لحمت دفرنس التاهو وانكسر، وش الحل الثاني

[ابو ودع]

السلام عليكم
الغشامه تلعب دور
انا دخلت برصيف
وانشعر الدفرنس عند اخر نقطه قبل الجرم اللي فيه الكارونه
وصار يهرب زيت
المهم فكوه الورشه ولحموه عند المخرطه لحام حديد ( مع ان واحد ثاني قال الدفرنس زهر ولازم يلحم بزهر لكن ما اراد الله )
طيب هالحين انفك اللحام هل ينفع الحم ثانيه او فيه طريقه غير تبديل الجرم او الدفرنس كامل
وكم يكلف تغييره وهل هو فعلا حديد او زهر
السياره تاهو قصير 2009
ما نستغني عن آرائكم وخبراتكم
وشكرا مقدما

[العنقري]

ان كان الشعر من فوق اغسله ببنزين ونظفه من الزيوت ولحمه لحام بارد العصار

[بواسامه]

رح للحام وخله يجلخ اللحام القديم
ويعيد لحامه بالزهر

وان شاء الله بيضبط

[moooj]

اذا فيه شرخ مثل الي بالقزاز ريح راسك من زود الخساير وغير الجرم

[Magellan]

اذا كان الألمنيوم وهو اخف من الزهر واضعف نوعا ما وجدوا له حل
فكيف بالزهر
والدفرنس حديد مخلوط بزهر
لكن يبدولي ماطحت بوّلي مصلح وشخص له خبره
وترى اللحام البارد اللي هو العصار الاسود مع ابيض الامريكي قوي جدا شفهم يلحمون الأديترات وتسلك
لكن الدفرنس احر شوي والأهم لازم تعاير الدفرنس عشان مايخرب حتى تلقى اللي يضمن الشغل،، ولاتحط زيت إلا جي ام اصلي سعر العلبة 800 قرام ب60 ريال ولونه العلية سوداء والزيت اخضر

[ابوراكان تبوك]

الاريح تغير الدفرنس كامل انت عارف ان الدفرنس والضغط كله عليه لاتفكر كم يكلف لكن فكر اذا قطعك في خط طويل اذا مستخدم غيره وريح راسك

[mekshaat]

الاريح تغير الدفرنس كامل انت عارف ان الدفرنس والضغط كله عليه لاتفكر كم يكلف لكن فكر اذا قطعك في خط طويل اذا مستخدم غيره وريح راسك
التغيير يمكن افضل لكن تغيير الجرم اذا فكو الدفرنس من بيضبط وزنية الكورونه.

[ابوراكان تبوك]

التغيير يمكن افضل لكن تغيير الجرم اذا فكو الدفرنس من بيضبط وزنية الكورونه.

اسهل شيء وزنية الكرونه اي واحد عنده خلفية بسيطه بالكرونه يركبها بنفسه حتى لوجاب جرم دفرنس فك العكوس والكرونه وتركيبها ما يأخذ ساعه

[mekshaat]

اسهل شيء وزنية الكرونه اي واحد عنده خلفية بسيطه بالكرونه يركبها بنفسه حتى لوجاب جرم دفرنس فك العكوس والكرونه وتركيبها ما يأخذ ساعه

عندي ونه بالكورونه وقالو غير دفرنس وزنيتها صعبه واحد ميكانيكي معلم وخبره قديم
يقول ماتضبط الوزنيه غير الدفرنس.

[ابوراكان تبوك]

عندي ونه بالكورونه وقالو غير دفرنس وزنيتها صعبه واحد ميكانيكي معلم وخبره قديم
يقول ماتضبط الوزنيه غير الدفرنس.

شوف لك ميكانيكي ثاني كان عندي جيب وزنت البانيون والكرونه بـ 150 ريال والله يا اخوي ما اخذ نص ساعه

[YUKON_GMC]

تغيير دفرنس مكلف واجد .. ولكن اللحام يمشي الحال .. ولكن رح لمخرطه اخرى وقولهم يلحمونه مره اخرى .. ويضبط ان شاء الله

ويبي يمشيك كم سنه


انا انكسر في موتري غطاء الدفرنس ولحمتة لحام بارد معجون من اللي يباع بالبقالات اللي عليه صورة سيكل وطاوله

واخذ سنتين ماهرب حتى لقيت غطاء مستعمل بالصدفه وبلاااش وركبه

[أصيل حجآ زي]

في الغآلب :
الدفرنش حديد ويــُلحـم أذا لقيت لك ورشة لحآم شآطرين .


وحتى لو زهر / مثل القير العآدي في الغآلب جـُرمهُ الخآرجي زهر
ومع ذلك يــُلحــم الحديد الزهر
وقد ذكر أحد الأخوة
من قبل بخيمتنا وجآب صور لقيرهُ مُلحم بملحمة بجدة
بس والله نسيت أسم العضوء والورشة .


وزي ما تفضل به الأخوآن والأخ المُهندس / ماجلان
لا تستعجل وأن شاء الله تجد حل جذري ولا تخسر الكثير .
ترى بعض أصمآغ شركة لوكتآيت قوية تلحم لك الحديد .
تحصل عند العطآس { كآن الكــُتبي وكيلها } بس يبدو أنتقلت للعطآس .


لوكتآيت Loctite العملاقة
http://t3.gstatic.com/images?q=tbn:ANd9GcSX83HBevRk65K1KXzfMgMJlmbK02Bfi AKVrMNz9HDRmMO09Y3o9Q
:
http://www.google.com.sa/search?um=1&hl=en&safe=active&gbv=2&biw=1366&bih=566&tbm=isch&oq=Loctite+&aq=f&aqi=g10&gs_l=img.3..0l10.378372.378372.0.383214.1.1.0.0.0. 0.394.394.3-1.1.0...0.0.YpXuEhSEIAM&q=Loctite



http://t2.gstatic.com/images?q=tbn:ANd9GcTl0dKNcMyacbSyFrf0vbpWNBWk9TJKO hL5cm7VVb-Kr1AgErpS

[سطام2007]

بالنسبة للحام البارد فيه نوع امريكي قوي جدا جدا بدون مبالغة في الرياض
طريق المدينة المنورة - محلات العوشن
سعره 20 ريال
ولا تتعب نفسك طيع شوري وماتلقاه الا عندهم جربته على طبة سيارة وسنتين وراعيها باعها وما شاء الله عليها
بس دعواتك

[آخر العنقود]

هلا اخوي انصحك تغير الدفرنس كامل صح غالي بس تشتري سلامتك وراحتك وانت حر بأختيارك.

[ابو ودع]

الشكر الجزيل لكل من اتحفنا بخبرته ورأيه
والله اليوم مريت على الورشه وقال
ابا الحمه بدون ما افكه من السياره لان الشعر بسيط هالحين
يقول يمكن متأثر توازنه وموقعه بالنسبه
للشاص ويمكن اذا لحمناه على وضعه اللي هو عليه هالحين
يمكن يضبط والا الله يعين على تغيير الجرم

[الكشات وافى]

حاول تلحمه ولا أنصح بتبديله لانه مكلف جدا ...!!

صارت لنا مثل هالسالفه قبل يمكن24 سنه أتذكر .. وكنا أيامها نقنص فى العراق ...!!

وسألنا وقتها عن أفضل ورشه وأفضل فنى يضبطها ...!!

ودلونا على واحد فى أطراف بغداد ... ولحمه لنا ورجعنا لأهلنا وظل الموتر بعدها

سنتين أو أكثر الى أن بعناه والتلحيم على ماهو عليه ...!!!

لو تعرف شنو أستخدم فى تلحيمه راح تستغرب ويستغرب الجميع ...!!!

أسمنت وبيض ....!!!

نعم أسمنت وبيض وخلطهم ولحم فيهم بعد مانظف المكان ,,,

وصار بعدها أقوى من الحديد ...!!

ملاحظه ... أنا غير مسؤول أذا تمت التجربه :D

فأنا أنقل لك ماحصل معى ... ولا أنصح بالتجربه أو العبث الا بعد تجارب خارجيه

يعنى يكون يجربها على أشياء يكون مستغنى عنها

[بدوي جنوبي]

انا أستغرب من اللي يقول غير الدفرنس
ترا الموضوع بسيط وما يحتاج تغيير الدفرنس بالكامل بمبلغ يصل الى 10.000
ممكن حل المشكله ب 20 ريال بلحام بارد
او لحام زهر ب 50 ريال .