فااااااااااااااارط و سبوووووووووووق !!!

[عـــرادي]

السلام عليكم ورحمه الله وبركاته

من تجربتي الخاصه في الصقور

ومن خلال بيع و شراء ومشاهده وتصفح انترنت

لاحظت تفاوت كبير بين اخواني الصقاقير في

تحديد كلمه ( فااارط و سبووووق ) واتوقع ليس السبب

عدم مصداقيه او كذب من صاحب الصقر

ولكن السبب الحقيقي عدم وجود معيار ومقياس ثابت

يتم من خلاله تحديد ابعاد هذه الكلمااااااات .

في الموسم الماضي !!

كلمني رجال صدوق ومحترم شرواكم

قال يا بدر فيه طير سبوووووق و فارررط عند خويي

والرجال يبي يبيعه بسعر معقول قلت بجيب حمامتي

قال حيااك الله ، ورحت لم الرجال في المدعئ

وفكيت حمامه حقت طير سبوق وطردها الطير شوي وخلاها

ومشينا انا وخويي وراء الحمامه وخويي يقول هالحمامه

من وين جايبها ما يلحقها طير ابد قلت دقيقه وهديت طير معي

وشوي الا الطير معلقها ، وجلسنا نتقهوى و نسولف مع بعض

والاحظ ان اخوياي منحرجين مني قالو والله ما توقعنا فيه طير اسبق من طيرنا ابد

وحنا نذكره انه فااارط ولا عندنا خبر ان فيه اطيور تسوي كذا و فيه حمام سبقها كذا

وقلت تبون الصراحه طيري اللي لحقنا فيه مهو فااااارط ولكن اهل الصنف

يعدونه سبوووق وانا ادور على شي اطيب منه .

الشاهد في الموضوع ان فيه صقاقير ما شافو طيور فارطه وسبوووووقه ابد

ويبيعون طير ويقولون عنه فاااارط ولما يجي الطير عند اهل

الصنف ، يقولون اهله كذابين او غشاشين .

حبيت نتناقش حول هذا الموضوع لتعم الفائدة


مع خالص حبي وتقديري ،،،،

اخوكم / بدر العرادي

[ذيب البر]

مرحبا ومسهلا يابوفهد

عز الله صدقت وان شاء الله نظن زي ماقلت في اخواننا الصقاقير الظن الحسن كل الطيور فارطه وسباق على كلام اهلها واذا جيت وشفتها ندمت على المشوار الي ضربته لمدعاهم والادهى اذا سافرت علشان تشوف طير جايتك علوم ان مافوقه ولا طير وراعيه يقول فارط وسبوق واذا جيت والى وش تشوف

بس نرجع ونقول المقياس يختلف من شخص الى اخر فيه ناس اذا ارتفع طيره مع الصيده قال راح في مرابيع النجوم حتى لو الارتفاع بسيط شفت ناس واجد من هالنوعيه وصنف ثاني ما يفرق بين الارتفاع والسبق والصمله

تحياااااااااااااااااااتي يابو فهد

[عواد الشمري2]

كلااام يابدر سليم ميه بالميه ونشوف قول الخوان

[THE SNIPER H]

الفاراااارط والسبووووق تختلف من شخص لاخر لانها ليس لها معايير محدده او قواعد اوشروط
ويبقي الحكم هو المدعي

[النـادر]

هلا يابو فهد

وش حالك وحال شيبانك عساك بخير دايم

والله يابو فهد اني متحرج من هالموضوع من زمان واخاف اقولها ويقولون بعض الاخوان اني اشكك في صقارة الكثير منهم

لكن على ماقيل سالفة وانفتحت

ابو فهد الطيور السبق الفارطة شي نادر جدا جدا ويمكن يموت الصقار وهو مانقل منها شي بل يمكن يموت وهو ماشاف هدد واحد منها بس بالذكر يسمعه

انا شخصيا مرني واحد والله يعوضني عنه من اكثرمن تسع سنين وكنت احسب اني اعرف للطيور السبق وارمع واقيم طيور الين مرني ودريت ان الفارط شبه معدوم ومن بعده عفت الحرار اشري وابيع شي يمدحونه اهله وشهوده ولا لقيت اللي ابيه وخليت الحرار كلها واتجهت للجير يمكن الاقي به ضالتي

لكن الزبده الفارط فالطيور شي استثنائي اما الطيور السبق فيمكن تلاقي ويتفاوت سبقها بين السبق والصمله والمشكله ان الصقاقير يحسبون الصيد عقب الطراد الطويل سبق وهذا خطا هذي صمله ماهي سبق
السبوق مايمتع فالهدد والفارط فالتلاحيق مايطرب بالطرد ثواني وهو لاحق ومعلق ,,,,,, والله يرزقك بالفارط يابو فهد

[الصحافة 15]

كلامكم على متمه وفعلا ما بعد شفت طير فارط

[@السيف@]

بيض الله وجهك دايم مواضيعك شيقه وهادفه
اتوقع هناك عدة عوامل تؤثر في سرعة الطير قد يكون فارط لكن صقاره ما برز او حث الطير علي ابراز سرعة الطير مثال هدد الطير علي حمام عادي وبذلك الطير يصيد باقل مجهود له
وكذلك عامل الجو ونفسية الطير والعامل الاهم هو كيفية تعامل الصقار مع طيره
هذا مالدي من معرفه وننتظر اهل الخبره

[فريز الوغى]

عز الله كلامك عين الصواب

لاهنت على الطرح

[دكواااان]

هلا وغلا بأخوي بدر

فتحت باب والمفروض من زمان مفتوح مع اني قديم بمكشات لاكن ردودي قليله الا في بعض المواضيع المفيده..

بالنسبه لي لو طيري سبووق مب فارط وسألني عنه حد بقوله للذمه واطلع بوجه ابيض الطير جناحه طيب والميدان يثبت اكثر...

لاكن عندي نصيحه للصقاقير وعساها تعجبكم ءان شاءالله مقيوله لي من زمان:
اتعب على طيرك وخل العيب منه ولايكون منك يالصقار..

الفارط صعب وموجود والنصيب والقدر يلعب دوره لاكن قلل من ذكر جناح طيرك للشاري علشان لاظهر فارط عنده قال بيض الله وجه الرجال صدوق..

يسهل كلمة فارط ويصعب فعله لاجت وقت الفعل...
بيض الله وجهك يابدر وياليت اللي يبيع يتكلم بالمعقول ..

بالتوفيق للجميع..

[ط مباركي]

بيض الله وجهك


يعطيك العافيه

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخيرياخوي / العرادي
.
حيالله بو فهد زانت علومك .. كلامك في محله
وانا عندي طيور كنت اظنها فارطه لكن جوني ربع من الرياض
والشمال والشرقيه
وشافوا هددها اللي عجبني لكن قالوا هذا يعتبر عادي عندنا
قلت الوعد ام المعارك
وابشرك وردتها وبرهجت كبدي
ههههههههههه
الشاهد ان الطيور تمر بصواديف قد يقول الرجل كلام ويخلف هقوته الطير
وقت الحسم
والفارط في السبق لاطار شي من قريب حبسه على الموتر
*
والسلام
AL Khapt Brother of Naif
الحجاز
15-7-1433هـ

[سلطان 1]

ابو فهد الله يمسيك بالخير.


سبق وان هالموضوع جاااااااء فيه جداااااااااال وكلن أدلا بدلوه.

لكن انا اشوووووف ان الحماااااااااااام ماهوب مقيااااااااس للحووووووق الطير.

اللحوووق اللي تعده الرجاااااال علي الصيده / الحبااااااراااا عقب طير وهي شرااااره وهد رااعي الطير ولحق لين حولبهاااا هذااا اللحوووق اللي عليهاااا الكلاااااااام.
والا كروااااااااان عقب طير وخفو بعد ولحق الطير هذا ابسميه لحوووووق.
امااااااا علي حماااااامه حتي لو هي مرتفعه حيل تبقي ضعيفه ادناااا ما اخلفهااااا وتنزل للطير من تهقااا انه بيااااصلهاااااا.

ممكن مع الحماااامه تشوووف رمعه جناااحه اما انك بتقول انه يلحق علي حماااااامه انا ضد هالشي.

يعني كلمه يلحق والا فاااااااارط صعبه.
لو الحبااااري عندنا مثل الدول اللي برااااا
اشهد ان كل وااااحد بيعرف كلمه يلحق والا فااااارط.
والله اعلم.

[(هزاع)]

الموضوع ذوشجون
السبق والصمله
اما ان تقيس سبق الطير على الحمام بتظلم الطير بعض الاحيان
بعض حمام القلبان اللي مشبوك الليوم بعنايه والله صواريخ يابدر ولايلحقنه فروخ الشياهين ولاهو قياس سبق لامسكته من تحت الجناح تقل به نفاضه
وبعض الطيور تتعرض لمعامله سيئه وعدم جرد فيقل ادائها حتى لو انها سبوق وتاصل للفارط
والصمله غير الطير يجهد بالطلب وتشاهده وتعرف طيرك انه صامل ولايقيم من هده واحده قد يرجع بعض الاحيان لنفسية الطير وبعض الاحيان لصقاره وبعض الاحيان لصنع الطيروعوامل اخرى
لاكن الحمام ماهو مقياس
وهده واحده ليست مقياس % ان كان الطير مخبور
لاكن لاقال راعي الطير طيري ناقصه جرد امهله لاين يقول تفضل

[انور العنزي]

هلا ب اخوي ابو فهد.اما بخصوص الطير الفارط انا من وجهة نظري ماهو بهالندره اللي تكلمو فيها الاخوان فيها طيور فرط وكثير بس اللي عنده طير فارط مايفرط فيه يعني اللي عنده طير فارط حتى لو طلع مايروح بعيد يعني بنفس المجموعه فعلا فيه ناس مايعرفون الفارط او وش يعد جناحه من الطيور وانا من وجهة نظري الطير السبوق مااحكم عليه من صيده يعني يوم اهده على الصيده يبين من لفحت جناحه فيه طير سبوق مطقين والثالثه خلاها وفيها طير سبقه حلو وصملته احلى وفي طير حنى نسميه تلاب يعني يرقى ورى الصيده وهي تروح وهو عندك وهو مسبرها واذا تعلاها او انزلت الحمامه ورد واكيد سرعته بالنزول بيكون فارط الطير السبوق جبله اسبق الحمام ويردها لو مايصيد سجل على حجله فارط واسف على الاطاله

[falcon 1]

السلام عليكم ورحمة الله وبركاته
اولا اشكرك اخوي عرادي على الموضوع

وكلامك في محله ..كيف نقيس سرعة الطير

انا بذكر قصة صارت مع الربع فالمدعى

في عندنه قاعده عسكرية دايم ندعي حوله ..ونلقي فيها الدحل العابر ( اظن اسمه السوادي بالسعودية)..وانتم عارفين هالحمامه يالربع. الربع فكو فروخهم الشياهين,,, ويمكن تطرحه بعد هههه...المهم اطرحو حمامه ونتفو منها وهدوها للطيور الباقية ...الطيور ما قدرت معنها سبوقه...قال واحد من الربع فالجهاز ..ابهد ( عنده جير حر )...قالو يا رجال لا تهد فروخنه ما طرحته,,تبي ذا العقاب يطرحه...قال راعي الطير مالكم شغل ..ويدوجون الين تطير 3 حمامت من القاعدة ..ويفك طيره ...ويرتفع الجير ويذوب فالسما..الربع قالو يا خوك طيرك ماهو بصوبنه ..قال مالكم شغل خلو عيونكم عالحمام ...شوي ولا نشوف الحمام طيارانه ماهو طبيعي ولا الجير خار من السما وطاق وحده ومنزله بالقاع تقول حاذفه حذف ...وينزل معه لكن المواتر تجمعت والطير يخاف من الزحمه كان يطير ويحول على الحمامه الثانيه..ويلحقه ويعلقه وينزل ويتعشى. جا واحد من الربع قال الي صار قدام عيني مو صدق هههههه محد مصدق

لو تقولي اوصف هالطير فعلا اوصفه ب فارط وسبوق ..والله اعلم

فعلا ما هو الفارط والسبوق

نشوف اراء الربع الله يجزاهم خير

والسلام عليكم ورحمة الله وبركاته

[حمد العذبي]

عليكم السلام ورحمة الله وبركاته

حي الله ابو فهد

اسمحي يابو فهد ببدي رايي
انا شوف ان السبق موجود في الطيور ولاكن مع الاسف نقضي عليه بعدم الاهتمام في الطير من ناحيه الفحص والوقايه من الملووع والكوكسيديا وغيرها والتجهيز الصحيح وبعدها يبدا دور الطير وهذي الامور ماعتقد انها بطووف على الصقار الماهر
واعتقدالصقاقيرعليهم دور كبير في تجهيز80%
و اجهاد الطير والهدد القوي وتعليم الطيرالترك وامور كثيره تنهي الطير السبوق اذا ماكان مجهز للهدد القوي

والشاهد اني ااعرف واحد من الربع عنده طير من اسبق الطيور ا وباع الطير
بمبلغ خيالي ومع الاسف تعرض مع صقار الجديد وهو يتحملها حسب علمي لصواديف لدرجه اني ماصدقت ان هذا الطير اللي كان مع خوينا لين قربت منه موكر

[مخاوي دابذريع]

صدق اخونا سلطان وبيض الله وجهه

[عبدالرحمن بن ذياب]

انا مع راي اخوي حمد لا هنت يا بو فهد

[الينااااوي]

الفارط صعب وموجود والنصيب والقدر يلعب دوره لاكن قلل من ذكر جناح طيرك للشاري علشان لاظهر فارط عنده قال بيض الله وجه الرجال صدوق..



كلاااام ميه ميه

[ابرق الحرار]

بالنسة لي لم اقتني طير طرح حمامة سواديه او احد الزملاء الصقاقيرحتى تاريخه ولم اشاهد طير وانما نسمع كلام كثير ان فلان طرح طيره سواديه وفلان لحقها طيره وقرب من طرحها

[راعي شلهوب]

اشكرك اخوي ابوفهد على طرح الموضوع والله يعطيك الصحه والعافيه
كلااااام النادر عز الله جابه على الجرح ولا قصور بالاخوان
وهاذي مشكله صحيح ناس واااجد وعاااالم مايفرق بين السبوق والتلاب فمابالك بالفارط
لكن ودك الواحد يعطي كلن على جوه لان الصراحه تزعل و لاتشتري الى على شوف عينك
تقبل مروري

[راعي غضبان]

مرحبا ومسهلا يابوفهد

عز الله صدقت وان شاء الله نظن زي ماقلت في اخواننا الصقاقير الظن الحسن كل الطيور فارطه وسباق على كلام اهلها واذا جيت وشفتها ندمت على المشوار الي ضربته لمدعاهم والادهى اذا سافرت علشان تشوف طير جايتك علوم ان مافوقه ولا طير وراعيه يقول فارط وسبوق واذا جيت والى وش تشوف

بس نرجع ونقول المقياس يختلف من شخص الى اخر فيه ناس اذا ارتفع طيره مع الصيده قال راح في مرابيع النجوم حتى لو الارتفاع بسيط شفت ناس واجد من هالنوعيه وصنف ثاني ما يفرق بين الارتفاع والسبق والصمله


تحياااااااااااااااااااتي يابو فهد كلام ياذيب البرفعلا كلا وماشاف من الطيور والف شكر لك اخوي يابوفهد وتقبل تحياتي

[اقدم صقار]

هلا بك يا بدر العرادي
موضوع مهم والتفريق بين السبوق والصامل اهم
انا من وجهة نظري ان السبوق هو اللي ما يخليك تمتع بالهداد ، يعني على طول هد وشوي وهو لاحق ومنزل الصيده يعني شي خيال وبذكر قصة لشيهانه كانت لي والله انا فكينا سواديه سلم والمواتر واقفه قال خوينا انا هديت الحمامه يبي يفحص الطيره المهم الطيره معنا في الارض قمنا وفكيناها ولحقت وعلقت وهي ما تغبت عن النظر والمواتر واقفه هنا الفارط ويقال سبق فارط ، الله يبارك لراعيها فيها
اما الصامل هو الطير اللي يقعد يرقى ويجعر والحمامه او الكروان او الحبارى تروح خفو وتسوق معه وتكسر موترك واخر شي يورد من النجوم ويقولون هذا سبوق ، لا انا اقول تلاب وصامل
لاكن انا بقول للشباب اللي يقولون الحمام ماهو مقياس للطير طيب بقول لهم وش تبون تقوسون السبق فيه ، حباري !!! كراوين !!! انا اقول بعض السوادي والزاجل اسبق من الكراوين ويروح على فروخ الشواهين
وقتنا وقت حمام وملواح والسبوق في نظري اعرفه من جناحه لو على شلو ، السبوق (الفارط) والله انك تعرفه من يوم يومي بجناحه والفاسد فاسد
اسف على الاطاله
اخوكم ابو منصور

[جير دبي]

انا من وجهة نظري الطير الفارط نادر
ولكن يلجأ بعض صقاقير بوصف طيره بالفارط
وهو بعيد كل البعد عن هذه الصفه
تحياتي على هذا التنويه

[بالون]

حياك الله يابو فهد علومك بشرني عنك
.... الطير الفارط من يومه يطير من ايدك ولو هو مانجرد بين...
وجهت نظر واسلم وسلم

[عـــرادي]

الله يبيض وجيهكم و يكثر خيركم

واشكر الجميع على المداخلات الطيبه

والتي نستفيد منها الكثير

عز الله انكم راس مال

مع خالص محبتي

بدر العرداي

[معسف العاصي]

ماقد شفت طير فارط الا في قناة الواحه عرضت مسابقة الشيخ فزاع للصقور .... صح انها على ملواح بغض النظر عن الصمله ورغبة الطير بصيدته لكن فعلا فيها طيور من يوم تكفخ تشوف جناحه فاارق حيل وقوي يعني مالوم راعيه لو يقول فارط .
وفيه صقاقير يقول طيره فارط أو سبوق وهو ماهو سبوق لكن يعرف يطرد وله دبرته مع صيدته خاصه القرناس يحاول يصيد بسرعه وبأقل مجهود
ويعطيك العافيه يابو فهد

[عـــرادي]

معسف العاصي
الله يعافيك يالغالي
واسعدني مرورك الكريم

[صقار محترف]

كلامك صح
لكن مربط الفرس ياخوك في الصقاره نفسها
الصقار الخبير يعرف السبوق الفارط من غيره

[بو غازي]

بعد إذنك يابو فهد رفعت الموضوع هذا لأني لاحظت مناااقشات ومداخلات في قسم البيع والشرااء يناقشون فيها بعض الطيور السبق او الفارط بمعنى اصح وللأسف ما لقيت لهم مناقشات هنا مع العلم ان النقاش حاااااد في موضوع الرجال الي ببيع طيره وهو ماعرضه الا لغرض البيع ماعرضه للنقاش والرجال حر يقيم طيره فارط ولا اسبق طير في العالم ولا طيري مافي اسبق منه هو حر محد شاركه في حلاله والي بيشتري بيشتري من حر ماله والرزق يسوقه الرزاق
ارتقوا بأساليبكم أعيد واكرر تم رفع الموضوع لان الي عنده ملاحظات او عنده مداخلات بخصوص تسميه الفارط هذا الموضوع مافتح الا للمناقشة اتمنى الي عنده معلومات وافاده عن موضوع الفارط يتحفنا بافادته هنا في هذا الموضوع ولا يتعرض سلع الناس ويقيمها
وآسف على الاطاله

[الشلاعي]

هلا يابو فهد

وش حالك وحال شيبانك عساك بخير دايم

والله يابو فهد اني متحرج من هالموضوع من زمان واخاف اقولها ويقولون بعض الاخوان اني اشكك في صقارة الكثير منهم

لكن على ماقيل سالفة وانفتحت

ابو فهد الطيور السبق الفارطة شي نادر جدا جدا ويمكن يموت الصقار وهو مانقل منها شي بل يمكن يموت وهو ماشاف هدد واحد منها بس بالذكر يسمعه

انا شخصيا مرني واحد والله يعوضني عنه من اكثرمن تسع سنين وكنت احسب اني اعرف للطيور السبق وارمع واقيم طيور الين مرني ودريت ان الفارط شبه معدوم ومن بعده عفت الحرار اشري وابيع شي يمدحونه اهله وشهوده ولا لقيت اللي ابيه وخليت الحرار كلها واتجهت للجير يمكن الاقي به ضالتي

لكن الزبده الفارط فالطيور شي استثنائي اما الطيور السبق فيمكن تلاقي ويتفاوت سبقها بين السبق والصمله والمشكله ان الصقاقير يحسبون الصيد عقب الطراد الطويل سبق وهذا خطا هذي صمله ماهي سبق
السبوق مايمتع فالهدد والفارط فالتلاحيق مايطرب بالطرد ثواني وهو لاحق ومعلق ,,,,,, والله يرزقك بالفارط يابو فهد
هذا الكلام:good2::good2::good2:

[الشلاعي]

هلا بك يا بدر العرادي

موضوع مهم والتفريق بين السبوق والصامل اهم
انا من وجهة نظري ان السبوق هو اللي ما يخليك تمتع بالهداد ، يعني على طول هد وشوي وهو لاحق ومنزل الصيده يعني شي خيال وبذكر قصة لشيهانه كانت لي والله انا فكينا سواديه سلم والمواتر واقفه قال خوينا انا هديت الحمامه يبي يفحص الطيره المهم الطيره معنا في الارض قمنا وفكيناها ولحقت وعلقت وهي ما تغبت عن النظر والمواتر واقفه هنا الفارط ويقال سبق فارط ، الله يبارك لراعيها فيها
اما الصامل هو الطير اللي يقعد يرقى ويجعر والحمامه او الكروان او الحبارى تروح خفو وتسوق معه وتكسر موترك واخر شي يورد من النجوم ويقولون هذا سبوق ، لا انا اقول تلاب وصامل
لاكن انا بقول للشباب اللي يقولون الحمام ماهو مقياس للطير طيب بقول لهم وش تبون تقوسون السبق فيه ، حباري !!! كراوين !!! انا اقول بعض السوادي والزاجل اسبق من الكراوين ويروح على فروخ الشواهين
وقتنا وقت حمام وملواح والسبوق في نظري اعرفه من جناحه لو على شلو ، السبوق (الفارط) والله انك تعرفه من يوم يومي بجناحه والفاسد فاسد
اسف على الاطاله

اخوكم ابو منصور

:good2::good2::good2: