أم حويض

[جنوبي الهوى]

السلام عليكم ورحمة الله وبركاته ..

صبحكم الله بالخير جميعا ..

إنشاءالله هالاسبوع ( الربوع ) العزم على أم حويض .. صراحة المنطقه جديدة علي
وأول مره بروحها ..

أبي منكم معلومات عنها شوي .. وعن خفر السواحل ( يسمحون بالشباك )
هل لازم اسير عليهم واخذ تصريح اني بجلس هالمكان ..

كيف الصيد في هالمنطقه .. ؟!


واللي تقدرون عليه من معلومات .. ونوافيكم بالتقرير انشاءالله ..

واهم شي جونا يعتدل ,, ذبحنا الغبار :(


تحياتي لكم جميعا


جنوبي الهوى

[ra3ibox]

الله يوفقك بالصيد الطيب
وللأسف ما ادلها ولا سبق رحت اليها

[التنديل1]

وعليكم السلام

انت تدل طريها مضوط؟
الشبوك انت و اسلوبك وتراهم ما يقصرون ونصيحه اذا سالك عن الشبوك لا تكذب وقله معي شبوك

لازم تسير عليهم وتاخذ تصريح

وبا النسبه لصيد الرزق على الله اما با النسبه لي انا اشوف اسنه هذي الصيد فيها ضعيف جدا جدا اما با النسبه للمنطقه عليك با المناطق الجنوبيه

وفالك السبيطي و العراضي ابو 3 كيلوو

[التنديل1]

ونصيحه من اخ لا تنزل البحر الى با جوتي بسبب الصخور الكبيره با المنطقه الجنوبيه
و اتمناء اني افتك

[accentkool]

لابد من التصرييييييييح الله يرزززززقك وبالتوووفييق
ومثلك ناوي اطلع لها وماعندي اي خلفية عنها اول مرة
اذا تبي تخااااويني انا وقروبي حياك الله راسلني عالخاص

[الوحش79]

نصيحه ياخوي

قد رحت لها مشوارها بعيد
والعله ماهي المسافه الا الشارع كله حصى لاهو مسفلت ولاهو بري
ليته بري كان ازين من هل حاله
ولازم تنسم توايرك عن هل حصى وسلم ع موترك راح يتقرقع
من يوم رحتها وليومك الموتر به اصوات قرقعه في الابواب

ومشوارها بتاخده ساعه ونص الى ساعه من عند قلعة عقير لين توصل لها
ولازم تاخد احتياطاتك مافيها اي خدمات المنطقه وماتصلح للحداق ابد
حق شبوك
والمنطقه مهمله جداً والاوساخ منتشره في شواطئها بكثره

تبي نصيحة اخ
روح راس ابو علي وادعيلي
بس صرح بمينا الجبيل يوم الثلاثاء او الاربعاء قبل الساعه ١٠،٣٠الصبح تكون عندهم وتستلمه بعد الصلاة
او توجه الصدوي ع طريق راس الخير


هذا والله الموفق

[nasser a]

ام حويض

لها طريقين من عند سلوى ومن عند العقير

طبعا مثل ماقالو الاخوان حق شباك بس حداق ماينفع الا طفاحي او مد او ارساليه

اكثر اانواع الاسماك الموجوده ضلعه ؛ بدح ، عريضي

منطقه بالنسبه لي حلوه لاكن يعيبها عدم الاهتمام بالنظافه والمخلفات البحريه من قبل زوارها

الشبك : خيم في جهه وحط اشباكك بعيد عنك ولا احد يحس فيك واذا احد تكلم حاول باسلوبك

نصيحه .، دامكم مارين على الطينه لايمنع انك تجرب شباك فيها يعني شغل ٣ الى ٤ ساعات

[جنوبي الهوى]

ra3ibox :D

يسلمو ع تعقيبك وماقصرت ياخوي
-------------------------------------
التنديل1

الله يبعدنا عن الكذب يخوي حنا طالعين تسليه وصيد امن نكذب ههه فيها
مصادره شباك وغرامه ويمقن حجز يمقن لا .. عانيت وانا خوك قبلها .
-------------------------------------
accentkool

ودي والله بمخاوى شرواكم .. ماعليكم قصور والله اني متابع لكم صراحه ..
-------------------------------------
الوحش79

وانت صادق سمعت ان الشارع مهو ذاك الزود .. لكن معنا ( بك اب ) للمهمات الصعيبه .. ومدحوها الشباب حق شبك فنسري والرزق على الله ومشكور ع المعلومات يغالي ...
---------------------------
nasser a

رحم الله والديك هذي حط الشبك بمنطقه واجلس بمنطقه كويسه ومجربه .. يسلمو والله يرزقنا ويرزقكم من فضله يارب
-----------------------------------


تحياااااااااااااااتي لكم اخوكم

[التنديل1]

ولله اخوي nasser a
ماقصر وبا النسبه للايام هذي الصيد ضعيف فيها وببتعب من الضلع عقوبه

وبا النسبه للحداق يبيله صبررر حلوى اذا بتجيب معك مصران للسبيطي موقع الحداق الي انا اشوفه افضل لما تصرح وتنزل جنوب بتحصل صبخه على يدك اليسار اذا وصلت اخرها وقف وحدق فيها انا صايد فيها سبيطي السنه الي مضت
حتمال تحصل المجزره الي انا مسويها بتحصل دجاج انا ماخذ مصرانهم

ولغزول بين دوحة حمام و ام حويض هذا با النسبه لي

ولله يوفقك با الصيد الطيب
وفالك السبيطي

وبا النسبه للارساليه ما قط جربتها

[ابو عبدالإله]

الاسبوع الماضي رايحين مع الشباب صدنا ثلاث شعريات كبير وسط وصغيره ولحلاحتين بالشكيات وشعمه بالسناره وضرب

عندنا شي كبير وفلت الله العالم انه الأقرع " السبيطي " ومكان الصيد لما تنزل من المركز روح يسار ولاتبعد واجد حط شكياتك

بعد صنادق الصيادين بتشوفها مكسره وبعد ماتخلص من الشكيات كمل يسار 500 الى 700 متر اجلسوا وارموا سناراتكم

[جنوبي الهوى]

التنديل وابو عبد الاله .. ماقصرتوا اخواني والاماكن اللي قلتو بها اروح لها واحطها بعين الاعتبار كأول مره أروح لهالمنطقه ..


وفالنا الاقرع انشالله

[ابو عبدالإله]

وش موترك ياجنوبي الهوى يمكن نسير عليكم