حرارة السيارة بعد 140

[فتك 32]

السلام عليكم ورحمة الله وبركاتة
عندي مشكلة بسيارتي باترول 2009 ترتفع معي الحرارة على سرعة 140 وذا هديت على ال120 ترجع طبيعية مع العلم اني غيرت الحساس حق الحرارة وصيخت الردتر والتماتيك حق المروحة مغير
واحد من الشباب قالى فك بلف الحرارة وخفت ياثر على السيارة

[برايدوي عنيد]

هلابك

ترتفع وين تاصل ؟؟؟

الطبيعي ان اتكون على خط الربع تزود قليلا اوتنقص

[رااعي الفزعات]

المشكله هذي غالبا تحتاج تصييخ الاديتر ..
حاول تشوف واحد يضبطه لك ..
واذا بغيت ادلك على ورشه بالقصيم تفضل بالخاص وابشر بعزك ..

[صاحب الكشتات]

هذه غالبا من الرديتر ماهو نظيف ولو تغير بلف الحرارة اذا مطول ضروري وتأكد من الخراطيش لايكون ينصفط على بعضه هذا اهم شي للحرارة مع السرعة وشوف الخرطوش الي فوق مع الحرارة اضغط عليه اذا قاسي مايضغط في تبخير في وجه الراس لكن ان شاء الله مايكون كذا

[فتك 32]

تتعدى الربع الحرار وصيخت الرديتر مانفع واليوم ابي اغير بلف الحرار بس مادري كم سعرة

[aBu_aBdAlSlaM]

2009 ومغير الحساس ومصيخ الرديتر ومغير تماتيك المروحه والله حرام عليك من هاللي شايرن عليك هالشور الغبر
بعدين ولى وين ترتفع الحراره للنص ؟

[ramy asiry]

2009 ياناس والله هذه كارثة كل السيارات الجديدة غالية وأعطالها كثيرة
لا ند كروزر ما صلحت فيه غير قطع استهلاكيه الا بعد 6 سنوات

[ماون ماركز]

لا تسيخ ولا بلف ولا أديتر ولا غيره ..

الخرطوش السفلي خربان .. ينسحب على بعض بفعل سحب الطرمبة للماء عند السير بسرعات عالية

البلف والأديتر والطرمبة والتهريب والمروحة الميكانكية وغيرها .. هذه تبين الحرارة وأنت واقف


وأنت تمشي .. الخرطوش السفلي


تحياتي

[فتك 32]

ايوالله يابو عبدالسلام 2009 لا وازيدك من الشعر بيت الراس مغير كله من الحرارة مع العلم ان السيارة ماشية هالحين 111 الف ماقول إلى كلا مقدر ومكتوب والعين حق
ايه تهي تهي
هههههههههه احس اني كسرت خاطركم

[رااعي الفزعات]

كان معي باثفندر نفس مشكلتك اذ اسرعت ارتفعت الحراره ووديته لورشه وصيختة ووضبطت ١٠٠٪ ..
شف لك واحد يضبط التصييخ وان شاء الله بيحله ربك ..
تقبل مروري ..

[هواوي الشمال]

طيب في الليل يسخن نفس الحاله وانت مسرع فوق 140؟؟والا النهار بس ؟؟
اذا كان كذا صيخ الاديتير ..اعانك الله

[فتك 32]

ايه يرتفع بليل ونهار صيخت الرديتر لاكن يمكن مثل ماقال ماون ماركز الي الي موصل من طرمبة الماء

[شمساوي]

يازين تويوتا وبس

يأخي حرام 2009 وترتفع حرارته

[علوم المطر]

فك البلف وريح مخك . << عشاااان سلامة راس المكينه .

تحياتي .

انا معي لاندركروزر هدد وحرارته هالأيام بعز الظهر تحت النص بقليل .. وخفت على السياره وشلت البلف

والحين حرارته على الربع بعز الظهر

وهي نصيحة مهندس .

واذا جاء الشتاء ارجع وركب البلف .



انتهى

[ابو شريفة]

السلام عليكم ورحمه الله وبركآته

واحد من الاخوان حاط موضوع يقول ليش الشعب مايعرف غير تايوتا .؟
شكله مايشوف اكثر الي يتشكون من مشاكل مواترهم اغلبهم 99% من ملاك النسيان والبذات الباترول ههههههه هذا جواب كافي له.
اما بالنسبة للحرارهـ اذا اسرعت طبيعي جدأً ترتفع بكل السيارات وانتبه تشيل البلف تراه مهم وبالذات بالصيف تدري ليش .؟
لانة اذا دخل الماء المكينة يقفل يعطي مهله للماء الي بالاديتر يبرد وعلى كذا يحافظ على سلامة المكينة واغلب الناس يجهل الامور ذي

[حامد حمد]

السلام عليكم ورحمة الله
بالنسبه للحرارة اذا زادت السرعه احيانا تكون من الشكمان
السيارت الجديده من 2008 وما فوق مزوده بمرشح او فلتر مثل الطين او الفخار مع الوقت ينسد لو بنسبه متوسطة ويسبب ارتفاع درجة حرارة السياره
وهذا حصل مع احد زملائي سيارته باترول 2009 سوبر سفاري وراح لحق الشكمانات والغى الفلتر وارتاح من الحراره

[الدوسري2010]

اقر على الموتر وعطه وحده من بين لحويك وإنشاء الله يضبط

[السليطين]

الاعراض اللي قلتها تدل على ان الاديتر غير نظيف ... رح لمحل اديترات مضبوط وصيخ مره ثانيه ..

وبالنسبه للحساس اللي غيرته .. ولا زان الموتر اذا كنت مغير الحساس الصغير تجد بجنبه حساس ثاني للحراره اكبر منه غيره ربما يكون خربان .. لان الباترول الجديد فيه اثنين .

[فتك 32]

للأسف رحت لمكنيكي فك البلف مالقينا البلف طلع راعية الاول شايلة
وبكرا أن احينا الله البي اشري بلف من الوكالة وليات رديتر جديدة وذا ماضبط ابي احرق السيارة