ياهل الغطاوي خبروني عن العود............الحل:ربق الغنم......حله:ال رايق

[راعي العجراء]

السلام عليكم ورحمة الله وبركاته
لغز بالنباطه تطرحونه
من اول رميعه




ياهل الغطاوي خبروني عن العود = عود قديم والعرب يشغلونه
ماهو حرام وللحلال يجيب فود = نفعه وكاد عن ذهيبه يبونه
ان شلت راسه ثم لحقته قفى زود = (جمع لحيوان) وسط جلده عيونه

[حمد؟؟]

وعليكم السلام ورحمة الله وبركاته
صح لسانك راعي العجراء(ابو شنب)
ودام فيها نباطه يجيك الرايق يقول به الحين:D
ماسلموا منه طيور الظلع وقزاز النقل
الا ماقلتلي وش تعني يشاغونه
هذا اذا ماتحرق الفلم على قولة الاخوان

[ال-رايق]

وعليكم السلام ورحمة الله وبركاته
صح لسانك راعي العجراء(ابو شنب)
ودام فيها نباطه يجيك الرايق يقول به الحين:D
ماسلموا منه طيور الظلع وقزاز النقل
الا ماقلتلي وش تعني يشاغونه
هذا اذا ماتحرق الفلم على قولة الاخوان




عن اذنك اخوي/ابوجلمبو
زين ياحمد/اكيد معطينك اجازة سبت واحد وتبي تستقعد
لكن هذي افترءات عشان تروح منك تهمة تكسير القزاز(مخلي عيالك يلعبون بالباص اللي مسلمه لك صقر عهده رسميه وهذ اخرتها)...انا مبطي ولله الحمد من رقيان الضلع:D:good2:
على العموم حياك الله يابوطيف
..وقل اللي تبي.اهم شي تواجدك.
تحياتي

[ال-رايق]

السلام عليكم ورحمة الله وبركاته
لغز بالنباطه تطرحونه
من اول رميعه




ياهل الغطاوي خبروني عن العود = عود قديم والعرب يشغلونه
ماهو حرام وللحلال يجيب فود = نفعه وكاد عن ذهيبه يبونه
ان شلت راسه ثم لحقته قفى زود = (جمع لحيوان) وسط جلده عيونه



اهلا هلابك يافتى الطيب والجود=ياواحد تعجبني والله فنونه
لغزك شوي اقول يادقيّق العود=واقول هرج خايف يمنعونه
واتغزل بشعر كتبته على خدود=بيض الورق والخط كالورد لونه
واشيد في لغز تسويّه بركود=كالقصر الابيض حين تبني ركونه
كأن مابه غير هاللغز موجود=من شدة اعجاب اللي جو يرمعونه

[ال-رايق]

ياراعي العجراء ترى الدخل محدود=حط الحلال بحوش لايسرقونه
لايجيك طفران ردي حظ مقرود=عيّوا في حافز للأسف يقبلونه
قبل التويس العارضي يصير مفقود=والراعي تنبت وسط راسه قرونه
وتعطيه نهائي ثم يخرب بك المود=وسوالفك الزينه تخرب لحونه

[ال-رايق]

مدري لو أنك تقصد الربق وقيود=فيه البهم ياصاحبي يربطونه
الربق
=بقر

[ابو الشبرميات]

صح لسانك يا راعي العجراء
وش قولك طال عمرك على الطاعة في
الشعير
يزرع ويشغل من زمان
ومفيد للدبش
ولو شلنا راسه صار
عير ( ذكر الحمار ) وانتم بكرامة
...

[هيل]

السلام عليكم ورحمة الله وبركاته
ياهل الغطاوي خبروني عن العودعود قديم والعرب يشغلونهماهو حرام وللحلال يجيب فودنفعه وكاد عن ذهيبه يبونهان شلت راسه ثم لحقته قفى زود(جمع لحيوان) وسط جلده عيونه
مداعبه الراعي العجراء
(ابوشنب)
لاشفت أسمك أصبح المخ مشدود
عمك منيفه هل عياله يجونه؟
قطع الوصل لاماهوب محمود
مادري وراهم ليه هم مايبونه؛
قالو السبب انك طمعان بالذود
نسيت بالعجراء تبي تكسر سنونه
حرضتهم عليه ثابت وبه أشهود
لجل التفرد بالبهم والمؤنه
مع فائق التقديروألأحترام
الهيل

[عطري]

مدري لو أنك تقصد الربق وقيود=فيه البهم ياصاحبي يربطونه



الربق


=بقر


و عليكم السلام و رحمة الله و بركاته
صح لسانك ياراعي العجراء كعادتك التنويع و هو مطلوب
بالنسبة للرمعة تأيد مبدئي للرايق -سلمه الله - و له من اسمه نصيب:good:

[جرير]

صح لسانك وسلم بنانك
ويسعد ايامك
رمعه ماعندي ويمقن رمعة الشعير ويمقن لا
مريت اسلم وتري جبت لك البطه حسب طلبكم
وتراها خجوله جدا وحساسه بالعافيه
................
http://www.mekshat.com/pix/upload01/prof021/mk15396_20120522_203551.jpg

[راعي العجراء]

مدري لو أنك تقصد الربق وقيود=فيه البهم ياصاحبي يربطونه

الربق

=بقر


صح السانك يابو مهند مليون
وكفو نعم مثل ماذكرت ...... ربق الغنم .... واذا صار راس بالخلف يصير بقر
وكفو الى بتله
واسف على هذا الرد المختصر واعتذر للاخوان لعدم تمكني على الردود عليهم
والرايق اصاب الهدف
دمتم بخير

[ابوماريا]

سلمت ياراعي العجراء على اللغز
والله يعطيك ألف عافية

وكفوووووووووووو ياو مهند ثم كفوووووووووو

[ال-رايق]

صح السانك يابو مهند مليون
وكفو نعم مثل ماذكرت ...... ربق الغنم .... واذا صار راس بالخلف يصير بقر
وكفو الى بتله
واسف على هذا الرد المختصر واعتذر للاخوان لعدم تمكني على الردود عليهم
والرايق اصاب الهدف
دمتم بخير


تعيش وتسلم اخوي/ابوجلمبو
ويازين طلة هالشنب والحمدلله على سلامته/اقلقنا عليه:D:good2:
---وبيّض الله وجهك على مثل هالالغاز المشغوله شغل يدوي مثل البشوت الغاليه.
ولا تحرمنا من جديدك جدد الله حياتك بالصحّه والسعاده..
--------------
دمت لغّازا /رمّاعا/قصصيا/خلوقا/محبّا/تترك فراغا حين لاتتواجد.

[ال-رايق]

سلمت ياراعي العجراء على اللغز
والله يعطيك ألف عافية

وكفوووووووووووو ياو مهند ثم كفوووووووووو


لبّى هالمعرف وراعيه
وكفوك الطيب ياراعي الطيب
وشكرا لمرورك المثالي يالمثالي.