الرياض >> الخرج >> حرض >> البطحاء ... من مشاه

[مكازي]

يا هلا بالمكشاتيين

السلام عليكم

الا ممكن أحد يوصف لنا هالطريق ( طبعا وانا جاي من القصيم )

الرياض >> الخرج >> حرض >> البطحاء

و ان بغى يكمل الى دبي فجزاه الله خير

( يرجى توضيح اماكن محطات البنزين لانهم يقولون انه مقطعه )

[راعي الكيف]

السلام عليكم ... مسيك بالخير يالخوي ..

وانا اخوك حط ايميلك وانا ادز لك وصف مامثله ... مصلحه واحدن من اعضاء هالمنتدى عسى وجهه يحرم على النار ...

ما اعرف وشلون احمل الملف على الصفحة فلذلك عطني بريدك وابشر بعزك


اخوك راعي الكيف
ابوسعد

[خيال الصبحا]

السلام عليكم

أنا أوصف لك بعد ماتمسك طريق الرياض الخرج
أمسك طريق الرياض الخرج وأدعس(120 يعني) بعد ماتتعدا التفتيش تجيك المخارج التاليه 10 - 9 -8 -7 -6 -5 إذا وصلن مخرج 5 تراك
وصلت الخرج.
بعد مخرج 5 تجيك أشارة تهديه(أصفر فقط)ثم بعدها أحسب أول إشاره أتركها وثاني أشاره اتركها وثالث إشاره خذ يسار وأبتل يجيك دوار الساعه أبتل معه.تجيك إشاره وتقاطع غبي(لإن الشوارع ما أدري كيف جايه)المهم إذا وصلت الإشاره أبتل سيده(سيده لإنك إذا وقفت عند
الإشاره تشوف قدامك طريقين"ماقلت لك ان التقاطع غبي"انت امسك الطريق الي قدام يسار.أبتل سيده تكون الحين على طريق حرض(وحتى تتاكد راح توقف عند إشاره التقنيه ويجيك على يسارك مبنى الكليه التقنيه)المهم أبتل سيده يجيك تفتيش التوضحيه(بعد تقريبا 75كم)وبعده تفتيش حرض(بعد تفتيش التوضحيه ب110كم تقريباً)ومن ناحية المحاطات فماهو مقطعه.ولكن الي قال لك مقطعه يقصد سيارات(يعني إذا مشيته بالليل ماتشوف سيارات إلا قليل)والا البنزين والمحطات لا.

أتمنى أكون وصلت لك الوصف.وإن كان نسيت شيء او أخطيت بشيء الإخوان يعدلونه ان شاء الله.
أتمنى أكون أفدتك.

وشكراً

[نواف 100]

هو صاق وانتبه وانااخوك للسوافي بعد حرض

[مسافر1]

عليك أخي الانتباه من هذا الطريق
أعني بعد حرض أرجو السير فيه نهاراً
لكثرة الرمال الزاحفة والتي تغطي بعض الأحيان أكثر من نصف الطريق ..

[مكازي]

السلام عليكم ... مسيك بالخير يالخوي ..

وانا اخوك حط ايميلك وانا ادز لك وصف مامثله ... مصلحه واحدن من اعضاء هالمنتدى عسى وجهه يحرم على النار ...

ما اعرف وشلون احمل الملف على الصفحة فلذلك عطني بريدك وابشر بعزك


اخوك راعي الكيف
ابوسعد

هلا ابوسعد

مسيك بالنور و الرضا و العافية

هذا ايميلي

m_ghla@yahoo.com

[مكازي]

ما قصرت يا خيال الصبحا

انا من هالحين شلت هم هالتقاطع الغبي<< امزح معك

الا ما قلت لي من بعد حرض فيه محطات او لا ( لانهم يقولون مابه محطه الا بالبطحاء )

[مكازي]

مشكور يا نواف 100

كثير نبهوني للسوافي الله يكفينا شره


ماقصرت

[مكازي]

مشكوي يا المسافر 1

انا ناوي امشي الفجر

و مشكور على تنبيهك

[الأخضر]

بانسبة لإستفسارك عن المحطات بعد مفرق حرض
الظاهر فيه وحيدة بس ، على قولكم أغبى محطة شفتها بحياتي
تذكرك بأفلام الكاوبوي اللي قبل ثلاثة آلاف سنه من قدمها .

ولكن مالك حاجتن بالوقفات كلها من الخرج إلى البطحاء يالله فوق الثلاثمية بشوي . يعني لو تبي مشيتها بالريوس .
وإذا وصلت لمنفذ البطحاء المحطات قدامك ساسكو ووحد ثانية .

[خيال الصبحا]

ما قصرت يا خيال الصبحا

انا من هالحين شلت هم هالتقاطع الغبي<< امزح معك

الا ما قلت لي من بعد حرض فيه محطات او لا ( لانهم يقولون مابه محطه الا بالبطحاء )

على
فكره نسيت
انبهك للمجاهيم.تراها
هي الموت.انتبه بالذات بالليل.
الخط مظلم والناقه ملحا.والشكوى لله

المهم بخصوص سؤالك.أول ماتطلع من الخرج المحطات بكثره(تقريباً أول 30 كم)وبالتوضحيه فيه محطه قبل التفتيش.وبعدها لتفتيش حرض (تقريباً 100-110 كم)مافيه ولا محطه.بعد تفتيش حرض ب10كم تقريباً فيه محطه

أتمنى اكون افدتك

وشكرا

[مكازي]

مشكور يالاخضر

ممكن تقولي من وين اروح للخرج وانا جاي من القصيم

الله يوفقك انت و الاخضر

[مكازي]

الخط مظلم والناقه ملحا و المزايين بالشام

كفيت و وفيت يا خيال الصبحا

[الأخضر]

وأنت جاي من القصيم لا تدخل مع وسط الرياض
ويبي يجيك الدائري الشمالي للرياض وأنت متجه للجنوب
وتبي تشوف لوحة مكتوب عليها الدمام إتجه معها للدمام وإتجه للشرق
وتعد مخرج 5و6و7 وإذا جيت رقم 8 تشوف مكتوب طريق الخرج على يمينك إتجه معه وإجنب ولا يردك إلاّ الخرج .
ومنها إلى طريق حرض وينتهي بك في منفذ البطحاء وإذا حبيت تريح بعد هالمشوار وتغدى وتبرد شوي فيه المحطه الأولى جنب ساسكو أشوف فيها غرف وناس واجد يوقفون فيها ، بس تراها شكلها كذا أمورها سمحه وأنا ما دخلتها لأني ما أواطن الوقفة في الطريق
و تصير عند المنفذ قطعت من القصيم حول 800 كم تقريباً . ويبقالك حول 500 كم وتاصل دبي _ يعني قصة ظهر _
تحياتي .

[السارب]

السلام عليكم

حسب خبرتي بتلك المنطقة وكثرت ترددي عليها لكم مايلي

القادمين من الرياض او القصيم الافضل الذهاب من طريق الرياض الدمام مفرق سلوى البطحاء

التحرك بعد صلاة الفجر للوصول الساعه الثامنه تقريبا لمنفذ البطحاء الغويفات

يستحب الوقوف بمحطة ساسكو وترتيب الا غراض وتعبي بنزين الانه غالي عندهم

بعد الغويفات تمشي منطقه صحراويه طريق سيدين مساقة ال400 كيلو للا بوظبي

[محتري السيل]

طريق خطر خصوصا في الليل ولا تمشي بدون النور العالي ولايهمك المواتر والتكبيس

قبل خمس سنوات صدمت لي ناقة وقعدت ساعة ماحولي أحد .... وزين اني جيتها عرض ولا وقفت الا عند نحرها

المشكلة قبل صدمت الناقة مار عليها واحد نذل ولا نبهني ماأدري هو شافها والا لا

لا يجيني راعيها يطالبني بشي جعلها توطاه عقب ماصلحت موتري بأكثر من 10 الاف وبعته ب 25

وخلال النهار زوابع ورياح غريبة وطقس متقلب ........

مره جانا عج وهواء وشينكو وليحان تطاير وقفت ورى تريله قسم بالله ما أشوف الا الصدام

ومازال الوضع على ماهو عليه .... حفريات وكثبان رملية ولو تمشي جلد أبرك لك

وانصحك بأن تسلك مفرق الهفوف بعد الوسيع على ما أظن على طريق الرياض الدمام بدال روحتك للخرج وحرض

[الضاري]

الخط مظلم والناقه ملحا و المزايين بالشام

كفيت و وفيت يا خيال الصبحا


:D :D :D

ههههههههههههههههههههه

[fers]

اترك عنك الخرج ورح طريق الحسا افضل بس لاتروح وحدك خذمعك خوى يوسع صدرك

[خيال الصبحا]

السلام عليكم
فعلاً مثل ماقال السارب
وإذا مالك حاجه بالخرج أو بحرض
لاتمرها.الخرج لحرض طريق مظلم وخط أقشر
وإذا مالك حاجه أتبع وصف الرجال(القادمين من الرياض
او القصيم الافضل الذهاب من طريق الرياض الدمام مفرق سلوى البطحاء)
والسيدين مايقارن بالسيد واحد.

الأخ محتري السيل الي أسمعه من الناس أن الي يصدم ناقه بالليل راعي الناقه يغرم له.وبالنهار لا.
وشكراً

[مكازي]

وأنت جاي من القصيم لا تدخل مع وسط الرياض
ويبي يجيك الدائري الشمالي للرياض وأنت متجه للجنوب
وتبي تشوف لوحة مكتوب عليها الدمام إتجه معها للدمام وإتجه للشرق
وتعد مخرج 5و6و7 وإذا جيت رقم 8 تشوف مكتوب طريق الخرج على يمينك إتجه معه وإجنب ولا يردك إلاّ الخرج .
ومنها إلى طريق حرض وينتهي بك في منفذ البطحاء وإذا حبيت تريح بعد هالمشوار وتغدى وتبرد شوي فيه المحطه الأولى جنب ساسكو أشوف فيها غرف وناس واجد يوقفون فيها ، بس تراها شكلها كذا أمورها سمحه وأنا ما دخلتها لأني ما أواطن الوقفة في الطريق
و تصير عند المنفذ قطعت من القصيم حول 800 كم تقريباً . ويبقالك حول 500 كم وتاصل دبي _ يعني قصة ظهر _
تحياتي .

مشكووووووور يالاخضر

والله ما قصرت

[مكازي]

السلام عليكم

حسب خبرتي بتلك المنطقة وكثرت ترددي عليها لكم مايلي

القادمين من الرياض او القصيم الافضل الذهاب من طريق الرياض الدمام مفرق سلوى البطحاء

التحرك بعد صلاة الفجر للوصول الساعه الثامنه تقريبا لمنفذ البطحاء الغويفات

يستحب الوقوف بمحطة ساسكو وترتيب الا غراض وتعبي بنزين الانه غالي عندهم

بعد الغويفات تمشي منطقه صحراويه طريق سيدين مساقة ال400 كيلو للا بوظبي

شكلي يالسارب بمشي مع هالطريق منها على الاقل نشوف الاحساء

عندي سؤالين اذا تكرمت :

1 ) ممكن توصف لي وشلون ناصل الاحساء هل هو من عند مفرق جودة او مفرق ثاني وكم المسافة من الرياض الى الاحساء ( شكلي بريح بالاحساء لأني جاي من حائل ) ( هالسؤال به حوالي عشر اسئلة )

2) كم سعر لتر البنزين عندهم ؟

[الأخضر]

أخوي مكازي
أبتلقف وأجاوبك
بالنسبة لكيفية وصولك للأحساء فطال عمرك إذا جاك دايري الرياض الشمالي مثل ما قلتلك إتجه للدمام مباشرة وإذا وقطعت حول الـ 100كم تجيك لوحة بعد التفتيش مكتوب عيها منتزة ( سعد ) بكسر السين وتسكين العين والدال . لف مع هالطريق وأوله مزدوج ثم يصير خطن واحد ، وسيّد وساعة ونصف إلاّ وأنت واصل بالسلامة للإحساء .
والمسافة من الرياض للإحساء حول ثلاثمية وشوي .
وإذا طلعت من الإحساء رح شرق جهة طريق سلوى قطر وتشوف لوحات منفذ البطحاء والإمارات ...

وبالنسبة لسعر لتر البنزين في الإمارات كان العام الماضي بـ ( 110 - 120 ) فلس يعني بريال وشوي وقيمة الفلس حول القرش تقريباً ، ولكن قبل حول ستة أشهر صدر قرار عندهم وإرتفع سعر اللتر إلى حوالي ( 150 ) فلس تقريباً .

وبالنسبة للديزل عندهم أغلى من البنزين لأنهم يستوردونه فالسيارة اللي تعبيها ديزل في السعوديه بـ (25) ريال تعبيها بالإمارات بمية ريال تقريباً هذا قبل الزيادة فيمكن الحين تاصل 150 ريال . فكان أول عندهم بـ ( 150 ) فلس والظاهر إنه وصل حول الـ (170 ) فلس تقريباً .
تحياتي .

[خيال الصبحا]

السلام عليكم
شكراً أخي الأخضر على
ردك ولكن عندي بعض التعديلات
البسيطه بخصوص كلامك.الله يعينك.

تجيك لوحة بعد التفتيش مكتوب عيها منتزة ( سعد ) بكسر السين وتسكين العين والدال ..
العرب لا تبدأ بساكن.ولا يلتقي ساكنان أبداً.فغلط قولتك تسكين العين والدال



وبالنسبة لسعر لتر البنزين في الإمارات كان العام الماضي بـ ( 110 - 120 ) فلس يعني بريال وشوي وقيمة الفلس حول القرش تقريباً ، ولكن قبل حول ستة أشهر صدر قرار عندهم وإرتفع سعر اللتر إلى حوالي ( 150 ) فلس تقريباً . .
هذا غلط .أنت تقول بـ ( 110 - 120 )فلس.وقيمة الفلس حول قيمة القرش.يعني يصير اللتر بـ6 ريال
لإن الريال فيه 20 قرش.ولكن ربما أنك تقصد ان الفلس حول الهلله .لإن الريال فيه 100 هلله


أتمنى تكون وصلت لك المعلومه .وأسف على التدقيق والمتابعه.وشكراً

[بيرق العزة]

ياجماعة الخير اختصار للاخ مثل ماقالو لك ونت جاي من القصيم رح كانك تبي الدمام اي الدائري الشمالي بالرياض وعند تقاطع طريق المطار مع الدائري مخرج(8) اتجة جنوب وعلى طول مع خط الصناعيه الثانيه والثالثه ينتهي الخط مع خط الخرج وتجهه للخرج يجيك كوبري هيت اتجه يسار وتقطع مع خط الخرج القديم اطلع يمين معه الين يجيك لوحه للقاعدهيسار رح معه يسار وعند زاوية القاعده الشرقيه الجنوبيه خذ يمين الين يجيك خط الخرج حرض اطلع يسار وعلى طول عب بنزين وانتبه من الخط بعد ماتتعدى حرض فيه رماااااال متحركه بكميااااات هائله يصير المسار نصفي الين تجيك محطة ساسكو قبل المنفذ فلل بنزين وريح الله يعينك خذ فطيره وعصير من البقاله هناك ابو هنود خابص الاكل ماحوله احد وعلى فكره لا تصرف فلوس الا عند اماكن الصرافه كثيره بدبي الاف ريال بتسع مائه وسبعين درهم يزود وينقص شوي خلك راكد لاحظ الفرق بين المنفذين (والتعامل فرق بين السماء والارض ) والخدمات والتنظيم بعدين نصيحه اسكن في شقق نظيفه ولا عندك فندق ماريوت ولا جورج هي المحافظه شوي بدبي ترجع بالسلامه

[ولد شقرا]

ياخوي اترك عنك طريق حرض وامسك طريق الهفوف-سلوى-البطحاء
تراى عدلوه وافضل من اول سيدين وثلاث مسارات
وبعدين طريقها حي وفي اماكن توقف فيها استراحات محطات مطاعم
وترى الفرق تقريبا 60 كيلو ماتسوى نص ساعه فرق
وبعدين طريق حرض كله غبار وعج بوجه العدو يشخل وجه موترك شخل لافيري ولابرقع ينفع
تحياتي

[دكتور مكشات]

اشكر جميع الاخوة على هذا التوضيح ..



ولكن عندي (مداخلة) بعد اذن صاحب الموضوع طبعاًً



أبي وصف طريق سلوى بالتفصيل من الرياض


بما انه افضل حسب كلام الشباب من طريق حرض

[الأخضر]

أخوي خيال الصبحا

1- جزيت خيراً على التصحيح والتدقيق في عباراتي وكلامك أصح من كلامي ويسعدني أن أجد من الأعضاء من يصحح ويدقق فهذا يرفع من قيمة المنتدى ومستواه وقيمة المواضيع المطروحة فيه .

2- بالنسبة للفلس فعلاً يعادل الهللة وقد ذكرت أنها تعادل القرش ، وأنا أقصد الهللة وأعتقد أن للتعجل وعدم التركيز والسواليف مع الأخوان أثناء الردود .. دور في ذلك .

3- وكذلك بالنسبة لكلمة سعد فالظاهر أنني لم أبدأ بساكن وأنا علقت بعبارة كسر السين
وعموماً نطق كلمة منتزة سعد كما أوردتها أنا ، بالفعل خطأ وكما صححت ، فلا يجتمع ساكنين إلاّ بتحريك أحدهما مع الأسف هكذا تنطق من أغلب الأخوة وهكذا سمعناها وتعودنا على نطقها ، وقد تأكدت من صحة المعلومة لغوياً فتكون بهذه العبارة ( منتزه سعد ) مضاف إليه مجرور .
وحسب موقعها في الجمله وكما فهمت أن أصل الأسم وهو لموقع ينطق ( سعداً ) بضم السين وتسكين العين ...
وهناك مثل مشهور بين كبارالسن ويستشهدون به في كلامهم وأشعارهم وهو ( ياقرب سعد من دليل ) وهما موقعين متجاورين في تلك المنطقة المعنية .
لك أطيب تحياتي وتقديري ...
أخوك الأخضر .

[خيال الصبحا]

أخوي خيال الصبحا

1- جزيت خيراً على التصحيح والتدقيق في عباراتي وكلامك أصح من كلامي ويسعدني أن أجد من الأعضاء من يصحح ويدقق فهذا يرفع من قيمة المنتدى ومستواه وقيمة المواضيع المطروحة فيه .

2- بالنسبة للفلس فعلاً يعادل الهللة وقد ذكرت أنها تعادل القرش ، وأنا أقصد الهللة وأعتقد أن للتعجل وعدم التركيز والسواليف مع الأخوان أثناء الردود .. دور في ذلك .

3- وكذلك بالنسبة لكلمة سعد فالظاهر أنني لم أبدأ بساكن وأنا علقت بعبارة كسر السين
وعموماً نطق كلمة منتزة سعد كما أوردتها أنا ، بالفعل خطأ وكما صححت ، فلا يجتمع ساكنين إلاّ بتحريك أحدهما مع الأسف هكذا تنطق من أغلب الأخوة وهكذا سمعناها وتعودنا على نطقها ، وقد تأكدت من صحة المعلومة لغوياً فتكون بهذه العبارة ( منتزه سعد ) مضاف إليه مجرور .
وحسب موقعها في الجمله وكما فهمت أن أصل الأسم وهو لموقع ينطق ( سعداً ) بضم السين وتسكين العين ...
وهناك مثل مشهور بين كبارالسن ويستشهدون به في كلامهم وأشعارهم وهو ( ياقرب سعد من دليل ) وهما موقعين متجاورين في تلك المنطقة المعنية .
لك أطيب تحياتي وتقديري ...
أخوك الأخضر .
السلام عليكم
هههههههههههه
الظاهر انك هذاك
اليوم ما امرحت ماغير
تقلب بكتب سيبويه.مشكور
يالغالي.وانا تراي ماافهم بالعراب
ابي اخذ عندك درس خصوصي اذا امكن
أمزح معك يالغالي.ومشكور ماقصرت وجزاك الله خير