حرارة الباترول 99

[ابوضاري99]

بسم الله الرحمن الرحيم
مساكم الله بالخير
عندي مشكلة قوية في حرارة الباترول.
الباترول له سنتين معي ماشاء الله ماشفت منه الا كل خير .
والحرارة كانت نايمه تحت c ماترتفع سواء صيف او شتاء حتى وهو واقف والمكيف شغال بالساعات والمكيف بارد ماشاء الله
لكن قبل يومين دخلته المغسله وغسلت المكينه بالماء والصابون ومن بعدها والحراره
مرتفعه واذا وقفت ترتفع والمكيف يقل تبريده ..
علما ان فيه اربع مراوح ثنتين سوبارو وثنتين للمكيف يشتغلن جميع ..
وهذه صورة ارتفاع الحرارة ..
افيدونا جزاكم الله خيرا ولا اراكم مكروها ..
http://Ii.imgur.com/PIfc2.jpg

[يزيد 999]

احتمال راس المكينة انشعر !!

يفيدونك الأخوان.

[ابوضاري99]

اخوي الحراره كانت قبل ادخله المغسله طبيعيه جدااا ..
الله يستر ..
افيدونا يااخوان

[الا سير]

المفروض انك تخلي السيارة تبرد
قبل ماتدخلها المغسله
شيك على كتاوت المروحة لاتكون محترقة

[هواوي الشمال]

اذا ترتفع وهي واقفه والمكيف يحتر معها شيك ع مراوح المكيف احتمال احدهن فيه ضعف بس اشوف هذي الحين طبيعيه يعني ع الشرطه فوق السي !طبيعي والا

[بشير حسن]

غسيل المحرك أكبر دمار وخراب له وخصوصا اذا كان المحرك حار وتروح وتكب ماء عليه أفضل طريقة لغسل المحرك يكون بارد مع تغطية جميع الاجزاء الكهربائية من دينمو وحساسات وكويلات وجميع مايخص كهرباء المحرك ونصيحة لاتغسل المحرك الا للضرورة بحيث يكون على زعانف التبريد بقايا زيوت وغبار قوي لاصق بحيث حتى لو تنفخه بالهواء مايطير وبالنسبة للحرارة شيك على جميع مايخص منظومة التبريد من مراوح وراديتر وبلف حرارة وطرمبة ماء يمكن حصل شئ وخصوصا للراديتر يمكن مع غسيل المحرك وهو ساخن وحار صار عندك تهريب من الراديتر او من اي مكان آخر

[البرنس الليبي]

الحراره هذي طبيعية

[sha6-2007]

نفس ماقال اخوي البرنس ..

الحراراه اشوفها حسب الصوره طبيعيه جدا" >>يعني ممتازه ..

اتوقع ,, يمكن قبل لاتغسل المكينه كان مايشتغل :D
واللحين اشتغل

ومستحيل راس المكينه انشعر والحراره هذي ..

[برايدوي عنيد]

هلابك اخوي

هل انت فاك بلف الحراره؟

شيك على كتاوت المرواح ممكن خرب مع الماء

تقبل مروري.....

[ابوضاري99]

الله يجزاكم خير ولايريكم مكروه
نعم انا فاك بلف الحراره
ومراوح المكيف كلهن يشتغلن
صراحه الموضوع يحير اربع مراوح تشتغل يعني لو تنام بوسط الكبوت ماحسيت بحراره
اجل وش اللي يخليها ترتفع��

[geerman]

اخي الكريم المعروف عن الباترول بشكل عام الجديد والقديم حرارته الربع
مثل الصوره الى حاطها

للفائدة ...تركيب مراوح الكهرب لازم يكزن الحساس مطابق لحرارة الباترول
يعني لو كانت الحراره على طول نازله راح تظر المكينه
كانك تمشي من غير ما تخلى المكينه تحمى

[عزيز النفس 66]

هههههههههه احمد ربك يا راعي الموتر أنا لي سنتين ما شفتحرارة موتري كذا مع أني نفس السيارة ونفس الموديل دايم فوق الربع شتاء وصيف حرارة مووترك ممتازه وطبيعيه اذا هي نفس الي بالصورة بالتوفيق

[saleh333]

موتري 99 وهذي حرارته مثل اللي بالصورة

[مركز حراره]

اذا ترتفع وهي واقفه والمكيف يحتر معها شيك ع مراوح المكيف احتمال احدهن فيه ضعف بس اشوف هذي الحين طبيعيه 100%

[وبل نجد]

حتى الان حرارة الموتر طبيعيه جدا وهذا المعروف عن حرارة الباترول من ٢٠٠١ وتحت

لكن كون المكيف يحتر مع الوقوف فهنا المشكله من احد المراوح سواء حقت المكيف او السوبارو

لابد تشيك ع دينموات المراوح او الكتاوت حقهن

[عزوز العصامي]

من يقول ان الحراره هاذي طبيعيه انا امس موتر 99 مدخل الورشه حرارته نفس هاذي اذا مشيت واذا وقفت طلعت فوق الربع بشوي ويفور علي واليوم بيفكون الراس علمن باني غيرت راديتر وتماتيك مروحه وبلف وماخليت غير طرنبه المويه هي الي ما غيرتها ونفس الشي وقلت مافيه الا نمسح الراس ونشوف بعد

[sgl2002]

عزوز حرام عليك تفك الراس

الباترول من ٩٨ الى ٢٠٠١ هذي حرارته مع المشي وعند الوقوف تتعدا الشرطة

موترك مابه الا العافيه

لو الراس عندك تعبان كان تشوف تفتفه ودخنه وحرارة الموتر نص