استفسار عن علاج القرع

[راعي الهلاله]

السلام عليكم ورحمة الله وبركاته
يالربع انا عندي حشوان داب فيها القرع وابي علاج مجرب لاني جربت الزيت ولافادها
الله يجزاكم خيرررررررر.....

[س.س.التميمي]

علي مااعتقد سمعت انه الفليت الريد وانا والله مااعلم لكن اهل البل يفيدونك

[النـادر]

فيه ابر عند البيطري تجيب نتيجة لكن تبطي شوي

والزيت المحروق مع الجاره والملح تجيب نتيجة وانا مجربها

وفيه عند اهل الساحل الغربي (القطران) مجرب ويجيب نتيجه سريعه مع القرع والجرب لكن عيبه حار على الحلال فالصيف

[جبل غرابة]

عليكم السلام ورحمة الله وبركاته ..
أولاً أغسل المكان بالماء جيداً
ثم خذ لك ( خلّ ) أبيض وخففه بشويه ماء وافركه على مكان القرح بالأسفنجه
وكرر العملية إذا لزم الأمر ..
أسبوع واحد وتشوف الشعر نابت من جديد ..
جرب وعلمني أنا في أنتظارك ..
أخوك / جبل غرابة

[جبل حبشي]

فازلين 3مرات وينتهي بأذن الله

[ابو الشبرميات]

اخوي راعي الهلالة

اذا عندك حشو مهوب مصاب اعزله عن المصاب علشان ما ينعدي منه

والقرع اذا عالجت الحوار عنه لازم تنظفه وتدور على القرع كله
لانك اذا ما مشيت عليه كله يرجع لانه مرض جلدي وهي طفيليات موجودة على الجلد
الطريقة المستخدمة هي التالي :
تمسك الحوار
وتسدحه على واحد من جنوبه وتجيب لك فرشة حديد او الليفة المعدن
وتحك المنطقة المصابة لين تنظف بالكامل وانتبه لايطلع الدم
ان طلع الدم انتبه من الجارة يمكن تذبحه
واذا خلصت تجيب لك فازلين او مرهم خاص في الصيدليات البيطرية
وتخلطه مع جارة تركيز 15 % وتدهن به المنطقة المصابة
وبعدين تروح للجهة الثانية ونفس الوضع
وبعدين تشوف المناطق الثانية النحر والرقبة والبطن والذيل واللي حوله
واذا خلصت منه كله
تعطيه ابرة ايفوميك وتكون الجرعة حسب وزن الحوار وهي في العادة ما تتعدى 5 سم
تكرر العملية بعد اسبوع او 10 ايام الحك والمرهم والابرة

وبالنسبة للحوش لازم ترشه بجارة تركيز عالي 70 %
واذا تقدر تغير التربة يكون افضل واحسن

دعواتي لك بالبركة والتوفيق
...

[عواد الشمري2]

شف انا عندي حشو جربت علهن هكا اليوم واحد دهنته بزيت طعام وملح .. وطاب
واحدات دهنتهن بزيت محروق وملح وبنزيل وطاب
واحدات حطيت على نفس المكان كرورركس وطاب وانت لك الخير بعلاجت هذي انا شخصين مجربهن
اما لا تدور علاج لهن عد البيطريه لن مافيه والطب ماوصل للعلاج هسالفه هذي ريح راسك بس كل اعلاجات علاج بدو

[هاوي القنص505]

طريقه مجربه بعد
تايد وجره اغسل الحلال كله
غسيل صح وغير مراحه وتشوف
وطريقة الغسيل تكون بالماطور او بالدينمو اهم شي يكون دفع الماء قوي

[راعي الهلاله]

مشكورين يالربع ويعطيكم العافيه