البارحه والصدر ..

[ابودخن]

السلام عليكم ورحمة الله وبركاته

هذي ابيات لي اتمنى تعجبكم .. ولا تبخلون علي اذا كان في القصيده ملاحظه سواءا كانت ملاحظه في الوزن او المعنى او اي ناحيه من النواحي .. وانا ماجيت الا افيد واستفيد ..


البارحه والصدر تسمع زفيره
ونّيت من خفاقي اللي كأنّه

شعّال نار(ن) يلهبك من سعيره
الله يصبرني على اللي بكنّه

سبّة حبيب(ن) خالف الوقت سيره
وأقفى مع المقفين مابه محنّه

خلّى الوفا والحب واقفى عبيره
وفراقنا سود الليالي احترنّه

حالي مشى عقبه بسكّه خطيره
من شاف حالي قال هذا بحنّه

الله يسامح من تركني لغيره
ويرضى عليه ويسكنه دار جنّه


وسلامتكم

[صابر على]

.








صح لسانك يابو دخن قصيده جزله وهذي المجاراه على الطاير









ياصاحبي طبع الليال الاخيره
ماهيب مثل اللي تظنه واظنه


تفرق العشاق في كل ديره
في كل ديره فيه حنّه وونّه

يجف غصن العشق ويطير طيره
لين المدامع ينتثر وبلهنه

وانا الجريح اللي علومه كثيره
واكثر جروحه ماتجي غير منه


آقاسي الاتعاب واقول خيره
واقدم المعروف من دون منّه


بمواصل احبابي يديني قصيره
ولاّ مع الاجواد ياطووولهنه


يابو دخن ترا الدعاوي يسيره
يجيك بكره من يبشرك عنّه











.

[ابودخن]

الله الله

صح لسانك ياصابر

والله لا يهينك

ومجاراة جزله جعل عمرك طويل

[صابر على]

صح بدنك يابو دخن وترا زودت بيتين على المجاراه

[ابودخن]

ما زدتها الا جزاله وجمال

عافاك الله

[خالد العطااوي]

الله يــشرح صدوركم من كل حييره
ويبعــد عــنا كــل حـــنـه وونــــــــه

اصبر وتصبــر ينـكت لـك خيييــره
من المولاء راعي الخير والمنــه


وهاذي بعد مجاراه لكم هههه بس بشوف رايكم في المجاره .. :$
ملاحظه سواءا كانت ملاحظه في الوزن او المعنى او اي ناحيه من النواحي .. وانا ماجيت الا افيد واستفيد ..
قالها ابو دخن اذا فييييييها شيء قولووووووولي يالربع ..

[يوسف الخليفة1]

وعليكم السلام ورحمة الله وبركاته

حياك الله يا أبا دخن

فضلا لا أمرا أخي العزيز إليك الرابط التالي

http://www.mekshat.com/vb/showthread.php?t=311914 (http://www.mekshat.com/vb/showthread.php?t=311914)

ننتظر مشاركاتك المكشاتية إن شاء الله

تقديري واحترامي

[خالد العطااوي]

اخوي يوسف الخليفه1
الغزليه وش فيها .؟؟ والمرثيه وش فيهااااا لاازم ع مكشاتيه
طيب احنى نبي نستشير بعض في القصيده نببببي مجاراااه
مو قصة لازم مكشاتيه

او حطووووو لنا قسم للمجااراااااااات ولا للغزليه او كل وحده حطو لها قسم احسسسن ..

تحياتي لك..

[ابو زايد1]

صح السانك والله يعطيك العافيه

[س.س.التميمي]

صح لسانك يعطيك العافيه

[نديم المجره]

صح لسانك
ويعطيك العافيه