المساعد الشخصي الرقمي

مشاهدة النسخة كاملة : قرقعة في مكينة باثفايندر .. بعد الكشف ظهر ...


yaserx
03/06/2012, 12:44 PM
امس الصبح سمعت قرقعة في مكينة الباثفايندر و حصلت على مرتين خلال نص ساعة ثم راحت ..

رحت لورشة يوسف بخضيراء و بعد الكشف وفك الثلاجة ظهر انه طاح مسمارين بالمكينة ..

وقام الفني بازالة المسامير الباقية مع اللهات ..!!

السؤال مالعمل الان بالمسمارين ..؟؟

مسؤول ورشة يوسف بخضيراء , يقول : مافيه الا فك للمكينة او ان نطبق المكينة وممكن تطلع الى الكارتير ..!!! <<<< معقوولة ..!!


تم تجربة تطبيق المكينة و تجربة الموتر امس واليوم الصباح ولم يظهر صووت قرقعة .


قريت مواضيع الشباب هنا ... عن الباثفايندر والثلاجة .

لكن وش الحل ... وش الدبرة ؟؟؟؟؟

نمشي عليه او كيف ؟؟
yaserx
03/06/2012, 07:21 PM
ياجماااعة ... ممكن احد يساعدنا و يرد ..؟؟
mekshaat
04/06/2012, 12:34 AM
ليش مارحت للوكاله هذا من تخصصهم وشلون المسامير تطيح بالمكينه
خاطب الشركه الأم اذا يشملها ضمان.
عاشق مطر 2
04/06/2012, 01:40 AM
الله يجزاك خير لازم تلحم المسامير الي بالثلاجه لنها تطيح بالباثفندر 2005_2003
وغريبه الخضير ماقالك لازم تلحمها لن هو المتخصص بتلحيم مسامير الباثفندر
وعرف ثلاث من الشباب ملحمينها عنده
س؟انت قصدك المسمارين جو المكينه الحين
yaserx
06/06/2012, 11:59 AM
ليش مارحت للوكاله هذا من تخصصهم وشلون المسامير تطيح بالمكينه
خاطب الشركه الأم اذا يشملها ضمان.


ويين اروووح الوكااالة ... شكلك ماتعرف الحمراااني ولاتعرف شركة نيسان بكبرها ...

في موقع امريكي اسمه مشاكل السيارات يقوولك كثير معهم سيارات نيسان ورفضت وكالة نيسان اصلاحها مع انه تحت الضمان !!!

ويسبووون الريكووول ... اللي هي = الاستدعااااء ...


يقولون نيسااان ماعمرها استدعت سياراتها مع ان فيها مشاااكل كثييرة .. بعكس هوندا وتويوتا وبقية الصانعين .
yaserx
06/06/2012, 12:02 PM
الله يجزاك خير لازم تلحم المسامير الي بالثلاجه لنها تطيح بالباثفندر 2005_2003
وغريبه الخضير ماقالك لازم تلحمها لن هو المتخصص بتلحيم مسامير الباثفندر
وعرف ثلاث من الشباب ملحمينها عنده
س؟انت قصدك المسمارين جو المكينه الحين

ياحبيلك ياعاااشق مطر .... شكلك ماقريت الا العنوااان ..


انا ذكرت ان الفني شال المسامير الموجودات مع لهاتهن .. لكن البلاء بالاثنين اللي طاحن بالمكينة ..!!!
BLA6K
06/06/2012, 02:22 PM
أخوي انا قرأت في أحد المواضيع اللتي تتعلق بمسامير الثلاجة للباثفندر أن المسامير أحياناَ تطلع مع الشكمان في حالات نادرة وقد تكون حصلت لك ..
ابوعمر1397
06/06/2012, 05:50 PM
أخوي انا قرأت في أحد المواضيع اللتي تتعلق بمسامير الثلاجة للباثفندر أن المسامير أحياناَ تطلع مع الشكمان في حالات نادرة وقد تكون حصلت لك ..


معقول هالكلام
يعني تمر على الجهاز الهضمي ثم تخرجها السيارة مع الشكمان
على كذ اخوي حط حفاظة على الشكمان حتى تتأكد من خروج المسامير
والا اقولك حط خروع مع الزيت

بس والله تنفع نكته

:D:D:D:D:D
mekshaat
06/06/2012, 06:35 PM
أخوي انا قرأت في أحد المواضيع اللتي تتعلق بمسامير الثلاجة للباثفندر أن المسامير أحياناَ تطلع مع الشكمان في حالات نادرة وقد تكون حصلت لك ..
يبي لها واحد يراقب الشكمان عشان يتأكد طلعت والا وشلون الواحد يدري عن صحة هالكلام
المشكله اذا كانت نفس المشكله هذي لازالت موجوده أو انهم تلافوها في الموديلات الجديده.
ملك الفكتوريا
07/06/2012, 03:19 AM
اذا بتطلع من الشكمان يعني دخلت السلندر ويمكن ضرت البلوف وعمود الكرنك
yaserx
07/06/2012, 04:35 PM
أخوي انا قرأت في أحد المواضيع اللتي تتعلق بمسامير الثلاجة للباثفندر أن المسامير أحياناَ تطلع مع الشكمان في حالات نادرة وقد تكون حصلت لك ..


صااادق ...

رد الفني ابوابراهيم اللي طرحوا اسمه في بعض المواضيع .

قال : نفس كلامك ...
yaserx
07/06/2012, 04:37 PM
معقول هالكلام
يعني تمر على الجهاز الهضمي ثم تخرجها السيارة مع الشكمان
على كذ اخوي حط حفاظة على الشكمان حتى تتأكد من خروج المسامير
والا اقولك حط خروع مع الزيت

بس والله تنفع نكته

:D:D:D:D:D




والله ما ادري .. مثلك ماني بمصدق ... حتى امس بالليل قالي واحد / يطلعن من الشكمان , وهالكلام قبل ما اقوووله وش ردووود الفنيين .
yaserx
07/06/2012, 04:39 PM
اذا بتطلع من الشكمان يعني دخلت السلندر ويمكن ضرت البلوف وعمود الكرنك



اللي فهمته منهم انه ممككن تمر بسلام من عند السلندر ..!!
sgl2002
07/06/2012, 07:52 PM
ممكن تطلع مع الشكمان

او تقعد وتحوس البستم وتكسره

لكن الظاهر عندك انها راحت مع الشكمان