بريك السياره مايمسك، كابرس جديد، وتلاعب الوكاله بالاسعار!

[1231]

السلآم عليكم ورحمه الله وبركاته

لدي سياره كابرس وماشية 71 الف والبريك صار ضعيف،،،
رحت للوكالة اسأل عن سعر السفايف،!
التوكيلات العالمية، قالي الموظف السفايف الاماميه بـ520 ريال والخلفي بـ490 ريال مجموعها بعد الخصم قالي بـ990 تقريبا يعني 1000 تقريبا
سألتهم عن شغل اليد قالوا لي بعد الخصم 600 ريال،

رحت لصناعيه محل اوتوستار، قالي متوفر خلفي بـ200 وعليها،
قلت له الوكاله بـ900 امامي وخلفي! وش الفرق هل فيه فرق بالجوده،!

قالي سعرهم غالي جدا، ولاتشتري منهم،

سعرت شغل اليد مع المخرطه بـ100 ريال برا الوكاله؟،
سعر معقول،

مريت ورشه ثانيه لقيت فلبيني جرب السياره عشان يشوف البريك، وخذا لفه بالسياره قالي طبيعيه!!! ولو ركبت سفايف جديده بتحصل نفس النتيجه!!!

ما اقتنعت بكلامه،! لان الموتر مايمسك بريك! تدعس رجلك تروح داخل والموتر يمشي يمسك خفيف!!!
وش الراي؟ هل المشكله تكون من شي غير السفايف؟
اتمنى تفيدوني وشكرا،

[الربذي]

ماهي من السفايف يمكن من الباكم
لان السفايف تطلع صووت
وهذا فيه تنسيم او ماشابه ودها ورش عاديه وموفق واحد قالو له الوكالة تصليحها ب4500 تدري بكم صلحها عند فني باكستاني ب45 ريال
استغرب من الي اكلينها ومصدقين ان الوكاله شغل وكاله هههههههه والله ضحك على الدقون
واحد مطلع سيارة وكاله والاخر مثله الاول صيانه اول باول عند الوكاله ومصاريف بالاخير طلع صارف عليها صيانه وكالة بس خلال سنتين 18الف والاخر ماتتجاوز 1500
بس زيت وبنزين وكلهن مثل بعض

مر اكثر من ورشه
انا دائم اوفر من المرور على اكثر من ورشه تصدق مره قالي شغل يد 500 وصلحتها عند اخر ب80 ريال الاول يبي ينزل المكينه والاخر شاطر ووفر لي

[volcano]

71 الف كثير ماشاء الله تبارك الله غير الفحمات وبتضبظ معك ان شاء الله

ولاتسوي شي غير تغيير الفحمات ابدى بالاسهل.

[1231]

رحت لورشه ثانيه بالصناعيه، ونزل بالحفره ، قال السفايف فيها نص عمر،!

اغيرها لك مع خرط الهوبات!؟
قلت اذا فيها نص عمر ليه البريك ضعيف!؟

قلت شيك على الزيت يمكن يبي تنسم ،!
المهم شيك على الزيت وجلس يمسك بريك وخويه بالحفره تحت السياره!
قال مافيه هواء بالزيت،

قال مالك الا تغير هوبات وتخرط سفايف، مع ان سفايفك باقي فيها،!

قلت دام باقي فيها خلها! بس ياعالم البريك ضعيف والله، مو مثل قبل!

السياره موديل 2009

[volcano]

اخوي الله يصلحك طبيعي دام الفحمات نصها راح طبيعي يكون فيها ضعف كثير لا يغرك الشكل . اغلب الفحمات بها الشكل من يروح نصها تضعف 80% من قوتها . بالنسبة لخرط الهوب ماعندك مشكلة بس على اقل درجة وركب فرامل اصلية او سيراميك .

بالتوفيق

[1231]

اخوي الله يصلحك طبيعي دام الفحمات نصها راح طبيعي يكون فيها ضعف كثير لا يغرك الشكل . اغلب الفحمات بها الشكل من يروح نصها تضعف 80% من قوتها . بالنسبة لخرط الهوب ماعندك مشكلة بس على اقل درجة وركب فرامل اصلية او سيراميك .

بالتوفيق

الله يجزاك خير، وكل من شارك،

[مسير عليهم]

من المتعارف عليه ان الكابرس واللومينا عمر الفحمات اقل من السيارات الثانيه

احوي معه لومينا وكل 6 شهور يغير فحمات ويخرط الهوبات وحسب المخرطه


اذا انت موسو منها غيرها وريح راسك

[هواوي الشمال]

انت تقصد الجلنط ؟؟
اذا فيها نص عمر خله يوزن لك سلك الجلنط طيب..مايتجاوز 20 ريال

[عبدالعزيز بن احمد]

السفايف وش !!؟؟!يعني الفحمات ؟؟؟؟؟؟؟

[هملول السحاب]

السفايف وش !!؟؟!يعني الفحمات ؟؟؟؟؟؟؟


السفايف يعني الفحمات او القماشات...