باااترول 96 ٪ حرارة + خسااارة

[وبل نجد]

االسلام عليكم ورحمة الله
اخواني عندي موتري الباترول 96 فيه مشكله بالحراره ،. طبعا انتم عارفين ان الباترول الموديل القديم حرارته بين الخط الاول والخط الثاني هذا الطبيعي ، لكن موتري منهبل مدري وش فيه ؟؟؟؟ حرارته وانا واقف من غير مكيف توصل الربع واذا مشيت الى 120/140 توصل الثلث وكل مازادت السرعه زادت الحراره....
الاشياء اللي صلحتها :
*غطاء اديتر وكاله جديد
*اديتر صيخته ولا فيه فايده ((الاديتر نحاس))
*المروحه تمااام
*التماتيك حق المروحه شغاال وتمام
*الخراطيش جديده وكاله
*البلف يفتح ويقفل تمام ،،، وفكيت البلف وجربت الموتر بدون بلف ونفس الحكايه ترفتع الحراره
*للعلم السياره لم تتعرض من قبل لحراه عاليه تعدت النص ولله الحمد
*الطرمبه تشتغل والدليل اذا فتحت الغطاء حق الاديتر ادعس ع المكينه تسحب المويه والمويه تدور معناه انها تمام ،،،وكذلك لايوجد بها تهريب ابدا
*الطبات سليمه ولافيها اي تهريب
*سير المروحه شديته اكثر ولكن من غير فايده
*حساس الحراه سليم ولابه اي مشاكل: والدليل اني اذا رجعت من االمشوار افتح الكبوت يطلع منه هواء حاااااااار مااقدر اقرب وجهي
*الهوايه((غطاء المروحه)))سليم ومركبه جديد

طبعا الموتر ماكانت حرارته كذا ابدا خلال الايام الماضيه كانت بين الخط الاول والخط الثاني بمعنى انها اقل من الربع
وللعلم احد الخراطيشً اللي تحت كان ينصفط قبل لا اصيخ الرديتر وبعد التصييخ لم ينصفط وطريقة الفحص : بعد اي مشوار ادعس للموتر حتى يوصل الظغط 3 والاحظ الخرطوش
*الخراطيش متحجره نوعا ما موب مرره يعني بالامكان الظغط عليها
*تم تفريغ الهواء اللي داخل الرديتر ولكن بدون فايده

الموتر خسرني 300 ريال ولكن من غير فااااائده

الرجاء من الاخوة اللي مرت عليه نفس المشكله او احد عنده علم ان يفرج عني فرج الله كربكم يوم القيامه ؛؛فانا ع سفر مع عيالي ولاودي اتوهق بالطريق

[adil33]

خلنا نجرب اولا تعبئة الرديتر لازم تعبيه والسياره ماهي على شغاله وتتركه فتره ثم ترجع تبيعه مره الين ما عاد يقبل تعبئه وبعدين تشغل السياره وتكمل التعبئة بهذه الطريقه نسحب الهواء كامل
اذا ما نفعت الطريقه في تنزيل الحرارة الله يعينك اكشف على الديلكو وتاكد منه زين ومن وزنيته
اذا الي قلته ما نفع الله يعينك اكشف على الراس احتمال يكون فيه شيء بالوجه حقه
ولا تنسى زيت الماكينة تاكد منه زين

[ابوغزاي]

شيك على راس المكينه والله يسهل امرك

[وجعين]

السيارة تنقص ماء ولا لا . ترى انبير الباترول لاعاب ما يعطيك الحرارة المضبوطه, ها الوقت الحرارة توصل 50 درجه لاحد يستغرب ارتفاع انبير الحراره يعني انتم تبون حراره السياره بعز الضهر زي حرارته بليل, هل سيارتك حرارته بليل زي الضهر ولا اقل كانه كانه اقل بواجد موترك طبيعي كانه اقل بشي بسيط سيارك فيها مشكله وكثر شي الاديتر

[عاشق الشعبيات]

نصيحتي لك غير الأديتر إلى ألمونيوم وبإذن الله تنتهي مشكلتك لأن الباترول ما يصلح له أديتر نحاس

لأن النحاس من مواصفاته إنه سريع الحراره وسريع البروده

[وبل نجد]

خلنا نجرب اولا تعبئة الرديتر لازم تعبيه والسياره ماهي على شغاله وتتركه فتره ثم ترجع تبيعه مره الين ما عاد يقبل تعبئه وبعدين تشغل السياره وتكمل التعبئة بهذه الطريقه نسحب الهواء كامل
اذا ما نفعت الطريقه في تنزيل الحرارة الله يعينك اكشف على الديلكو وتاكد منه زين ومن وزنيته
اذا الي قلته ما نفع الله يعينك اكشف على الراس احتمال يكون فيه شيء بالوجه حقه
ولا تنسى زيت الماكينة تاكد منه زين

حياااك الله اخوي
الاديتر عبيته مويه خضراء ميتسوبيشي 2 حبه

الديلكو وزنيته من 10 سنين ماحركتها وابموتر صاافي وبدون اي تفته وتقطيع

الراااس الله لايقوله

وبالنسبه للزيت اصفر ولزج مامشيت عليه الا 3000

وشاااكر مرورك

[وبل نجد]

شيك على راس المكينه والله يسهل امرك

حيااك الله ابوغزاي
الموتر ماتعرض لحراره ابدا ابدا ابدا ؛لذلك استبعد ان يكون من الراس

[وبل نجد]

السيارة تنقص ماء ولا لا . ترى انبير الباترول لاعاب ما يعطيك الحرارة المضبوطه, ها الوقت الحرارة توصل 50 درجه لاحد يستغرب ارتفاع انبير الحراره يعني انتم تبون حراره السياره بعز الضهر زي حرارته بليل, هل سيارتك حرارته بليل زي الضهر ولا اقل كانه كانه اقل بواجد موترك طبيعي كانه اقل بشي بسيط سيارك فيها مشكله وكثر شي الاديتر

اهلا اخوي وجعين حييااك
الموتر ماينقص ابدا ماء
وبالنسبه للامبير :انا فكيت الحساس اللي جنب الكوع ونظفته
والحراره نفسها بالليل وبالنهار
الله يكفينا وياكم ناار جهنم×

[وبل نجد]

نصيحتي لك غير الأديتر إلى ألمونيوم وبإذن الله تنتهي مشكلتك لأن الباترول ما يصلح له أديتر نحاس

لأن النحاس من مواصفاته إنه سريع الحراره وسريع البروده

مرحبتين اخوي عاشق الشعبيات
انا ماعندي اي مشكله اني اركب المنيوم لكن ااالاديتر النحاس ماكان يشتكي منه الموتر من الحراره ابدا

ماودي اخسر زياده اكثر من كذا ودي اطيح ع المشكله من غير خساره ابدا

اتعبني الموتر ي جماعه موقفه ع الحفره عندي من فتره:(:(

[hamido]

اديترك ماهب مضبوط ركب المنيوم اردني وغسل المكينه

[وبل نجد]

اديترك ماهب مضبوط ركب المنيوم اردني وغسل المكينه

حياك الله ي الغالي
راح اغسل المكينه بعد شوي ان شاء الله ؛؛ لاني اتوقع يكون الراس او السردنل فيه وصخ ويكون متسدد

لكن بكم سعر الاديتر الااردني ؟؟؟
وششااااكر للجميع ×

[ابو ناصر2020]

ركب مروحه اضافيه خلف الشبك تفتح مع المكيف تبريد يكون افضل
انا مركب مروحه اضافيه والحمد للة الحراره مع السرعه ثلث

[سيف العلا]

ركب رديتر اردني وريح راسسسسسسسسسسسسسسسسك اسل مجرب وزيد بعد من الشعر بيت طعس بعز القايله ثابته على ربع اذا تبيه تظبط ركب مروحة سوبارو مع الاديتر صدقني راح تدعيلي

[فتى الوادي]

خسرك 300 ريال !!! والله تخسررررت كثيررررر !!!


غير الأديتر وما جاك عندي .

[قناص خلاوي]

الله يعينك
اهم شي اذا غيرت او سيخت الاديتر لا تعبيه ماء اديتر 2 متسوبيشي مثل شغلك اول
حط 1 متسوبيشي والباقي ماء مقطر علشان مايكون الماء ثقيل ويتحرك بسرعة مع الطرمبة
موفق خير

[سلمان القريني]

اخوي السلام عليكم انت تقول السيارة ما جا ها حرارة والموية ما تنقص على كذا الراس سليم ان شاء الله
نصيحة غير التماتيك حق المروحة وغير الاديتر وان شاء الله تروح الحرارة

[قناص طيبه]

السلام عليكم.......أنا موتري حول موترك وحاس هالايام ترتفع الحرارة والسبب والله أعلم هي(إن هالايام نمر بحراره غير طبيعيه أتوقع إننا ما مرينا بها السنين الفائته).


هذا توقعي والله أعلم.

[ابوسدس]

اذا موترك بخاخ عادي بصيف يرتفع كنت اعاني نفس مشكلتك ترتفع بعض الاحيان الى النص وركبت مراوح مكسيما راحت مشكلة الحرارة الحمد الله وغيرت الرديتر وكالة وفرق لان اللي قبل تقل اصغر والله واعلم وبالتوفيق

[وبل نجد]

ركب مروحه اضافيه خلف الشبك تفتح مع المكيف تبريد يكون افضل
انا مركب مروحه اضافيه والحمد للة الحراره مع السرعه ثلث

هلا اخوي ابونااصر مساك الله بالخير
المروحه الاضافيه حقت للمكيف راح اركبها عن قريب لكن قبل لازم اعالج المشكله قبل

[وبل نجد]

ركب رديتر اردني وريح راسسسسسسسسسسسسسسسسك اسل مجرب وزيد بعد من الشعر بيت طعس بعز القايله ثابته على ربع اذا تبيه تظبط ركب مروحة سوبارو مع الاديتر صدقني راح تدعيلي

مرحبا باهل العلا الاديتر راح اشتريه بكره ان شاء الله اذا فتحت الصناعيه
والمراوح السوبارو مايحتاااج معروفه ومجربه
الله يوفقك وييسر امرك

[وبل نجد]

خسرك 300 ريال !!! والله تخسررررت كثيررررر !!!


غير الأديتر وما جاك عندي .

هلا براعي الوادي
الاديتر. انا متوقع انه منه ان شاء الله بكره راح اركبه

مشكوووووووررررر يالغالي

[وبل نجد]

الله يعينك
اهم شي اذا غيرت او سيخت الاديتر لا تعبيه ماء اديتر 2 متسوبيشي مثل شغلك اول
حط 1 متسوبيشي والباقي ماء مقطر علشان مايكون الماء ثقيل ويتحرك بسرعة مع الطرمبة
موفق خير


حيااااك يالقناص حاليا شاري له مويه مستوبيشي 1 والماء المقطررر 3 حباات
وهذي الملاحظه حاطها بالبال ان شاء الله

والله يوفق الجمييييع

[وبل نجد]

اخوي السلام عليكم انت تقول السيارة ما جا ها حرارة والموية ما تنقص على كذا الراس سليم ان شاء الله
نصيحة غير التماتيك حق المروحة وغير الاديتر وان شاء الله تروح الحرارة

حيياك اخ سلماان التماتيك سلييم مافيه الا العافي والمروحه تسحب الهواء زي الفل

والاديتر بكره ان شاء راح اركبه

ومشكوووووررررر اخوووي

[وبل نجد]

السلام عليكم.......أنا موتري حول موترك وحاس هالايام ترتفع الحرارة والسبب والله أعلم هي(إن هالايام نمر بحراره غير طبيعيه أتوقع إننا ما مرينا بها السنين الفائته).


هذا توقعي والله أعلم.

وعليكم السلام اذا كان موترك زي حالة موتري ففيه بلاء لكن الله يصبر هالمواتر علينا من جهه ومن هالاجواء جهة ثاانيه

تابع موضوعي الين احصل المشكله ان شاء الله


والله يوفقك وييسر امرك والجميعع

[الباسلي]

بالعربي الله يعينك غيـــر غطاء الراديتر الاصلي
وان شاء الله تنحل المشكله

[وبل نجد]

اذا موترك بخاخ عادي بصيف يرتفع كنت اعاني نفس مشكلتك ترتفع بعض الاحيان الى النص وركبت مراوح مكسيما راحت مشكلة الحرارة الحمد الله وغيرت الرديتر وكالة وفرق لان اللي قبل تقل اصغر والله واعلم وبالتوفيق

اخوي موتري كلبليتر لكن حرارة البخااخ نفس الكبليتر والمراوح اذا ركبتها والموتر يشتكي من الحراره فغلط في غلط لانها حل موقت فقط لاغير المراوح لاتركبها الا اذا صلحت حرارة موترك اولا ثم تركب المراوح ثانيااا

وبالنسبه للاديتر وش اللي كنت مركبه اول هل هو صيني ولا اردني ؟؟
وبكم سعر اديتر الوكاله ؟؟؟؟؟


وشاااكر لك الله يبيض وجهك ياغالي

[وبل نجد]

بالعربي الله يعينك غيـــر غطاء الراديتر الاصلي
وان شاء الله تنحل المشكله

هلاا بالباسلي الله يعين الجميع ياارب ويعيننا على هالمواتر

الغطاء مركبه اصلي وكااله

[وبل نجد]

يالغااالين :
ركبت الخرطوش اللي تحت اصلي اليوم العصر
وغسلت السرندل كذلك اليوم العصر

ونزلت الحراره شي بسييييط

وبعد ماجربت الموتر وقفته ع الحفره ودعست بنزيين الين وصل دوران المكينه ٣.٥ واشوف الخرطوش اللي تحت انصفط شي بسيط
والظاهر ان البلااء من الاديتر مايدخل ماء للمكينه

فالوعد بكره ان شاء الله باشتري اديتر المنيوم وراح اعلمكم بالنتايج ان شاء الله


ومشكككوووورررييين

[ابو فهد...]

انصحك بالاردني المونيم زي الفل

[sgl2002]

اهم شي عب موية جركل واحد والباقي مقطر

لاتحطه كله اصلي ثم ترتفع الحرارة

والرديتر خذ الاردني اطيب لك المنيوم من النحاس

[وبل نجد]

السلام عليكم مساء الخيرااااات جميعاا

ابشركم ي شباب ركبت اديتر المنيوم اردني بـ ٢٦٠ اليوم ورجعت الحراره طبيعيه ولله الحمد

الشكر موصول للاخوان اللي ردوا علي وحلو مشكلتي الله يوفقهم ويرزقهم من خير الدنيا والاخره

[][ســهم][]

الحمد لله اجل المشكلة من الاديتر
الاردني ممتاز وترا معدن الالمنيوم ابرد من النحاس
واشوف سعرة ممتاز انا شريته بـ 350 ريال
متأكد انه اردني لايكون صيني الي معك

[وبل نجد]

[ســهم][;8464655']الحمد لله اجل المشكلة من الاديتر
الاردني ممتاز وترا معدن الالمنيوم ابرد من النحاس
واشوف سعرة ممتاز انا شريته بـ 350 ريال
متأكد انه اردني لايكون صيني الي معك

هلا اخوي السهم
انا شريته ب 260 ومتاكد انه ارردني 100٪100 في كل جهه من الرديتر لاصقين عليه او بالختم انه من الاردن
شاريه من الصناعيه القديمه امس
والصيني حول سعره تحصله ب 250 او اقل او اكثر
ش

[وجعين]

الحمد لله الي لقيت العله (السياره لاصارت كل ما تزيد السرعه تزيد الحراره غلبا يكون السبب الاديتر )ونصح الشباب الي سيارته مهب من الموديلات الجديده لا يصيخ الاديتر ويخسر لان له عمر افتراضي والي يصيخون انا واقف عليهم ما ينضفونه صح يدخل ها الصيخ الي معه مره اومرتين ويرش عليه ماء ويطبقه, ما مثل الجديد؟

[جمس_454_97]

اخوي الغالي انت عندك مشكلتين
الاولى كلتش المروحه والدليل انك لمن توقف ترتفع
بتقولي فحصته وجربته
بقولك انا كان عندي نفس مشكلتك وفحصت الكلتش ولكن تبين انه اذا تلفه بالبدايه ثقيل لكن اذا لفيته اكثر من لفه يخف يصير ريشه وعلى فكره كثير يسبون كلتش المروحه حق النيسان يبدلونه بكلتش ثاني ماعرفه
اما بالنسبه للحراره وانت تمشي هذي مشكله ثانيه ممكن تكون من الراس فيه شعر او وجه راس انصحك
تفتح غطاء الريديتر وتحط يدك عليه والسياره بارده لمدة خمس دقائق وتقفل عليه بيدك بأحكام ووبعدها تفك يدك اذا طلع هواء يعني فيه تنسيم
بعدين سؤالي لك هل تنقص ماء الريديتر ؟

[أحمد محمد1429]

السلام عليكم مساء الخيرااااات جميعاا

ابشركم ي شباب ركبت اديتر المنيوم اردني بـ ٢٦٠ اليوم ورجعت الحراره طبيعيه ولله الحمد

الشكر موصول للاخوان اللي ردوا علي وحلو مشكلتي الله يوفقهم ويرزقهم من خير الدنيا والاخره
************************************************** ****
************************************************** ********
************************************************** ***
اخوي الغالي انت عندك مشكلتين
الاولى كلتش المروحه والدليل انك لمن توقف ترتفع
بتقولي فحصته وجربته
بقولك انا كان عندي نفس مشكلتك وفحصت الكلتش ولكن تبين انه اذا تلفه بالبدايه ثقيل لكن اذا لفيته اكثر من لفه يخف يصير ريشه وعلى فكره كثير يسبون كلتش المروحه حق النيسان يبدلونه بكلتش ثاني ماعرفه
اما بالنسبه للحراره وانت تمشي هذي مشكله ثانيه ممكن تكون من الراس فيه شعر او وجه راس انصحك
تفتح غطاء الريديتر وتحط يدك عليه والسياره بارده لمدة خمس دقائق وتقفل عليه بيدك بأحكام ووبعدها تفك يدك اذا طلع هواء يعني فيه تنسيم
بعدين سؤالي لك هل تنقص ماء الريديتر ؟