استفسار بخصوص دبل جمس السوبربان

[حفيد الأشقر]

السلام عليكم ورحمة الله وبركاته


يالربع من فترة شلت عمود الدبل لأني ماأحتاجه هذي الفتره لكن كل شوي أحصل لمبة أزرار الدبل شغالة شوي على الثقيل وشوي خفيف وتطلع لي عبارة خدمة الدبل شغالة

ويوم جربت الأزرار أسمع صوت دقة تحت والدبل شغال ؟ الحين وش فايدة العمود بالسيارة إذا الدبل يشتغل ؟


وش الحل

[عاشق الكابرس]

العمود ينقال الحركه من القير-الدبل الى الكارونه او الدفرنش الامامي والصوت الي تسمعه من دينمو الدبل تشبك وتفصل

[حفيد الأشقر]

طيب إذا شبك يضر السيارة

[YUKON_GMC]

يالغالي اذا خرب حساس الدبل يخرب الدبل نفسه .. ويسبب لخبطه في السياره ,,..

العمود في دبل الامريكي اذا الدبل غير شغال مايدور العمود ومايحتاج تشيله ,, لأن له دينمو فاصل في الدفرنش الامامي يفصل الكارونه ولاتدور الا العكوس فقط

يعني يفصل الدبل والكرونه والعمود .. عكس السيارات الاخرى اللي مافيها فاصل للدفرنس تلاقي العكوس تدور الكرونه والكرونه تدور العمود وبالتالي يفكون العمود لجعل الموتر خفيف

[حفيد الأشقر]

العمود حق الدبل خربان وشلته .. وأبي ألغي الدبل نهائيا وش اسوي ؟ بدون ماتخرب السيارة


افيدوني

[YUKON_GMC]

^^

إذا تبي تلغي الدبل نهائي .. تروح للورش المتخصصه في الدبل بالصناعيه القديمه بالرياض فيه شارع كامل متخصصين في الدبلات والقيور

يفك لك الدبل وينزل التروس والجنزير وكل شيء ولايبقى الا الجرم ويلحم عمود الدبل في ترس عمود القير بالمخرطه وخلاص يصير الموتر عادي

وماتكلف كثير بحدود 350 ريال بس

[دفء الورد]

اخوي السلام عليكم

بقولك شنو فائده العمود وشنو فائده الدبل وشنو فائده الدفرنس الامامي او ما يسمى بالفريول

اولا بما انك شلت العمود انت الغيت وصله الدوران للمحور الامامي ولكن تبقى خيارات الدبل وهي الخفيف والثقيل مرتبطه بالقير فلو اخترت الخيار الخفيف راح تلاحظ ان السياره ثقل عزمها شوي ولو اخترت الثقيل راح تلاحظ ان القير ثقل مره فاذا تقول انك تخاف على القير من شبكه الدبل وتبي تلغي الدبل مره فيه ترس دوران يربط مجموعه الدبل بالقير لابد انك تشيله حتى تلغي الثقل الحاصل في القير وهذا يحتاج انك تفك القير

اما بالنسبه للعمود فالبعض يشيله اذا كان فيه صوت والعض يشيله اذا غير الفريول او الدفرنس الامامي لعدم تطابق عدد لفات المحورين مع بعض مما يسبب عطب للقير اذا كان تماتيك او كسر في مقدمه القير اذا كان عايدي وربما كسر الحذاف وهو خطر جدا

اما بالنسبه للفريول الامامي او الدفرنس في احدى جهاته الايسرى تكون شابكه على طول مع الدبل واليمنى يوجد لها حساس الدبل وهو مغناطيس يقوم بدفع ترس نقل الحركه للكفر الايمن

البعض يلغي هذا الحساس ويشبك الكفر الامامي على طول وانا شخصيا لا انصح به لانه يستلزم عدم السرعه اكثر من 120


هذا والسلام عليكم اخوكم ابو نواف متخصص في الميكانيكا والكهرباء لجميع المعدات والسيارات

اي استفسار راسلني وابشر بالنصيحه