سؤال عن المواقد ....ليه هالغلا؟؟؟

[صخب]

السلام عليكم ورحمة الله وبركاته
ياشباب بكذا موضوع شفت مواقد تباع باسعار فوق فووق ودباب كذلك
وفيه ناس شغلتها تجمع هذي المواقد والدباب والبعض مايستخدم بس يقني :good:
طيب السؤال اللي يطرح نفسه وش الفرق بين الدبه الهنديه والايطاليه؟؟
وبين الدافور العادي الهندي والسويدي؟؟
عندي دافور اللي يستخدم الغاز اللي كنه علبة فليت :D
شاريه بسبعين ريال وله عندي من 2005 وشغال ميه بالميه طبعا شاي وقهوه
واهم شي المحافظه على النظافه

[ابوفهد سليمان]

تساؤلك منطقي (من وجهت نظري) اخوي صخب

لكن للناس فيما يعشقون مذاهب

[الرحال2222]

السلام عليكم ورحمة الله وبركاته
ياشباب بكذا موضوع شفت مواقد تباع باسعار فوق فووق ودباب كذلك
وفيه ناس شغلتها تجمع هذي المواقد والدباب والبعض مايستخدم بس يقني :good:
طيب السؤال اللي يطرح نفسه وش الفرق بين الدبه الهنديه والايطاليه؟؟
وبين الدافور العادي الهندي والسويدي؟؟
عندي دافور اللي يستخدم الغاز اللي كنه علبة فليت :D
شاريه بسبعين ريال وله عندي من 2005 وشغال ميه بالميه طبعا شاي وقهوه
واهم شي المحافظه على النظافه
لو جربت موقد اصلي واقوا ممكن تغير اللي عندك
والاصلي صار ما ينلقي مقطوع
عني لو وجدت الاصلي اخذة بدون تردد ولا اجلس على التقليد ينشف الدم كل مرة استخدمة

وكلا لة وجه نظر

[دعيدع 77]

الاعتراض فقط على من يجمعها للمقنى هي صنعت للطبخ والنفخ وشبة النار
اما تجمعها بغرفة وتفرج عليها هذا هو العجب ومن اغرب مارأيت بحياتي

حاليا اغلب المقتنون اكتفوا من الشراء ولا يبحثون الا عن النادر فقط
لكن الباعة لازالوا يأملون بالأسعار العالية التي رفعها المقتنون ورحلوا

بإمكانك متابعة العروض الان فمن بين ١٠ مواقد لايباع الا ٣ تقريبا

[صخب]

والله ياجماعه ان النتيجه وحده سواء غاز اصلي والا تقليد والفكره وحده دبه وهوز وماسوره وراس
واتحدا اقوا غاااز اصلي ابو ٦٠٠والا ٧٠٠ ينافس الغاز الاسود ابو ثلاث عيون مدري كم سعره الحين خابره حدود الستين ، وتكون دبه عاديه وعليها محول ازرق هههههههههههههههه حرام بالله الذبيحه ماتعوق معه
شفت كذا توقيع من الاخوان صور دوافير وبعضهم مجموعة دباب على رف والمشكله اغلبهن من الحرب العالميه الاولى ودي اعرف وش اللمقصد بالزبط!!؟؟×

[بليزر616]

عن تجربه المواصفات لازم تكون اصليه
الدبه
الراس
واذا جينا للمواقد انا اسميها حطب الصيف اما بالشتا مافيه غير الحطيبات
هي والله الاصلي والنادر
عن نفسي اقتنيت البريموس الاحمر ولاقيت منه. غير الضيق بالعدة
وبين قوسين الكشخه عند ربعي


لاكن ترا الزين غالي والازين اغلى

[نجيدي]

جربت عدة مواقد ولكن موقد البريمس الاحمر ما شاءالله تبارك الله جعلني استغنى عنها

[بن هدهود]

كله يطلع منه ضوء ويطبخ صيني ولاغير لكن فيه ناس ترغب الجوده وفيه ناس ماعندها مشكله اهم شي يؤدي الواجب شف الي يناسبك
صح بعض الصيني يحوم الكبد لكن فيه بعضه قوي ومتين

[صخب]

يعطيكم العافيه ياشباب
صدقت اخوي ابن هدهود كلها تطلع ضو وبعدين استخدام دافور العزبه ماهو بشكل يومي اذا اشتغل خمس مرات بالشهر زييين
ومافيه احد مايرغب الجوده لكن حرص بعض الاخوان على حب الاقتناء وللاقتناءفقط هو االي سبب هالرفعه بالاسعار
شاكر لكم تفاعلكم

[wafi4sa]

اخي / صخب
اشكرك على الأهتمام بالنظافة
لكن سؤالك بان كلها تظهر ضو وتطبخ .........؟؟
اخي الكريم الأصلي صح غالي لكن بالحقيقة تجده مع الزمن اوفر لك من التقليد واسال مجرب
يعني تشتري تقليد وتحط فيه علبه غاز بــ 6 ريال ما يطبخ لك بريق شاهي ثلاث مرات لكن الأصلي تطبخ فيه
سبع مرات هذا على سبيل المثال لا ن التقليد فيه شي الكثر من الهدر للطاقة عكس الأصلي
اضافة لعنصر الأمان والعمر الأفتراضي له
وفي قديم الزمان قالوها في الأمثال (( الرخيص مخيس )) وقالوا ايضا (( ياشاري الدون بالدون تحسبك غابن وانت مغبون )) وقالوا (( يدلك على جوده السلع اثمانها )) ........الخ
كل الذين قالوا هذه الأمثال ليس كذا بل من واقع تجربه ومن قديم الزمان
اتمنى لك دائما الصحة والسعادة وتقبل مروري بود

[سرهيد]

السلام عليكم

مرحبا بك اخي الكريم

انا من الاشخاص اللي ضد ارتفاع الاسعار : لكن ارتفاعها يحكمه عدة اسباب :

1- توقف صناعتها .
2- صناعتها الجيدة .
3- تكلفت احضارها حيث ان الشحن في الغالب يفوق سعر الشراء اضف مكسب من يريد البيع .
4- اقتناءها ، وهذا هو السبب الاكبر في زيادة الاسعار .

ومن اراد ان يقولون هذه مواقد ودبات غاز للاستخدام عليه ان يذهب لسوق الزل ويقول هذي اواني قديمة وسعرها مرتفع للاستخدام ليش ...
كذلك هناك بعض الزل اسعارها خيال ... والهاوي فيها يشتريها من اجل ان يسفطها ويضعها في رف بدون استخدام ..

فالهوس بامتلاك القديم موجود في كل البلدان ومن الهوايات ...

انا شخصيا استخدم كل الانواع ما بين الاصلي السويدي والصيني ، وكلها اقوم باستخدامها ما بين وقت ووقت ، كلها هواية وحب استخدام ...

والموقد الذي لا ينزل من السيارة هو موقد بريموس الاحمر الصيني ...

فمن اراد مجرد الاستخدام فعليه بشراء مثل هذه المواقد المتوفره باسعار مناسبة ويترك تلك التي اسعارها مرتفعة ...

ما قلته يمثل وجهة نظر خاص بي وليس ملزم لأحد .

موضوع جميل ورائع

تحياتي لك

[بواسامه]

:good2::good2::good2: سم سم كلام
ولا تحزن تبقى هواية الله لا يبلانا
مثل اللي يجمع قواطي مصدية من اربعين سنه ويقول هواية
احمد ربك على انك معافى ومنشغل بماهو خير من ذلك


والله ياجماعه ان النتيجه وحده سواء غاز اصلي والا تقليد والفكره وحده دبه وهوز وماسوره وراس
واتحدا اقوا غاااز اصلي ابو ٦٠٠والا ٧٠٠ ينافس الغاز الاسود ابو ثلاث عيون مدري كم سعره الحين خابره حدود الستين ، وتكون دبه عاديه وعليها محول ازرق هههههههههههههههه حرام بالله الذبيحه ماتعوق معه
شفت كذا توقيع من الاخوان صور دوافير وبعضهم مجموعة دباب على رف والمشكله اغلبهن من الحرب العالميه الاولى ودي اعرف وش اللمقصد بالزبط!!؟؟×

[صخب]

الاخ وافي ماشا الله هالمزيون اللي بتوقيعك ناره تهاويل :D
الله يعطيك خيره ويكفيك شره
مشكورين ياشباب على التفاعل وتبقى هوايه نحترم اصحابها بالرغم من انها غريبه بعض الشئ
لكن الاغرب من ذلك كلام اخونا العزيز سرهيد

فمن اراد مجرد الاستخدام فعليه بشراء مثل هذه المواقد المتوفره باسعار مناسبة ويترك تلك التي اسعارها مرتفعة ...


يعني هاللي اسعارها مرتفه للكشخه بس ههههههه فعلا العشق جنون والجنون فنون .....حاشاكم جميعا

تحياتي لكم