استشااااره

[راعي الشروكي0]

السلام عليكم ورحمة الله وبركاته
اخواني عندي لي فرس وجابتلها مهره امس مشاء الله تبارك الله
وش نصائحكم لي وش اعطيها فيتامينات او غيرها وطريقة علفها اغيره
وكذلك الفلوه وش اعطيها وهل تحتاج لشي في هذا السن
ومتى يتم تشبية الفرس بعد كم تعرض على الحصان
لأن ماعندي اي خلفيه عن هالموضوع واتمنى افادتي ونصحي بأي شي مفيد
والله يعطيكم العافيه

[نوريكا25]

راح يفيدونك النشامى أهل الخبرة

[قلب ذيب]

والله ياالاخو ماعندي خبره عن الخيل .
من رايي , التواصل مع الاسطبلات ومراكز البيطريه والبحث في قوقل وبأذن الله تستفيد وتفيدنا في المعلومات عن الخيل . الله يبارك لك ويفرحك بالانتاج الطيب .

[فراس التميمي]

يجي من يفيدك وانا برفع لك الموضوع : )

[راكان745]

السلام عليكم

اخي الكريم

معلومه مفيده اكبر خطاء تشبية الفرس في الصيف لانها تلد في نفس الوقت من العام القادم وافضل شي تشبيتها في الاوقات البارده او الربيعيه

الفرس تعرض على الحصان بعد 20 يوما بس لاتشبيها في الصيف

علف الفرس حاول انك تزيده شي بسيط
اما بخصوص المهره لاتعطيها شي لانها تعلف من امها حليب والفيتامينات باقي عليها ايام موب الحين واذا امها ماترضها حطها حليب عنز

وبخصوص العسافه اهل الرياض يعسفون على 4 سنين واهل الشرقيه على 2 سنه والافضل اذا هي طيبه 4 سنوات