جلستك ماعندك الا خويك والدلال

[الديعجان]

قال الشاعر فرحان بن فهيد الذرفي الشمري هذه القصيده اللتي اتمنى ان تحوز على رضا الجميع :

كل ماذعذع هوا الريح من غرب وشمال
هيضني مع بنات الفكر نسمات نود
ساقهن هاجوس قلبي مثل سوق الرحال
لين جني واخضعن لي (........)
قلت ياللي تكتب الشعر لو تسمح تعال
دوك طلع لي من الحاسب الآلي بنود
آزن المعنى ليا قلت بأولاد الحلال
مايجي مكسورن البيت والا فيه زود
يالله إني طالبك لايخيبن الامال
ياعظيم الشآن يارب ياخير معبود
ثبت اقدامي وقلبي على رد السؤال
في نهارن يدخل المرء وحشات اللحود
وأطلبك نون حقوق صدوقن بالخيال
مدلهمن مستلجن جنابه بالرعود
بارقه مثل النمش بالليل وسط القتال
والسقيا مع نسيمه تقود الغيم قود
إن وطا وادي عقب جف القاع سال
به يضيع الطلح والسمر والحيد السنود
لين تصير شبه الجزيره آية جمال
ديرة اهل الحق والعدل والشرع السعود
ليا حلب لك راعي الذود بوساع السحال
من لبن وضحا تفهق لياجاها القعود
واللبيد معلقينه مع الركبي لحال
وسطه السعن المطعم مزين ومعقود
إن حصل لي سجتن يمهم مابه خمال
اتونس قدر الامكان والعمر محدود
والفتى لوعاش ماعاش ملفاه الزوال
وين كسرى وعاد مع فرعون وثمود
كيف ابا انسى سجة العصر يامال الظلال
وش حياتي ياعساها حياتن ماتعود
عندي الالفين واثنين زين الاشتغال
دافعن مبلغن كآش مااخذته قصود
ذاخره للبعد والمشي كان الخط طال
ومالين كل التوانك اثنين من الوقود
اشهبن ضد الغراميل وخشوم الجبال
سايقه لويسري الليل كله ماينود
يرتفع خشمه لياأوجس سريع الاشتعال
كنه اللي تل سبقه على الجول مهدود
موتري ولياحصل لي مثل بعض العيال
خوته بالبر تجلى عن الكبد اللهود
جلستك ماعنك ألا خويك والدلال
دلتينن هيل والثالثه فنجال عود
صافي ماهن غرفته من الملزم زلال
وحبهن من حب صنعا منقا ومحصود
أخير من جلسه بين قيل وقال
عالمن عاشة على النصب حساد وحسود

اتمنى ان تعجب الجميع . نقل اخوكم الديعجان

[ابوالجازي]

السلام عليكم ورحمة الله وبركاته
بيض الله وجهك عاى هالقصيده الطيبه وتسلم يالديعجان
وصح لسان الشاعر فرحان الشمري

[عجمي]

السلام عليكم



قصيدة رائعة تسلم على النقل وماقصرت ياالديعجان


وصح لسان الشاعر الشمري


اخوك عجمي

[سواق الشاص]

صح لسانك ولسان الشاعر

[أبو شعلان]

بسم الله الرحمن الرحيم

الله لا يهينك أخوي الديعجان وبيض الله وجهك على هالنقل الرائع

وصح لسان الشاعر على هالتصوير الجميل

ـــــــــــــــــــــــــــــــــــــــــــــ تقبل تحياتي ــــــــــــــــــــــــــــــــــــــــــــــ
:j :j

[جرير]

صح لسانكما القائل والناقل ..
كل ماذعذع هوا الريح من غرب وشمال
الله يعين علي علي الريح اللي غرب وشمال
هالايام سموم وغبار
لكن الشاعر وقته طيب يمكن قايلها بالربيع .هو من اهل الشمال ( والشمال غير )

انا وخويي وثلاث دلال ..... .. تمشي

تحياتي

[ريف النشاما]

مشكور أخي الديعجان على مشاركاتك المستمرة وعلى هذه التحفه الطيبة



(أعتذر على حذف مابين الأقواس ) حيث أن السجود كله لله

ونكرر لك الشكر على مشاركاتك المتعدده

وتقبل مني أجمل تحيه

[نقا هشال]

هلابك ياغالي

صح لسان الشاعر

ويعطيك الف عافيه

على نقل القصيده الجميله

تقبل تحيتي

[جبل حائل]

صح لسانك والشاعر
والف شكر يا ابو فهد على المشاركات الحلوة والنادرة

[طير رمان]

صح لسانك يابوفهد ولسان الذرفي.

[الديعجان]

اشكر الجميع على المرور الطيب
وياهلا بك اخوي ريف النشاما تمون على اللي اكبر من كذا بس انا مابغيت اقطع شئ من القصيده وانا مالي منها إلا النقل وما فيه شك إن السجود لله تعالى . واشكرك على الملاحظه والتعديل وجزاك الله كل خير
والاخ جرير عز الله أن هالايام السموم من كل جهه لكن الشاعر الظاهر أنه بأيام الوسم والله يعيد الايام الحلوه والاجواء الطيبه .
والجميع مرورهم مشجع وعسى التواصل دائم