راعي العجراء والنوم في سطح بيت الطين

[راعي العجراء]

http://www.alriyadh.com/2011/03/11/img/139910556691.jpg
السلام عليكم ورحمة الله وبركاته
اليكم هذه السالفه القديم بالحيل على وقت بيوت الطين والنوم بالسطوح
وان شاءلله تعجبكم
سنة من السنين على وقت بيوت الطين كان الناس ينامون بالسطوح بالصيف
هو عليل والاناره بالديره كانت ضعيفه تقول لمبه سهاريه والنجوم عد وغلط كل النجوم تشوفها من صفاوة الجو ماكنا نسمع الا صوت مكاين الكهرباء اللي عند المعهدالملكي الفني بالملز بالرغم بعد المسافه بينا عشرات الكيلوات والظاهر ان مكائن منول كناديسها حاطينها مع الاسلاك ويجينا صوتها مع الاسلاك الى البيت بس صوتها يطربك يخليك تنام لو مابك نوم ماغير تحن تقول خلوج والنهار مانسمع صوتها موليه
نعود لسالفتنا حتى ماتزعلون على تطويل السالفه والا انا ودي اقطع بكم نفود الدهناء ريوس بالسواليف
المهم كنت انام انا وواحد من اخواني في قاطع للسطح لاسرير ولا كمادينه
الفراش مطرحه مشجره قطن ومفرش يسمونه عبروص او هو برنوص مثل كذا وشرشف
مشجر واحيان ناخذ جلال صلاة الوالده الله يرحمها خفيف وزين النوم فيه قمة الاناسه
انتهاوش عليه واذا جينا ننام اخذنا طاسه ماء من الزير والا القربه ونحط الطاسه بيني انا وخوي ومرات كاس قزازاللي ضد الكسر اللي يجي ثلاثه الوان اخضر وبني وابيض وثقيل بدون ماء


ويوم صار ذيك الليل وانا اصحى من النوم نصف الليل تقريبا الساع 6 بالغروبي ماكنا نعرف الوقت الا بالغروبي وشوي شوي بدوا الناس يغيرون ساعاتهم بالزوالي وانا احسب الزوالي الفرشات واستغرب وشلون يغيرونه بالزوليه وشلون مدري
والساعه 6 غروبي تعادل 12 تقريبا وانا اصحى شبعان نوم وانا اتلفت يمين ويسار
مثل اول مايصحى الواحد لازم يتلفت يجس نبض الجو المحيط به
وانا اشوف على فراش اخوي بستين قطوتين يعني كاو بالعنقليزي يعني بسه
وانا اعرك عيوني شوي ابي النظر يصفاء شوي
وانا احول ابعدهن عن فراش اخوي لايوسخن عليه وجلال صلاة الوالده ماخذه اخوي
وانا اصوت لهن بس كش بش وهن ماغير يتحركن وعيين لايروحن احاول ابعدهن
وهن في محلهن ماغير يتحركن رادات بي وانا اخذ الكاس واتويقع عليهن وانا اطوح به عليهن وهو يفز اخوي مع صرخه هه وشفيك علي قلت فيه بستين على فراشك وخفت يوسخن اثاري البستين رجلين اخوي يحركهن وهو نايم وانا احسبهن بستين زاد امنهن عيين يروحن وانا احط راسي واخوي ماسك رجليه لا من قوة الضربه جت في عرش الرجل
ويوم صار الصبح اشوف رجل اخوي تقول منكب عليها حبر من الزراق والاورام واذا بغى يمشي يعرج
الحمدلله ان ماكان معي الشوزن كان ناخل رجلين اخوي نخل
كان الماء لاشربه ماغير يخرخر من رجليه



http://www.ushaqer.com/upl//uploads/images/8-12-9c988afa07.jpg
انتهت السالفه وارجوا ان اكون وفقت في سردها لكم
وقبل الختام
سبحانك الله وبحمدك لااله الاانت استغفرك اللهم واتوب اليك
http://www.mekshat.com/pix/upload/images9/mk8178_trathyat==9=00.jpg


وهذي لكم هديه
http://www.zilfawi.com/vb/imgcache3/23755alsh3er.gif


http://desmond.imageshack.us/Himg72/scaled.php?server=72&filename=amiraon3.jpg&res=landing

[ال-رايق]

http://www.alriyadh.com/2011/03/11/img/139910556691.jpg
السلام عليكم ورحمة الله وبركاته
اليكم هذه السالفه القديم بالحيل على وقت بيوت الطين والنوم بالسطوح
وان شاءلله تعجبكم

اي شي تقوله معجبين فيه ياراع العجراء
سنة من السنين على وقت بيوت الطين كان الناس ينامون بالسطوح بالصيف
هو عليل والاناره بالديره كانت ضعيفه تقول لمبه سهاريه والنجوم عد وغلط كل النجوم تشوفها من صفاوة الجو ماكنا

ههههههههههه وش عد واغلط..الخير واجد عسى ماتقول لأخوك حلّي بهذي وهو يقول وخّر هذي لي.:D:good2:
نسمع الا صوت مكاين الكهرباء اللي عند المعهدالملكي الفني بالملز بالرغم بعد المسافه بينا عشرات الكيلوات والظاهر ان مكائن منول كناديسها حاطينها مع الاسلاك بس صوتها يطربك يخليك تنام لو

حلوووووووه كناديسها لاحقين على الهدر والقزوز.
مابك نوم ماغير تحن والنهار مانسمع صوتها
نعود لسالفتنا حتة ماتزعلون على تطويل السالفه والا انا ودي اقطع بكم نفود الدهناءخل اللي يزعل يشرب من موية البحر لأننا نبغاك تواصل ورى الدهناء ثم الصمان والدبدبه الى جزيرة فيلكه ..واستاجر لنج بعد واللي يزعل يطب.
المهم كنت انام انا وواحد من اخواني في قاطع للسطح لاسرير ولا كمادينه
الفراش مطرحه مشجره قطن ومفرش يسمونه عبروص او هو برنوص مثل كذا وشرشف
مشجر واحيان ناخذ جلال صلاة الوالده الله يرحمها خفيف وزين النوم فيه قمة الاناسه
الله يغفر لها(آمين)
انتهاوش عليه واذا جينا ننام اخذنا طاسه ماء من الزير والا القربه ونحط الطاسه بيني انا وخوي ومرات كاس قزازاللي ضد الكسر اللي يجي ثلاثه الوان اخضر وبني وابيض وثقيل بدون ماء


ويوم صار ذيك الليل وانا اصحى من النوم نصف الليل تقريبا الساع 6 بالغروبي ماكنا نعرف الوقت الا بالغروبي وشوي شوي بدوا الناس يغيرون ساعاتهم بالزوالي وانا احسب الزوالي الفرشات واستغرب وشلون يغيرونه بالزوليه وشلون مدري
والساعه 6 غروبي تعادل 12 تقريبا وانا اصحى شبعان نوم وانا اتلفت يمين ويسار
مثل اول مايصحى الواحد لازم يتلفت يجس نبض الجو المحيط به
وانا اشوف على فراش اخوي بستين قطوتين كات او هي كاو بالعنقليزي يعني بسه
وانا اعرك عيوني شوي ابي النظر يصفاء شوي
وانا احول ابعدهن عن فراش اخوي لايوسخن عليه وجلال صلاة الوالده ماخذه اخوي
وانا اصوت لهن بس كش بش وهن ماغير يتحركن وعيين لايروحن احاول ابعدهن
وهن في محلهن ماغير يتحركن رادات بي وانا اخذ الكاس واتويقع عليهن وانا اطوح به عليهن وهو يفز اخوي مع صرخه هه وشفيك علي قلت فيه بستين على فراشك وخفت يوسخن اثاري البستين رجلين اخوي يحركهن وهو نايم وانا احسبهن بستين زاد امنهن عيين يروحن وانا احط راسي واخوي ماسك رجليه لا من قوة الضربه جت في عرش الرجل
ويوم صار الصبح اشوف رجل اخوي تقول منكب عليها حبر من الزراق والاورام واذا بغى يمشي يعرج
هههههه زرق تقل ستمبه حسبي الله على شيطانك وش هالوصف ..عزتي له المسكين
الحمدلله ان ماكان معي الشوزن كان ناخل رجلين اخوي نخل
كان الماء لاشربه ماغير يخرخر من رجليه

وااااااااااااااااااااوه وشلون ياراع العجراء؟تنخلهن قلنا ماعليش..لكن يخرخرن الياشرب’’’قوووووووووووووويه.:D:good2:

http://www.ushaqer.com/upl//uploads/images/8-12-9c988afa07.jpg
انتهت السالفه وارجوا ان اكون وفقت في سردها لكم
[FONT=Comic Sans MS]وقبل الختام [/FONT
]لااااااااااااااهنت الا فوق الامتياز .
سبحانك الله وبحمدك لااله الاانت استغفرك اللهم واتوب اليك
http://www.mekshat.com/pix/upload/images9/mk8178_trathyat==9=00.jpg


وهذي لكم هديه
http://www.zilfawi.com/vb/imgcache3/23755alsh3er.gif


http://desmond.imageshack.us/Himg72/scaled.php?server=72&filename=amiraon3.jpg&res=landing

شكرا والهدية الاصلية هي السالفه وهذي زووود,,زادك الله من فضله.
ووسع الله صدرك بالعافيه اخوي راع العجراء على هالروشته اقصد السالفه.
وتقبل تقديري واحترامي..وتكفى السالفه الجايه خلها اطول من المعتاد وجااايز لنا.

[عاصفة عروى]

هههههههههههههههههههههه
أجل تحسبنها قطاوه أثرهن رجل أخوك
يعطيك العافية على السرد الراااااااااائع أخونا الغالي راعي العجراء

[راعي العجراء]

شكرا والهدية الاصلية هي السالفه وهذي زووود,,زادك الله من فضله.

ووسع الله صدرك بالعافيه اخوي راع العجراء على هالروشته اقصد السالفه.
وتقبل تقديري واحترامي..وتكفى السالفه الجايه خلها اطول من المعتاد وجااايز لنا.


الله يجزك خير بابومهند والله يصبحك بالخير
وهذا من طيبك وحلمك على راعي العجراء وسواليفه
وابشر باللي تامرون به
انتم فصلوا وانا البس تطول السالفه او تقصر على كيفكم
بس اهم شي رضاكم وهو راس المال
دمت بخير

[راعي العجراء]

هههههههههههههههههههههه

أجل تحسبنها قطاوه أثرهن رجل أخوك

يعطيك العافية على السرد الراااااااااائع أخونا الغالي راعي العجراء


ياهلا وغلا عاصفه عروى
الله يعافيك ويبقيك اسعدني مرورك والروعه حضورك لاعدمناك
دمت بخير

[محمد الظاهري]

ياهلا ويامرحبا
وش الخلطه العجيبه
قصصك لها نكه خاااااصه وسريه
وجميله جداً
بارك الله فيك ياراعي العجراء
قصصك تبقا في السماء وروائع السرد نجدها في صفحاتك
تحياتي وودي

[بنت الأحساء]

السلام عليكم

اهلا اخي الكريم

ابدآآآع سالفه جدا رآآئعه وماشاء الله الوصف والسرد جدا ممتاز, اجل سيقان اخوك صاروا قطاوه ههههههه زين ماكسرت قدمه :D

وابوي الله يحفظه قال لي انه في طفولته كان ينام في السطووح ذاك الزمن ومن يسمعون اذان الفجر خلاص الكل في البيت يجلسون من النوم لانهم ينامون مبكر بعد صلاه العشاء وينامون في السطح حتى ايام الحر والرطوبه الله يجزاهم خير صبروا وتعبوا

يعطيك العافيه على السالفه الرائعه والله حلووه قصص ايام زمان ماامل من سماعها وكثر لنا من السوالف القديمه



انتم فصلوا وانا البس تطول السالفه او تقصر على كيفكم
بس اهم شي رضاكم وهو راس المال



طبعا نريدها طوويله لانها بتكون احلى واكثر دقه في الوصف اتمنى تخليها دائما طويله


تقبل مروري المتواضع

[نجم000الشمال]

راعي العجراء ...........شف عاد !
تطول بالسالفة تقصرها حنا معك بالباص متجودين زين، تلف يمين تلف يسار تفحطبنا تطعسبنا ( خذ راحتك) !
اهم شي الباص لا يوقف ولا تحرمنا من سوالفك الحلوة.
وبعدين وين الفازلين الخضر حق المشاق ما شوفه مع العزبة :D
ايوالله منول نرش شراشفنا بالماء ونرش الطبطاب ونرقد بسرعة قبل ينشف !
يامال العافية يا بو جلمبو على هالسالفة الطيبة.
قل آميييين.......... ان الله يسعدك بالدنيا والآخرة.

[تلميذ]

ممتع ومذهل
ودمت معطاء لاتنضب
منذ ان عرفتك وانت تبهرني ومنك وبك نتعلم كيف كان الماضي
كن بخير أيها الجميل
أسعدك الله ووفقك لكل خير

[قوافي ( أم نهار )]

حياك الله اخوي
وحيا السوالف العجراويه
ودي اقطع بكم نفود الدهناء ريوس بالسواليف
اقطع ريوس وسو اللي تبي حنا وراك بصحن الددسن
الله يانوم السطح وش امدح وش اغني
سر الجلال والوناسه اللي فيه انه للوالده وريحتها فيه يامال جنات النعيم البارد..
ابداع اخوي الله يوسع صدرك بالعافيه ويحفظك ربي
تحياتي وتقديري واحترامي لشخصك الكريم
اختك
..قوافي..

[Al3rands]

هههههههههههههه بساسه عاد تذكرت مكاين الكهرب وصوت القطار

[محمدالزبيدي]

رائعة بروعتك أخي

تاريخية فيها عبق الماضي الجميل

تحياتي لك

[ناصر العلي]

وعليكم السلام ورحمة الله وبركاته
قل آمين يالغالي
ربي يسعدك بالدارين
ويبعد عنك وعن أهلك وأحبابك و مالك كل حاسد
أه...آه...ثم...آه
على ذيك الأيام
الله على الطايه والنوم بالطاية على ذيك المطارح...والغطا جلال الصلاة حق الوالدة
http://www.mekshat.com/pix/upload04/images190/mk21724_dsc_0182.jpg
والله ياأنا رحمت أخوك
يوم الله سماك تبي تكش البساسة..الكاو بالعنقليزي..صارن بقر:D:good2:..تكشهن بالكاس اللي وزنه لايقل عن نص كيلو
فكه الله ماجاوه شئ...بغرقة النوم...تجيه ضربه على عرش الرجل..زين ماشفت البساسه عند راسه:eek:
فى الختام
أنت مبدع وممتع

[المعي]

سلام عليك ياراعي العجرا ومن حضر
شيخ خيمه السواليف الكل عنده حضر

سالفه خيال

[ابو الشبرميات]

الله المستعان
رجعتنا للسطوح والشراشف والمطارح
احلى النومات فيها وخصوصاً اذا جاء قبلها سوالف من كبار السن
يالله يارب انك ترحم امواتنا واموات المسلمين
مشكور اخوي راعي العجراء
ابداع لاينتهي وموسوعة تاريخية


للمعلومية صورة بين الطين التي قمتَ بانزال صورته
تم ولله الحمد اعادة ترميمه
وهو بيت في مركز الوقف بالقرائن التابع لمحافظة شقراء
وتعود ملكيته لصالح بن ابراهيم السبيهين رحمه الله
وقد قام باعادة ترميمه ابنائه بارك الله فيهم
وهذه صوره قبل وبعد


http://img534.imageshack.us/img534/3082/86161758.jpg

http://img823.imageshack.us/img823/6186/18160210.jpg


وللاستزادة من الموضوع عليكم زيارة الرابط التالي
http://www.algrayen.com/vb/showthread.php?t=24557

واعذروني للاطالة
...

[راعي العجراء]

ياهلا ويامرحبا

وش الخلطه العجيبه
قصصك لها نكه خاااااصه وسريه
وجميله جداً
بارك الله فيك ياراعي العجراء
قصصك تبقا في السماء وروائع السرد نجدها في صفحاتك

تحياتي وودي


ياهلابك يالظاهري
شرفتني في مرورك يامشرفنا الفاضل
واعتبره تشجيع من مشرف هذه الخيمه
دمت بخير

[ذيب الفقارة]

أنا ما اصدق هالكلام أبد

انت متعمد تضرب أخوك

قول هذا الكلام للي مايعرفك

روح اطلب السماح من أخوك أولا أحسن لك

تحياتي لك

[binamerah]

وعليكم السلام اخوي الله يعطيك العافية

[راعي العجراء]

السلام عليكم

اهلا اخي الكريم

ابدآآآع سالفه جدا رآآئعه وماشاء الله الوصف والسرد جدا ممتاز, اجل سيقان اخوك صاروا قطاوه ههههههه زين ماكسرت قدمه :D

وابوي الله يحفظه قال لي انه في طفولته كان ينام في السطووح ذاك الزمن ومن يسمعون اذان الفجر خلاص الكل في البيت يجلسون من النوم لانهم ينامون مبكر بعد صلاه العشاء وينامون في السطح حتى ايام الحر والرطوبه الله يجزاهم خير صبروا وتعبوا

يعطيك العافيه على السالفه الرائعه والله حلووه قصص ايام زمان ماامل من سماعها وكثر لنا من السوالف القديمه





طبعا نريدها طوويله لانها بتكون احلى واكثر دقه في الوصف اتمنى تخليها دائما طويله


تقبل مروري المتواضع

هلابك يابنت الاحساء
ابشري بالسوالف ايام زمان
كل شي ايام زمان زين
الحين يقولون فيه كنافه ايام زمان
وانا خابر كنافه ايام زمان كان يحطون عليها حصيات للزينه كنها فستق
وحنا نقرضهن قرض يالهن طعم والحين يوم حطوا الفستق والمكسرات ماعاد به طعم
دمت بخير

[راعي العجراء]

راعي العجراء ...........شف عاد !


تطول بالسالفة تقصرها حنا معك بالباص متجودين زين، تلف يمين تلف يسار تفحطبنا تطعسبنا ( خذ راحتك) !
اهم شي الباص لا يوقف ولا تحرمنا من سوالفك الحلوة.
وبعدين وين الفازلين الخضر حق المشاق ما شوفه مع العزبة :D
ايوالله منول نرش شراشفنا بالماء ونرش الطبطاب ونرقد بسرعة قبل ينشف !
يامال العافية يا بو جلمبو على هالسالفة الطيبة.

قل آميييين.......... ان الله يسعدك بالدنيا والآخرة.


هلا وغلا بالعم ابو اسامه
يالله حيوه ...
اجل رجعتبك الذكريات للصفحه الاولى من كتاب رش الشراشف بالماء قبل النوم
بس اللي محيرني يابو اسامه ليش يفرشون اهلنا لنا فرش
مايوم شفت واحد بفراشه نائم يتدربا خمسه امتار عن فراشه
وابشر طال عمرك باللي يرضيكم بالسواليف سو قصرت والا طالت
اهم شي سعة صدوركم وتلبية رغباتكم
دمت بخير

[راعي العجراء]

ممتع ومذهل

ودمت معطاء لاتنضب
منذ ان عرفتك وانت تبهرني ومنك وبك نتعلم كيف كان الماضي
كن بخير أيها الجميل

أسعدك الله ووفقك لكل خير


هلابك ياعم تلميذ
من اسعد اللحضات ان اشاهد معرفك
في سالفه لراعي العجراء
دمت عالي وغالي

[راعي العجراء]

حياك الله اخوي

وحيا السوالف العجراويه
ودي اقطع بكم نفود الدهناء ريوس بالسواليف
اقطع ريوس وسو اللي تبي حنا وراك بصحن الددسن
الله يانوم السطح وش امدح وش اغني
سر الجلال والوناسه اللي فيه انه للوالده وريحتها فيه يامال جنات النعيم البارد..
ابداع اخوي الله يوسع صدرك بالعافيه ويحفظك ربي
تحياتي وتقديري واحترامي لشخصك الكريم
اختك
..قوافي..


هلابك ياقوافي
هذا اذا ماقطعت بكم نفوذ الدهناء على جنب
اشكرك على مداخلتك الجميله
بارك الله فيك ودمتي بخير

[... رجّه ...]

ههههههههههههههههههههههه
تهاوووووويل


هههههههههههههههههههه
اعذرني ميت ضحك
هههههههههههههههههه

[أبوسليمان السهر]

الحمد لله يوم الله سلم
رجيلات أخوك من الضرب
وزين أنك صبرت شوت كان صارت علوم
جزاك الله خير على السالفة الرايقة

[ابو صفوق]

اييييييه ياراعي العجراء
نوم السطح مايعرف زينه الا اللي قد نام هالنومه
كانو ينصبون شي على المراتب يسمى ناموسيه عن النامس والذباب مرتفع تقل خيمه صغيره
ويرشون السطح قبل فرش الفرش
ويطلعون ترامس الماء المبخره بالمستكا واشرب عاد
قل أمين الله يرحم شيبانك ويعطيك الصحه والعافيه
اشكرك
ثنيان بن صفوق الثنيان

[ابو صفوق]

ههههههههههههههههههههههه

تهاوووووويل


هههههههههههههههههههه
اعذرني ميت ضحك

هههههههههههههههههه



هههههههههههههههههههههههههههههههه
ههههههههههههههههههههههههههه
هههههههههههههههههههههههههه
اعذرني مت ضحك معك

[راعي العجراء]

هههههههههههههه بساسه عاد تذكرت مكاين الكهرب وصوت القطار

هلابك يالعرندس
صحيح طال عمرك من اول نسمع مكائن الكهرباء
والقطار حنا بعيدين عنه مانسمع الا دقت سلفه والا لحولوا الركاب يدفون
نسمع واحد يقول للسواق ارفع رجلك وانتش
دمت بخير

[رشيد22]

يعطيك العافيه ذكرتنا نومة السطح لها لذه قبل يازين ذيك الايام . تسلم اخوي

[راعي العجراء]

يعطيك العافيه ذكرتنا نومة السطح لها لذه قبل يازين ذيك الايام . تسلم اخوي
ياهلابك اخو رشيد

ترا مازال فيه فرصه تنام بالسطوح بس انت كبر راسك على السطح
ماتبي الا الكندنيشن والعطر الفواح بغرفة النوم

[أبوسعد111]

الله يسعدك
سالفه رااايقه
وإبداااع بالسرد

:D

وسع الله صدرك ومن يتابع بطاعته

[راعي العجراء]

الله يسعدك
سالفه رااايقه
وإبداااع بالسرد

:D

وسع الله صدرك ومن يتابع بطاعته



هلا وغلا يابو سعد اسعدك ربي
حضورك هو الراااااااايق ياراااااااايق
مع السلامه

[ابو ماجد 2]

حلووووووووه
اثر من حين معك قل البخص
هذا اخوك نفسه اللي قلت لنا قصتك انت واياه بالسطح
هههههههههههههه
مبدع يالغالي
مبدع بالاختيار بالسرد وحتى دخولك باشياء جانبيه لم يخرجنا عن جو القصه ماشاء الله متمكن

[راعي العجراء]

حلووووووووه
اثر من حين معك قل البخص
هذا اخوك نفسه اللي قلت لنا قصتك انت واياه بالسطح
هههههههههههههه
مبدع يالغالي
مبدع بالاختيار بالسرد وحتى دخولك باشياء جانبيه لم يخرجنا عن جو القصه ماشاء الله متمكن



هلا يابوماجد
يالله حيوه
قل البخص معي من اول والحين باقي فيه حثيربات
في تطور ملحوظ
اسلم وسلم ومع السلامه

[الجرح الحزين]

وعليكم السلام ورحمة الله وبركاته
أسعد الله أوقاتك بكل خير يابو جلمبو
الله يعطيك العافيه على سواليفك
المسكين أخيك رحمته الحمدلله انها جاته على كاس الماء ولا كان من صيد أمس
أما بنسبه لنومة السطح أنشهد يااااازينها صحيح اني مالحقته على وقتكم
بس عشته أجوائها وانا أختك في بيتنا الجديد قبل لا يجينا الكهرب بحكم أنها منطقه جديده تقدر تقول بالبر
الله يطول بعمر الوالده كانت ترش السطح بالماء حول العشاء وتالي نفرش
بس للاسفه مانقدار نسوالف كثير الله يحفظهم الوالد والوالده موجودين مايبون الازعاج
يااااااازينها من أياما ليتها تعود مع أيام الماطور
عذرا للاطاله
وما زلنا بنتظر سواليفك أخوي