المساعد الشخصي الرقمي

مشاهدة النسخة كاملة : الوشير + الواسعه >> محادق الهيرات في الدمام


ولد بحر
18/06/2006, 01:59 PM
هذه اسماء محادق مشهوره في الدمام اماكن هير قبه غزير مليان شعري وهوامير الواسعه شمال السايلنت حق رحيمه والوشير شرق بربع ساعه على الطراد بس وشيل لا تشيل نص ساعه ان الله وفقك وثلاجتك قايمه وهواميرك بمخباك :d
بورهف
18/06/2006, 05:22 PM
انشالله اذا وصل الطراد زرناها
مشكرو ولد البحر
واذا تعرف منطقه صيد على السيف لاتبخل علينا
بالول
19/06/2006, 02:51 PM
واذا تعرف منطقه صيد على السيف لاتبخل علينا
ليه والله لا تبخل علينا يا خوك
Dr_daase
19/06/2006, 09:50 PM
سمعت عن الوشير كلام كثير و عن الحداق فية لا كن ماني بمحضوض طرادي حفض الطريق إلى الوشير لدرجة انك من اتشغل المكاين و تقول الوشير امسك روحك نصف ساعة او 45 دقيقة وانت في الوشير بس الحض من جنب العارضة إذا تكرمت علينا تبين لنا احسن وقت والتاريخ للذهاب للوشير و معلومات عن المحادق الثانية و ياليت تتكرم علينا بالأحداثيات


ابو احمد

dr_daase@hotmail.com
ولد بحر
20/06/2006, 12:22 AM
سمعت عن الوشير كلام كثير و عن الحداق فية لا كن ماني بمحضوض طرادي حفض الطريق إلى الوشير لدرجة انك من اتشغل المكاين و تقول الوشير امسك روحك نصف ساعة او 45 دقيقة وانت في الوشير بس الحض من جنب العارضة إذا تكرمت علينا تبين لنا احسن وقت والتاريخ للذهاب للوشير و معلومات عن المحادق الثانية و ياليت تتكرم علينا بالأحداثيات


ابو احمد

dr_daase@hotmail.com (dr_daase@hotmail.com)

هلا اخوي
ايام الصيف هذه وقت الحداق بالوشير زين بس انت محتاج تختار المحداق الزينه فيه بويه رقمها (( 4 )) حطها بظهرك واتجه الى الشرق خمس دقايق بس اواقل ان شفتها لون الماي كحلي غزير وقف وسمر بطرادك وانشاءالله تشوف الخير . حبيت تغير مكانك اطلع شمال بنفس المسافه بس تشوف الماي لونه اخضر ومزبد وقف وسمريعني رق شوي فيه خير شعري وهوامير ان حظك قوي وطحت على محدق .
ولد بحر
20/06/2006, 12:25 AM
نسين اقولك انت وقت الحداق من الساعه اربع ونص الى الساعه 7 احسن وقت تدري الشمس حاره والسمك يطلع بالوقت هذا وقت البراد وخصوصا بالسفره يعني المغربيه مع غياب الشمس احسن وقت للتلقيط . ولا انصح الخروج بالصيف الان في الصباح من يوم الخميس والجمعه الشمس قويه وما راح تلاقي سمكه تضرب عليك
ولد بحر
20/06/2006, 12:27 AM
ليه والله لا تبخل علينا يا خوك

هذا مو بخل اخوي بس عجز عن اقولك وين محادق السيف الاحين كلها اختربت وما فيها الا الدفان وزماير تضرب عليك ليل نهار والحين ما حولك الا الكورنيش والعزيزيه وهاف مون طبعا العزيزيه افضل منهم وعندك العجير بس يبيله تعب تدري مسافه وتجهيز
gulfhunter
20/06/2006, 07:46 AM
السلام عليكم ورحمة الله وبركاته

حياك الله أخوي ولد بحر في منتديات مكشات وبالأخص الخيمه البحريه وان شاء الله تلاقي اللي يسرك ويرضيك وتفيد وتستفيد

ماشاء الله اسم على مسمى, موضوع اكثر من رائع

تحياتي لك وللجميع
ولد بحر
20/06/2006, 11:45 AM
مرحبا فيك مشرفنا العزيز ومشكور على الترحيب وان شاءالله نفيد ونستفيد في المنتدى الرائع والمميز
مخاوي ذيب
20/06/2006, 11:50 AM
يمدحوووووووووووووووووووووووووون كورنيش رحيمه واكثر صيادين اهل دمام ودارين والقطيف يصيدووووووووووون ويباروووووووووووون القراقير
Dr_daase
20/06/2006, 02:17 PM
ولد البحر بيض الله وجهك على المعلومات القيمة.

ياليت تتكرم علي بأحداثيات لمواقع حداق


لك جزيل الشكر



ابو احمد
ولد بحر
21/06/2006, 09:59 AM
ولد البحر بيض الله وجهك على المعلومات القيمة.

ياليت تتكرم علي بأحداثيات لمواقع حداق


لك جزيل الشكر



ابو احمد

ومن قال يا ابو احمد ومشكور
يوجد محادق ثريه في الدمام بالاسماك ولكنها في الغالب يحظر الصيد فيها الا بتصريح من الجهات المسئوله مثلا المنطقة المقابله لميناء الدما م من ناحية الشمال منطقة ضحله وبها صخور ومرجانيات تكثر فيها اسماك الهامور بشكل كبير ولكنها منعت في الاونه الاخيرة على ما سمعت ولست متأكد هناك باخرة معطوبه لها سنين طويله في نفس المنطقة تعج بالاسماك مثل السبيطي والشعري وحتى الكنعد واللفاح عندها مفيد طبعا حولها .
المنطقه تسمى ((( النيويه ))) معروفه عند اهل الدمام

شرق النيوه ولمدة ربع ساعه توجد منطقه اسمها ((( عربيد ))) هي النسخه البديله للنيوه في حال اصبحت فعلاُ ممنوعه ومحظور الصيد فيها تكثر فيها اسماك الهامور بشكل كبير ويلزم الحذر لكثرة الصخور المرجانيه .

كما انه يوجد في الجهه الشرقيه للميناء منطقه مليئه ايضا باسماك الهامور ولكن مع الاسف المنطقه محظورة تماماُ الا من لديه تصريح مسبق للصيد فيها .
دفشه_وايد
21/06/2006, 10:36 AM
تسلــــــــــــــــــــــــمــ
Alhzzen
21/06/2006, 10:44 AM
شانكيووووووو

يعني ثانكيو


تسلم ماقصرت

شكرا
gulfhunter
21/06/2006, 12:09 PM
السلام عليكم ورحمة الله وبركاته

حياك الله أخوي ولدبحر

بالنسبه إلى النيوه مسموح الصيد فيها ولا في اي مشكله عندك

تسلم اخوي على الموضع الأكثر من رائع

الله يوفقك ويبارك فيك
ولد بحر
21/06/2006, 12:36 PM
السلام عليكم ورحمة الله وبركاته


حياك الله أخوي ولدبحر

بالنسبه إلى النيوه مسموح الصيد فيها ولا في اي مشكله عندك

تسلم اخوي على الموضع الأكثر من رائع

الله يوفقك ويبارك فيك

هلا اخوي انا سمعت ما ني متأكد ان النيوه صارت ممنوعه ولكن ما في مشكله انا ذكرت منطقة عربيد شرق النيوه بربع ساعه فيها خير نفس النيوه ويمكن احسن اعتقد لانها غير معروفه لاكثر الناس