عندي مشكله بدربيل الخرازه

[السلوم 2005]

السلام عليكم ..

المشكله : اذا كنت ابصوب اثناء تركيزي على الهدف يبدا الصليب ( + )
بالتشويش ويكون غير واضح ... وش المشكله ؟؟ // جربت ورميت والصليب غير واضح ماتجي الرميه صحيحه

( مع العلم اني مجرب اكثر من دربيل ونفس المشكله)

* افيدونا ياأهل الخبره جزاكم الله خير

[السلوم 2005]

39 مشاهده ولا واحد رد ههههههههههههه
ياساتر

[علي101]

السلام عليكم ..

المشكله : اذا كنت ابصوب اثناء تركيزي على الهدف يبدا الصليب ( + )
بالتشويش ويكون غير واضح

( مع العلم اني مجرب اكثر من دربيل ونفس المشكله)



وعليك السلام
إن كان الأمر كما تقول حرفيا , فمشكلتك في عينك ,
وقد يكون التعبير خانك وفي هذه الحالة تكون المشكلة في التالي : قواعد الدربيل قصيرة ويشوش نظرك حامي الحبة .
ودمت بخير

[SHAAIFK]

وانا اخوك اتضحت الرؤيه
الكبر له دور
الله يحسن لنا ولك الخاتمه
ركب لك نظاره ويفك التشويش معاك
اذا كل دربيل فيه تشويش المشكله بعينك
الله يعينك ويرفع عنا وعنك كل بلاء
تحياتي

[السلوم 2005]

الحمد لله نظري سليم
لاكن فيه مشكله ونبي نلقى له حل

[عشق سهيل]

لوتكرمت اذكر لنا نوع الدربيل ولك كم مركبه

[الصميغي]

هلا فيك اخوي

جرب الطريقة هاذي

فيه العدسة الخلفية اللي تشوف منها فيها فرار ( مو الزوم ) وغالبا تلقاه على اخر حد للعدسة

تلقى عليه غاالبا علامة موجب وسالب حركه لين يصفي


ولو تذكر نوع الدربيل يكون افضل

[السلوم 2005]

نوع الدربيل ( صاب استارلي )

[عشق سهيل]

هلا فيك اخوي



جرب الطريقة هاذي


فيه العدسة الخلفية اللي تشوف منها فيها فرار ( مو الزوم ) وغالبا تلقاه على اخر حد للعدسة


تلقى عليه غاالبا علامة موجب وسالب حركه لين يصفي



ولو تذكر نوع الدربيل يكون افضل

كلام سليم وفيه بعض الدرابيل تجي فيها مصفي من قدام الدربيل

[اتحشى الهم]

انا دربيلي زيد اذ قربت الزوم يشوش مره ماتقدر تميز ضابطه علا رقم ٤ يقولون له تصفيه بس مدري وينه < يلمح ههههههه

[سلمان القريني]

السلام عليكم اخوي خل عنك صاب ما صاب واشتر من الهدف دربيل ((سويفت))وما راح تندم ان شا الله
وانتبه للقواعد يمكن الي عندك قصيره والشعيره وحا ميها يغطي عليك
وتمنياتي لك بالتوفيق وجميع اعضاء ومشرفين منتدى مكشات

[DiAnA 350]

كل ماقربت كل ما يشوش

[بياع]

كلام اخونا سلمان القريني يجوز هو اللي لقى المشكلة

يمكن ان القواعد قصيره يجي حامي الحبة ويشوش عليك النظر .. على فكرة ترى للدربيل مسافة معينه بين العين وبين العدسة بحدود شبر واحد او 15 سم . عشان تكتمل دائرة العدسة بدون اي تغميض او تشويش


اشتر لك قواعد عالية بـ كبري يعني تقدر ترمي بالدربيل وتقدر ترمي بالحبة في نفس الوقت


وبالتوفيق