اريد نصيحتكم في الكاميرات الاحترافيه

[الزهراني007]

السـلام عليـكم ورحمة الله وبركـاته

كيفكم إن شاءالله بخير

حبيت اسئلكم يا أهل الخبرهـ

انا ابي كام سعره مايتعدى 2000 ريال

وابي يكون الزوم حقه قوي
والتصوير والميقا بكسل كوويس
يعني 18 وفوق
ويكون وضوح الفديو اتش دي

يعني بالعربي بما انكم خبرهـ تصوير احترافي
وش تنصحوني بما اني مبتدى

للعلم حالياً املك كاميرا Canon PowerShot SX 240

وشكراً لكـم

[ابوقبلان الرس]

صعبه انك تحصل احترافيه ١٨ ميغا بكسل ب٢٠٠٠ ريال.

فيه انواع نيكون وكانون واسعارهن من ٣٠٠٠ وفوق.

[الزهراني007]

انا اعجبتني كانون d550

سعرها 2700

بس نتظر الأخوان يعني كانون دي 550 كويسه ؟
وزومها كيف

للعلم لو بشتري
بشتري من كام فور سيل

[abo tariq]

شوف يالغالي

18 ميجا بيكسل منت بحاجتها
لان الفرق بالبيكسل هو حجم الصورة فقط
والي يحتاجها هم الي يبون يطبعون صور بمقاسات كبيرة
كبر الجدار مثلا وتوصل الى 5 متر في 8 متر مثلا
انت اكبر شي ممكن تطبعة 60 سم في 40 سم صح والا لا

اذن يكفيك حتى 10 ميجا بيكسل يالغالي

نجي للزوم اولا العدسة الاساسية مطلوبة وهي 18-55 او 18-135
ولو قدرت تشتري 18-200 يكون افضل بكثير جدا

لكن وفق ميزانيتك الي انت طرحتها

دور كام 550 بدون عدسة مستعمل ونظيف جدا بحدود 1400 الى 1600

ودور عدسة 18-55 بحدود 300 الى 450

ودور عدسة 70-300 بحدود 650 الى 850

ودور عدسة 50 ملم بحدود 200 الى 300

ومشي حالك وتعلم تصوير حتى تبدع ومع مرور الوقت والتعلم

راح يكون امداك جمعت مبلغ محرز زوده على قيمة العدة الحالية واشتر الي مزاجك فيه

[-شرياص-]

اخوي انا عندي كام nikon d3100 مسيوم بودي بَ 1500
والعدسةة 18-55 حد 500
والتامرون 70-300 mm حد 500

المجموع 2500 ريال ,, إذا تبي تاخذ الكام بودي مع العدسة الأصلية 2000 ريال + هدية ستاند+أدوات تنظيف + شنطة ..

المواصفات

14.2 megapixel ١٤٫٢ ميغابيكسل

1080p HD Video فيديو عالي الدقة

3" LCD Live View شاشة عرض مباشر

Shooting Speed 3 fps عدد الصور بالثانية

11-Point Autofocus عدد نقاط التركيز

ISO 100-3200 نطاق حساسية الضوء

محتويات الكرتون

Nikon D3100 Body الكاميرا

Nikkor 18-55mm f/3.5-5.6G VR Lens عدسة بمانع إهتزاز

بطارية قابلة لإعادة الشحن

شاحن البطارية

حزام الكاميرا من نيكون

برنامج الكاميرا

ضمان لمدة 30 شهر