لاندكروزر جي اكس ار 2004 هل يسوى هالمبلغ

[night0knight]

السلام عليكم ورحمة الله وبلاكاته

حيا الجميع

انا بإذن اللي ماتنام عينه ناوي اشتري لاندكروزر ودلني واحد على موتر حليو ونظيف ومع شايب بس انه طالب فيه مبلغ احس انه مبالغ فيه

فأرجو من أهل المعرفة نصيحتي

مواصفاته:



لاندكروزر جي اكس ار 2004 سعودي وارد البازعي
فل كامل مع زينون من الوكالة
فتحة
جناح
مكيفين
ماشي حوالي 150 الف
صيانته من الوكالة على طول
مع شايب ويقول ان استخدامه داخل الرياض يعني ما يعرف المكاشيت
قير اوتوماتيك (وهذي نقطه مهمة هل ينفع التماتيك في البر)
بدون ونش


الرجال طالب فيه 90 الف كاش

يا اهل الشور والعلم هل اعزم واتوكل على الله واشتريه والا تشوفون انه مبالغ في سعره

شيروا علي الله يوفقكم

[وبل نجد]

احس فيه مبالغة ف السعر
وانت وخراجك وانا اخوك.
الله يرزقنا جميعا الرزق الحلال

[مقلع الرمث]

هج يارجال صادق انت تدفع هالمبلغ

قديم ولو تقول في اكس ار كان اقول معك حق لكن جي اكس ار وهالسعر والله مايسوى

[صامل الوقفات]

اخي العزيز
إذا السيارة بدي وكالة لم تتعرض لحوادث وتغيير بوية
إذا السيارة (متماسكة) لا يوجد بها هربده
نصيحتي لك توكل على الله وصل صلاة الإستخارة وخذها لأن ممشاه معقول جداً
أما السعر موديل 2004 يتراوح سعره ما بين 90 إلى 97 حسب النظافة والممشى
وأزيدك من الشعر بيت قبل فترة لقيت 2004 أبيض ماشي حدود 200ألف مع شريطي يقول عليه 108آلاف ريال
وأنا مارديت عليك إلا من باب معرفة في أسعار السيارات لأني أبحث عن سيارة
أتمنى من الله سبحانه التوفيق لي ولك ولجميع الأخوان
تقبل تحياتي / صامل الوقفات

[أفلاطون العرب]

السلام عليكم

عز الله انك كفيت ووفيت يا صامل الوقفات

ويعطيكم العافية

[الشمروخي]

حسب السوق وسعره بالسوق. حول ٩٠ الف ويزود اذا جايز لك خذه وتوكل على الله
سعره بالعقل يكوي لاكن بالوقاع هذا هو السوق والله يوفقك

[زيــآدِ]

مافيه صورة للموتر نشوفه ؟

[night0knight]

بيض الله وجيهكم يا جماعة الخير على الردود الطيبة

الحقيقة السيارة نظيفة على حسب كلام ولد الشايب وانه ما رشت ابد وانا ان شاء الله ابروح افحصها بكره

لكن وش الاشياء اللي اركز عليها في الفحص يعني المكينه وش اركز عليه فيها والقير وغيرها

ارجو افادتكم اللح يحفظكم

[باترول 1987]

2004 لاتشري ابدي 2003 ولا 2005

ال 4 ثقيل خصوصا اذا كان 6 سلندر

[راعي الطلعات]

اشوف ان سعره حلو معنا ماشاءالله 2003 GXR1 قير عادي مسويم بالـ80 و استخرنا الله

والقير التماتيك قوي وما فيه اي مشاكل وراح يعجبك واهم شي الاستخاره و الراحه النفسيه

ولا يهمك الي يقول استخدام شايب فحص الكمبيوتر يبين كل شي

[مجبور اسامحك]

سعــره حــلو وحتى لو جلس معاك سنه ان شاء الله تبيعه حول المبلغ

[شبل داورد 1]

الرجال طالب فيه 90 الف كاش


يابلاش أذا بديه على شرط من البويه
وإذا مالك نظر عطني رقمه لاهنت

[عرين نجد]

سعرة حلو اذا مافية رشوش وبدي وكالة
توكل على الله

[ياربي عفوك]

وانا اخووك اتوكل على الله واشتر انا يوم شفت عنوان الموضوع قلت 100 وعليها ...

شف الاند يستااهل حق مكدده وبر ومايقول اح ,, مير السعر بالسسوق مبالغين به .,, انا عن نفسي اشوف الـ 2004 ب90 والله ممتازه استخر واتوكل على الله الاندد شيك بلجيب

[ابوجويعي]

سعر معقول اذا نضيف وده للبريدي بالنسيم وفحصه يعلمك عن كل شي بالموتر وشكرااا

[مخاوي الجوزاء]

تبي نصيحتي وناا اخووك رح لقطر
وتحصل 2007هدد بحدود 95الي 98 الف انا ماخذ جي اكس هدد2007 لو ذهبي نص فل ماشي 100 الف ب97وجابلي بمعارض النسيم 120 الف ولا بعت
وخل عنك 2004 وبالنسبه لسعره 90 الف غالي
وهذا رائيــي ونا اخووكــ

[..سوبر سفاري.]

اخوي الحق عليه سعره بلاش يسوى في السوق اقل شي 115 الف

[مطنوخ مطير]

اذا ماتبيه ابي رقم الرجال يالغلا ابحث عن سيارة

[night0knight]

الله يرحم والديكم على هالاراء الطيبة

عز الله من قال حط لك موضوع بمكشات ما كذب


انا عزمت ان شاء الله بس ودي اسأل البريدي هذا وينهو فيه بالضبط من حراج النسيم

الشكر موصول لكل من رد فرد فرد

[كاشت بالمريخ]

لي اسبوع كامل في المعارض افر ودور : وكان ذلك قبل اسبوع من الان
..
اشوف ان السعر مناسب جدا .. وتوكل على الله .
..
خصوصا ان صاحب السيارة معروف لديكم .. حتى ولو طلب 95 ..
..
والله يوفقك

[الرحال 2003]

اذا كان بدي نظيف وممشى حقيقي ولونه ابيض رخيص خذه
واذا ماتبيه عطن رقمه ولك سعيك انا ادور من2003 الى 2006 gx اوgxr

[خيال الغلبا]

نصيحة مجرب لاتقرب البريدي غشيم وكذاب

[HAS5SAN]

اقول انشب لراعيه لا يغير رأيه
نصيحتي وانت حر
وقبلها شوف اخوانه على كم في السوق
الله يرزقك

[HAS5SAN]

تبي نصيحتي وناا اخووك رح لقطر
وتحصل 2007هدد بحدود 95الي 98 الف انا ماخذ جي اكس هدد2007 لو ذهبي نص فل ماشي 100 الف ب97وجابلي بمعارض النسيم 120 الف ولا بعت
وخل عنك 2004 وبالنسبه لسعره 90 الف غالي
وهذا رائيــي ونا اخووكــ

تذكرت المثل :
جاء بيكحلها *** أعماها

[لهايب نجد]

اجل جابلك الهدد 120 ولا بعت
يعني جاب 120
ههههههههههههههههههههههههههههههه
خوي صاحب الموضوع الموتر لءءءءءءءءءءءءطة توكل على الله واشتر بس ياليت يكون مافيه رش ولو فيه رفرف ما يضر.

[فهد بن مشبب العاصمي]

2004 لاتشري ابدي 2003 ولا 2005

ال 4 ثقيل خصوصا اذا كان 6 سلندر


ممكن نعرف وش اللي يختلف في 2004 عن 2003 و 2005

ماسمعنا بهذا من قبل ،، المكينة والمحركات وحده اللهم بعض التغييرات الداخليه التي لاتذكر والخطوط

[مجنون عسل]

يالغالي اذا الموتر بدي محركات شرط خذه اذا ما تبيه دلني عليه ولك اتعابك :p

[mayad]

حسب وصفك للموتر السعر منااااااااسب

[نمر صبيح]

ياااااااااااااااابلاش 90000 الف تكفاااااااااا جبه لى ولك 10000 سعى

[شفاء نجد]

اخوي الله يكتب لك اللي فيه الخير والمسلمين اجمعين

السعر معقول في وقتنا الحالي لان الجديد الحين ب ميتين الف وفوقها الـ 6 سرندل

بس في نقطه ابيك تركز عليها / شف فلتر القير وزيته متى اخر مره تغيــر اهـم شي

لانه اذا تعدى عداده ستين الف وجيت تبي تغيره في اي مكان يشرطون عليك اي صوت يطلع في القير بعد تغييره

غير مسؤلين عنه يعني بمعنى اصح انه يخبط

واذا توكلت على الله واخذت الموتر وانت راعي بر

ركز على زيت القيـر < لاتخليه يتعدى 60.000 او خله على اقل


وراح يكر معك مدى الحياه

تحياتي

[ابوو مشاوي]

تبي نصيحتي ان كانة من شايب اتعرفة ونضيف الموتر خذة ولا تشاور انا قبل ٣ شهور شاري ٢٠٠٤ سعودي ب ٩٠ وماشي ٢٥٠

[mr.قهد]

اخذ الموتر ولاتشاور انا بايع جي كس ار 2006 بـــ 120الف وهاذ ب90 فرق سنتين الموديل بس
اذ كان الموتر زين بوودي ومحركات ونظرته زينه اخذه تعتبر قيمته مناسبه ومن ناحيه تماتيك ايه مع البر كلام بس يبغالك معرفه لوازم القير وكذا وتشووف فعله في البررر

[جي اكس ار2000]

سعره معقول اذا نظيف جدااااا

انا محصل قير عادي 2004 سعودي خصم يقول يسام110

[طيرشلوى 2]

خذه لاتفكر الموتر يسوى اكثر ياصل 100000

[البرنس 2006]

خذ العلم مني ياخوك ولايروح عليك اذكان البدي نظيف اناعندي اخوه شاريه قبل سنه ماشي 90000 الف ب110 الف كاش والحمدلله مرتاح مع
توكل على الله ولاتشاور

[أوتارالقلب]

سلام انا شريطي خذة ولاتشاور

[اشهب .]

الله يبارك بينكم

[شاهين12]

اخي العزيز
إذا السيارة بدي وكالة لم تتعرض لحوادث وتغيير بوية
إذا السيارة (متماسكة) لا يوجد بها هربده
نصيحتي لك توكل على الله وصل صلاة الإستخارة وخذها لأن ممشاه معقول جداً
أما السعر موديل 2004 يتراوح سعره ما بين 90 إلى 97 حسب النظافة والممشى
وأزيدك من الشعر بيت قبل فترة لقيت 2004 أبيض ماشي حدود 200ألف مع شريطي يقول عليه 108آلاف ريال
وأنا مارديت عليك إلا من باب معرفة في أسعار السيارات لأني أبحث عن سيارة
أتمنى من الله سبحانه التوفيق لي ولك ولجميع الأخوان
تقبل تحياتي / صامل الوقفات

:good::good::good::good::good::good::good: