عفش ما يعرف الرومانسية

[محمدالزبيدي]

السلام عليكم ورحمة الله وبركاته

أشيروا علي يا أهل المعرفة بالبل

عندي فحل ساحلي هاده مع البل فيه طبع ماهو زين يعض النياق وياليت عض سنع

لا والله إلا عض عداوة اليوم رحت الصبح للمراح ولقيته مسوي جريمة بشعة

ناقة يقطر راسها دم ومسوي وريم في عضمة الراس من أعلى

عندي قعود صغير على بداية ناوي اهده بدل منه والعفش بحجزه لين يتأدب

واخليه يعرف قيمة الأنثى في حياة الأمم

وش رايكم هل العيب في البعير وإلا في طريقتي

وجزاكم الله الف خير مقدما

تحياتي لكم

[قلب ذيب]

الله يحييك .
... بعيرك هذا يبغاله قطع انياب ولثامه ؟!
احضار البيطري , حيث يقوم بتخدير البعير وقطع انيابه بنمشار خاص بذلك وتلك التجربه قام بها أحد الجماعه
لفحل عنده طيب ومنتج , حيث قام بقطع ابيابه وبعض اسنانه الحاده , وامن الكه للابل المياسير وغيرها .
والله الموفق .

[ابو الشبرميات]

اخوي محمد
الشراسة طبع في الحيوانات كما هي في الانسان
والأنياب وسيلة للدفاع عن النفس في حالة الهجوم عليه من فحل ثاني

الحالة الاولى
بما انك ناوي تبيعه قيد البعير وأربطه
بعيد عن الحلال في شبك لحاله لين يجي نصيبه

واذا جاء النصيب علم المشتري عنه لابراء الذمة

والحالة الثانية
مثل ما قال اخونا قلب ذيب
قطّع أنيابه بواسطة البيطري
وان كنت لا انصح بها
الا للضرورة القصوى

الحالة الثالثة
لاتفك البعير الا وانت موجود عنده وبحذرٍ شديد

الله يطعمكم خيره ويكفيكم شره
ويبارك لنا ولك وكل مسلم
...

[راع الريمة]

لا والله وانا اخوك..امحشوووم

العيب بالبعير مو فيك

قشه وبيعه ولو بريال....

أنا كان عندي بعير (ينوب) يعني يعض الناقة بنابه ويخلي دمها غدران...والعام ذبحلي وحده....
وبعت أبو أبووووووه

[محمدالزبيدي]

الأخوان قلب ذيب

أبو الشبرميات

راع الريمة

الله يجزاكم بالخير كلامكم عين الصواب

تحياتي لكم

[عواد الشمري2]

بعه ولا تشاور هذا مهو خوش اخبر الفحل يعض الناقه بس عض غزل مهو عض يطلع الدم مار مهو خوش اقرب قصاب بس

[محمدالزبيدي]

صدقت أخي عواد

يستاهل ما جاه أبشرك حجزناه في شبك إنفرادي

حتى يتسنى لنا إصدار حكم بشأنه في القريب العاجل

ونحذر ان هذا المصير لكل من تسول له نفسه فعل فعله

لكن اللي مخليني اتردد في الحكم عليه إنه أبو البكار

انتاجه طيب. يمكن يصدر عليه حكم مخفف

تحياتي لك

[ابوساعد]

أضحك الله سنك يامحمد

إذا البعير إنتاجه طيب ، عليك بتقصيص أنيابه عن طريق البيطري بالمنشار بعد تخدير البعير

ويبدو لي إن البعير ثلب ( ما ينفع معه إلا التقصيص)

تقبل تحياتي،،،

[صاحب نوماس]

الله يحييك .
... بعيرك هذا يبغاله قطع انياب ولثامه ؟!
احضار البيطري , حيث يقوم بتخدير البعير وقطع انيابه بنمشار خاص بذلك وتلك التجربه قام بها أحد الجماعه
لفحل عنده طيب ومنتج , حيث قام بقطع ابيابه وبعض اسنانه الحاده , وامن الكه للابل المياسير وغيرها .
والله الموفق .

:good2::good2::good2::good2::good2: وترى مجربة

[النـادر]

ان بغيت رايي اقرب قصاب

لان هذا اكله يمكن يخم راس الراعي لاحول يهده والا راسك

اما اذا كانت عضته للناقه ماهي طبع دايم فهذا يصير لان بعض النياق يصير فيها ريح ماهو زين وخصوصا اللي اصعدت قبل ويكرهها البعير ويمكن حتى يعضها من حياها

لكن ان كانه طبع فنصيحة اقرب جزار

[ابوفيصل3]

يمكن مايلام يالزبيدي...يمكن النياق الي معه قشر ...اشتر نياق مزايين وجدد شبابه ترى هذا الطبع ماجاه اللى قريب وانت اعرف بالعشره القشرى...دمت وبارك الله في ذودك انتم هل الابل

[قزيزالنعام]

مرحبا يامحمد
احرص من البعيرمعروف عن البعير الحمر الشراسه
نصيحه اما بعه ولا بلام
لاتقطع نيبانه تعذبها

[كليب1]

شوري عليك يامحمد اذبحه وتصدق بلحمه