دعوة للنقاش سحب السيارات وأثرها على قير السيارة

[ramy asiry]

بسم الله الرحمن الرحيم
قبل فترة مريت الوكالة وكان عندي تندية في القير وقالي المهندس مافي داعي لأصلاح التندية((علما أن التندية توقفت ))
وسألته قلت له ايش سبب التهريب فقالي أن سبب التهريب ربما أنك سحبت سيارة لأن حسب كلامه
أن لاند من 98 القير يختلف عن السيارات القديمة وممكن يؤدي سحب سيارة أخرى الى التهريب وحتى الى تخبيط القير
علما أني قد سحبت سيارات كثيرة
هل كلام المهندس صحيح ؟؟؟ وهل هناك أحد قد حصلت له مشكلة عندما سحب سيارة أخرى

[ana_froos848]

والله يا خوي انا عندي شيروكي 97 قير عادي السيارة ولله الحمد ما شاء الله عليها سحبت فيها فورد اكسبلورر ونيسان باترول ورينقلر وكلهم تغريزة قوية وللحين ما وجهتني اي مشاكل

[sgl2002]

التندية اذا كانت من الدبل فما عليك منها وجميع السيارات اليابانية اكثرها تحصل الترشيح هذا
ثوتراها في الللاند والباترول لازم تحصل التهريب

اهم شي ماينقط في الارض

ولا عليك من المهندس اسال فقط مستخدمي اللاند والباترول

[ماون ماركز]

مكتوب بكتالوج السيارة تحذير .. لا تسحب السيارة ..




ما أدري ليه يتعبون ويطبعون عربي و يحطونها كتالوجات للسيارات اللي تجينا وما أحد يقراها ويحتفظ فيها

[abohmad]

سحب شى خفيف ما يضر اما الشى الثقيل يعوج الشاصى ويحرق الكلش والله اعلم

[YUKON_GMC]

القير التماتيك يتأثر من السحب .. وحاول ماتسحب فيه الا وقت الضروره القصوى ..

اقوله لك وانا قد سحبت اكثر من 100 سياره مغرزهـ باليوكن حقي ولاجاه الا العافيه بحكم ان النفود ورى بيتنا بس كل مااسحب واحد اقول يخلف الله على القير ويستر الله

[الكـاسـر]

فيه فرق بين السحب و (النتل) طبعاً النتل اخطر من السحب
واعتقد السحب بشكل تدريجي وخفيف مع الدبل الثقيل ما يضر والله اعلم

[QW11]

انا اشوف با النسبة للسحب يستخدم الدبل الثقيل آمن وافضل لان الثقل راح يكون دبل اللي هو وزن سيارتك مع وزن السيارة المعلقة , اما الدبل الخفيف يستخدم للسيارة نفسها لانها خفيفه عليه

[moooj]

يا كثر ما سحبت من سيارات على بليزر ورانجلر واكسبدشن ولا بهن الا العافية
استخدم قوة السيارة بالدبل الثقيل ولا تسحب بالخفيف نهائيا واذا بتنتل على خفيف وتسحب بسنع مو دفاشة
والجيوب عادة مزودة بقواعد للسحب (شنكار , خطاف , هوك) ....
المشكلة في طريقة السحب
والله الموفق