.... الصيد الجائر ....

[شوفان999]

السلام عليكم ورحمة الله وبركاته


.... الصيد الجائر ....


يالمبتدا جاك الخبر جتك الأخبار ...... اسمع كلام اللي يقيس الثِّميله


الصيد ولع وذوق لا تكثر اعذار ..... ياللي تظن الصيد بأكبر حصيله


منولٍ والصيد في كل الأقطار .......... واليوم شح و لا مع اليد حيله


وين أم أذان اللي تذرّت بالأشجار ..... في دِحلها ماهيب فوق النِّثيله


وين المها والريم ياطيب الكار .....أَشفق على شوف البِدن والجميله


والضب جوه قنوص يمين ويسار...... . ولاعاد به ضبٍ قريبٍ نجيله


تلقى طيور مهاجره تقطع ديار ............... بِديارنا حلّت ولكن قليله


نبي نمد الشوف ونصاحب خيار...... لفياض نجد اللي سقتها المخيله


نخايل بروق الحيا لين الأسحار ..........نسمر بها دام النِّسايم عليله


ياخالق الجنه وياخالق النار ..............يالله طلبتك والمطالب جليله


إنك تسوق الخير مدرار مدرار .........طول السنه وإلا يساوق مسيله


شوفان999

[مرقاب الوله]

صح الله لسانك .. وتوجد ذو احساس رائع

الله يطيب فالك ... ولك تحياتي

[شوفان999]

صح الله لسانك .. وتوجد ذو احساس رائع

الله يطيب فالك ... ولك تحياتي
صح بدنك يامرقاب الوله....

وفالك أطيب يالحبيب.....

شكرآ لمرورك الرائع.....

[نديم المجره]

تلقى طيور مهاجره تقطع ديار = بِديارنا حلّت ولكن قليله
والله مالومها
يارجال يستقبلونها اول ماتجي مهاجره بالبنادق
والله لو ان بيت والدينك لجيتهم اطلقوا عليك النار
علي الجيره يارجال ماعاد تقرب له
والطيور اللي تجيك السنه توها جديده ماعندها علم بصيادين السعوديه
اما طيور العام عقب مالوعوها الصيادين غيرت طريقها لو انه بعيد
اهم شي السلامه من الصيادين
صح لسانك وبارك الله فيك

[الذيب المتوحش]

صح لسانك اخوي شوفان999

[شوفان999]

تلقى طيور مهاجره تقطع ديار = بِديارنا حلّت ولكن قليله



والله مالومها
يارجال يستقبلونها اول ماتجي مهاجره بالبنادق
والله لو ان بيت والدينك لجيتهم اطلقوا عليك النار
علي الجيره يارجال ماعاد تقرب له
والطيور اللي تجيك السنه توها جديده ماعندها علم بصيادين السعوديه
اما طيور العام عقب مالوعوها الصيادين غيرت طريقها لو انه بعيد
اهم شي السلامه من الصيادين
صح لسانك وبارك الله فيك



حياك الله أخي الكريم نديم المجره...


صح بدنك يالغالي...


شرفتني بمشاركتك وتعليقك الطيب و الرائع....


شكرآ لك....

[يوسف الخليفة1]

وعليكم السلام ورحمة الله وبركاته

حياك الله أخي العزيز شوفان999

[نوفيتا]

صح لسانك وبيض الله وجهك ياشوفان
على هالقصيده التي احزنتني جدا الضب جوه يمين ويسار

[yusr]

صح لسانك والله يصلح الشباب

[ابو زايد1]

صح السانك والله يعطيك العافيه

[شوفان999]

صح لسانك اخوي شوفان999


صح بدنك أخوي الذيب المتوحش
وعذرآ على التأخر بالرد ...

[شوفان999]

وعليكم السلام ورحمة الله وبركاته

حياك الله أخي العزيز شوفان999

مشرفنا العزيز وأستاذنا القدير أبوعبدالله هلابك ومرحبا فيك يالحبيب
وعذرآ على التأخر بالرد ...

[شوفان999]

صح لسانك وبيض الله وجهك ياشوفان
على هالقصيده التي احزنتني جدا الضب جوه يمين ويسار


صح بدنك أخي الكريم نوفيتا
ووجهك أبيض تسلم يالغالي
وعذرآ على التأخر بالرد...

[شوفان999]

صح لسانك والله يصلح الشباب

صح بدنك أخي الكريم يرس
اللهم آمين
وعذرآ على تأخر الرد ...

[شوفان999]

صح لسانك اخوي شوفان999


صح بدنك أخوي الذيب المتوحش
وعذرآ على التأخر بالرد ....

[شوفان999]

صح السانك والله يعطيك العافيه

صح بدنك أخي الكريم أبوزايد1
ويعافيك آمين يارب العالمين شكرالك
وعذرآ على التأخر بالرد...