لا اهل الخبرة ... ضروووووووري ..

[m-qatar]

عندي قرناس شاهين ثنو , والطير جايني اخر الوقت , وقيضته عندي ربط ولاحظت ان الطير مايتفلى و ماحذف شيئ حتى مع الكورس والفيتامينات , ووديته للعيادة وقالوا ان المدهنه مورمه وعصرها الدكتور بيده شوي شوي وطلع مثل الدهن المتكبد وبعدها باسبوع لاحظت انه ايتفلىو حذف من الدواغر , وعقبه مسك شهر كامل ماحذف , ووديته لنفس العيادة وسوا نفس الطريقة , وقعد شهر في المربط ماحذف شيئ , ووديته لعيادة ثانيه وقالي المدهنه سليمه وشغاله وعطاني علاج ابرة وحده و5 كبسولات مع العلف وخلصت العلاج ومر شهر والطير للحين ماسك كل ريشة ..

1) هل الطير اللي ايتنفض ويهفهف مدهنتة سليمه ولا مالها شغل ؟
2) ويش السواه الطير للحين ماسك كل ريشة ؟

مع العلم اني منوع له من العلف .. والراحه التامه في المقيض ..

[الذيب المتوحش]

السلام عليكم
اخوي السوال الاول يفيدونك الاخوان عنه لن ما عندي له فكره ولا حل
ام السوال الثاني :
ويش السواه الطير للحين ماسك كل ريشة ؟
عادي اخوي بعض الطير تتاخر في الحذف اصبر عليه وراح تحذف

[m-qatar]

لاهنت يالغالي على ردك للسؤال الثاني ,

واتمنى من الاخوه الاعضاء الرد في اقرب وقت ..

[طارح الحبارى]

الله يحفظك الشيهانة بحرية والا جبلية عشان نقدر نفيدك

[m-qatar]

ويحفظك ياطارح الحبارى ,,

الشيهانه واااااااااااافيه ..

[ابرق الحرار]

بالنسبة للسؤال الاول / يتضح ان الطير لايوجد به مرض ولكن لابد من تنويع العلف الطازج افضل ويفضل ان يطلق في المربط اذا كان مهيا.
بالنسبة للسؤال الثاني / شئ طبيعي لأن بعض الطيور يتأخر وذلك راجع لنفسية الطير بمعنى لابد ان يكون هناك تنويع للعلف ويكون هناك تهوية مناسبة وتكييف يناسب جو الطير

على حسب الخبره المتواضعه جدا نتمنى ان يكون هناك فائدة

[الصقار شرهان]

بنسبه البحريات ياخوي يتأخرن والبعض منهن يحذفن اول الوقت ويوقفن اناعندي خمس بحريات منهن ثلاث فروخ وقرناستين ولحد هالحين ماحذفن وانا انوع لهن واعطيهن طازج منهن فرختين مثاليث