مشلكة مالها حل في باترول فتك 2003

[ملهم2011]

السلام عليكم ورحمة الله وبركاته

ودي من اخوان اهل الخبرة في كهربا السيارات خاصة الباترول يفيدوني انا المشكلة هذي معي من 4 سنوات وللحين مالقيت لها حل.

في البداية كان عندي مشكله في ساعه البنزين مره يطلع فل مره نص لين مره امشي وهي نص وطفا الموتر علي المهم وديته الورشة قالي عوامه، غيرنا العوامة ولا تحركة الساعه سوا كل شي. بعدها طلع عندي التانكي الاضافي مايشغل ومولعه لمبته في الطبلون SUBTANK واظغط على الزر ولا يحول على الاضافي.
المهم رحت 34234 ورشة اخر كلام صار اني اغير الطبلون وانشاء الله يضبط والمشكله التشليح للأسف يستغلون الناس في رفع الاسعار والوكالة كذلك يعني سعر الطبلون الليرز 4000 ريال.

ودي اعرف وش حل في مشكلتي الان عندي ساعه البنزين دايما فل وكل 400 كيلو اعبي بنزين ماشي على العداد.

ياليت يااخوان تدلوني وش الحل

شكرا

[العفّار]

عليكم السلام ورحمة الله وبركاته

بالنسبة لساعة البنزين المشكلة عندك ليست بالعوامه والدليل انك اذا عبيت بنزين تحرك وصار فل ( المشكلة عندك في ساعة الانبير ) اللي بالطبلون تغير لوحدها وهي سهلة وتفك من الطبلون ولا تغير لاطبلون ولا شي ....


بالنسبة للتانكي الثاني وان اللمبة تولع ثم مايشتغل

افصل البطارية وخلها وقت قصير ثم اشبكها مره ثانيه وبعدها بيكون احد احتمالين :


الاول : بيشتغل وتضبط الامور
الثاني : ماراح يشتغل التانكي الثاني وتبقى المشكلة .


الحل طبعا اذا ماضبط هو : لازم تغير عوامة التانكي الثاني وسعرها مايقارب 400 ريال من غير الفك والتركيب ويوجد حل ارخص بكثير سأطبقه انا بموتري لاني اعاني من نفس مشاكلك الثنتين ....

ان احتجت اي مساعدة اخرى اتشرف بك اخي الكريم وارسل لي رقمك على الخاص وابشر بسعدك ان اردت معرفة نتائج تجربتي بالحل الثاني ....


وفقك الله

[يكفيني نظرة]

فك الطبلون وشيك على قفا الامبير يمكن مدقر به شي وتأكد من تروسه لايصيرن منكسرات وناشبات..

[ملهم2011]

الله يعافيكم يا الاخوان ،، انا فكيت الطبلون بس الكهربائي يقول الباترول مهوب مثل اللاند لازم تغير الطبلون كامل لانه كله مشبوك في بعض.
ماتقصرون وهذا رقمي 0555411481 هذا عندك حلول اخرى وشكرا جزيلا

[vtc 2007]

السلام عليكم اخى الكريم
بالنسبة لمشكلتك سبق وانة عرضها واحد من الاخوان معة نفس المشكلة وهى عدم قراءت عداد البزين القراءة الصحيحة
واعتقد حلها بوجود ورشة فى منطقة القصيم لايحضرنى اسمها
وفى منطقة الرياض اعتقد والله العالم انها ورشة التركى للباترول فى الصناعية القديمة
والشغلة بسيطة ومحتكرة عند هولاء الاشخاص وبسعر اعتقد 500 ريال
ملاحظة موتر انا اشك انة يخرف اول مادق سلف يعطين الموشرالبنزين فول وبعدين يرجع على وزنة الطبيعى للبنزين الى فى التانكى

[5200]

اخوي انا نفس مشكلتك وصلحها لي واحد من الشباب وهذا جواله بعد اذن الاداره عبدالعزيز 0503272878

[ملهم2011]

ماقصرتو يا اخوان

دلني واحد من الاخوان على ورشة بالصناعية امس والحمدالله انتهت المشكله كلها ب 500 ريال.
ماقصرتو. طلعت المشكله في الساعه اعتقد غير السلك وزبط معه.

[vtc 2007]

السلام عليكم اخوى ملهم
بشر عسى الامور تمام وضبط العداد
وش اسم الورشة الى صلحت عندها وشكر

[شراوي99]

أخوي ملهم2011

في أي ورشة صلحت السيارة

كم أخذت وقت تنتظر في الورشة عشان تصلح السيارة / أقصد الكهربائي كم جلست السيارة عنده

معليش عالسؤال بس لأني جاي من خارج الرياض

[ملهم2011]

ياطويل العمر في ورشة التركي لصاحبها " أبو صالح التركي " رجال شرواك ومختصصين واحسن من الوكالة.

الوصف :
تخلي ورشة السالم لزجاج لسيارات الي بالزاوية على يمينك بعدها امش قدام لين يجيك جسر مشاة بعد الجسر بعشره متر بتحصل فتحية على اليمين خش معها بعد 30 متر بتحصل مركز اسمه البلاد خله على يسارك وعده وخش اول فتحه يسار بعد مركز البلاد اذا لفيت يسار بعدها 20 متر بتحصل فتحه يمينك خش معها " شارع ضيق جدا " بعد 60 متر بتحصل مسجد على يسار عده بعده بورشتين او ثلاث بتحصل اللوحة مكتوب عليها باترول ورشة التركي.

وموفق انشاء الله

[ملهم2011]

طبعا كل هذا في الصناعية القديمة

[شراوي99]

الله يجزاك خير

أخوي كم أخذ وقت الكهربائي عشان يصلح السيارة