سؤالل للصقارين اهل الصنف في الشياهين

[ابوالجازي]

السلام عليكم فيه سؤال يالصقاقير ابي له جواب .اذا جا للسوق شياهين ثنتين كلهن مواصفاتهن وحده الطول والعرض والماكر --- وحده فرخ ---والثانيه قرناسه بكر وحش مصفيه موسها تام . ايهم اغلى ثمن ؟

[barg]

السـلام عليـكم ورحـمـه الله وبركــاتـه


الاخ ابــوالجـازي


هـل سـوالك عـن الشــاهـيـن البـحـرى



اذاهـو سـالك فنعـم القنـاســه البـكـر اغـلـى


لن معظم الصـقـاريـن يفضـلـونها.

[البحارى]

هلا اخويا احنا فى ليبيا نفضل الفرخ الشاهين وشكرا

[ابوفيصل السهم]

هلا ابو الجازي
الظاهر ان الفرخ اغلى من القرناسه
والله اعلم :)

[رضوان]

السلام عليكم
اكيده الفرخ اغلاء وافضل من ناحية العمر و السرعه وسريعة التدريج

[أبوتركي]

وعليكم السلام ورحمة الله وبركاته .........

أخوي أبو الجازي ... مثل ماقال أخوي رضوان الفرخ أغلى مافيه شك .... وبكثير بعد ...

تحياتي لك ..

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير يا خوي ابو الجازي
سؤالك إذا .إذا . إذا جا شيهانه مصفيه وقصدك البحري أول الوقت اكيد لأن الجبلي
دايم يصفي أنا عن نفسي باخذ القرناسه بأغلى لأني أول من ينقل قرناسه
مصفي في المنطقه الغربيه ويمكن فالمملكه .
والسلام
الفيتو
الحجاز
22/5/1427هـ

[سود العيون]

السلام عليكم ورحمت الله وبركاته
اصراحه من صوبي اقول القرناس اغلى

[ابوفيصل السهم]

ابو الجازي

السلام عليكم ورحة الله وبركاته

بالنسبة لسؤالك انا ردية عليك وانا مستعجل شوي اذا كانت قرناسة بحرية ومصفيه فهي اغل من الفرخ لكن اللي ابقوله ان مافيه شيهانه بحر تصفي الا قليل جداً جداً والله اعلم :rolleyes:

[المري]

ابو الجازي

اذا جات قرناسة بحرية مصفية وبكر وفرخ ونفس التواصيف والحجم وكل شي فالفرخ اغلى لأسباب منها:

1- لسرعة صقرة الفرخ فهي يطيح راسها بسرعة وتطبعها على الطبوع الزينه..
2- لزين النفس فالفرخ غالبا نفسها سمن على عسل.
اما القرناسة فهي افضل بشي واحد:
لكثرة صيدها ومعرفتها بأكثر الصيد..

وسلامتكم

اخوك / المري

[أبو شعلان]

بسم الله الرحمن الرحيم

الـــــــفـــرررررررررررررررررخــــــــــه

وعسانا ناصل قيمتها

ـــــــــــــــــــــــــــــــــــ وتقبل تحياتي ـــــــــــــــــــــــــــــــــ
:j :j

[وكاد]

الله الله الفرخه يابعدي

[طيب الفااال]

ابو الجازي السلام عليكم اولن انا الصراحه من المتابعين لك وتعجبني مواضيعك و(قصائدك) 00 اما بنسبه للموضوع انا افضل الفرخه لسبقها وهي اغلى في السوق اما القرناسه فهي افضل من ناحية معرفتها لانواع الصيد ولاكن لاشك ان الفرخه اغلى و (اجمل)000وشكرا

[alwammy]

نفس ما قال اخوي المري
حسب ما مرو علي شفت ان الشواهين كل ما كبر في العمر كل ما زادت رغبته في الصيد وتزيد خبرته وذكائه
بس غير يوم اييك الطير بعده فرخ تعلمه على كيف كيفك
فأنا افضل دووم الفرخ
والفرخ لازم بفكري انه يكون اغلى من الجرناص لان الجرناص ما يرد فرخ

[ابوالجازي]

السلام عليكم ورحمة الله وبركات

اخواني واعزائي

برق

البحاري

ابوفيصل السهم

رضوان

ابوتركي

الفيتو

سودالعيون

المري

ابوشعلان

وكاد

طيب الفال

الوامي

اشكر لكم مروركم ووجهات النظرو ارائكم واشكرك ياطيب الفال على اهتمامك بمواضيعي

وعلى مايقول النفس ومااشتهت اللي يفضل الفرخ واللي يفضل القرناسه

اما وجهة نظري ان القرناسه البحريه البكر اذا هي مصفيه والموس ناشف افضل وارغب من الفرخ البحري اذا كلها بنفس المواري لان اناس تعاف الشياهين لانها ما تقرنس وهذي جايه مقرنسه جاهزه يعني تقرنس كل سنه وريشه سليم وطري مثل الفرخ لكن القرناسه تفضل الفرخ بانه قد مارسة عملية الصيد اكثر من الفرخ وقد تكون قد صادت من الطيور الكبيره يعني ماتبي تعليم دهل وهد

والدليل على انها اغلا الحرار اذا الفرخ والقرناس الوحش مواريها وقطعتها ولونها واحد القرناس اغلا ولا يختلف فيها اثنين لان الحر يقرنس قرناس كامل الريش

ارحب بالمداخلات لتصحيح وجهة النظر