العقاب

[عاشق الرمله2]

السلام عليكم يالربع احييكم كلن بأسمه انا عندي سوال للصقاقير الكبار والطواريح
يالربع عندنا يم عزبتنا فيه جبل وفي ذا الجبل عشوش كبار من رمث مصفوفه وفيه
عقبان فيها واحد لونه رصاصي تقريبا واحد اسود والاسود كبير
انا بصراحه ماقد شفتهم جالسين على الماكر بس اشوف دجاج ميت وجيف
الله يعزكم انا اللي ودي اسال بصراحه انا في راسي اطرح واحدن منهم كيف قولولي لو حطيت شبك بطير بالشبك اللي عنده فكره عنهم يقولي وشاكر لكم

[جـرح الشمـال]

هلا اخوي
هذي نسور وليس عقبان
امل اني افدتك

[عاشق الرمله2]

والله مدري بس حجمه يقولون الربع انه عقاب المهم انا اللي ابيه اني اطرح واحد فيهم عقاب ولا نسر كيييف

[عاشق الرمله2]

ياهل الخبره عطونا ردودكم

[(هزاع)]

ماقد والله شبكت عقاب
لاكن اعتقد انه قوت عضلات ارجوله ومخالبه تفوق اضعاف قوة الصقر
ولااعتقد ان الشبك بيتحمل
لاكن اشبك بحمامه وثقاله وزن 3 كيلو وخلك قريب على بعد اثنين كيلو ودربل
ممكن تنجح والله اعلم

[عاشق الرمله2]

الله يجزاكم خير ياجرح الشمال وهزاع ماقصرتوعلى ردودكم وتفاعلكم معي

[ابوماجد6641]

مرحبا فيك اخوي ابقولك شي بس لا تستغرب انت ومن يقرا انا جربت السنه هاذي بشبك طيور واجد وبنفس الوقت افكها على طول ومقصدي ابي اتعلم طريقت النقل واكسب خبره بشبك الطيور ومنها الشرياص والعقاب والنسر ولا شفت احسن من القرشعه وكنت احط في القرشعه هنتارو هههههه زي الفار والجربوع بس دلع شريته من محلات الطيورالزينه والله ياهو حرك ولا يقر مغير يفتر والله ما عمري شفت اعقاب او شرياص او نسر وراح على طول ما يمديني اعشق الثاني الا والطير نازل وشابك بس العقاب يطير في القرشعه لاني ماحطيت ثقاله والله يوفقك ان شاء الله

[ابو خلفهم]

اخوي العزيز
الطير هل حصل منه اذيه ؟
هل الطير ثمين؟
طيب ليش تبي تصيده؟
اتركه وراقبه ووثق اذا تبي النصيحه
لان البيئه مهي ناقصه عبث
وشكرا

[النمر]

ياليت صور لهذا الطائر يكون افضل

[جـرح الشمـال]

السلام عليكم يالربع احييكم كلن بأسمه انا عندي سوال للصقاقير الكبار والطواريح
يالربع عندنا يم عزبتنا فيه جبل وفي ذا الجبل عشوش كبار من رمث مصفوفه وفيه
عقبان فيها واحد لونه رصاصي تقريبا واحد اسود والاسود كبير
انا بصراحه ماقد شفتهم جالسين على الماكر بس اشوف دجاج ميت وجيف
الله يعزكم انا اللي ودي اسال بصراحه انا في راسي اطرح واحدن منهم كيف قولولي لو حطيت شبك بطير بالشبك اللي عنده فكره عنهم يقولي وشاكر لكم


اخوي عاشق الرمله
مادام تشوف دجاج ميت وجيف في الماكر
حسب كلامك اعلاه
هذا دليل انه النسور ماتكل الحيه تاكل الميته وهذي جيف نتقلها للماكر
وهذي صورتين للعقا ب والثانيه لنسر وشف الفرق بينهما

صورة العقاب
http://t3.gstatic.com/images?q=tbn:ANd9GcT-pgNN9FbYUJQwKBIPNBhFWwqIWQ1ksyjL8l4pMwaQcHqND8K_-Qhttp://t2.gstatic.com/images?q=tbn:ANd9GcSNHB0cLrCKiL44GzqmJdCn0z6ATKKFA IMryFdDZ9_uCRWGf0Nxصورة النسر
وشكرا

[عاشق الرمله2]

اللي انا شفته العقاب اللي هو الاسود هذا واللي انا اشوفه فيه بياض في اخر جنحانه بس انا مدربل وشايف دجاجه ميته يمكن من صيده والله اعلم