@@@هل يوجد قاموس للطواريح@@@

[ابرق الحرار]

اولا نرجوا ان يكون الموضوع فعال ومفيد
نبداء في الموضوع هل فكر احد او سبق ان ذكر انه يوجد قاموس بأسماء الطواريح في المملكة اي كل منطقه من مناطق المملكة يوجد فيها خبير يتم الاتجاه له ويتم التسجيل وبعدها ترفع الى موقع مكشات

[قناص الهمله]

فكره جميله اويد رايك

[قرناس ثالث]

الفكره حلوه

بس الطواريح واجد ياخوك

[((ابو وعد))]

في المنطقة التي تقع جنوب جده وفي حدود 200 كيلو الشعيبة والمجيرمة فقط اتوقع ان عدد الطواريح لايقل عن 2000 فمابالك اذا حصرنا معها منطقة رابغ والرايس وينبع وشمال المملكة ونجد والشرقية والجنوب اتوقع ان العدد سيتجاوز 20,000 والله اعلم

[عواد الشمري2]

وش تبي تسجل ولا تخلي ناسن واجد

[قرناس شمالي 1]

أخوي الطواريح واجد ولاكن بذكر أهم أثنين
١- بداح العماج
٢سالم الحابوط الله يرحمة

[اقدم صقار]

الطواريح اكثر من الطيور العابره
الله يرحم ميتهم ويغني حيهم وصدقني اي صقار بيطرح الوحش وعنده خبره فأنا اشوف انها صعبه تحط لهم قاموس وكل واحد يقول انا افضل من غيري ومانيب رايح لحد وكل واحد يحس انه افضل من الثاني
الله يرزقهم وكل مسلم


أخوي الطواريح واجد ولاكن بذكر أهم أثنين
١- بداح العماج
٢سالم الحابوط الله يرحمة

[ابرق الحرار]

ياربع الموضوع كبر وهو صغير انا وش ابي ب2000 وناس واجد
انا قصدي الي بيطرح طير في تلك السنة يذكر اسمه وتاريخ الطرح ونوع الطير فقط يتم الرجوع له في اي وقت بمعنى قاموس حفظ ونحن لانختلف ان فيه طواريح معروفين وطواريح غير معروفين وانما للحفظ على مدار السنوات

[الذحاح]

فكره جيده اخوي بس مو كل طاروح صقار خبير فيه طواريح ومازالو في حكم المبتدئين

[اقدم صقار]

ياربع الموضوع كبر وهو صغير انا وش ابي ب2000 وناس واجد
انا قصدي الي بيطرح طير في تلك السنة يذكر اسمه وتاريخ الطرح ونوع الطير فقط يتم الرجوع له في اي وقت بمعنى قاموس حفظ ونحن لانختلف ان فيه طواريح معروفين وطواريح غير معروفين وانما للحفظ على مدار السنوات



هلا بك يا ابرق الحرار

كلامك صحيح وانا معك ليكون مرجع لنا ويكون هناك احصائيات للطيور المطروحه ومن اللي طارحها
انا مع الفكره والله يقويكم

[ذراع الذيب]

السلام عليكم ورحمة الله وبركاته,,
مسيت بالخير ياابرق الحرار..

هلااا والله وغلااا فكره طيبه ويبغالها اجتهادي شخصي..
وعندك مسعد ابن العود من مبطي ماشين على هالشي يحصون الطيور المطروحه بأسماء اهلها..
من جنوب جده الى حد اليمن وتحياتي لك,,

[(هزاع)]

من حيث الموضوع /فكره جيده
اما التنفيذ / صعب جدا
انت تتكلم عن قاره الله يحفض مملكتناودول المسلمين
انكان تقدر الله يقويك

[بارق السحاب]

السلام عليكم ورحمة الله وبركاته,,

مسيت بالخير ياابرق الحرار..


هلااا والله وغلااا فكره طيبه ويبغالها اجتهادي شخصي..
وعندك مسعد ابن العود من مبطي ماشين على هالشي يحصون الطيور المطروحه بأسماء اهلها..

من جنوب جده الى حد اليمن وتحياتي لك,,


السلام عليكم ورحمة الله وبركاته
فكره جيده بس فيها تعب بس اذا فيه تعاون بين عدة اشخاص باحصاء المطروح
وكما ذكر اخونا ذراع الذيب الاخ مسعد ابن العود عنده احصائيه اطلعت عليها انا :good2:
ولكم صادق الود

[ابرق الحرار]

صباحكم الله بالخير كل بأسمه لايخفى علينا ان هناك اشخاص يقومون على تسجيل الطواريح من فترة منهم الصقار مسعد بن العود ولكن الى متى وهو وحده لايكون هناك تعاون وترتيب للموضوع وجعله مرجع لكل صقار سواء قديم او مبتدئ وهناك اخواننا المشرفين مايقصرون منهم اخونا العزيز ذراع الذيب وجميع مشرفي مكشات والاعضاء الاعزاء