخخخخخـ

يعطيك الف عافيه ""



الله يحييك اخوي
جزاك الله خير وما أضن ان فيه طالب ما مر بموقف تاخير وتوقيف صباحي
الحقيقه تظل واضحه بعصبيته الصباحيه والتكشيره اللي مالها داعي لو يحسس الطلاب من هنا لبكره ..
تنعاد ايه وتوقيف لا..
الله يعافيك اخوي ويحفظك من الشر
اسعدني مرورك وحضورك الكريم
تحياتي وتقديري واحترامي
اختك
..قوافي..

[قوافي ( أم نهار )]

يازين التراب والتعب وصفوة النفس الحين عكس الا من رحم الله ولو شكلك قويه هههههههههه


حياك الله اخوي
الحمد لله اننا طيبين والباقي إن شاء الله مأجورين عليه..
القوه بالله وحده.. هذا كان حقي عليهم انهم يقدرون الموقف و يفهمون ان التاخير ليس باليد ..
اسعدني مرورك وحضورك الكريم
دمت بحفظ الله
تحياتي وتقديري واحترامي
اختك
..قوافي..

[ksa 8888]

اللة وكبر يازمان مضلى اجنى زهوروالقلب مرتح:f

[قوافي ( أم نهار )]

اللة وكبر يازمان مضلى اجنى زهوروالقلب مرتح:f


حياك الله اخوي
اسعدني حضورك ومرورك الكريم
تحياتي.اختك
..قوافي..

[غريبه]

الله يوسع صدرك بالإيمان وطاعة الرحمن وين ذكرتينا أيام مضت اسعدتنينا بسلفتك الرائعة اجل دف ولاتدف ;);)😄😄😄😄كانت ايام فيها البساطة والنفوس صافية اسعدني سردك الأكثر من رائع وأنا من المتابعين لك منذ زمن شكراً لك وننتظر المزيد

[قوافي ( أم نهار )]

الله يوسع صدرك بالإيمان وطاعة الرحمن وين ذكرتينا أيام مضت اسعدتنينا بسلفتك الرائعة اجل دف ولاتدف ;);)😄😄😄😄كانت ايام فيها البساطة والنفوس صافية اسعدني سردك الأكثر من رائع وأنا من المتابعين لك منذ زمن شكراً لك وننتظر المزيد


حياك الله وياهلابك
جزاك الله خير وياك والمسلمين اجمعين..
انا الاسعد بحضوركم الكريم..
وش نسوي شقاء من أجل البقاء ندف والشكوى لله..
كلام صحيح كل شي بهاك الوقت جميل وله طابع فقدناه بالوقت الحاضر للأسف..
يسعدني ويشرفني متابعتك وحياك ربي..
دمت بحفظ الله
تحياتي وتقديري واحترامي لشخصك الكريم
اختك
..قوافي..

[ابو صفوق]

يالله ان تحيي بنيتي قوافي ويامال العوافي
هذي دلال هذي غرابيل
زين ما سويتي بهالمدرسه انا استغرب وشلون ينسون ايام الدراسه والحسر وهم التاخير الصباحي وتفشيل الطالب قدام زملاه وأشياء كثير
دايم سوالفك فيها خليط من الجد والهزل ممزوجه ببهارات قوافجيه وهذا اعطاها رونق خاص بقوافي
مشكور يابوي
ثنيان بن صفوق الثنيان

[قوافي ( أم نهار )]

يالله ان تحيي بنيتي قوافي ويامال العوافي




هذي دلال هذي غرابيل


زين ما سويتي بهالمدرسه انا استغرب وشلون ينسون ايام الدراسه والحسر وهم التاخير الصباحي وتفشيل الطالب قدام زملاه وأشياء كثير

دايم سوالفك فيها خليط من الجد والهزل ممزوجه ببهارات قوافجيه وهذا اعطاها رونق خاص بقوافي

مشكور يابوي
ثنيان بن صفوق الثنيان








حياك الله وابقاك يا عم ابو صفوق


الله يعافيك ويديم عليك الصحه والعافيه..

غرابيل أقرب شي للسياره المستبده:D

كنها تدفعنا حق المشوار..
المعلمين :اولاً ما كل معلم معلم بعضهم بمقام والد ووالده من حسن تعامله واحترامه للجميع وبأسلوبه يفرض التغير السلوكي للطلبه ويكون نعم القدوه..
ثانياً بعضهم يعتبر انه متصرف متحكم بالطلاب ولا قبول للأعذار واعتبره ضعف شخصيه وما يسعى إلا لأثبات نفسه التائهه..


صح فيه طلاب يستاهلون الفصل موب بس العقاب لكن على الاداره والمعلم التمييز ما بين ظرف طارئ وظرف متعمد ولا ينسون انهم كانو طلاب ويمرون بظروف ببعض الاحيان..
((ارجو ان لا يغضب المعلمون والمعلمات))
دايم سوالفك فيها خليط من الجد والهزل ممزوجه ببهارات قوافجيه وهذا اعطاها رونق خاص بقوافي
اشكرك على التقدير رفع الله قدرك واسعدك بالدارين..
دمت بحفظ الله..
تحياتي
..قوافي..

[صقار أبوظبي]

يعطيك الف عافية على السرد الراااااااااائع

[قوافي ( أم نهار )]

يعطيك الف عافية على السرد الراااااااااائع



حياك الله اخوي
الله يعافيك ويحفظك ربي من الشر
الرائع حضورك ومرورك وردك الكريم
تحياتي وتقديري واحترامي
اختك
..قوافي..

[أبوفيصل 2007]

هههههههههههههههههههههههه

ماشاء الله انواع الرياضة دف لا تدف ياليت ترجع آيام زماااااااااااااااان ياليت كل شيء كان بسيط

[قوافي ( أم نهار )]

هههههههههههههههههههههههه

ماشاء الله انواع الرياضة دف لا تدف ياليت ترجع آيام زماااااااااااااااان ياليت كل شيء كان بسيط


حياك ربي اخوي
أشكرك على الذكر وجزاك الله خير..
هي المشكله بوقت الرياضه:D
ايام زمان أطلال لم يبقى منها إلا ذكرها وإن ذكرت..
اسعدني حضورك الكريم وردك ومرورك الجميل
دمت بحفظ الله
تحياتي وتقديري واحترامي
اختك
..قوافي..

[moon nory]

هههههههههههههههههههههههه الحمدلله على سلامة الوالد

[قوافي ( أم نهار )]

هههههههههههههههههههههههه الحمدلله على سلامة الوالد


حياك ربي اخوي
سلمك الله من الشر
اسعدني مرورك وحضورك الكريم
تحياتي.اختك
..قوافي..