ياعاذلي في يوم قادتك الاطمــاع .. .. وغرك قبليك يوم جتك الشياطـــين

[عبدالله العواجي]

بسم الله الرحمن الرحيم


السلام عليكم ورحمة الله وبركاته


نلتقي معكم من جديد بقصيده اتمنى


ان تنال استحسانكم ، اقـــول فيــــها :



المرجلـه مــاهــي بالابيات تـنـذاع ..
.. المرجلـه للــي غــزوهــا بحطيــــن
ياعاذلي في يوم قادتك الاطمــاع ..
.. وغرك قبليك يوم جتك الشياطـــين
وأعطيته الهرجه واعطاك الأسماع..
.. وغتبتني في حال جانبتك الليــن
وانكشفت اللعبه وزالــن الاخــداع..
.. وازريت يومنك بهرجك تلاقــيــن
وقت المقابل مع خصيمك ترا ضاع..
.. ووقت الملاقى عند ربـي يخلــيـن
اغفر خطاك واستبيحه ولًــــو ذاع ..
.. لانــك على هرجك لنفسك تـديـن
العواجي مايقدم زود وده لـــرعاع..
..شفقن على الطيبه ولـطـيـب يـعـين


تحيتي / أبو سليمان ..

[خوي الشاص]

صح لسانك
هرج القفاء يالعواجي في مجتمعنا ذاع .....
الادمي يعلق وكلن معه سكين .....
يارب سترك ياعفو ويارحيم ويامطاع ..
نرتجي عونك على الدنيا وعلى الدين ....

[ابو عبد الرحمن]

صح السانك يابوسليمان.
وطول الله ابعمرك يالنشمي.
تسلم على القصيدة الجزله.

[بعييد الهقاوي]

صح لسانك .. يالعواجي ويعطيك العافية .. موضوع جدير بالاهتمام والتنبيه ( الغيبة ) صفة خطيرة ومذمومة وعواقبها وخيمة للفرد والمجتمع وإليك هذين البيتين :

ما كل من حدَر .. رشاته للأَبداع ><><><يلقى قراح ويجني التمر والتين
هرج القفاء ما ظن يِطرب للأَسماع ><><><(دلوٍ يجي به ما ودلوٍ يجي طين )



تحياتي : بعيييييد الهقااااااوي

[عبدالله العواجي]

خوي الشاص ..

صح بـدنـك ، والله يعافيك ويبقيك ، اما بالنسبة للموضــوع فهو كما تفضلت مصيبه من مصائب هذا المجتمع ، ومثلما يوجد السيء يوجد الحسن أيضاً ، شرفني مرورك ..

أبو عبدالرحمن ..

هلا ومرحبا .. علووووومك يالذيب .. صح بدنك والله
لا يحرمنا من هالطله ..

بعييد الهقاوي ..

صح بدنك .. ياهــــلا والله بالغالي والمحبب لـقلـبي ..
الله يسعدك دنيا واخره ..ولا ازيد على كلامك ..
فقد كتبت فأجدت .. وصح لسانك على هالبيتين ..
ولا تحرمنا من جديدك ..
شرفتني بردك واثرائك للموضوع فشكرا لك ..

[ابو زايد1]

صح السانك والله يعطيك العافيه

[عبدالله العواجي]

أبو زيد1 ..
صح بــــــدنك .. والله يعافيك ياطويل العمر ..

[نديم المجره]

صح لسانك لاهنت
الله يسعدك
تحياتي

[حميد الهذلي]

صح لسانك ملايييييييييييييييييييييييييييييين
قصيدة جزلة بيض الله وجهك يا عبدالله