ملاك الباثفايندر هل مرت عليكم هذه الحالة ( اخوكم متورط فيها)

[شيخ نجد]

السلام عليكم

اخواني اصحاب الباث فايندر

عندي مشكلة ولا اعرف هل مرت عليكم قبل كذا

اولا : السيارة

2003 وكالة / على يدي/ اتوماتيك/ العداد 118000 لم اشتكي منها قط.

ثانيا : مقدمة

الصراحة مشكلتي قوية وهامة وقد تكون خطورتها عالية خصوصا اذا شكل الموتر في البر

السيارى جاها كرف ( تعب) منذ بداية الربيع والامطار تقريبا لمدة شهرين في البر ( الهضب بوادي الدواسر)

ولعلكم تراجعون رابط موضوعي التالي قبل طلعات البر
http://www.mekshat.com/vb/showthread.php?t=37737

ثالثا: المشكلة

من ضمن لمبات التحذير اللي تطلع عند تشغيل السويتش لمبة المكينة ،، هذي الله يسلمكم لها شهرين ،، احيانا

اذا شغلت السيارة ولعت واحيانا ما تولع ،، اذا ولعت السيارة شغالة بس لما تدعس على البزيين ما يدفع بنزيين

ولا يعطيك المحرك الصوت المعتاد لما تدعس البنزيين ،، السيارة كل شئ فيها طبيعي اذا ولعت اللمبة ،،

اللهم ان البزين ما يدفع للبخاخ حتى لو دعست اللين اخر شئ (( اعتقدت ان سبب المشكلة ممكن من كثر

المطبات ومشاكل البر والبطانيج فكنت اذا شفت اللمبة اقول يمكن فيه فيوز او سلك طاح من هنا ولا هنا

واجلس اقلب في صندوق الفيوزات واسلاك المكينة والبخاخات وبعدين اذا شغلت السيارة مرة اخرى

تطفي اللمبة وتصير زي الحلاوة.

لكن المشكلة صارت تتكرر بشكل كبير وتخوف:eek:

رحت يم وكالة نيسان في ابها وسوو لها فحص بالكمبيوتر لكامل محركات السيارة وبالاخير قال فيه قطعة

في البخاخ كهربائية ( اعتقد اسمها تروبل شمبر) وهذي غالية مره ( تقريبا 4300 وتركيب 800 وفك

البخاخ وشغل يوم كامل) ،، .. الى الان متردد حيث ان السيارة جديدة والقطعة نادرا ما تعطل

سؤالي : هل مرت عليكم هذه الحاله ،،، وبماذا تنصحوني جزاكم الله خيرا..

لا حرمني الله من تواجدكم الجميل

اخوكم

عاشق السراب

[غضنفر]

اعتقد والعلم عند الله
ان المشكلة من حساس الهوا
ويستحسن انك تغيره برا الوكالة لأن الوكالة غالية
واعتقد الحساس قيمته 400 ريال وتركيبه سهل ما يتعدى 50 ريال

[anas]

مثل ما قال لك اخونا بلاك باث تماما ..ولو ان السيارة اللي عندي تختلف عن اللي عندك فأنا عندي شيروكي ومع كثرة صعود الجبال الصخرية صار مثل ما قلت وذهبت لوكالة الجيب وقالوا حساس الأوكسجين الموجود في الماكينة ومن بعدها صارت زي الحلاوة ..

[نمر بن حثلين]

كان الله في عونك

السياره اذا اشتغلت تقطع ؟
اذا كانت تقطع وما تتعدى 80 فهو مثل ما قال اخوي بلاك باث حساس هوا

اما ان كانت المكينه تشتغل بشكل طبيعي وصافيه بس ما تدعس بنزين
فهذي والله اعلم مثل ما قالو لك المنظم حق البخاخ وقيمته ضربه في الراس

والمشكله ان الوكالة تبالغ في قيمة القطع ولو تبي تاخذها من محلات قطع الغيار اكيد ارخص
بشكل المشكله وين تحصل ورشة عندهم خبره بالتعامل مع مثل هذي الحاله

امرك لله مالك الا الوكاله
بس ادخل عليهم بالصوت
وقل ان الخراب هذا عيب مصنعي وهم اصلا عارفين ان الباث دايم يخرب فيه الحساس والمنظم
عل وعسى تحصل منهم خصم طيب

[شيخ نجد]

اعتقد والعلم عند الله
ان المشكلة من حساس الهوا
ويستحسن انك تغيره برا الوكالة لأن الوكالة غالية
واعتقد الحساس قيمته 400 ريال وتركيبه سهل ما يتعدى 50 ريال

اذا كنت تقصد مرشح الهوى فأنا ما غيرته من شريتها وكل مرة اغير الزيت يقولي العامل يبغى تغيير

وانا اقوله لا خله بعدين

اسأل واشوف ،، ومشكور على تجاوبك يا طيب

[شيخ نجد]

مثل ما قال لك اخونا بلاك باث تماما ..ولو ان السيارة اللي عندي تختلف عن اللي عندك فأنا عندي شيروكي ومع كثرة صعود الجبال الصخرية صار مثل ما قلت وذهبت لوكالة الجيب وقالوا حساس الأوكسجين الموجود في الماكينة ومن بعدها صارت زي الحلاوة ..

شكرا يا صاحب الشيروكي وما تشوف شر يا غالي

[شيخ نجد]

كان الله في عونك

السياره اذا اشتغلت تقطع ؟
اذا كانت تقطع وما تتعدى 80 فهو مثل ما قال اخوي بلاك باث حساس هوا


يا غالي السيارة اذا ولعت اللمبة تشتغل اللمبة بس ما تدفع بنزين خير شر



اما ان كانت المكينه تشتغل بشكل طبيعي وصافيه بس ما تدعس بنزين
فهذي والله اعلم مثل ما قالو لك المنظم حق البخاخ وقيمته ضربه في الراس

صحيح اذا ولعت اللمبة تشتغل المكينة بشكل طبيعي والماطور صافي بس ما تدعس بنزيين

تقفى قول اي شئ الا منظم البخاخ لان قيمته بتخرب علينا ترتبيات الصيفية:(



والمشكله ان الوكالة تبالغ في قيمة القطع ولو تبي تاخذها من محلات قطع الغيار اكيد ارخص
بشكل المشكله وين تحصل ورشة عندهم خبره بالتعامل مع مثل هذي الحاله


قيمة هذه القطعة اربعة الاف وثلاثمائة ريال وتركيب 800 ريال وفك البخاخ وعفسة يوم كامل

ويمكن تكون منها وممكن لا

تحياتي عزيزي

[ابو مرهش]

السلام عليكم ....

انا معي باث فندر قير عادي 2003 ولاحظت ان فيه تشابه بقطع نيسان حتى السيارات الثانيه يعني تقدر تركب نفس القطعه الي بالخاخ حقت حقت مكسيما مثلا ولا سفاري انت روح لم محطات قطع الغيار وخله يوريك القطعه ونفس القطعه اذا موجوده بالسفاري ولا المكسيما تلقاها تركب

مثلا انا خربت عندي المقصات الاربع الخلفيه كلها انحلت جلدها وصار الموتر ماينطاق الزبده ان الوكاله قالولي لازم مقصات جديده ولزخوني بسعر غالي مره قلت بفكر ونصيت محلات القطع وقلت ابي الجلد للمقصات بس قالولي مافيه رحت فكيت اربع المقصات ووديتها لمحل قطع الغيار وطلع كلهم نفس مقاس الجلده ودورت جلده تشبهاا لقيت جلدة السفاري نفسها بالضبط والوحده 40 ريال اصليه ونزلي فيها لآني خذيت 8 جلد وركبتها وهي ازين من جلد الوكاله الحين ماشي 150000 ولا طلع صوت ولله الحمد مع العلم من شريت السياره مامشيت الا 40000 وطلع صوت جلد وكالتها

[يوسف عبدالله]

أخوي
نصيحه قبل لاتدفع ال 5000 الآف ,, جرب تغير حساس الهواء مثل ماقال أخوي black path

أنا كان معي باث موديل 2003 ,, وفجأه ولعت اللمبه ,, وصار عداد الضغط مايتعدى 2 والسرعه ماتوصل ل100

ولما غيرت حساس الهواء ,, الحمدلله كل شيء ضبط

ومشكلة حساس الهواء معروفه بالباث ,,, وحلها سهل جداً ومايكلف كثير ولا ياخذ وقت

جرب جرب قبل لاتدفع ال 5000 الآف

[المهنـدس]

اعذرني في كلامي بس 118000 ولا سويت لسيارتك ابسط صيانه مثل تغيير فلتر الهواء!! ليش مستهتر لهدرجه!
عموما اتوقع لو غيرته وقيمته 60 بالكثير بتنحل مشكلتك..اذا ما ضبط شيك على المنظم مثل ما قالو الشباب وسو تصفيه للمكينه (بواجي,صفاي بنزين,فلتر هواء,زيوت)وبيضبط انشالله..بس اول شي الفلتر لان 118000 بدون تغيير اجرام..وانا واثق بتضبط..بالتوفيق.

[الكاسر23]

اخوي عشاق السراب
المشكلة صارت لواحد من ربعي، وحصلت مرة وأنا معه في طريق حرض، طفينا الموتر عند محطة بنزين وكل ما جينا نشغل السيارة ولعت اللمبة حقت الماكينة، واذا بغينا نمشي ما فيه دعسة بنزين ، يعني السرعة ما تتعدى 10 كم/ساعة، وتمشي السيارة 1 كم فقط وتتوقف السيارة تماما. وكنت اعتقد أنها بسبب عطل في جهاز الأمان في السيارة اللي يجي جاهز من المصنع. وحاولنا اكثر من مرة نطفي ونشغل في السيارة حتى طفت اللمبة، وتوكلنا على الله.
وبعد ما شفت موضوعك هنا قمت بالاتصال بخويي وشرحت له الوضع، قال لي هذه نفس المشكلة اللي صارت لي، رحت للوكالة قالوا قطع غيار بـ3600 ريال واجرة يد 400 ريال يعني 4000 ريال .
يقول لي خويي أنه صلح العطل بـ10 ريال فقط، حيث قام بفك مجرى الهوى اللي رايح من فلتر الهواء الى الماكينة (سواء بخاخ أو كربريتر)، وحل المسامير الأربعة اللي فوق الماكينة، وقام بفك قطعة صغير تسمى Attc (منظم البنزين / الهواء)، ونظفها من الجهتين بواسطة بخاخ مانع الصدأ (قيمته 10 ريالات)، وأعاد تركيبها بنفسه وخلاها حتى جفت القطعة، وشغل السيارة بعدها لقاها أفضل ما يمكن، ويقول مشيت بعد هالمشكلة 30.000 كم وما رجعت لي المشكلة، يقول ايضا ان الوكالة تفادة هذا العيب في موديلات 2004 وجاي.
إن شاء الله أفدتك واذا صلحت بلغنا عشان الكل يستفيد من تجربتك.
اخوك
الكاسر

[شيخ نجد]

السلام عليكم ....

انا معي باث فندر قير عادي 2003 ولاحظت ان فيه تشابه بقطع نيسان حتى السيارات الثانيه يعني تقدر تركب نفس القطعه الي بالخاخ حقت حقت مكسيما مثلا ولا سفاري انت روح لم محطات قطع الغيار وخله يوريك القطعه ونفس القطعه اذا موجوده بالسفاري ولا المكسيما تلقاها تركب

مثلا انا خربت عندي المقصات الاربع الخلفيه كلها انحلت جلدها وصار الموتر ماينطاق الزبده ان الوكاله قالولي لازم مقصات جديده ولزخوني بسعر غالي مره قلت بفكر ونصيت محلات القطع وقلت ابي الجلد للمقصات بس قالولي مافيه رحت فكيت اربع المقصات ووديتها لمحل قطع الغيار وطلع كلهم نفس مقاس الجلده ودورت جلده تشبهاا لقيت جلدة السفاري نفسها بالضبط والوحده 40 ريال اصليه ونزلي فيها لآني خذيت 8 جلد وركبتها وهي ازين من جلد الوكاله الحين ماشي 150000 ولا طلع صوت ولله الحمد مع العلم من شريت السياره مامشيت الا 40000 وطلع صوت جلد وكالتها


الله يعينا ملاك الباث كل ما زادات خراباته زادت محبتنا فيه:d

شكرا على الاقتراح وسأحاول اذا لقيت نفس القطعة تتشايه

عاشق السراب

[شيخ نجد]

أخوي
نصيحه قبل لاتدفع ال 5000 الآف ,, جرب تغير حساس الهواء مثل ماقال أخوي black path

أنا كان معي باث موديل 2003 ,, وفجأه ولعت اللمبه ,, وصار عداد الضغط مايتعدى 2 والسرعه ماتوصل ل100

ولما غيرت حساس الهواء ,, الحمدلله كل شيء ضبط

ومشكلة حساس الهواء معروفه بالباث ,,, وحلها سهل جداً ومايكلف كثير ولا ياخذ وقت

جرب جرب قبل لاتدفع ال 5000 الآف

الله يجزاك الف خير .. انت وبلاك باث ولكن هل المقصود بحساس الهوى مرشح الهوى؟؟

آمل الاجابة بشكل عاجل يا عزيزي ؟

ولك مني توصية تدبل في شهر:D

عاشق السراب

[فال الخير]

صحيح مثل ما قال الاخوان حساس الهوا كلام اكيد

[شيخ نجد]

اعذرني في كلامي بس 118000 ولا سويت لسيارتك ابسط صيانه مثل تغيير فلتر الهواء!! ليش مستهتر لهدرجه!
عموما اتوقع لو غيرته وقيمته 60 بالكثير بتنحل مشكلتك..اذا ما ضبط شيك على المنظم مثل ما قالو الشباب وسو تصفيه للمكينه (بواجي,صفاي بنزين,فلتر هواء,زيوت)وبيضبط انشالله..بس اول شي الفلتر لان 118000 بدون تغيير اجرام..وانا واثق بتضبط..بالتوفيق.

المهندس لا تسئ الظن فيني :confused: :confused: :confused: والله اني عند صيانة السيارة صوفي حريص إلا هذي المشكلة

خذ عندك مثلا:

صيانة 5000 كيلو وكالة الرياض

صيانة 10.000 الاف كيلو وكالة ابها

صيانة 100.000 :eek: ........وكالة ابها وكان قبل 6 اشهر وقالي السوداني مدير الصيانة:

تقدر تروح بيها القمر الان .. وفجأة طلعت لي هالمشكلة يا غالي ولكن حساس الهوى والله نسيناه

يا غالي مع هالاسهم الله يعوض علينا ..

طيب ما دمت مهندس ليش ما تكشف عليها:D وتريحنا ولك مثل خويك اللي فوق

عموما وعد مني يوم الخميس اغير لك حساس الهوى+البواجي+صفاي بنزين+زيوت السيارة واخبرك

بإذن الله..

والله يا شباب اخجلتوني بتفاعلكم الجميل الله يبيض وجيهكم... من قرأ ومن قام بالتعليق

اخوكم عاشق السراب

[شيخ نجد]

اخوي عشاق السراب
المشكلة صارت لواحد من ربعي، وحصلت مرة وأنا معه في طريق حرض، طفينا الموتر عند محطة بنزين وكل ما جينا نشغل السيارة ولعت اللمبة حقت الماكينة، واذا بغينا نمشي ما فيه دعسة بنزين ، يعني السرعة ما تتعدى 10 كم/ساعة، وتمشي السيارة 1 كم فقط وتتوقف السيارة تماما. وكنت اعتقد أنها بسبب عطل في جهاز الأمان في السيارة اللي يجي جاهز من المصنع. وحاولنا اكثر من مرة نطفي ونشغل في السيارة حتى طفت اللمبة، وتوكلنا على الله.
وبعد ما شفت موضوعك هنا قمت بالاتصال بخويي وشرحت له الوضع، قال لي هذه نفس المشكلة اللي صارت لي، رحت للوكالة قالوا قطع غيار بـ3600 ريال واجرة يد 400 ريال يعني 4000 ريال .
يقول لي خويي أنه صلح العطل بـ10 ريال فقط، حيث قام بفك مجرى الهوى اللي رايح من فلتر الهواء الى الماكينة (سواء بخاخ أو كربريتر)، وحل المسامير الأربعة اللي فوق الماكينة، وقام بفك قطعة صغير تسمى Attc (منظم البنزين / الهواء)، ونظفها من الجهتين بواسطة بخاخ مانع الصدأ (قيمته 10 ريالات)، وأعاد تركيبها بنفسه وخلاها حتى جفت القطعة، وشغل السيارة بعدها لقاها أفضل ما يمكن، ويقول مشيت بعد هالمشكلة 30.000 كم وما رجعت لي المشكلة، يقول ايضا ان الوكالة تفادة هذا العيب في موديلات 2004 وجاي.
إن شاء الله أفدتك واذا صلحت بلغنا عشان الكل يستفيد من تجربتك.
اخوك
الكاسر

مشاركتك هامة بالنسبة لي اخوي الكاسر لانها نفس وصف المشكلة اللي اعاني منها..

هل موديل سيارة صاحبك 2003 .. بعدين القطعة تجي وين؟.. اخاف افك قطعة ثانية واتوهق لان مهندس

الوكالة خوفني:eek: قالي فيه قطعة وحدة مبرمج فيها كل وظائف السيارة الالكترونية .. اخاف افكها وتخرب

البرمجة واجيب العيد قبل وقته.. وانا والله ماني فالح في امور السكربة والهندسة .. ياليت تخبرني اي قطعة

بالتحديد.. وانا مستعد بدل علبة بخاخ الصدأ اجيب ثنتين .. اي ثنتين .. اجيب كرتون مافي مشكلة ..

.. وانت عارف مربعانية القيظ بتدخل يوم الخميس :mad: اهم شئ لا يوقف الموتر علي في هالحر والله ان تجي

علوم..

لنا لقاء اخوي الكاسر ولك دعوه مني بليل

لا حرمني الله من تواجدكم الجميل اعضاء مكشات

عاشق السراب

[شيخ نجد]

السلام عليكم

من باب الفائدة والعلم للجميع .. فقد ادخلت السيارة وكالة نيسان بالرياض وافادوني بأن المشكلة من رقبة الكربوريتر او رأس البخاخ الذي يتجاوب بالانفتاح والانغلاق اتوماتيكيا مع دعس الينزين وان تغييرة ضروري وسيحل المشكلة ..اخذت السيارة عندهم يوم كامل كلفت القطعة لوحدها 3700 بعد الخصم(قبل الخصم 4300)
وغيرنا فلتر الهواء وحساس الهوى..
نبهني مهندس كهربائي لحاجة مهمة جدا هي تغيير فلتر الهوى كل عشرة الاف كيلو لتفادي المشكلة..

الان لي اكثر من ثلاثة اشهر بعد تركيب القطعة ولم تضئ اللمبة مرة اخرى ابدا.. والامور عادت لمجراها بشكل طبيعي ..حبيت اتابع الموضوع مع الاعضاء الكرام اللي ما قصروا بردودهم وتفاعلهم وخصوصا يوسف عبدالله وبلاك بلاث ونمر حثلين وكل من شارك بالموضوع..

وسأضع رابط للموضوع في صفحة اعطال السيارات..

والسلام عليكم

[باثفندر]

http://www.mekshat.com/pix/upload/sign/images/mk41765.gif



اخوي اسمع الكلام هذا هذه المشكلة كانت عندي بالمكسيما سابقا قبل الباث موديل 99 ويعت السيارة وهي موجودة بس بشكل بسيط وهي ان السيارة اول ما تشغلها وكنت مطفيها قبل شوي ( يعني الحرارة على النص ) تقطع وتطفا اعطيها دعستين وتظبط ,,,,طبعا اللي شرى السيارة قلتله عن المشكله ومااهتم قال بسيطة الظاهر رفع الريس
طبعا الوكاله قالولي حوالي 2500 ريال الحساس كامل ما اهتميت

الموضوع المهم ان نسيبي عنده باث 2003 كان فيه نفس المشكلة وقد توهق على خط الرياض الدمام يوم بقاله حوالي 25 كلم الموتر مايمشي اكثر من 60 قعد يدحدر لين وصل , رقد قام الصبح على الدوام شغل الموتر مشى راحت المشكله ولا رجعت ثانية والحين لها السالفه حول سنه ونص .
الزبده المشكله موجودة فقط بال2003 فقط والاخوان بيفيدونك اكثر .

[سرّاوي]

هلا والله اخوي عاشق السراب
دامك أدخلت السيارة للوكاله معناها انتهى كل شي يعني صلحت السيارة

لكن انا معي باث 2005 ولعت عي اللمبه وما بعد مشى عشرة الآف صارت معي نفس المشكله مرة أو مرتين

جت صيانه عشرة الآف وديته للوكاله وقالو حساس الهواء وغيروه ببلاش وراحت المشكله

اتمنى لك التوفيق ...............

[الكاسر23]

اخي عاشق السراب

السلام عليكم ورحمة الله وبركاته

أولا أعتذر عن عدم الرد خلال الفترة الماضية، رغم انتظارك لردي لفترة طويلة، في الحقيقة لم تصلني رسالة على بريدي تنبهني بوجود رد على هذا الموضوع، علاوة على غيابي عن المنتدى ما قارب 4 شهور، والأمور زينة أبشرك.

وصلت إلى موضوعك ولقيت أنك قد غيرت بعد انتظار طويل، لكن عساها خيره.

المشكلة بالفعل في موديلات 2003 ، ما ادري هل هي من عدم جودة فلتر الهواء، ام أن كمية الشوائب اللي تدخل للفلتر عاليه، خصوصا وان الباثفيندر سيارة بر، والبر ما يخلى من الغبار والرمل اللي يؤثر على الفلتر وبالتالي على البخاخ.

ما تحضرني التفاصيل الدقيقة اخوي سراب، عن شكل القطعة ومكانها وكيفية تنظيفها، ولكن احتياطا ساقابل ولد عمي واخذ منه التفاصيل الدقيقة ، وابلغكم بما اجد، فربما لا قدر الله، يحتاجها احد في صحراء او في مقطعه على طريق سفر.

لكن فيه شي مشترك في كل المواضيع ، وهذا لفت انتباهي، وهو أن المشكلة تحصل بعد ان تطفي المحرك، وتجي تشغله مرة ثانية ، تحدث المشكلة. اعتقد لو صبرنا الى ان يبرد المحرك يمكن تزول المشكلة، هذا ما اعتقده.. وساعود لكم بما ساصل اليه.

وعذرا مره اخرى اخوي عاشق السراب

اخوكم
الكاسر23

[شيخ نجد]

اخي عاشق السراب

السلام عليكم ورحمة الله وبركاته

أولا أعتذر عن عدم الرد خلال الفترة الماضية، رغم انتظارك لردي لفترة طويلة، في الحقيقة لم تصلني رسالة على بريدي تنبهني بوجود رد على هذا الموضوع، علاوة على غيابي عن المنتدى ما قارب 4 شهور، والأمور زينة أبشرك.

وصلت إلى موضوعك ولقيت أنك قد غيرت بعد انتظار طويل، لكن عساها خيره.

المشكلة بالفعل في موديلات 2003 ، ما ادري هل هي من عدم جودة فلتر الهواء، ام أن كمية الشوائب اللي تدخل للفلتر عاليه، خصوصا وان الباثفيندر سيارة بر، والبر ما يخلى من الغبار والرمل اللي يؤثر على الفلتر وبالتالي على البخاخ.

ما تحضرني التفاصيل الدقيقة اخوي سراب، عن شكل القطعة ومكانها وكيفية تنظيفها، ولكن احتياطا ساقابل ولد عمي واخذ منه التفاصيل الدقيقة ، وابلغكم بما اجد، فربما لا قدر الله، يحتاجها احد في صحراء او في مقطعه على طريق سفر.

لكن فيه شي مشترك في كل المواضيع ، وهذا لفت انتباهي، وهو أن المشكلة تحصل بعد ان تطفي المحرك، وتجي تشغله مرة ثانية ، تحدث المشكلة. اعتقد لو صبرنا الى ان يبرد المحرك يمكن تزول المشكلة، هذا ما اعتقده.. وساعود لكم بما ساصل اليه.

وعذرا مره اخرى اخوي عاشق السراب

اخوكم
الكاسر23

وعليكم السلام اخي الكاسر

بالفعل كنت انتظر ردك وقتها لان مشكلة صاحبك نفس اعراض مشكلتي.. لكن ابشرك الامور زينة الان بعد تركيب القطعة

معذور ولا نته بمعثور .. وابشرك المشكلة انتهت نهائيا ..ووالله بلطفك وردك هذا اخجلتني وماهو غريب هذا التكاتف على المكشاتيين.. ..

تقبل تحياتي

اخوك عاشق السراب

[الكاسر23]

اشكر لك اخوي عاشق السراب على لطفك وقبولك عذري

لكن اوعدك باذن واحد احد اني اسأل ولد عمي واخذ التفاصيل ، فربما نحتاجها مستقبلا في وقت ومكان حرج.

والله يديم محبتنا في الله.

اخوك
الكاسر 23

[أبوناصر]

تكفا يا الكماسر لا تخلينا وتعلمنا مكان القطعة بالضبط وبالصور لو تقدر عشان نكتسب خبره

[عبدالله العزاز]

هذا يا طويل العمر حساس البنزين زي ما قالوا الشباب ..
==> توي مغيره من دم قلبي بـ 3000 قطعة بس ==> إيقاله ما ضاق صدركـ ..:(

لكن أنصحك إذا تبي الشغل الصح و تبي الفكة من المطاريس .. صلحه عند ( قيركو ) أنا دخلت موتري عندهم .. الصراحة أطلق من الوكالة ..


تدرون وشي الضحكة ..
يوم طلبت القطة ( الحساس ) من الوكالة .. قال اللي بقطع الغيار يبيع .. أن البافاندري مهب مخصص لبران ==> دور أحد ..

[حرقوص الشملد]

اخوي عاشق السراب المشكله هذي مرت علي وانا عندي باثفليندر مطلعه وكاله ونفس الشي صار لي من كثر الكرف نصيحتي لك صلحها عند الوكاله لان مالك الا كذا انا مصلحها عندهم في الرياض 0505412334

[محيط]

شف هذا سببه ان البنزين اقصد دواسة البنزين كهرب ماهب واير واحد من الخوان حصلتله نفس المشكله بس ان السيارة تدوس وتهدي على كيفه ومعناته ان الدواسه خربان وكل سيارات نيسان الجديد كذا للاسف

[شيخ نجد]

تكفا يا الكماسر لا تخلينا وتعلمنا مكان القطعة بالضبط وبالصور لو تقدر عشان نكتسب خبره


غدا ان شاء الله ان كنا من الحيين نيابة عن الكاسر ساصور مكان القطعة التي ركبت واعرض لكم القديمة التي معي..

[ابو؟؟؟]

السلام عليكم
بس بغيت استفسر هو بكم حساس الهوا

وموتري فيه نفس المشكلة والي الحين مادري وش الحل

[الكاسر23]

اخوي عاشق السراب
اخواني الكرام

السلام عليكم

نظرا لارتباطي بعمل غير طبيعي الى ساعة متاخرة، مما يمنعني من مقابلة ولد عمي إلا في العطلة الأسبوعية (خميس وجمعة)، مما منعني من الرد وشرح الطريقة بسرعة. لكن أخوي عاشق السراب مرت عليه المشكلة بنفسه ، والله يعطيه العافية على تبني الموضوع وشرح المشكلة وحلها.

مع شكري وتقديري للاخ عاشق وبقية الأخوان

[شيخ نجد]

السلام عليكم
بس بغيت استفسر هو بكم حساس الهوا

وموتري فيه نفس المشكلة والي الحين مادري وش الحل


اعتقد انني اشتريته ب250 وكالة..



ونصيحة يا اخوي اذا لمبة المكينة تولع عندك خياران:



اولا: اذا السيارة تولع لمبتها من زمان .. مالك الا تغيير هالرقبة واصبر على قيمتها..



ثانيا: اذا المشكلة توها جديده يعني شهر مثلا .. هناك حل وقتي ومسكن للمشكلة ..انصحك تغير حساس هواء اصلي مع مرشح هواء اصلي قيمته 90 ريال لدى الوكالة .. مع ملاحظة ان الحل هذا وقتي وحسب تطور المشكلة .. وبالاخير راح تغير رقبة الكربوريتر خصوصا بعد موسم العجوج والغبار ..

[شيخ نجد]

تكفا يا الكماسر لا تخلينا وتعلمنا مكان القطعة بالضبط وبالصور لو تقدر عشان نكتسب خبره


تفضل لك ولكل المكشاتيين


اولا : صورة رقبة البخاخ او الكربوريتر في المكينة


http://www.9q9q.org/index.php?image=ix5bBaJiF4ZyGf

[شيخ نجد]

صورة مقربة بشكل اكبر


http://www.9q9q.org/index.php?image=QagqQpwUsEBaa6

[شيخ نجد]

ثانيا : القطعة القديمة مع الشرح


http://www.9q9q.org/index.php?image=SciRsQTsPheCUq

[شيخ نجد]

ثالثا: صورة الخانق القديم العطلان بدون شرح


http://www.9q9q.org/index.php?image=CRXHiGiGedD7Cb








رابعاً : صورة لمبة التحذير اللي تعبتني وخوفتني كثيرا .. الى الان والله كل ماركبت السيارة اقول الله يستر لا تولع من كثر مواقفها الطيبة معي .. والحمد لله على كل حال ..


http://www.9q9q.org/index.php?image=ix5tTszXvOpkCA







نصيحة للمحافظة على البخاخ بشكل ممتاز الكترونيا.. حاجة بسيطة جدا تغنيك عن مشاكل كثيرة مثل مواقف في العمل وفي الاسواق وفي البر خصوصا وتغنيك عن تغيير الرقبة 3800ريال وحساس 250 وفلتر90


الحل هو..






تغيير فلتر الهواء كل 10 آلاف كيلو او كل ثلاثة اشهر ..نصيحة اخو مجرب







استمتعوا بالقيادة والتطعيس بدون مشاكل بالتوكل على الله ثم مبدأ السلامة والاحتياط









تقبلوا تحياتي





عاشق السراب

[الكاسر23]

الله يعطيك العافية اخوي عاشق على التوضيح والنصيحة

موفقك باذن الله
اخوك
ابو محمد

[العيد]

الله يخلف عليك ويعوضك خير
والله شكل هالموتر ما يتحمل المطامر في الغبار والامطار يبيله عناية خاصة

[أبوناصر]

تسلم والله على التوضيح والشرح الواقي وبصراحة الله يستر بس


ويعوض عليك بخير ان شاء الله

[محيط]

يااخوان مشكلة يسارات نيسان ان القطع الكهربائية من شركة هيتاشي ولي هذا السبب يكثر الاعطال فيها .

[ملك الباثفندر]

بارك الله فيك يا عاشق السراب على التوضيح ومعوض خير ان شاء الله
إلى اللقاء

[NavMan]

أخي شيخ نجد المحترم
السلام عليكم ورحمة الله وبركاته
أرجو التكرم برفع الصور مرة أخرى
حيث أنها لم تظهر
بارك الله فيك

[الحبابي1]

ماطلعت صور ياشيخ نجد أنا صار لي نفس المشكله م2005 توماتيك ولعة اللمبه لما ادعس بنزين مايدعس واذا طفيت الموتر وشغلته مشا وراحت اللمبه والحين اللمبه معلقه وديته فحص كمبيوتر قال هذا حساس البنزين يبيله تغيير وقيمته ضربه والى الان ماسويت شي .. اخاف اخسر ويطلع ماهوب منه .. والله اني ندمت على مشراي له ...

[سوبر VTC]

منظم اللهاة حق الباترول الفتك يخرب قيمته ب1700 و طالع

يركبون بداله حساس مكسيما ب300ريال :good:

قد يركب على الباثفندر

موفق

[شيخ نجد]

ماطلعت صور ياشيخ نجد أنا صار لي نفس المشكله م2005 توماتيك ولعة اللمبه لما ادعس بنزين مايدعس واذا طفيت الموتر وشغلته مشا وراحت اللمبه والحين اللمبه معلقه وديته فحص كمبيوتر قال هذا حساس البنزين يبيله تغيير وقيمته ضربه والى الان ماسويت شي .. اخاف اخسر ويطلع ماهوب منه .. والله اني ندمت على مشراي له ...

NavMan
الحبابي1

ابشروا تأمرون أمر .. هذي الصور بعد تحميلها مرة اخرى




http://up4.m5zn.com/9bjndthcm6y53q1w0kvpz47xgs82rf/2009/9/6/05/adav6ltsn.jpg (http://games.m5zn.com)


.


http://up4.m5zn.com/9bjndthcm6y53q1w0kvpz47xgs82rf/2009/9/6/05/gckk3dp6o.jpg (http://games.m5zn.com)

[مرير الشوق]

مشاء الله ياشيخ نجد

شايف كيف الايام تجري جري ... الله يكفينا شرها

شوف تاريخ الموضوع قبل حوالي سنتين وثمانيه شهور شاء الله

ورجع الموضوع كأنه قبل شهرين

والله يعطينا وياكم طولت العمر والصحه

[س ل ي م ا ن]

أخوي أسف إذا كنت أبقسى عليك شوي

أخوي من أخطر الأشياء بالباث فلتر الهواء وأنت للأسف أستهرت به والله يعينك على دفع الظريبه

لكن نصيحه رح للتشليح يمكن يكون أرخص لك

[NavMan]

NavMan
الحبابي1


ابشروا تأمرون أمر .. هذي الصور بعد تحميلها مرة اخرى





http://up4.m5zn.com/9bjndthcm6y53q1w0kvpz47xgs82rf/2009/9/6/05/adav6ltsn.jpg (http://games.m5zn.com)



.




http://up4.m5zn.com/9bjndthcm6y53q1w0kvpz47xgs82rf/2009/9/6/05/gckk3dp6o.jpg (http://games.m5zn.com)


جزاك الله الف خير وبارك فيك وفي عمرك
أحياك الله حياة طيبة وأكسبك العمل الصالح

[عاشق البن]

السلام عليكم

اسف على التاخير

انا اعرف واحد صارت له نفس مشكاتك

وراح كهربائي وفحص الفيوزات

الكبار وفك واحد منهن ورجعه

ورجعت السياره لوضعها الطبيعي

بس المشكله ما اعرف الفيوز

وشو

اسف على التاخير

[الموسيقار6]

نبي أفضل حل وأقل تكلفة ,,