انشدك عن بنتً ........................... حله ( ابو الشبرميات ) .. الحل ( المروحه )

[بحرالوفا]

انشدك عن بنتً تهرول ورا جال

وانصارت اقباله فبين مقره

واليا اندثر هالجال ماعاد تجتال

معروفتً هالبنت تجلب مسره
-----------------------------------
لعله يحوز على استحسان الجميع والسموحه انكان فيه تقصير

[الخامسي1]

بحر الوفاء منك الوفاء وانت رجال ... كتبت لغزك والعذر لا تمره

مشكور ماقصرت وابياتك إجزال ... واللي رمع بان قول لله دره

----------

تشكر على المشاركة ودمت مبدع ولنا رجعة ان شاء الله تقبل مروري وتحياتي...

[بحرالوفا]

اشكر مرورك العطر السريع وردك المعارض بابيات احلا من ابيات لغزي فلك احترام وتقدير ودمت بخير

[صقر السديرات]

يا مرحبا باخونا بحر الوفاء وصح لسانك ياطويل العمر
والرمعة يفتح الله المخ مقفل وكود يفتح باكر ان شاء الله
دمت بخير

[ابو الشبرميات]

صح لسانك يابحر الوفا
وش رأيك في
المروحة المتحركة
وبعضها يثبت في الجدران الجانبية
وتسمى بالعامي ( مروحة قعّاديّة ) يعني تجلس على الارض
...

[بحرالوفا]

صح السانك يابو الشبرميات كفو كفو (المروحه) ماشاالله عليك

[ابو الشبرميات]

ولسانك ياخوي بحر الوفاء
وترانا نبي منك التواصل الدائم في هالخيمة
واتحافنا بالجديد الله لايهينك
...