*****(( حوادث المقانيص وسبابها ))*****

[(هزاع)]

بسم الله الرحمن الرحيم
السلام عليكم ورحمة الله وبركاته
والصلاة والسلام على من لانبي بعده
اليوم ياخوان ابي اتكلم عن موضوع خطير ومهم
الا وهو (حوادث المقناص)
طبعن ومما لاشك فيه ان كل امورنا بامر الله عز وجل سبحانه
طرد الصيد ولع وهوايه ممتعه الا انه تركيز الطارد على الطريده وتركيز السائق على الطير او السلقي اجلكم الله يفقد السائق التركيز على ماهو اهم من ذلك (السياره) حيث كما تعلمون ان الصحاري مليئه بالمفاجئات من شعبان وشغايا وعقوم
ومتى ماكانت السرعه وعدم التركيز على المركبه كان هناك الخطر
ولدي قصص كثيره عن حوادث المقناص منهم من عدت باصابات بسيطه ومنهم من عانا منها الى الان ومنهم من توفاه الله نسأل الله له الرحمه
(النصيحه)
انصح نفسي اولا ثم اخواني باخذ الحيطه والحذر في اثناء الطرد
1:ان لا يقود المركبه( صاحب الطير) ان امكن لان صاحب الطير عيونه فوق
2:تفقد المركبه قبل المقناص واثناء المقناص (المقصات الركب الصلبان عمود الكردان الكفرات)
3:معرفة جغرافية الموقع وقرب الاماكن الخطره من شعبان وهويات (مثل علو الطوقي وزور صالح كمثال اللي شرق محمية الثمامه)
وزور صالح حولو معه ثلاث رجال الله يرحمهم على سرعة الجيب بالليل
ايظن حوادث الربع الخالي والتي كتب عنها بمكشات
اسأل الله رب العرش العظيم ان يحمي المسلمين من كل مكروه
وأبي مداخلاتكم البنائه التي عودموني عليها
أخوكم ابومشعل
**************************

[GHAAM]

جزاك الله خير
والله أنك صادق راعي الطير المفروض مايسوق أبد أذا هد طيره لأن عينه على طيره وما ينلام
الله يحفضنا وأخواننا المسلمين

[عواد الشمري2]

جزاك الله خير وبيض الله وجهك

[جير دبي]

جزاك الله خير على هذه النصيحه
والحوادث تحدث في كل وقت وفي اي مكان
فعلى الانسان ان يحتاط لنفسه وللذي معه
وخاصه عند الهدد يكون الصقار جل اهتمامه على الطير
وخصوصا لما يكون يالقرب من الخطوط السريعه
او حفريات غير متوقعه
وينسى انه يقود سياره قد تؤدي بحياته
مع تمنياتي السلامه للجميع
وتحياتي لاخوي بو مشعل على هذه النصيحه

[محنك]

مساك الله بالخير ... موضوع مفيد من باب التذكير للأخوه الأفاضل ,,,,
فعلا الواحد محاط بأخطار كثيرة لاكن الكثير يغفل عنها ... ولكن مع الأسف نشره على العاقل الكبير بالسن عندما يتهور ...
ويصل إلى مرحلة الخطر وفقدان السيطرة على إنفعالاته وممارساته ...
والدخول إلى عالم التحدي أو المجازفة مهما كان الثمن .. أو نسيان الخطر ..
كل ذلك يتعرض له القناص ....
إذن لابد من ضبط النفس ... السرعة في الردميات .. وفي غير الردميات ووقت هداد الطير .. الانشغال بالمراسلة او التصوير او متابعة الطير في السماء ... او السوالف مع الراكب وعدم التركيز في الطريق .... خطر .. خطر..

تستطيع ان تتمتع بهوايتك ومقناصك دون تعريض نفسك للخطر ..
فلايوجد مستشفى قريب لاقدر الله عند وقوع الخطر ... ورما لاتجد من يسعفك ....
فالحرص يكون اكثر .. لماذا تدفع ثمن حياتك أو صحتك وأنت فقط تريد أن تمارس هوايتك .....
الله يحفظ الجميع من كل مكروه ...

[قلب ذيب]

حوادث المقناص والرحلات لايتوقف على هدد الطير وطرده ! فهناك حوادث كثيره منها اعطال السارات والموت عطش , ومنها المقناص في دول ليس فيها امان والتعرض للقتل او السرقه كما حدث لقوانيص ( مالي ) وهناك حوادث التعرض لمهاجمة ضواري البر كالذين اكلتهم الذيابه في حرة شمال السعوديه , وهناك من يتعرض للسلابه والالغام كما حدث للكثير في العراق , وايضا الذي يتعرض للسرقه والاحتيال يعتبر ذلك حادث خطير .
اذن الاخطار لاتتوقف على السواقه والسرعه وان كانت السرعه من أخطر الحوادث , فاجهزة التتبع تغني عن السرعه والتعرض للانقلاب الا اذا كان السائق ارعن متهور قليل الفطنه والركاده .
والله هو الحافظ بعد ( اعقل وتوكل )

[ابوسمرى]

السواق ودك مايشوف الا طريقه والراكب هو اللي يشوف الطير
اما اذا هد لحاله الله يعينه لكن يسمي بالله ويستودع الله نفسه وموتره وطيره ويتوكل على الله...

[ذراع الذيب]

بعد اذن المشرفين يثبت الموضوع كم يوم لأهميته..
ولي عوده

[ابوماجد6641]

الله يعطيك العافيه على الموضوع والموا قف كثيره لكن الله يستر كم مره ومره بغينا نروح وحنا نطرد وبعدها شفنا ان الدربيل هو الحل لكن بعض الأحيان غصب عليك تطرد خاصه اذ شفت الطير ابعد او لصر ت لحالك والحافض الله سبحانه الله لا يهينك يا ابو مشعل

[انور العنزي]

الله يعطيك العافيه يابو مشعل دامن تتحفنى في مواضيع ومع متابعتي لمواضيعك دامن اشوف فيها النصح والتنبيه ماقدر اقول الا وجودك بينى مكسب لنا.مجرد ماقريت الموضوع طري على بالي كلام اخوينى اللي بالمقناص انا اذا هديت طيري ماقدر الا اسبر معهم يقولون لي بعدين انت ماتثق فينى ههه انا اذا كنت خابر القاع اكون عين على الدرب وعين على الطير وهذا خطأ بس ماقدرت لنفسي ماهو خوف على مضيع الطير بس ابي اشوف معهم وتبون الصراحه لاتلومون راعي الطير ومره اخرى اشكر اخوي ابو مشعل وماخليتلنا شي نقوله الله يعطيك العافيه

[السومر]

الله يعطيك العافيه على هالموضوع الرائع

[الطبشي]

هلا اخوي هزاع
موضوع يستاهل التثبيت لما فيه من النصح واخذ الحيطه والحذر
الله يجعله بميزان حسناتك
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

[صقار أبوظبي]

السلام عليكم ورحمة الله وبركاته،،،
مرحبااابأخوي((بومشعل))...
جزااك الله خير..وجعل نصائحك الثمينه في ميزان حسناتك...
ودائماا موااضيعك هادفه ...
وتقبل تحيااااتي لك.

[رشيد22]

الله يجزاك خير والركاده مطلوبة لكن الولع شين والله تطير عيونا وقلوبنا مع الصيد

[الذيب المتوحش]

جزاك الله خير اخوي (ابو مشعل )
وبيض الله وجهك ع نصائحك
والله يكفيناء شر الحوادث
ورجع واقول بيض الله وجهك
اخوي ( الذيب المتوحش)
....

[نوووماس]

السلام عليكم ورحمه الله وبركاته
مساك الله بالخير يا ابو مشعل فعلا يا ابو مشعل موضوع سبقتنا في طرحه الله يعطيك العافيه
ويجعلها في موازين حسناتك
فعلا مافي احد معصوم من الخطأ وكل صقال بالهدد ينسى نفسه والسياره وتكون عيونه بالسما
ولكن انت يبو مشعل ذكرتنا الله يذكرك بالشهاده ونصيحتك في محلها
ودائما مواضيعك اجمل من الاجمل
الله يجزاك خير
تقبل مروري

[رحال]

لاهنت يابومشعل على النصايح وجعل كل حرف كتبته في ميزان حسناتك ..
مواضيعك دائماً رائعة وفي الصميم
الله يبارك فيك وننتظر ابداعك القادم
اخوك بوخليفة

[وزاري]

ياهــــــــلا بالغــــــالي


عزيز علينا يابومشعل


ومواضيعك ثمينة .وتستاهل التثبيت


وأبدعــــــم هذا الموضوع من صور وفيـــــديو


قصة الـــــــــطرد


نطـــرد لنا صيده وسارت هاالصـــيدة عسرة علينا وعلى مواترنا .والهــدد كان لرفيــــــقي


المهم أعترض علينا هاالجرف.أكبر غلط أني مسكت البريك .وأول ماضرب وجة الموتر
***
*
*
*
*
*



http://www.qzal.net/01/2012-05/13384060721.jpg (http://www.qzal.net/)



الموتــــر تعلق من الخلف .لو انه من المواتر التاالية كان تكسرن كراسي المكينة.


المواتر التالية يتكسر الدبل .وحنا طردنا أعوذبالله


*
*
*
*
*
*





سالفة ثانية


صيدتنا وقعت بين الأرطا.وضيعناه وتفاجأنا بفــقــعتها


ترا المصور أنا ........متروع يوم انها طارت .مادريت الا العيال يصيحون يامحمد يامحمد


www.youtube.com/embed/F47LoGD84Vg (http://www.youtube.com/embed/F47LoGD84Vg)



سلامات .....سلامات


ركز على سواقتك قبل صيدتك


ولله ولي التوفيق

[(هزاع)]

يروي لي احد الشيبان قصة من قصص حوادث القنص عام 1398
يقول
قانصين بالليل ارانب ومعنا شوازن وسلق اجلكم الله والسيارات ونيتات
يوم جينا الارض اللي نبي ونتوقع بها الصيد قال احد اخويانا ابركب
بالحوض ابسبر لكم قلنا تجود والونيت ماله هنقلين ويوم اخذولهم شوي
اللى خويهم يصيح قدامكم قدامكم والسواق يمزر الموتر لحوق يبون لين
يقرب اما رمو ولا هدو السلق الا الارنب اللي يقالها (مقطعت الصحاري) صغيرة الحجم
تقل فشقه قدامهم يوم انتبهنا على صيحه خوينا اللي فوق انتبه انتبه
اللى الشغيه قدامهم ويفر الموتر على سرعته وسلمو من الانقلاب
(لاكن)
خويهم ماهو بالحوض نادو عليه ولا من اجابه اثره زلق من الحوض والموتر توطاه
جوه اللاهو حي ولابه كسور لاكنه متزلغ من الحديد والكفره مثره بفخذه
لفوه بطانيه وسروبه لامير مركز وعندهم مستوصف ولاقصر الامير بيض الله وجهه
المهم انه سلم وخذ قامة سنه وهو يتعالج
صدق لاقالو عرضة ارنب
وسلامتكم

[مكرم الضيف]

موضوع مهم جزاك الله خير على النصائح الثمينه

[ربع خالي]

وعليك السلام ورحمة الله وبركاته

جزاك الله خير يابو مشعل
كلامك في مواضيعك ذهب صافي
حوادث المواتر في المقانيص كثير وأغلب أسبابها السائق
وحنّا يا أهل الرمله ، اللي نشكك في مستوى سواقته أو طفاقته ! نجلسه معاون ولايحلم يمسك الطاره
لان اغلب السيارات احواض وحامله من البترول والماء الشي الكثير
لاهنت يابو مشعل
تقبل ودي وإحترامي
اخوك ابو سيف

[ابو ساره 999]

موضوع جدا مهم يابو مشعل ولا يمكن تجاهله الاخوان جزاهم الله خير كل واحد شارك باللي بخاطره بس ياليت نحاول نضع حلول وطرق عمليه تساعد اهل المقناص على تجاوز هالمشاكل بعد امر الله
انا من وجهة نظري ان اكثر اسباب الحوادث العجله والتسرع الغير مبرر والله ياجماعة الخير مرو علي رجال كبار بالسن وخبرتهم ليست قليله بعالم الطيور والمقناص لاكن تلقى الواحد منهم اعوذ بالله عجل وبه طفاقه تعوفك الطلعه يااخواني الغالين نصيحه لكل راعي بر ومقناص ايا كان نوعه درب نفسك وعود نفسك على الهدوء والركاده شوي شوي تبي تشوف الفرق والله التسرع مافيه اي متعه بالعكس يروح يومك لا استمتعت ولا هم يحزنون راعي الطير والبر يجب ان يكون انسان راكد حسن التصرف لان المكان بالغالب يحتم عليك هاذا تستعجل وتتسرع امورك كلها تصير حوسه متعة الطيور والهداد بالتنظيم والتوجيه لبعضكم ماهي كل واحد يمشي على مزاجه بالعكس فكر بربعك قبل لاتفكر بالصيده او الطير وتركد تبي تلقى انك صرت اكثر انتباه لاشيا كثيره كانت غايبه عنك اتمنى اكون ساهمت بموضوعك يابو مشعل لو بشي بسيط تقبل مرور اخوك ابو ساره

[عشقي اكتوبر]

لاهنت على النصايح يابومشعل

والله يكفينى ويكفيكم شر الحوادث



تحياتي

[القرناس المهاجر]

مواقف السرعه كثيرة وخطيرة .. سلم منها من سلم وهلك من كلك
والموضوع تحذيري .. تشكر عليه اخي هزاع

اثنين من ربعنا يطردون ارنب بالليل طاحوا في هاويه كبيرة
كانت شركة تجلب منها البطحاء واحد تكسر والثاني سلم

نسأل الله للجميع الستر والتوفيق

[جفنان ينبع]

موضوع ممتاز ولي عوده

[اقدم صقار]

الله يجزاك خير اخوي ابو مشعل وبيض الله وجهك على الموضوع المهم ولاشك ان المقناص به مخاطر ومجازفه وخاصة اثناء الطرد
الله يكفينا الشر وكل مسلم
تقبل مروري
اخوك ابو منصور

[بو غازي]

جزاك الله خير يابو مشعل
لتتلاشى الحوادث باذن الله
1-تشييك الجهاز والريشه في كل مرة تهد الطير حتى لو على الدعو.
2-تشيك البطاريات سواء الريشه او الجهاز ، مع الحرص على وجود بطاريات اضافيه للحيطه لان ساعات تبطي ماتلقى طيرك وانت قريب منه وتسمع الريشه تدق بوضووح وماتاخذ الا جهازك طفا بسبب البتري الحيطة الحيطه.
3-ان يكون لديك دربيل ويكون طارف حتى لو صعب عليك الطرد او حسيت بالخطر على طول توقف وتسبر طيرك الى ان ينقطع الشوف منه سواء صاد او اخفيته خفو رح على حروته وشغل جهازك باذن الله مايضيع.
4-لاتخلي الطير اكبر همك لاجيت تطرده لان حياتك اهم من الطير وحياة اخوياك اهم من كل شيء .
5-لاتقول انك في خلا او في قرعه والبر واسع ولاحد حولك دائما توقع المفاجااات .
والله يحمي كل المسلمين يارب
:)

[(هزاع)]

يقول الله سبحانه وتعالى في سورة البقره
وَأَنفِقُواْ فِي سَبِيلِ اللّهِ وَلاَ تُلْقُواْ بِأَيْدِيكُمْ إِلَى التَّهْلُكَةِ وَأَحْسِنُوَاْ إِنَّ اللّهَ يُحِبُّ الْمُحْسِنِينَ
يجب على المسلم الاعتبار بغيره والقصص كثيره
وان لايهمل قدر المستطاع
انت شاري طير بالقيمه كذا وسياره
كمل الموضوع جهاز تتبع جهاز ايكم يريحك
وتفقد موترك يالنشمي وتوكل على الله

[رفيق الأمل]

جزاك الله خير وجعله في ميزان حسناتك
فعلاً نصائح مفيد جداً لأخواننا ، حيث كما تعلمون وقت القنص يكون فيها مواقف كثيرة لا تعد و لا تحصى فمن أخطرالحوادث هي السرعة الجنونية ، فما اقول الله يحفظ أخواننا المسلمين اينما ذهبو

كما لا يفوتني بكل تقدير لجهودك الخيرة والمفيدة
حيث تمت الاستفادة الجدية من الموضوع والذي تشكر
عليه بكل معني وتقدير

[هواي البر فهد]

بارك الله فيك
موضوع رائع وجزاك لله خير على طرحه في المنتدى
الله يعطيك العافيه
ننتظر جديدك ومفيدك
وهذي مقاطع

6aKeDhTo7MI


RkLXNuIZOo0

6v9NTRjX_Lc

[عـــرادي]

ابو مشعل
الله يبيض وجهك يالغالي
موضوع مميز و بالصميم
حنا دايم اذا صدنا الحبارا نرجع
نقص جرتنا وتشوف انواع المفأجات
والله يستر على الجميع
مع خالص تحيااتي
بدر العرادي

[جفنان ينبع]

لاهنت يابومشعل على النصايح وجعل كل حرف كتبته في ميزان حسناتك ..
مواضيعك دائماً رائعة وفي الصميم
الله يبارك فيك ويرحم اثنين عقبوك
وننتظر ابداعك القادم

[راعي غضبان]

جزااك الله خير. ورحم الله والديك وجعل نصائحك الثمينه في ميزان حسناتك اللهم امين والحذر واجب
في كل شي والطرد في ارض ماتعرفها هذا هو الخطاء
ودائماا موااضيعك هادفه وفي محلها
وتقبل تحيااااتي

[(هزاع)]

جزااك الله خير. ورحم الله والديك وجعل نصائحك الثمينه في ميزان حسناتك اللهم امين والحذر واجب

في كل شي والطرد في ارض ماتعرفها هذا هو الخطاء
ودائماا موااضيعك هادفه وفي محلها

وتقبل تحيااااتي



وانتم كذالك اللهم اغفر لنا ولكم ولوالدينا ووالديكم
اللهم امين

[يكفيني نظرة]

ابدخل عرض للتذكير والا انا ماهنا طرد ولا صيد بس حبيت اذكركم بقوله تعالى ((الله خير حافظ وهو ارحم الراحمين)) الايه
اهم شي نسيتوه بالردود التذكير بقراءة الاذكار واية الكرسي والمعوذات..
وتقبلو مروري..

[محمد النعيمي]

جزاك الله خير وبيض الله وجهك على اهتمامك بسلامة وصحة اخوانك ولك مني كل التقدير

[@السيف@]

بيض الله وجهك لا عدمناك
الافضل للقناص ان يدرس الموقع الذي يريد الذهاب اليه حتي يكون علي درايه تامه عن الموقع