بطل العواكيس باترول 91 وتهريب بالدفرنس الامامي

[قلقانش]

يا أخون نبي فزعتكم

مع بطل العواكيس والخرابات
وصديق الورش الدائم والعميل المميز :D

موتري نيسان باترول مدويل 91

عندي مشكلة بالدفرنس الامامي

طبعا عشان اشرح لكم الحالة العامة /

عمود الدبل ملغي (لانه معووج)
فيه فرار واحد وشكله غريب موب برازيلي لونه فضي ولا ادري وش صناعته جهة السواق فقط

طبعا هذي المرة الثالثة اللي اغير الصوفة من جهة الفرار ويرجع يهرب ويفقعها

لكن الان المشكله ان فيه صوت ونه ( حره بالدفرنس ) مع تهريب زيت من جهة الكرونه الامامية
والعكسين يمين ويسار

وديته الورشة وما حب راعي الورشة المهندس الذي كويس انه يفتح وقام يفتي لي

انه احتمال يتبدل احسن ومدري ايش وانه قديم وفيه فضاوة بالعمود ومن هالكلام الفاضي

انا مو مقتنع بالشي ذا خصوصا ان تهريب الزيوت جاي من جهة فرار عمود الدبل ونازل على الكرونه

خلاصة الكلام

افتوني يا شباب وشهي الطريقة اللي اصلح فيها الموتر مع اقل الخساير وخصوصا ان صاحب الورشة يقول حتى لو غيرت لك الصوفة المهربة بيبتل يحن الدفرنش

نصايحكم بطريقة اصلاحه بشكل افضل ولا تبخلون علينا اللي يعرف له ورشة زينه بالدمام الخبر الجبيل يفتينا لا هنتوا

أطيب التحايا

[RW7..ALBDAWA]

غير دفرنس كآمل وريح رآسسسك شفه عند الرسلأني بالتشليح الحآئر جايه انآ وقآلي بـ 900 ريآل حمد

واذا رحت كلم السعودي لأن الهنود يصصلخونك بسعر ولارحت عند السعودي عطاك السعر المعقول

طبعاً هذآ بدون مكآسسر

وغريبه والله على البآترول الخرآبآت خبره باترول 4 سنوآت ولا شكيت منه واللي افضل مآفي البآترول الدفرنسآت قويه وحقآت استحمآل

بس انت لأجيت تبي تركب فرآر ركب اثنين لأتركب وآحد

ولو كآن خرآب البآترول ف تكون خرآبآته الكهربآء والكهرب يسبب الحرآره لأنه مآيعطي قوه لـ المروحـه فكذآ تلآحظ الحراره والنآس يقولون حراره وحراره

[قلقانش]

حياك الله اخوي روح البداوة

خلينا نقول تغيير الدفرنش اخر الخيارات

بس هل فيه امل في تصليحه ؟؟

مع ان شكل الحنه اللي به مالها حل الا الاستبدال

سعره قالك 900 مع الرجيع ؟؟

[RW7..ALBDAWA]

وآلله يآخوي هل الرجيع معه او لا مآدري

فيه ورشه معروفه والصرآحه افضل ورشه شفتهآ بحيآتي تعآمل معهآ 17 سسنه اسمهآ الموسى

بس لأرحت عنده بيقولك برقبلك كرونـه من عندي وسعرهآ 1500 ريآل وتستلم الموتر جآهز هذآ اللي يبي ييقوله لك

لأن قد مرت علي مشكله مثل مشكلتك

لأكن انآ اقول خذ الدفرنسس كآمل من التشليح وريح رإسسسك وركبـه 900 وتركيبه عنده بـ 200 ريآل

لأكن من نآحية انهم يصلحون الكرونـه فـ يصلحونهآ اذا مآكنت مآشي على الموتر وآجد وهو به حنـه

[قلقانش]

الظاهر شورك وهداية الله

مالي الا اتسحب به الين تشليح الرسلان وابدله اضمن لي

لا هنت أخوي وعساك على القوة ,,

دمت بود ,,,,

[بدوي جنوبي]

ياخى لحظه
اولا ألغى الفرار هذا ماله داعى هو سبب المشاكل
بعدين مركب جهة واحده ما ينفع لازم جهتين

بعدها صلح صوفة الكرونا
والونه أذا انها غير مزعجه وتختفي بعد سرعه معينه عادى ممكن تستخدم سيارتك

بالتوفيق

[قلقانش]

يالله حي الجنوبي

أخوي صوت الونه يبتدي من سرعة 80 ورايح

والتهريب موب بس من الصوفه

التهريب من الصوفة ومن فتحة عمود الدبل

فما ادري وش رايك ؟ اذا على تبديل الصوفة وفكة الفرار سهلة بس الباقي ؟؟؟

ما نستغني من استشاراتك

دمت بود ,,,

[وبل نجد]

نصيحتي لك
@فك الفرار
@ركب صوف جديده يمين ويسار
الحبه ب ١٥ او ٢٠ تجي كبر الريال المعدني
@بالنسبه للحنه ف الكرونه حط مع الزيت معالج الاحتكاك حق شركة GM موجود عند محلات قطع الغيار
@بالنسبه للتهريب اللي عند عمود الدبل كذلك فيه صوفه تركب له

تنبيه:لابد من فناااان يركب لك الصوف صح مو اي واحد يركبها لك
للمعلومية الشغلات هذي تكلفك ١٥٠-٢٠٠ ريال مع شغل اليد
وشكرا×

[قلقانش]

بأذن الله بس ممكن تفيدنا بأسم الزيت المعالج او صورة له ولا عليك امر

لان احتمال يصير اكثر من نوع وغير مناسب للدفرنش

واتوقع انو حلك الانسب قبل تغيير الدفرنش فما ينفع له الا مختص مو اي واحد يفك دفرنس نيسان ,,

دمت بود ,,,

[rpk]

هذه من بركات فرار واحد

[قلقانش]

اي والله لا عادت وكنك بلشت بعجوز وجالس تعالجها ههههههههههه
شيء يتبقط وشيء ما يتبقط
مرة طقم اسنان ومرتن وجع ظهر ومرتن ابد لين الله يشوف للعجوز ههههههههه
ادعو لها بالعافية والسلامة هههههههههه
لا هنت يا RPK منور