ترهيم ماكينة جمس 1995 الى 2007

[خالد14]

السلام عليكم -صبحكم الله بالخير-مسائكم الله بالخير


حبيت استفسر من اخواني الي عنده خبره بترهيم -ويقول من سأل ماخاب بأذن الله


عندي سوبربان موديل1995 حجم 2500 وعليه ماكينه 350


وودي اغير ماكينه للموديل حديث واقوى ومابي حرارهـ خالص بالسياره


فامريت الصناعيه قال لي مكانيكي يركب لي ماكينة سوبربان 2007 L 6.2


مع الظفيره والكمبيوتر وكمبروسر ودينمو كامله راكبه جاهزه 10000 ريال


يقول رجال تركب سلام سلام بس افصل لها كراسي ماكينه وبس


وانا ابي شوركم ياجماعة الخير


تركب على سياراتي هالماكينه ولا لا - واذا ركبت وش رايكم بالسعر

ابي نصايحكم لاعدمناكم


اخوكم خالد

[وجعين]

والله يابن الحلال من قال لا ادري فقد افتى انا دخلت احسبك تبي تركبه لجيب باترول بس المتعارف عليه ان المكينه الي من نفس الشركه تركب خاصه لاصار فرق الموديل بين السيارتين بسيط ويفيدونك اصاحب الامريكي ان شاء الله

[Magellan]

عندي سوبربان موديل1995 حجم 2500 وعليه ماكينه 350


وودي اغير ماكينه للموديل حديث واقوى ومابي حرارهـ خالص بالسياره




انا أرى ان مثل هذه السيارات تحفة بحق
اولا يبدو ان مكينة الموتر 454 وليس 350 حسب ماذكرت مادام انه 2500
قطع رخيصة متوفرة لاتتأثر بالحرارة مثل السيارات الحديثة
يعني حتى لو ارتفعت الحرارة فبإذن الله ماراح يتأثر الرأس مثل غيره
غير مكلف في التوضيب للقير والمكينة
وش تبغى اكثر من كذا:good:

[THE KILLER]

لا ترهم ولا تولف
صح انها موديل جديد لكنها كمبيوووتر وحساساات

خلي مكينتك زي ماهي
ترا مكاين ال 1999 الى 1979 قوية وحدييد وحرارتها ممتازة وتتحمل حرارة والاجواء الحااارة
وغير كذا تمتاز بالعزززم

مانصحك تركبها

وانت حـــــــــــــــــــــــــــــــــــــر

عندي سوبربان 1990 مكينته مشاء الله بس وانا جربت الجديد
لكن القديم احس فييه نوع من القوووة والعزززم الصراااااحة

[خالد14]

الله يجزاكم خير يالي رديتوا


بنسبه للأخ الي يقول مكينتي انها 454 لاولله يالغالي طلعت 350


بنسبة للي يتكلمون عن الحراره ولله ياجماعة الخير مابقى شئ ماسويت للسياره

من توضيب من تغير رديت من مراوح ماخليت شئ والحراره ترتفع ثلث بدون مكيف

ومع الخط بسرعة 120 توصل النص طبعآ بدون مكيف




فأنا شاورتكم بنسبه للماكينة الي بركبها بحكم انها موديل احدث واقوى

وش رايكم بسعرها مناسب ولا لا


وكرر شكري لكم مره ثانيه ياجماعة الخير

[THE KILLER]

والله بالنسبة للحرارة
تاكد من بلف الحرارة ( الثيرموستات ) اذ انه مقفوول يسبب حرارة غيره تلقاه رخيص
وتاكد من كلتش المروحة اذا المروحة تعبااانه تتفع الحرارة

والشيء الاكبر من ذلك
وزنية الديلكو
اذا الديلكو مهو موزووون يسبب ارتفاع بالحرارة
والشيء الرابع تاكد ان الفرامل مو ماسك على الهوب لن صارت مشكلة لكم واحد انه اشتكى من الحرارة وما خلى شيء الا وسواه وطلع الخلل بالفرامل كانت ماسكة يوم يمشي ترتفع معاااه
وتاكد من اللديتر اذا نظيف ولا لا واذا مهو نظيف يبيلك تسييخ
وتاكد من الخراطيش والطرمبة الماء والمراوح كلها
اذا كل شيء سلييم
شوف الموية اذا تنقص كل يووم او لا والله اعلم اذ انها تنقص على ماعتقد انها من الراس
شيك على كل شيء من واول
والشيء الاهم والاخيرررررررر


الجيربوكس لو مهو مظبوط ترتفع عندك الحرارة لما تمشيييي والسبب من الكلتشات
معليش كثرت علييك لكن شيك عليييهم وان شاء الله تلقى خير باذن الله

[خالد14]

يعطيكم العافيه ماقصرتوا ياشباب

[مبارك الحيان]

مساء الخير

تركب المكينه عندك بدون قص كراسي على نفس كراسي الوكاله والقواعد

تحتاج مكينه كامله مع تكيف وديمنو وسلف وضفيرة وكمبيوتر

القير اذا تماتيك ماراح يتحمل بعد فتره بيخبط

الحل مع القير انك تركب كلشات رياضيه بس غير مريحه بستعمال اليومي بسبب النتله مع الوقوف

الحل الثاني تركب قير من المديلات الجدد ويفضل ابو ٦ نمر ماهي غاليه

والمكينه الممتازه حقه الدينالي او الاسكاليد موديل ٢٠٠٥ و ٢٠٠٥

احسب التكلفه مع التركيب شامل كل شي مع قيمه الموتر اذا قريب من سعر المواتر الجدد

بيع موترك واخذ جديد

اذا عاجبك الموتر وماعندك مشكله في التكلفه ركب وتوكل على الله

والله يوفقك في مشروعك