تشخيط ساعه بس اكشن عن يوم كامل - الكويــــــــت

[مخلد المحنا]

السلام عليكم ورحمة الله وبركاته...

اخوكم مخلد المطيري من الكويت..

التقرير عن طلعة قمت بها مع صاحبي بو جاسم (محمد السبيعي) في بحر الفنطاس في الكويت..

انا كنت على قاربي النفخ المزود بمكينة كهربائيه بقوة 55 باوند (2 حصان تقريبا) تشتغل على بطارية 12 فولت 75 امبير كافية لرحلة مدتها ست ساعات. وهذي صورته..
http://i1092.photobucket.com/albums/i402/Mukled/f2ab731f.jpg

وزميلي بو جاسم يستعمل كاياك ماركة Ocean Kayak طوله 14 قدم وهذي صورته

http://i1092.photobucket.com/albums/i402/Mukled/f2ba7c32.jpg


طبعا طريقتنا في الصيد كانت يا تشخيط أو لفاح... يعني يا نحذف المجارير ورانا ونمشي لين يضرب شي او كنا نوقف ونحذف المجارير ونسحبها من موقع ثبات.. انا عن نفسي احب التشخيط..

طلعة اليوم ما كان هدفها صيد سمك للأكل ولكن السمك اللي يسوي أكشن .. وسمكتي المفضله لللأكشن هي الضــــلـــــعــــــــه!!

اللي صاد الضلعه يعرف انها من أشرس الأسماك في الخليج العربي من حيث قوة وعنف هجومها على السمك الصغير..

وهالوقت من السنة تكون متواجدة بكثر وبأحجام تخوف..

الطلعة وقتها كان من اربع ونص العصر الى ست ونص.. صحيح ساعتين ولكن الأكشن والوناسه كانت تسوى طلعات ست وسبع سااعات ولا فيها شي يذكر..

المجرور أو الطعم الصناعي أو اللعفه الصناعيه المستعمله لونها برتقالي صنع صيني ومن النوع الطافح ولا يغطس حتى مع السحب.. ومن النوع المزعج وله صوت قرقعه تخلي الضلعه يجيها الصمرقع!!

كما في الصورة..

http://i1092.photobucket.com/albums/i402/Mukled/4a09386f.jpg

ما راح اطول عليكم بالهذرة الزايدة...


المكان كانت الضلع فيه واضحه وتسمع وتشوفها تبلع في المنجوس والزوري.. وبمجرد حذف المجرور وسط الزحمة تم الابتلاع بشكل سينمائي... بحيث نقزت في الهوا وروااااااسي على المجرور.. خساره ما تم التصوير فيديو ولكن لنا عوده ان شاء الله وهذي اول ضلعه..

http://i1092.photobucket.com/albums/i402/Mukled/161401c9.jpg

http://i1092.photobucket.com/albums/i402/Mukled/2d403839.jpg

وهذا بو جاسم قال ابي تذكارية معاها

http://i1092.photobucket.com/albums/i402/Mukled/7274dfa5.jpg

وبعد وحده

http://i1092.photobucket.com/albums/i402/Mukled/741699f7.jpg


طبعا الله رزقنا بثنتين والثالثه صغيره ولكن في ساعتين كان الأكشن لا يوصف...

وهذي ختامية على الشاطئ

http://i1092.photobucket.com/albums/i402/Mukled/f8b24f75.jpg

http://i1092.photobucket.com/albums/i402/Mukled/bc61fe62.jpg


والصور تم تعديلها من زميل لي محترف تصوير وتعديل صور وهذي النتائج

http://i1092.photobucket.com/albums/i402/Mukled/d9d00aaf.jpg

http://i1092.photobucket.com/albums/i402/Mukled/b125798d.jpg



تقبلوا تحياتي والسموحه على الإطالة



اخوكم

مخلـد المطيـري

[الصــرح]

ماشاء الله تبارك الله


وتستاهل أكثر


وياليت الوضع عندنا يكون فيه مرونة أكثر


فالقوارب المطاطية ممنوع إنزالها مباشرة من الشواطيء


والتزلج ممنوع والباراسيل ممنوع والغوص حسب مزاج


حراس الحدود


فلله الأمر من قبل ومن بعد

[ذوالجناح7]

أما صيد الضلعه أكـــشـــن والله أكــشــن


خاصه لمن تنقز من البحر فوق حذ تسحيب ......:burnout2:


أهم شي الوناااااسه :row:


بالتوفيق إن شاء الله وأكشن العوافي :D:good2:

[White_Shark]

ماشاء الله تبارك الله

عليكم بألف عافية , طريقة الصيد جميلة وفيها متعه , والأهم من ذلك بأنه مسموح عندكم في الكويت .. الله لايغير عليكم :good2: ويهدي حرسنا :D .

لاهنت على التوثيق .

[حجر بحري]

اله يستر عليكم ويهنيكم بصيدكم

[مهجول بحري]

رااااااااائع جدا أخوي مخلد

أنت رااااااااااااايق وتعجبني مشاركاتك وحتى في قاروة وراك أتابع مواضيعك

في حفظ الله

[عواد الشمري2]

مشالله صايد وفاايد وعليك بالعافيه

[KOOOVER]

ما شاء لله...ربنا يزيدكم و يباركلكم

[k.fares]

ماشاء الله تبارك الله صيد واافي واحجام اوفى عليكم بالعاافيه
تقبل مروري

[محلات الكشاتة]

مشاء الله
صيد ممتاز
وبالهناء والعافية

[ana_froos848]

السلام عليكم يا خوي
انا فراس وعجبني موضوع واريد اسألك عن القارب الثاني اريد أشتري مثله
ممكن بس لو سمحت رقم تلفونك او رقم تلفون صاحب القارب عندي اساله وايد وبالعادة انا اكون خارج البيت وقليل ما ادخل النت
هذا طبعا بعد أذن الادارة ومشكور اخوي على الموضوع وعلى الصيد الجميل

[1بوخالد]

عليك بالعافيه الأكشن
والله يهنيكم على سماحة ربعكم وياكم يرضون تدخلون بطراد النفخ والكاياك والله يرحم بحالنا ويهدي ربعنا.

[alqamr]

ماشاء الله احجام ممتازة وبصراحة اهنيك على نوع هذا من رياضية الصيد المفضل لدي تشخيط + الكاياك
الله لا يغير عليكم ويزيدكم من فضله

[accentkool]

تقرير جدا مممميز اخوي مخلد استمتعت جدا بمتابعة احداث الطلعة الجميلة
وبجد الضلعة صيدها اكشن وتناور وتعطيك سحب واعجبني طراد ياغالي
ياليت تعطينا معلومات عنة وطريقة الحصول على امثالة مع المحرك
هل يقاوم الموج ولا يحتاج مياة راكدة

[حسن ابو طالب]

ماشالله صيد طيب

بس الوضع بالكويت يسمح لكم

لو انت عندنا بالسعودية ماراح تكمل دقيقتين الا وفرقة من سلاح الحدود على راسك
واليوم الثاني بالجرايد .. المتحدث الاعلامي بقيادة سلاح الحدود والقبض على شاب
يحاول عبور الحدود ..

ههههههههههههههههههههههههههه

[الطـاير]

ما شاء الله والله ينور يا شباب وعليكم بالف هنا وشفا

[النامون]

ياهلابك وحيابك مبدع يا أخ/ مخلد وصيد طيب ومتعت التسحيب شكل ثاني الله يديم عليك البسمه الحلوه عاى محياك دوم ولا يغير عليك على فكره ابتسامتك حلوه......جد والله بس لا تفكرني اتغزل فيك وتزعجني وكل يوم تبي من هل الكلام هههههههههههههههههههههه تمنياتي لك بالتوفيق

[بوخضب]

ما شاء الله الله يوفقكم

[ماسيوم]

ماشاالله عليك احسن شي يعجبني انك مغامربهذى القوارب النفخ وتدخل بحر مفتوح وتسحيب ماشاالله عليك ولاكن لاتنسا الحذر البحر مولعبه تقبل تقديري ولك تحياااااااااااااااتي.

[hunter78]

ما شاء الله تبارك الله وحيا الله طلتك الحلوة
تقاريرك رائعة ومميزة مثلك سلمت يداك
و اسمحلي اسميك استاذ الطعوم الصناعية لأنك تستحق هذا اللقب بجدارة :good2:
واضم صوتي لمن سبقوني :
فضلا لا أمرا نبي موضوع منفرد للطعوم الصناعية وكيف أميز أيها ينفع للصيد على سطح الماء كالمستعمل في هذا التقرير وأيها ينزل تحت السطح للشعوم والشعري والهوامير كما في تقاريرك السابقة والخيوط اللي تناسبها حتى تقوم بوظيفتها على أفضل وجه
وبالتوفييييييييييييييييييييييييييق

[الوحش79]

الف هني وعافيه


وتستاهل الخير

[صياد حباري]

ما شاء الله تبارك الله

[ana_froos848]

يا خوي ننتظر الرد بالنسبة للقوارب الله يجزاك الخير

[قلب_بحار]

ماشالله تبارك الله

[أبو سمره]

ما شاء الله تبارك الله الله يزيدك من فضله وعليكم بالعافيه
تحياااااااتي

[السيد المسافر]

ممنوع ممنوع ممنوع وكمان ممنوع ونسأل الله الجنة....

[مخلد المحنا]

الصــرح (http://www.mekshat.com/vb/member.php?u=98709)

شاكر لك مرورك.. وربعكم ما يقصرون وفيهم وفيكم الخير والبركة..

ذوالجناح7 (http://www.mekshat.com/vb/member.php?u=84682)

ايه والله ياخوك يا زين تسحيبة الضلعه.. خصوصا ان سنارتي حيل خفيفه (Light Tackle) فالتسحيبه اضعاف اضعاف القوه..
شاكر لك مرورك

White_Shark (http://www.mekshat.com/vb/member.php?u=141183)

هلا والله بذباح السبيطيه! شرفتني بمرورك المميز.. تحياتي لك..

حجر بحري (http://www.mekshat.com/vb/member.php?u=173377)

هلاااا بك ومرحبا.. ويهنيك بالايمان وطاعة الرحمن..

مهجول بحري (http://www.mekshat.com/vb/member.php?u=101713)

الله يجزاك خير على هالكلام الطيب.. الرايق انت والله على هالنك نيم! :D
تحياتي!!

عواد الشمري2 (http://www.mekshat.com/vb/member.php?u=181887)

لاااااا هنت وعسى ربي يعافيك..

KOOOVER (http://www.mekshat.com/vb/member.php?u=42339)

جزيت خيرا وكفيت شرا.. تحياتي لك..

k.fares (http://www.mekshat.com/vb/member.php?u=244984)

يا هلا بالمميز.. شرفتني بمرورك وتعليقك وجزاك الله الف خير..

محلات الكشاتة (http://www.mekshat.com/vb/member.php?u=162866)

يا هلا والله ومرحبا فيك.. تحياتي..

ana_froos848 (http://www.mekshat.com/vb/member.php?u=185799)

هلا بك اخوي.. حاولت ارسلك عالخاص.. ولكن غير مسموح لي لاني احتاج 50 مشاركة! عالعموم الكاياك له وكيل في الكويت.. شركة الصبيح مارين وتقدر تتواصل معاهم عن طريق موقعهم الالكتروني http://www.alsabihmarine.com
اتمنى اكون فدتك..

1بوخالد (http://www.mekshat.com/vb/member.php?u=185412)

الله يهنيك بالايمان وطاعة الرحمن.. شاكر لك مرورك...

alqamr (http://www.mekshat.com/vb/member.php?u=139719)

مشكوووور وما قصرت على التعليق الرائع.. والرياضه جدا ممتعه..


accentkool (http://www.mekshat.com/vb/member.php?u=87937)

المميز انت يا طويل العمر.. وهذا بعض مما عندكم!! يبيلنا نزوركم في العقير بصراحه!!

حسن ابو طالب (http://www.mekshat.com/vb/member.php?u=124506)

ههههههههههههههه ضحكتني والله!! انا ما الوم حرس الحدود بصراحه.. بحركم واسع ولازم كنترول ولا تصير سايبه.. عسى ربي يحفظ المملكه واهلها الطيبين..

الطـاير (http://www.mekshat.com/vb/member.php?u=28404)

الله يهنيك بالايمان وطاعة الرحمن.. مشكور وجزاك الله خير..

النامون (http://www.mekshat.com/vb/member.php?u=240860)

ياخوي الله يجبر بخاطرك جان خشتي عاجبتك.. حسستني اني وائل كفوري :D الله يجمل حالك يا رب ويجزاك كل خير..

بوخضب (http://www.mekshat.com/vb/member.php?u=162783)

شااااكر لك مرورك وجزاك الله الف خير..

ماسيوم (http://www.mekshat.com/vb/member.php?u=210509)

حلوه الحياه مغامرة.. ولا اللي يمشي جنب الجدار حياته تقزير بس.. مشكور عالمرور!

hunter78 (http://www.mekshat.com/vb/member.php?u=214802)

تسلم ياخوك على الرد المميز.. وشاكر لك كلماتك العطره.. والموضوع قيد الاعداد والتاخير سببه ظروف خارجة عن ارادتي.. بس باذن الله قريب!

الوحش79 (http://www.mekshat.com/vb/member.php?u=93969)

تسلم يا طويل العمر وجزاك الله كل خير..

صياد حباري (http://www.mekshat.com/vb/member.php?u=210864)

جزاك الله خير..

قلب_بحار (http://www.mekshat.com/vb/member.php?u=250076)

جزيت خيرا وكفيت شرا... تحياتي


أبو سمره (http://www.mekshat.com/vb/member.php?u=194929)

واياك!! عسى ربي يجزاك كل خير ويكفيك كل شر.. تحياااااااتي!

السيد المسافر (http://www.mekshat.com/vb/member.php?u=81289)

سمحها تتسمح ونا اخوك..


اشكركم جميعا على ردودكم اللي تثلج الصدر.. لا خلينا ولا عدمنا من هالمنتدى ولا من رواده!!

اخوكم

مخلد المطيري

[شعور ابو مزقم]

ما شاء الله تبارك الله