مرقابيات ...

[مرقاب الوله]

-----------------


راح الشتا والقيظ جا بمحوله ..,,..وجتك القوايل ماهي بقيلوله


والروظ مامره غزالا" جافل..,,..والطور يشكي من فراق وعوله


وآخر مهاجر بالسما قمريه..,,..من كثر مايرمونها مهبوله


عشاقها بالمملكه لاتسأل..,,..من كثر عشقه بالبحر صفوله


وانا بعد اهواه لا واشتاقه..,,..شوق الهواوي لمحة المجدوله


الجادل اللي كل زينه فيها..,,..من روعته فالكل يعشق زوله


قمريتا" بالوانها كم تسحر..,,..تاخذ عقولا" يمها مشغوله


الوانها تفرق عن اية صيده..,,..تغار منها نقشة المكحوله


من شانها كم بندقا" متولم..,,..والزين بالأنشات يفرق طوله


هذا مع البلجيك ذوقه راقي..,,..وهذا مع السوبر يعد فعوله


وهذا مزاجه بس بالروسيه..,,..وهذاك بكحيلاه محدا" حوله


اما الفشق تلقى جميع انواعه..,,..دسدات فرط ودسدتا" مقفوله


من شان عينه ما انتغالا غالي..,,..ندفع ولو أن قيمته مدبوله


ماهمنا من قال ذولا مجنن..,,..يمزح تراه ومزحته مقبوله


ما النا علاقه في قنوص الغفله..,,..اللي على التخريب دق طبوله


يرمي على ايا طير دون الحاجه..,,..انواع من تحت الشجر مقتوله


حنا هواة البر في مقناصه..,,..وامورنا بالحاجه المعقوله


نرظى بقسمتنا ولا نتحسف..,,..لذيذتا" لو انها مقلوله


قولوا للايمنا يريٌح راسه..,,..يومه يلوٌمنا كذا وشوله


مايدري انا فيه نلقى الراحه..,,..عسر الجبال ونايدات تلوله


لو كان كايد ياحلو مشواره..,,..بالصبر مايصعب يجي بسهوله


الشين بعيون المحب يهبل..,,..حكمة عربنا من قبل مقيوله


الله يصبرنا على القيظيه..,,..لا ودٌع القمري وقفٌا جوله


الوعد حين سهيل يطلع ظوٌه..,,..والوسم بعده ننتشي بسيوله



---------------------
- - - - - - -
اقرع كـرك تحـت الغيـوم ....ان صف يعجـب شايفـه



الــيــا تـثــنــى تــقـــل زوم....الـمــوج مــــن وصـايـفــه



واذا قرب مـن بعـد حـوم....بـعـيـون مــرقــب نـايـفــه



متـابـعـه فـــوق الـرجــوم....عـيـنـه بـشـوفــه كـايـفــه



واذا هـبـط بـيـن الـحـزوم....والــقــوم فـــــي حـوايــفــه



صـفــوا لمـطـيـاره قــــروم....لـصـيــد غــيـــره عـايــفــه



ان ترًست شهب الهدوم....مــــن انـحـرافــه خـايــفــه



ان جـا عليهـم صـار يــوم.....وان لـف جــت حسايـفـه



كـانـه سـلـم لاحــد يـلـوم....الله وقـــــــــى رهـــايـــفــــه



شوفـه يكـفـي لــو يــدوم....لــــو عـنــدنــا مـصـايـفــه



لــولاه رزقــاً مــن رحــوم....مــا ارمـيـه عــن ولايـفـه




مع اطيب تحيات مرقاب الوله

[نديم المجره]

قمريتا" بالوانها كم تسحر..,,..تاخذ عقولا" يمها مشغوله
الوانها تفرق عن اية صيده..,,..تغار منها نقشة المكحــوله

ياخيي يامرقاب الوله
مادام كل هذا الجمال فيها
لماذا تقتلها وتحرمنا التمتع بجمالها
الله يحببك بالطبيعه
ويكرهك بالصيد من غير شر

[مرقاب الوله]

عزيزي نديم المجره هذي ردودك على قصائدي

قصيدة موسميه::




صح لسانك



قصيده طيبه لو الله فكها من الاسلحه والصيد
انا اشهد انه يطرب اذني صوته = وعلى مواويله غدت ميلافه
دام يطربك صوته ليش تقتلونه وتحرمونا من الاستمتاع باصواته
دامت لك المسرات


تحياتي




قصيدة يكفيه راحة بال ::





وان طاب يومك وابتعد حظك السي..,,..لا جاك خطم له ثقيلاً عياره





عجٌل عليه الذبح لو طاح لك حي..,,..ماطاح الا من اليم انكساره



واحد , ثلاث, اثنين , اربع : يكفي..,,..ومع القناعه تاخذ اعلى صداره


صح لسانك
ليته يكفيكم 5 او 6 او7
والشوزن ماتحدد العدد
ولو هي على كيفكم
قضيتوا على الجول كله


تحياتي




وهذا ردك على مجاراتي على قصيدة يللي تقول الصيد في ديرتك قل





صح لسانك



وطيب الله فالك
واصلح الله حالك ومالك وعيالك
فعلا يجب ان نقف جميعاً ضد الصيد الجائر
والذي يمارسه صغار السن بتشجيع من الكبار
واقول لمرقاب الوله في مجاراته العكسيه:
(الله يفرق بينك وبين حب الصيد من غير شر ويعوضك بحب افضل من حب الصيد)


تحياتي


اشكر لك مداخلاتك واتمنى انك ماتدعي علي بفراق هوايتي

[مازن الصعب]

الله الله يامرقاب الولة

صح لساانك ملايين

فكرة جميلة لتدوين قصائدك

واعتبرني من اول التابعين لك

وبالنسبة لنديم المجرة فهو شاعر مافيه كلام وباين عليه يخاف على الحياة الفطرية الله يوفقه ويثبته يارب

وبانسبة للدعاء مادعا عليك الا يبيلك الخير وبصراحة الايام هذي مافيه صيد يستاهل العنوة اللي يبي الصيد

يطلع برا او يغير الهواية من مطاردة الصيد الى مطاردة الطبيعة (( رأي شخصي ))

الكلام في هالموضوع يطول والاسباب كثيرة !!

اتمنى لك التوفيق

[ذراع الذيب]

السلام عليكم ورحمة الله وبركاته,,
مسيت بالخير يامرقاب الوله..

صح لسانك على هالابيات الطيبه اهنيك على ذلك شاعر وصياد محترف,,
ومااقول غير الله يحببك في الصيد يانديم المجره تدري ليه لأنك راح تجيب اطيب القصايد فيه وانا اتمنا ذلك:D,,
لاهنت يامرقاب الوله وتحياتي لك,,

[مرقاب الوله]

الله الله يامرقاب الولة

صح لساانك ملايين

فكرة جميلة لتدوين قصائدك

واعتبرني من اول التابعين لك

وبالنسبة لنديم المجرة فهو شاعر مافيه كلام وباين عليه يخاف على الحياة الفطرية الله يوفقه ويثبته يارب

وبانسبة للدعاء مادعا عليك الا يبيلك الخير وبصراحة الايام هذي مافيه صيد يستاهل العنوة اللي يبي الصيد

يطلع برا او يغير الهواية من مطاردة الصيد الى مطاردة الطبيعة (( رأي شخصي ))

الكلام في هالموضوع يطول والاسباب كثيرة !!

اتمنى لك التوفيق


ياحي من جا والله .. الله يصح بدنك اخوي مازن

يشرفني متابعتك لي يالغالي وهذا من ذائقتك الشعريه

اخوي مازن هواية المقناص ماهي بكيف الواحد هي شي يناسب الشخص ويعشقها وتكون له ملتجأ عن حاجات كثيره ممكن توديه للضياع والندم

وبالنسبه للخوف على الطبيعه ففيه اشياء اهم من الصيد بكثير ومنها الماء
وحنا وش عندنا غير الطيور المهاجره اللي قبلنا انهوا الموضوع بدري من طلعن السيارات

واكيد نديم المجره شاعر ونعم به وانا رديت على قصائده بكل اعجاب وهو يعرف معزته عندي

اشكر لك حظورك البهي ... ونوورت

[مرقاب الوله]

السلام عليكم ورحمة الله وبركاته,,
مسيت بالخير يامرقاب الوله..

صح لسانك على هالابيات الطيبه اهنيك على ذلك شاعر وصياد محترف,,
ومااقول غير الله يحببك في الصيد يانديم المجره تدري ليه لأنك راح تجيب اطيب القصايد فيه وانا اتمنا ذلك:D,,
لاهنت يامرقاب الوله وتحياتي لك,,

الله يمسيك بالنور والرضى .. ياهلا ومسهلا بذيبان وماعليك زود وكل الزين عندكم

وياليت النديم يعشق الصيد كان يدري بالعشق الحقيقي ويفرح بمطلاع سهيل على امل عودة الغوالي وايام

الوناسه بعد القيظ الاحمر لكن كلا" ورغبته بهالدنيا عسى الله مايشغلنا بشي يغضبه

عطرت المكان اخوي ذراع الذيب بمرورك .... الف هلا بك

[نديم المجره]

عزيزي نديم المجره هذي ردودك على قصائدي

قصيدة موسميه::






قصيدة يكفيه راحة بال ::







وهذا ردك على مجاراتي على قصيدة يللي تقول الصيد في ديرتك قل





اشكر لك مداخلاتك واتمنى انك ماتدعي علي بفراق هوايتي


ادري اني دبلت كبدك وضيقت صدرك بردودي
وادري انك ماراح تترك الصيد وانا ماراح اترك الرد
ولكن خذ النصيحه مني لتسلم من الذنب في الدنيا والاخره
(لاتستخدم الشوزن في الصيد لانك ماتدري كم قتلت وكم صوبت ولاتستطيع تحديد حاجتك من الصيد)
ولاتلومني في ردودي
والله اذا شفت صور الصيد التي تنشر للمفاخره
اني ادعي عليهم اما ان الله يهديهم او ياخذ اعمارهم
لانها فعلا صور تلهد الكبد
بارك الله بيك يامرقاب الوله

[ذراع الذيب]

ادري اني دبلت كبدك وضيقت صدرك بردودي

وادري انك ماراح تترك الصيد وانا ماراح اترك الرد
ولكن خذ النصيحه مني لتسلم من الذنب في الدنيا والاخره
(لاتستخدم الشوزن في الصيد لانك ماتدري كم قتلت وكم صوبت ولاتستطيع تحديد حاجتك من الصيد)
ولاتلومني في ردودي
والله اذا شفت صور الصيد التي تنشر للمفاخره
اني ادعي عليهم اما ان الله يهديهم او ياخذ اعمارهم
لانها فعلا صور تلهد الكبد
بارك الله بيك يامرقاب الوله

الله يعطينا خيرك خلها على الدعوه الاولى..
والدعوه الثانيه خلها على قوم الاسد واشباهه:good2:

[مرقاب الوله]

ادري اني دبلت كبدك وضيقت صدرك بردودي









بصراحه انا صدري وسيع للي لهم عندي ولو شي بسيط من المعزه




-



-




ولكن خذ النصيحه مني لتسلم من الذنب في الدنيا والاخره
(لاتستخدم الشوزن في الصيد لانك ماتدري كم قتلت وكم صوبت ولاتستطيع تحديد حاجتك من الصيد)





مشكور على النصح بس ماعطيتني بديل للشوزن ... لاتقول لي رمح


-






ولاتلومني في ردودي





ما الومك لو انك انصفت بالاقتباس لبعض الابيات واقتبست :


مثلا..في القصيده الاولى


ما النا علاقه في قنوص الغفله..,,..اللي على التخريب دق طبوله



يرمي على ايا طير دون الحاجه..,,..انواع من تحت الشجر مقتوله



حنا هواة البر في مقناصه..,,..وامورنا بالحاجه المعقوله



نرظى بقسمتنا ولا نتحسف..,,..لذيذتا" لو انها مقلوله




ومثلاً بالقصيده الثانيه الخاصه بالكرك ::


ان ترًست شهب الهدوم....مــــن انـحـرافــه خـايــفــه




ان جـا عليهـم صـار يــوم.....وان لـف جــت حسايـفـه




كـانـه سـلـم لاحــد يـلـوم....الله وقـــــــــى رهـــايـــفــــه




شوفـه يكـفـي لــو يــدوم....لــــو عـنــدنــا مـصـايـفــه




لــولاه رزقــاً مــن رحــوم....مــا ارمـيـه عــن ولايـفـه



او انك اقتبست اللي يفي لغرض الرد فقط


-





والله اذا شفت صور الصيد التي تنشر للمفاخره
اني ادعي عليهم اما ان الله يهديهم او ياخذ اعمارهم
لانها فعلا صور تلهد الكبد




اخوي ادع براحتك وحسب قناعتك بس مو لدرجة ان الله ياخذ اعمارهم .. فيه مجرمين


اولى بهالدعوه




-------------
---------------






وادري انك ماراح تترك الصيد وانا ماراح اترك الرد







صحيح اني ماراح اترك الصيد بس ممكن اني اترك الخيمه حتى ما تضايق



-


-


-

[مازن الصعب]

هلابك يامرقاب الوله

لاتترك الخيمة وتعوذ من الشيطان

وبالنسبة للردود كل شخص يرد براحته اهم شي انه مايتعرض لشخصك

وكل شخص وقناعاته

ولكل هواية مؤيد ومعارض

اتمنى لك التوفيق

[نديم المجره]

صحيح اني ماراح اترك الصيد بس ممكن اني اترك الخيمه حتى ما تضايق
........................

ماعاش اللي يضايقك
واذا فيها ترك للخيمه لا والله انا اللي باترك الرد على قصائدك المقناصيه فقط
وانت علم من اعلام الخيمه بل عمود من اعمدة الخيمه
وانا اخبر الشمالي وسيع صدر
واكثر كلامي ماهو عليك مباشره بل على الذين يردمون الصيد على بعض لغرض التصوير والمفاخره فقط
وانا استغل مثل هذه المواضيع لتنبيه الغافلين لخطورة الوضع البيئي
دامت لك المسرات
تحياتي

[مرقاب الوله]

هلابك يامرقاب الوله

لاتترك الخيمة وتعوذ من الشيطان

وبالنسبة للردود كل شخص يرد براحته اهم شي انه مايتعرض لشخصك

وكل شخص وقناعاته

ولكل هواية مؤيد ومعارض

اتمنى لك التوفيق

والله يامازن المكان اللي به مثلك وشرواك ما ينتفارق

بس انا قلت في حالة انه يتظايق مني احد اترك الغرفه

جل التقدير لك على شعورك واهتمامك بموضوعنا انت وحبيبنا ذراع الذيب

[مرقاب الوله]

صحيح اني ماراح اترك الصيد بس ممكن اني اترك الخيمه حتى ما تضايق





........................


ماعاش اللي يضايقك
واذا فيها ترك للخيمه لا والله انا اللي باترك الرد على قصائدك المقناصيه فقط
وانت علم من اعلام الخيمه بل عمود من اعمدة الخيمه
وانا اخبر الشمالي وسيع صدر
واكثر كلامي ماهو عليك مباشره بل على الذين يردمون الصيد على بعض لغرض التصوير والمفاخره فقط
وانا استغل مثل هذه المواضيع لتنبيه الغافلين لخطورة الوضع البيئي
دامت لك المسرات


تحياتي



هلابك
اتمنى انك ماتخلط بين القناصين .. ففيه قناص قلب وفيه قناص بطن وفيه الثالث اللي انت


ذكرت وهو راعي مفاخر لاهو قلب ولا بطن اسال الله انه مايجي يوم واصير لا مثل الثاني


ولا الثالث


--


ان شفت براقاً بعيد المخالي ... كنه خوياً لي من سنين ماشيف
شوفي اثر الصيد بالحيل غالي ... وسمعي من طيور المواسم معازيف
الصيد يزهي ديرته بالجمالي .... لو كان ارض الصيد ما كلها ريف
لا لي من اللي يعذلوني ولالي ... من عقب هاك الوقت غير التحاسيف


http://www.mekshat.com/vb/showthread.php?t=299487 (http://www.mekshat.com/vb/showthread.php?t=299487)
___


------


اشهد انه يبكي عيون الرجالي .... منظراً مايطرب عيون الهوايه
النوازي من مهج الريم خالي .... والمتاقي ماتلج من الرمايه
مختلاط الصيد تسفاه الرمالي .... مابه اللي يستريب من العدايه
مابقى غير المشاريف الطوالي ... وظامي الشعبان وخطوط الحمايه


http://mekshat.com/vb/showthread.php?t=320953 (http://mekshat.com/vb/showthread.php?t=320953)



--------


وجده على وقت الشتا ماغيره ... ليلاً به البدري شلع براقه


سيله تحدر وانجلا معصيره ...تشوف مجروف الشجر باشناقه


في بر قفراً من بدى تخضيره .... راع الظعن يمه تقفى نياقه

والجو برد وساحر بتصويره ... عن ظلها ماتفرق المشراقه



http://www.mekshat.com/vb/showthread.php?t=314462 (http://www.mekshat.com/vb/showthread.php?t=314462)


اخوي انا صدري شمالي وماظاق مع وجود الحلول ... انا قصدت انه اذا تظايقت انت من


قصايدي ... اترك الغرفه لأني اعتبرك من اعلامها ومحسوب

منها...وانا ماجيت اظايق خاطر احد




طاب يومك
..
..